خلي عنج نقش الحنه ب8دنانير .. النقش ما يكلفج دينارين (صور)

[Asrarie]

مساء الخير ياحلويين ..

طبعا شايفين هبه البنات بنقش الحنه ,, انا طق بمزاجي وقلت بسويه وسويته ب8 بصالون رنيم وتحسفت , النقش مو مرتب وحووسه وحرمت اسوي مره ثانيه ..

اليوم رحت الحواي جان القى عنده معجون ولقيت لصقات قلت يله نجرب شورانا

جربت على ريولي قلت بعد اخاف مو حلوو بس والله طلع شي وسهل ومايكلفج حتى دينارين وتسوينه وانتي مرتاحه ببيتج :bbbiu:

الخطوات سهله

اول شي تمسحين المكان بدوا الحنه عشان بسرعه تصبغ وهاذي صورته

بعدين تحطين الاستيكر اللي انتي شاريتهم بالمكان اللي تبينه

بعدين تفتحين المعجون مال الحنه ووتعصرينه فوق الستيكر وهذول اللي شريتهم اسود وبني بس اللي جربته الاسود

هذا شكلها وانا حاطتها بريولي

وترى ماطولت فيها ربع ساعه بس وهذا بعد ماغسلتها :eh_s(7):

والله مايبيله شي وهالصالونات قاصين علينا الحنه على 8 وعلى 12 ليش عاد سوي شغلج ببيتج ووفري فليساتج وانا اختج :eh_s(9)::eh_s(9):

وسلامتكم:eh_s(7):

 

[@شمس الضحى@]

ههههههه بر اافووو عليج والله ماشاء الله

 

[Asrarie]

ههههههه بر اافووو عليج والله ماشاء الله

لووووووول ماكو شغل اليوم جابلت ام علي على سكوب وحطيته

والله فرق من دينارين لي 8 و12 دينار الصالونات نصابين حتى المنكير اليوم شريت لي الاغراض وسويت لي دال ما ادفع 5 دنانير على قص اظافر

 

[الكويت حياتي]

تسلمين يا حبي اللزقات من العطار بعد وشسم دوا الحنه

 

[منار البربرية]

تسلمين يالفطينه مشالله عليج صديها أحلى تقييم للموضوع حصري وعشره على عشره
فديتج كثر الله من امثالج توا وحده حطت صور جنان وتبي تعرف حطيت لها الرابط موضوعج ههههه

الف شكر ​

 

[MassComm]

حلو مشالله علييج بالعافية

انا نفسج اخذ اللصقات واحط حنه الطاووس واسوي بالبيت بروحي البنات بالدوام عبالهم بصالون خخ

بس هالمره باخذ مثبت الحنه من الحواي

 

[ألمـاااس]

نايس..

مشكوووره

 

[amoOoNA Al_mazyoNa]

مااشااء الله عليج زين سويتي

 

[Asrarie]

تسلمين يا حبي اللزقات من العطار بعد وشسم دوا الحنه

هلا فديتج ايي اللزقات من الحواي عنده اشكال والوان وعلى 100 فلس

قوليله دوا الحنه وبيعرفه وانا حاطه صورته اول شي :eh_s(7):

 

[Asrarie]

تسلمين يالفطينه مشالله عليج صديها أحلى تقييم للموضوع حصري وعشره على عشره

فديتج كثر الله من امثالج توا وحده حطت صور جنان وتبي تعرف حطيت لها الرابط موضوعج ههههه​

الف شكر ​

هههههههههه يا بعدي والله ,, ايي زين تسوين الكويتي انفع سوي شغلج ببيتج بدال هالنصب بالصالونات ,, ذاك اليوم رفيجتي رسمه ماتسوي بجتفها على 6 دنانير ليش عاد ,, اليوم قلت لها تعالي اسويها لج بدينار :krkrkr:

 

[Asrarie]

حلو مشالله علييج بالعافية

انا نفسج اخذ اللصقات واحط حنه الطاووس واسوي بالبيت بروحي البنات بالدوام عبالهم بصالون خخ

بس هالمره باخذ مثبت الحنه من الحواي

ايي شحلاته والله انا حتى ما طولت مو مثل لما حطيت بالصالون انزرعت ساعه انطره ينشف :eh_s(4):

ايي الدوا ترى يخليه بسرعه يصبغ :rerrerek:

المره اليايه بجرب الحنه البنيه وااحط لكم الصوره :eh_s(9): :eh_s(9):

 

[قطوووة]

تعجبيني مريووووموههههه

 

[Asrarie]

تعجبيني مريووووموههههه

اضبطج :eh_s(15): :eh_s(15): :eh_s(15):

 

[آمول~]

مشكوووووووووووره .~

 

[::كيك وعسل::]

:: روووعه مشكوره حبيبتي ::

 

[زبــــــــدة]

وااايد حلووووو

بس عندج صالون مكياجي ينقش بدينارين بعد

عليج بلعافيه بجربهاااا

 

[منار البربرية]

هالصورة وحده حطتها عجبتني يالفنانه شلون اسويها ولا موحلوه ؟؟؟ وناسه والبس صندل حشاج واروح الجامعه
كشخااااا يعني ليلة الحنه هههه​

 

[الجوهرة المزيونة]

ماشاء الله عليج وعسى الله يهنيج
بس اهو شكله صبغ يعني بربع ساعه صار جذي احسه مو حنه والا انا غلطانه

 

[كيم كارداشيان]

هيه بس خلي الاستيكر لين تنشف الحنا عدل

وعلى فكرة تقدرين تاخذين عصار حنا من الصالون .. أحسن من هالحنا الانابيب ما أحبها

 

[منار البربرية]

اللي فوقي عضوة كيم كرديشيان صج كيم هههه امبيه

فديتكم بنات

اب

اب​