استغفر الله ع<<يالي يسألوني الله شيعي او سني

[فوفو22]

استغفر الله <<عيالي يسألوني الله شيعي او سني

بالضبط هذا ما وصلنا له

ولدي عمره 6 سنوات ...باولى ابتدائي

عمرنا ما تكلمنا جدامه عن الطوائف او القبلية ....

دايما اوصّل لهم معلومه بأننا مسلمين ولازم نصلي ...

*************************8

جاني من المدرسة ويناديني بصوت عالي ووجهه كله شموخ

ويقول

انا تحديت (نادر مصطفي) وقلت له الله سني!!!!
و(نادر)مصطفي )قال لا الله شيعي !!!

استغفر الله

*************************************

فقلت له كلنا مسلمين انت وهو (نادر )

ولكن الله لا يحب السنه ولا الشيعه

يحب المسلم اللي يصلي ويصوم ويزكي ويحج ويعامل كل الناس مثل ما علمنا رسونا الكريم

********************************

ولكن بيني وبين نفسي .............اقول وين وصلنا ؟؟؟

اللي بو 6 سنوات يتحجى بالطوائف ....شنو نقول عن الكبار

*******************************

نصيحه لاخواتي السنه والشيعه

واجب علينا ننمي روح الوطنية بعيالنا ولا ندعهم يتكلمون عن السنه والشيعه

وجدامهم نشدد على حب الدين الاسلامي واداء الفرائض والابتعاد عن القيل والقال

**********************************

رغم اني سنيه ولكن لدي صديقات شيعه ينحطون على الجرح يبرى
والاوضاع الحاليه تجرحهم وتضايقهم
******
ربي يحفظ الكويت واهلها من كل مكروه

واللهم اربّط ألسن ....مثيري الفتن بين المسلمين


فوفو

 

[Ms. luxury]

صح كلامج كلنا نندرج تحت مسمى الإسلام ..صحيح هناك مخالفات أو مادري شنو يطلق عليها بس بما ان هم ونحن مسلمين يجب علينا الدعاء لنا ولهم بالهداية ..مثل ماندعي لأي شخص عاصي ..وهذا اللي سمعته من كذا شيخ دين سني وسلفي..
جان زين كره بعض السنة للشيعة يتحول الى كره الغرب وستايلهم واليهود وافعالهم بالفلسطينيين ..
ويزاج الله خير عالموضوع

 

[الرشوف]

الله يهدي اهله نادر مصطفى


استغفر الله ياربي


طول عمرنا بالمدارس و برا المدارس

ما فرقنا بين شيعه و سنة


الله يجازي الي جاب هالفتن هاذي

 

[أم عبود 2011]

بعد وبعد يامالنا بنشوف العجب العجاب
يا حلو طفولتنا والله والله والله معاي رفيجة عمري من المتوسط لي الثانوي ما دريت إنها بدون إلا وقت دخول الجامعة قلت لها فلانة ليش ما سجلتي بالجامعة مع إن نسبتج عالية قالت لأني بدون هني انصدمت طووووووووووووووول هالسنين ما عرفت عنها هالمعلومة والله العظييييييييييييم ريل بنت خالتي شيعي ويا حلوه وحلو أخلاقه ما عرفت إنه شيعي إلا توني من قبل سنتين تقريبا وآنا مره عودة عمري فوق الثلاثين!!!!!!!!!!!!!!!!!!!!!
يارتنا من سنة 1988 أثاريها من بدون وشيعة البحرين توني الأسبوع اللي فات عرفت هالشي لما يارتنا قامت تسب وتلعن فيها لييييييييييييييييييييييييييش وصلنا هالمرحلة لييييييييييييييييييييييييييييييييييييييش

 

[قـہۈه فـرنسيـہ™]

اي والله استغفر الله ...حتى الجهال ...شي مؤسف !!


هنيه يجي دوور الآهل ...
صحيح انه كل واحد على مذهبه ...بس مو معناته اني أزرع الكره في قلوب عيالي للمذهب الثاني ...

 

[ســتارز]

ولكن الله لا يحب السنه ولا الشيعه

اكيد ؟

 

[فوفو22]

ولكن الله لا يحب السنه ولا الشيعه

اكيد ؟

اكيد لما يصير الحوار بين ام وطفل

ولكن لما يكبر بوقت فيه ستلايلت ونت وفيس بوك وتيوب وقنوات فضائية

وقبل كل هذا عقل يفكر ويتدبر

رح يوصل للنتيجه اللي انا ابيها
بدون واسطه مني

فوفو

 

[dnyay_mll]

حسبي الله ونعم الوكيـل على مثيري الفتن
حتى اليهال قامو يتحجون بهالسوالف
قبل اسبوعين بنتي راده من الروضه
رفيجتها سالتها انتي شيعيه ولا سنيه
الابله سمعتهم وسكتتهم وقالت لهم كلنا مسلمين
اما رفيجة بنتي مو راضيه تسكت
تقول الله مايحب الشيعه ؟!!!!
يا ناس ليش تخلون عيالكم يحقدووون
ليش تتكلمون جدامهم بهالسوالف
ياما بنشووووف
الله يستر من اللي ياي

 

[nadoooy]

مانقول الا حسبي الله عللي يثيرون الفتن باسم الوطنية وحبهم وخوفهم علينا وهم الله العالم بنواياهم

 

[كرز حالي.]

