سمعتي بقروب زيت كيشور؟؟ ما سمعتي ..دشي وتعرفين السالفه

[أم غازي_الكويت]

بنت النوخذه

بعد شظيف ما شاءالله الموضوع جميل جدا ومكتمل مثل البدر ههههههه


وربي احرجتوني بتعوانكم الله لا يحرمني منكم يارب

انامن عندي اقول الموضوع اوكي بس ناطرين مسسسس الحلوه

 

[أم غازي_الكويت]

رد: رد : رد: سمعتي بقروب زيت كيشور؟؟ ما سمعتي ..دشي وتعرفين السالفه

ليدي

ذكرتيني بوحده يااااارب انك تهديها

تخيلو الصالونه ساعه على راسها والله مابالغ يمكن اكثر من ساعه وهي تقصص الشيب بشعرها

والمره شكلها مسكينه ماتدري وين الله قاطها هي بروحها شعرها خفيييييف ومنتف ليش ياربي والله كسرت خاطري

عجزانه تصبغ شعرها يعني

ليدي حراااااااااام عليج الي تسوينه الله يهديج بس

 

[أم غازي_الكويت]

رد: رد : رد: سمعتي بقروب زيت كيشور؟؟ ما سمعتي ..دشي وتعرفين السالفه

ليدي بجد



جربي الشاي مع الملح واذا ما تعرفين الطريقه انا اعلمج راح تخفي لج الشيب من تجربه

 

[بنت النوخذا]

ام غازي
افضل بعد ننطر مسسس
يمكن بعد عندها شئ
و دونت يمكن تبي تظيف شئ
لا تستعيلون

افا عليج كلنا ترا خوات

و ربعن تعاوووونو ما ذلو
ورب العالمين حثنا علي المحبه و التعاون و التشاور

وكلنا خاوتج يا الطيبه


كيشوره قولي لنا شنو سالفه الشاي و الملح

علللللللللي ايدج

 

[زين الوصايا]

رد : سمعتي بقروب زيت كيشور؟؟ ما سمعتي ..دشي وتعرفين السالفه

http://www.q8yat.com/showthread.php?t=148498

اللي مدحوا وانشالله اشتريه واكتب النتايج ومراح اقصر معاكم وشعري حلو من فوق من تحت عصعص الفار لوووول لان متقصف وشعري الخصله من تحت متزوجه اكثر من شعره يعني متقصف شعرتين او ثلاث لازقين ببعض لوول

 

[بنت النوخذا]

يحليل كيشور

عنده جولات و صولات من 2008

بس استغرب من مشاركاتهم حرام ينامون فيه
و يحطونه مركز بعد

ما ادري ليش الناس
كله مستعيله من غير ما يقرون النشرات و التعليمات

حرام حتي مو عارفين مكوناته



http://www.q8yat.com/showthread.php?t=131878

 

[Miss sensitive]

لاااااااا نووو خذه نوووووو
انااا لو ابي جان ضفتها بمشاركتتج الوضع سهل مثل ما سويت من قبل
بس اقتباس مع اقتباس ما طلعلي

لا لا بليييز ما اقدر
تعالي عفسي وضيفي الصور
مركز تحميل وحركات وبركات
والصور من النت مافيلتهم عندي
موجوزين بكمبيوتر الدوام

لا بس خلاص متبي احط شي خلاص
علا قبل

وتكتبها ام غازي بعدين
سوري

 

[Miss sensitive]

لحظه بجرب شغله ان شا الله تضبط
بس اشبك من الاب توب

 

[Miss sensitive]

السلام عليكم ورحمة الله وبركاته ​

بنات العنوان واضح،، اي وحده عندها استعداد او قاعده تستعمل هالزيت تدش داخل هالموضوع وتكتب تجربتها والي حابه تجرب هالزيت تتفضل ابي هالصفحه حق القروب وبس ​

شنو الهدف ؟؟؟​

الهدف الله يسلمكم انا وحده اشتري من الخلطات واكود ولا استمر والنتيجه خرطي ما كو شي عشان جذي قلت ما في غير انج يا ام غازي تحطين موضوع وتجمعين جم بنيه معاج جود تستمرين تشجعيين غيرج وبنفس الوقت تتشجعين ..​

