عرايس ما بعد الولاده ، تعالي وشدي الهمه معانا

[أم-حسون]

Hakw حبيبتي امينة هاذي شلون اسعارها تقريبا؟؟
نفس الصالونات ولا ارخص ولا اغلى؟؟ ابي الحدود عفية...

 

[@سيدة نفسي@]

اليوم كانوا موجودين .. مريتهم مالقيت نفس دراريعي الحمدلله

حاولي تروحين باجر واذا تبين رقمهم هذا هو : 99130504

وبالنسبة حق العبي يمدحون الفروانية وانا بصراحة مو خبرة بمحلاتهم

خبرتي تنحصر بالفحيحيل .. اذا تبين عبايات عملية وحلوة ورخيييصة

عباية وملفعها ب 7 دنانير قوليلي ... وبالنسبة حق العبي الكشخة روحي حق

مجمع الدبوس فوق الجهة اللي قبال محلات الجواتي .. عندج محل بلاك مون

خاماتهم روووعة .. وفي محل الحلوة بعد وبوكنان ..وأكو محل آخر السطرة اسمه الجادل .. عنده شغلات

حلوة ويعتبر سعره مناسب واذا كاسرتيهم ينزلولج من السعر ..

 

[.:lady bug :.]

قوة بنات
دقيت ع ام علي اليوم
صراحه انسانه قمه بالتواضع
والاخلاق وطيبه وحبوبه
ودراريعها تقريبا مثل العربيد
وفي دراريع شغل غريب
حلو شغلها عجبني خذيت منها
٣ دراريع
وبدق عليها انشالله اذا ولدت
والدراعه حسبتلي الوحدة ١٥

 

[أم-حسون]

سيدة نفسي...

حبيبتي العبي الي على 7 وين القاهم؟؟ بصراحة سعر مغرررري...

 

[.:lady bug :.]

مجمع الدبوس للعبي ماعليه
كلام
و اون تايم يهبل شكلي بروح باخذ منه
بنات ماتعرفون رقم احد ايي البييت يبيع عدسات
سنو وايت لان مالي خلق السوق صايرة وايد
اتعب وايد وايد مو قادرة امشي الله المستعان
وليلى لانجري يهبل صراحه
والغضى الله يسهل عليكم يارب

 

[ام اميره]

شوقتووني خووش موضووع
ويت هالعبي لللي ب٧ دليينا خووش شيي والله
وخزنت رقم ان علي مالت الداريع شكلي باخذمتها انشاءالله
ومشكوورين استفدت منكم وايد
عاد انا شريت جم شغله من البيرق ومن المعرض
علي الخفيف اتشرى لانه بعد ما خلصت شغل الاستقبال والله يعين
ويسهل علينا انشاءالله

 

[.:lady bug :.]

ام اميرة حياج ي قلبي والعفو
ولا تقطعين كل شوي قوليلنا شسويتي
واي مساعدة انا والبنات موجودين
والتجمع للجميع عساس نستفيد من بعض
في خلطة شد صدر الي كاتبتها اختنا العضوة
الي اهيا مرة وكريم نيفيا تعتبر اقوى خلطة شد
انشالله بجربها من الحين وبعد الولادة
لان بعد ولادتي بولدي شريت شفاط وصرت بس
اشفط وقالتلي رفيجتي ي غبه تر بيترهل لا تشفطين
قتلها لا لا يرد
وبعدين نشف الحليب وجوفوا شصار بصدري
كلينقس حمدالله والشكر يلوع الجبد حتى البوش
اب مانفع معاي
وكريمات الشد
والحين لازم اشتغل عليه لاني تعلمت انه اذا ماحافظت بيخرب
ومش حشفط تاني
يا الياهل يشرب او كيفه
وزيادة ع الخلطة تمرين التصفيق لي ورئ هم
يشد الصدر وتمرين انج تاخذين اثقال خفيفه
بايدينج الثنتين وانتي واقفة شدي ظهرج وايدينج
مرة فوق ومره ع مستوى الصدر
واذا ماعندكم اثقال بطلين ماي صحه متروسين ماي
او تراب
الصدر صراحه اهم شي
وبنات حاولوا تعودون نفسكم عقب الولادة وع طول
ع تمارين الكيجل عساس تضل المنطقه ع طول مشدوده

 

[H.A.K.W]

" ام حسون "
لا اسعارها اقل من الصالونات ، ويكفي انها اتي لي عندج البيت وانتي مرتاحه،
بصراحه ما اثق اسوي حمامات مغربيه وهالسوالف بصوالين ، بالبيت اضمن.

 

[H.A.K.W]

"" ليدي ""
حبيبتي في بالجرايد الاعلانيه دايما يحطون اعلانات محلات توصل
جيكي عليها واسعارهم زينه بعد ، بس تري مادري اذا كان عندهم سنو وايتولا لأ

 

[asma]

قلبي يرقع من الخوف تكفون طمنوني

من امس لي اليوم طلووووق

والله ابجي من الخوف انا موبس بالسابع

انا حتى وضع البيبي معوكس الراس فوق

مابي اروح للمستشفى لايلعبوون فيني من فحص

وغيره في وحده حست هالاحساس وبعدين خفت

تكفوون طمنوني

 

[.:lady bug :.]

