مساء الخير بنوتات وصبايا ومتزوجات. انا عضوه يدبده بالمنتدى بس من زمان اتابعكم. راح ادش بموضوعي على طول بنات وبالاخص المتزوجات احنا ليش معقدين حياتنا وازواجنا معانا ليش كله نيتنه شينه تجاه رياييلنا هل يا ترا من كثر مانقرا ونسمع ونشوف والا مجرد سيناريو يطول على حسب مزاجنا والمشكله ان احنا اللي نكتبه ونمثله ونخرجه ومانترك للطرف الثاني حرية التعبير عندي ثلاث ليشات يعني جمع ليش لوووول 1-ليش اذا تذكرني زوجه بهديه اقول اي وراه بلوه 2- ليش اذا بغى ينام معاج تقولين اي اكيد شايف شي واشتهى وبيطبق علي 3--ليش اذا طلع مع ربعه تقولين اي رايح يغازل وليش وليش وليش هالسلبيه ليش ماعندج ثقه بنفسج وتقلبين هالليشات لصالحج نعيدهم بايجابيه اكثر 1- اذا تذكرج بهديه قوليله حببيبي مشكور ونسي عمرج لانج يبتي على باله 2-قولي انا حلوه وتارسه عيونه عشان جذي اغريته 3-قولي خل ييطلع مع ربعه يغير جو عشان يفقدني واييني مشتاق بنات خلوا ثقتكم بنفسكم كبيره هالشي راح ينعكس على نفسياتكم وحتى على مظهركم الخارجي ترا الشك ماوراه الا المرض والهم والغم وعندي سؤال قد مره سويتي سالفه من ولا شي وانقلبت عليج والسبه هالشك الزايد ؟ سوري قرقت وايد وناطره تعليقاتكم*