المفروض هالاشيا مانتكلم فيها خاصه جدام اليهال

 

[JANAA]

اي والله نا يصير نتكلم بهيك امور لازم كلنا انعلم اعيالنا كلنا مسلمين تحت راية لا اله الا الله محمد رسول الله وقرانا واحد وروسولنا واحد وقبلتنا واحده واهدافنا ودمنا وابونا وامنا واحد يارب وحد كلمة المسلمين وراية المسلمين جميعا بلا ستثناء تحت رايتك وعزتك وعليك بمن يريد الفتنه بين صفوف المسلمين .

 

[أخت أخواني]

والله صح كلامج وانتي عين العقل ..
والله اول ماقريت العنوان بطلت عيني !!
ومثل ماقلتي لازم اتنمون روح الوطنيه بالاسلام مب بالطوائف​

 

[جنات النعيم]

يعطيج العافيه علي الموضوع المهم ​

 

[ice_cream]

والله يا فوفو لاعت جبودنا

غثونا سنه وشيعه ماعندهم غير هل سالفه

يا اختي ناس جهله 24 ساعه يتكلمون بهل مواضيع

اخرتها كلمن بيموت بقبره سواء سني او شيعي ويتحاسب على عمله

طول عمرنا عايشين سنه وشيعه على قلب واحد

مادري شصاير بالدنيا الحين ما يكبرون عقولهم شويه سذج سواء سنه اوشيعه

والله عيب عليهم اسمكم مسلمين

روحو حررو القدس اذا تبون الجهاد نسيتو الصهاينه اضحكو عليكم و حطو حيلكم بينكم

ضحكو العالم علينا اصحوووووووو نسيتو العدو الحقيقي

ماقول الا الله يحفظ ديرتنا من هل جهله الي مادري وين بوصلونا


الناس تسعى انها تربي عيالها احسن تربيه وتعلمهم وتثقفهم واحنا نعلمهم هذا شيعي لا تكلمه

استغفر الله حتى رب العالمين قامو ايتطاولون عليه ويدعون الاسلام


وسامحوني يا خواتي بس من حرتي على ديرتي

ومشكوره يا صاحبة الموضوع

 

[أنوار العشق]

أعتقد يا أخت فوفو أن الموضوع صار أخطر من أنه مجرد كلام أطفال !!

أول زعلو البحرين علينا وألحين زعلو السعوديه الله يستر من تاليتها بس

البحرين وخذوا موقف منا والسعوديه وخذت موقف منا .. وهذه اللي تبي إيران فرق تسد قامت تقطع الخليج


لاحظو أنه قبل شهرين كانت كل هوشاتنا بدو وحضر أزدواجيه ومو أزدواجيه ألحين صارت كل هوشات سنه وشيعيه الشعب تمزق
البدو أخذوا موقف وصار بروح
الحضر أخذوا موقف وصار بروح
السنه أخذوا موقف وصار بروح
الشيعه أخذوا موقف وصار بروح

‏ ‏ المره الجايه هوشتنا راح تكون عن شنو ؟

 

[ThE $EcrEt]

احمدو ربكم يااهل الكويت هذا شي جديد عليكم ...

المشتكى لله ... عيالنا في المدارس الخاصه ... بعض الامهات توصي بنتها او ولدهاا لاتكلمين احد من هالمذهب

وهذا شي صاررر من فتره . يعني هالكلام مو من عقلي

واحنا بالسعوديه ماخذين الامتياز بالطائفيه

 

[R-el.'3hanem]

إي والله !
إستغفرر الله @@ !

هآلجيل ولا جنه يهآل :/ !
يعرفون سوآلف إكثرر منـآ والله : ( !

الله يعين والله !
وشكراً لجج ،

وكلآآآمج عيين العقل والله
آهنيج ، فَ ميزآآن حسنـآآتج ،

 

[::كيك وعسل::]

:: حسبي الله عليهم اللي ازرعوا الفتنه فينا ولا إحنى من عمر بخير ونعمه ::

 

[على الطيب تربيت]

تدرين شنو الي باط جبدي

ان بس هذا الي شاطرين فيه شيعي سني
\
ياخي بالاول شف نفسك واصلحها وشوف عيوبك وذنوبك وتسنع وتقرب الى الله عقبها التفت وقول سني شيعي


يختي مايتكلم بهالامور الا الجاهل المليان ذنوب

ولا علمائنا يتحاورون بادب رفيع ومستوى راقي

خلو اليهود والنصارى وهالكفره وجايين على هالسالفه


عسى ربي يصلح الامور بس

 

[ساندريلا]

حتى انا ولدي بالابتدائي ايالي وسالني مما انا شيعي والا سني لان رفيجي قعد يسألني واستحيت مااعرف انا شنو
والله ردت عليه بنتي الي بالروضه قالتله انت ليش ماقلتله انا كويتي شفيك انت ماتعرف انت شنو استاانست من ردها واستانست اكثر اني ماربيت عيالي على الحقد الطائفي
والله قبل جم يوم دزيت برودكاست حق رفيجتي بدويه من قبيله معروفه عن الوحده بين الشيعه والسنه وكان المسج حلو يبين ان احنا اخوان ومن هالحجي والله شخلتني وقالتلي ماابي مسجات حتى لو حلوه عن شيعه والسنه كلنا مسلمين مانبي نحس ان في فرق تقول احنا كبرنا وماكنا نسأل هالسؤال كلنا مسلمين وانا احبكم ومااحب التفرقه ومااحب اطلق هالمسميات
وقالتلي رجاءا لاتدزين مسجات جذيه مااحب صج انها هزأتني بس وااااايد استانست من حجيها حسيت ان الدنيا بخير