حبيباتي قروب كيشور ​

اتمنى ما تخذلوني ​

وربي ابي لكم الفايده مثل ما ابيها حق نفسي​

انا اليوم وتحديدا في هذي الساعه حاطته على شعري وبخلي ساعتين وبغسله ،، بنات ابي نحدد ايام نحط فيها الزيت وكل ما حطت وحده الزيت تدش الموضوع وتذكر خواتها ،، وان شاء الله جم شهر ويتحقق الحلم بس انتو اسمعو كلامي وماراح تندمون ان شاءالله
بالبدايه بعرفكم علي تركيبة الزيت :​

تركيبة زيت كيشور
التركيبه هي كالاتـــي
72% زيت دوار الشمس
23% زيت خـروع
2% زيت شمع الصوف
1% مستخلص صــويا
1% زيت عشب الليمون
1% زيت الروز مري ( اكليل الجبل )
لون احمر مصرح به​

يعني الاساس هو زيت دوار الشمس​

وهذا السايت حق كيشور
http://kesavardhini.com/​

و طريقة الاستخدام ​

كما ذكرتها النشره و بعده ترجمتها انه سيضمن لك الوصول الي اعماق فروة الراس وليس فقط علي سطح الشعر انتظر علي الاقـــل
10 دقائق حتي ينكمش شعرك و يصل الي اعماق فروة الراس افعل هذا كل يوم وستتحسن
الدورة الدموية الموجودة عندك في جذور الراس​

الترجمه
لانه يقصد فيها تدليـــــــك فروة الراس علي الاقل 10 دقايق
يعني مدة التدليك 10 دقائق
علشان جذي اقول لكم
سخنو الزيت اللي تبون تستعملونه
و بيعطي نتائج افضل من البارد
لانه التدليك بحد ذات يسخن فروة الشعر ​

و مقادير الوصفه
كما ذكرتها النشره هي
مكتوب بالوصفه حطي عليه ١٠٠ مل جوز الهند او زيت زيتون والا خردل​

وبجذي بتكون التركيبه المعتمده​

باذن الله​

علبه كيشور دهني
٥٠ مل جوز الهند العلبه الحديد الخضره cbc
و٥٠ مل خردل ace ان وجد (وسعره 245 فلس فقط بالجمعيه برف الزيوت المخصصه للاكل)​

:eh_s(15)::eh_s(15)::ggdw::ggdw:​

كيشور دهني​

زيت جوز الهند​

​

زيت خردل ​

والطريقة اهي:​

خلط الزيت وتدفئته وليس تسخينه
وضعه على جذور الشعر مع مسااج خفيف لمده 10 دقائق على الاقل
تركه على الشعر لمده تتراوح بين النص ساعه وساعه ولااا تزيد عن ذلك مع مراعات عدم تغطيه الشعر بغطاء محكم ويفضل تهويته
بالاخير غسله بشامبو عشبي وارشحلكم منتجات سلفكرين البيض للشعر التالف او الصبار للشعر الجاف والحنا للعادي
وبعده حمام زيت فاتيكا المقوي وليس الخاص بالتنعيم وفرد الشعر لان الثاني كثير من البنات ما مدحوه
او فاشكول وهذا حسب تجارب البنات​

مع مراعاه استخدام الزيت 3 مرات بالاسبوع على الاقل لتحصلي على افضل نتيجه ​

اتمنى وضحت الفكره ..واتمنى للمره الثانيه انكم ما تخذلوني ..​

نبي شعورنا تصير ​

قوية ​

وناعمه​

وبتلمع ​

بانتظار القروب ..​

 

[Miss sensitive]

يا الله الحمد لله اضبطت

وخلاص بعد نوخذه ماكو شي بنضيفه

باقي ام غازي

سوي اقتباس كامل للمشاركه ودزيها حق وحده من المشرفات تبدلها باول مشاركه لج بالموضوع
وبجذي ان شا الله ولا وحده من البنات تسال
مكونات
طريقه
مده