اسما حبيبتي روحي المستشفى
تلاحقي عمرج يمكن طلوق مبكرة
خل يعطونج ابرة توقف الطلق
لا تخافين تر بس يسوولج تخطيط
يشوفون قوة الطلق واذا قوي عطوج الابرة
واذا خفيف تر طبيعي
بعدين انا مثلج الراس فوق الله يهديهم ويفترون
ولاتخافين ي قلبي سهالات
والله يسهل عليج

 

[asma]

.:lady bug :.

الله يجزاج خير طمنتي قلبي بنطر بنتي ترد من المدرسة

وبروح للمستشفى شورج وهداية الله

الله يطن قلبج بالولاده الهينه اليسيره والطفل المعافى مثل ماطمنتيني

 

[.:lady bug :.]

اللهم امين اجمعين ي حياتي

 

[هيبة ملك]

فديتج على هالموضوع
كنت بحاجته

 

[H.A.K.W]

" اسوم "
حبيبتي اذا طلوقج قويه
لاتسكتين روحي المستشفي تطمني تري عادي ماراح يسون لج شي غي التخطيط وابره او درب يوقف الطلوق
انا صار معاي جذي لما كنت بالثامن بس مارحت عبالي تجاديم اسمعهم يقولون تجاديم وتجاديم عبالي اهي ليش ان كنت بالثامن واخرتها طلعت طلوق ولاده
وانا ما ادري سويلي تخطيط وجيكوا علي حركة الجنين ونبضه وعطوني ابره و نوموني يوم كامل عشان يطمنون .
يعني لا تحاتين ماكو شي لا تحاتين

 

[H.A.K.W]

"" هيبة ملك ""
اقري الموضوع من بدايته عشان تستفيدين
اتكلمنا عن شغلات وايد ( عطور ، ميك اب ، صوالين ، مشاغل )
لا اطوفج سوالفنا 

 

[ملح الكويت كله]

السلام عليكم بنات ،، انا نفاس شهر 5 انشالله يعني الحين دشيت الثامن .. والحمدالله بلشت تناتيف

خذيتلي كريم اساس افسان لوران و بودره من هارفينكلز (بربري) وناقصني بس كونسيلر وآي لاينر يديد

باجي ميكياجي كله يديد فحرام اشتري زياده

وخذيتلي نفنوف حلو للبيت ، وبجامه من وومن سيكرت .. وناقصني بجايم حلوه حق النفاس ( بعد جم يوم بشتري)

وانشالله بصبغ شعري (صبغه بدون امونيا يوم السبت باذن الله لان عندي عرس اخوي الله يتمم يارب)

وخذيت ست شاور جل وليفه من بودي شوب + وشريت عدستين يدد وحده عسليه ورماديه

وخذيتلي وانتوا بكرامه جوتي

وعندي وايد نواقص..

 

[@سيدة نفسي@]

سيدة نفسي...

حبيبتي العبي الي على 7 وين القاهم؟؟ بصراحة سعر مغرررري...

شوفي حبيبتي .. روحي جهة مجمع الدبوس اللي مقابلة لمجمع أجيال .. بتلاقين المركز الفرنسي

وعلى يمينه محل عطار .. انتي دخلي المجمع من الباب اللي بين هالمحلين .. بتلاقين

3 أكشاك عبايات بآخر الممر .. عندهم عبي راس وكتف أشكال وألوان .. انا خذيت منه أمس

عباية راس خامة الشيخة الجديدة بـ7 دنانير ( اسم الكشك اللي خذيت منه الأميرة) ..

قبل كان شغله بـ6 دنانير الحين قام يرفع بالسعر فانتي كاسريه وقوليله اختي ماخذة منك

بالسعر الفلاني يعطيج ..

 

[@سيدة نفسي@]

مجمع الدبوس للعبي ماعليه
كلام
و اون تايم يهبل شكلي بروح باخذ منه
بنات ماتعرفون رقم احد ايي البييت يبيع عدسات
سنو وايت لان مالي خلق السوق صايرة وايد
اتعب وايد وايد مو قادرة امشي الله المستعان
وليلى لانجري يهبل صراحه
والغضى الله يسهل عليكم يارب

ليدي هذا رقم واحد يوصل عدسات سنووايت وندى وتوتي <<< هذيلا انا طالبتهم منه وأكيد عنده

غيرهم ..

انا ووخواتي دايماا نطلب منه بمسج نحط طلبنا والعنوان .. وسعره أرخص من المحلات

رقمه : 66529983

 

[@سيدة نفسي@]

قلبي يرقع من الخوف تكفون طمنوني

من امس لي اليوم طلووووق

والله ابجي من الخوف انا موبس بالسابع

انا حتى وضع البيبي معوكس الراس فوق

مابي اروح للمستشفى لايلعبوون فيني من فحص

وغيره في وحده حست هالاحساس وبعدين خفت

تكفوون طمنوني

سلاااامتج أسوم ماتشوفين شر .. لازم تروحين المستشفى وتسوين تخطيط

مو زين تسكتين على روحج ..