وخلاص

وموفقين وابي نتايج معاي
ماكو الا دونات وردت قرعت

 

[بنت النوخذا]

وموفقين وابي نتايج معاي
ماكو الا دونات وردت قرعت

يمااااااااااااااااا بطني

و الله صار لي ساعه بكتب مو قادره من الضحك
:d:d

و الله ياحلوها هالدونت تهبل

انا اقول سببب ردت قرعت من حنت خالتها
الحنه شيييييينه خنت حيلي عليها


امبيه مسسس والله مو قادره :d:d

 

[بنت النوخذا]

و الله العظيم

بصراحه مممممسسسسس

اولا مشكوره لمجهودج الطيب

ثانيا و الله اليوم تاكــــدت انه شعري طال :ggdw::ggdw:
و صار ناعم اكثر
بس من تحت اطراف الشعر لا يصير مثل ملوت شويه

لكن مسسسسس
ما صار عندي كثافه :eh_s(2):



مسسسس

حرام قريت الروابط يستعملونه مركز :eh_s(10):

 

[Miss sensitive]

لووووووووووول

الكثافه بقبال لا تحاتين

توج مع كيشور
انا لي الحين 3 شهور ماشاالله

اما دوناتو خنت حيلي الله يروقها ان شا الله
باذن الله ما يخيب تعبها وتعبنا

واقولج دونات

الحنه
جربي الحنه وهدي الصبغ

عطي روحج فرصه سنه وبعدها اذا ماصار شي حكمي على هالسوالف
ومثل ماقالت نوخذه
بلا خلطات بلا خبصات
شي بسيط وسهل تستمرين فيه
احسن من مليون خبصه تمللج وماتستمرين فيها غير هذا بتضرج

وهالكلام لنا كلنا

 

[بنت النوخذا]

وينج

 

[بنت النوخذا]

مسسسس

انا بديت معاكم ما اول السنه
يعني الحين بنكمل ال 3 شهور
لكن مرتين بالاسبةع استخدمه بس

 

[بنت النوخذا]

ام غازي شريته
مكتوب بالوصفه حطي عليه ١٠٠ ملي جوز الهند او زيت زيتون والا خردل
عاد انا بحط ٥٠ مل جوز الهند العلبه الحديد الخضره و٥٠ مل خردل
وعلى فكره
الخردل يطول الشعر ويكثفه وينعمه ويقويه هالكلام مكتوب بوصفه تيي مع الزيت اللي من معاصر الاحلام
بس انا شريت زيت الخردل من رف الزيوت بالجمعيه
انتاج الهند وب٢٤٥ فلس بس ماركته ace

ومن اليوم ببدي

امممممممم

كيشورتي يتني فكره

اشرايج ما احط نارجيل احط خردل

و اجربه شهر مممكن ؟؟

:bbbiu:

 

[Miss sensitive]

اهاااا

بس انت وقفتي فتره وقت السفر
غير انج كسلانه
وماتحبين الا ماسكات بودقيقتين لوووول كرستاس وربعه مافيهم تعب
عاد شقولج بعد ياوخيتي يااالزييينه

ان شا الله تشوفين اللي يسرج بس استمري

 

[Miss sensitive]

مممممممم اتوقع
جربي الخردل
ترا واايد يرطب الشعر وبحثي عنه وشوفي فوايده
بالنسبه لي الخلطه حلوه مع شعري وانا قلتلج زايدتهم ترشوب
100 خردل
100جوز الهند
2 كيشور
ترشوب

وطبعاا الترشوب ظفته بالفتره الاخيره
يعني لا تقوليلي عوار راسج منه اوكي

 

[Miss sensitive]

الا بسئلج نوخذه
انت ليش كلا تحوسين بالمشاركات القديمه ؟؟؟

 

[بنت النوخذا]

الا بسئلج نوخذه
انت ليش كلا تحوسين بالمشاركات القديمه ؟؟؟

احب الذكريات و الله

و اتذكر انا شنو كتبت و يمكن لانه طبيعة شغلي
محاسبه ههههههههههههههههههه