شبتسون مكاني وللعلم وهالبنت بتقرا الموضوع ردوو عليها

[بنت ابوهااااا]

مشكووورين وماقصرتووو والله
وترانيم القصيم >>>> فديتج مشكوره انج مهتمه بالموضوع ،،،،

 

[nono93]

مفروووووض تنصحينهااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

 

[Tulips]

انتي مو غلطانه بس اسلوبج اللي كان غلط

يعني المفروض يوم طرشلتج الفيديو قوليلها باسلوب شهالسوالف ماتوقعت انج تطرشيلي هالشغله .. وبس

اما التجريح والكلام اللي قلتيه صراحه يعور ومحد بيرضى على نفسه انه ينقاله هالكلام .. محد كامل ومحد ملاك حبيبتي مفروض تحطين فبالج هالشغله اذا اهي الله باليها بهالسوالف انتي كنتي تقدرين تنصحينها وتقنعينها بانه اللي تسويه غلط مو تجرحين فيها .. تشوف ماتشوف كيفها بينها وبين ربها مو انتي اللي بتحاسبينها ولا انتي اللي راح تدخلين بدالها النار

اللي اقصده وباختصار لو انتي صج كنتي تحبينها وتعتبرينها صديقتج الصدوقه جان ما قلتيلها هالكلام

واتمنى تفهمين اللي بوصله لج من روا كلامي

 

[كلي أنوثة]

انا ما اعتقد انها مستانسة ان وصلج الفيديو..دامنها دزته لج بالغلط..استري عليها..الله يستر عليها..بس قوليلها..ان الذنوب تحرمج من رزق ربج..و ترك الذنب الحين اسهل من طلب التوبة..انتي ماله داعي تقوليلها طحتي من عيني..خلاص اذا نصحتيها خلص دورج و الباجي بينها و بين ربها و المفروض انها تعرف ان مصلحتها و سلامة عقلها و قلبها مو بهالاشياء..بقراءة القرآن و الصلاة..و الله يبعدها عن الحرام و اهله

 

[xprincessx]

اثنيناتكم غلطانين
اهيا غلطانه لانها تشوف الحرام و فوق هذا تدزه حق غيرها علشان تشيل ذنوبهم
و انتي غلطانه لانه من اسلوبج يبين انج كلمتيها بهجوم و نبره حاده
صح الفيديو قلة أدب ،، بس ما كان له داعي تقولين لها بهالاسلوب و انه طحتي من عيني
ليش كل هذا ؟؟؟
هذا و اهيا رفيجتج
و على اساس انج تحبينها
تقومين و تهزإينها
اذا تحبينها و تبين لها الخير تنصحينها بينج و بينها بالكلمة الحلوة و الرد الطيب
اللي يبي الخير حق احد يعاتبه و ينصحه مو يقوله طحتي من عيني و ما بي اكلمج
انا اقول تعوذي من ابليس انتي معاها و اثنيناتكم اعتذرو حق بعض و ردو مثل قبل و احسن

 

[" ام حمود "]

اممممممم ، حبووبه اكيد اهيه الغلطانه مدام تقولج لاتكبرين موضوع يعني
مو مستحيه من نفسهاا ع اللي صار !!
مدام اعتذرت منج خلاص طاح الحطب
واذا كملت ع سوالفهاا تأكدي ربج يشوف والله يحااسبهاا لانه اللي قاعده تسويه
غلط × غلط
مااقول غير الله يهداهاا بس !!

 

[بنت ابوهااااا]

المشكله الي يقولون عادي جان مكلمتها ولا جنها مسويه شي قويه
انتو ماتدرون شكثر انا احبها <<<< لولا غلاتها جان ماعصبت
ومحد بيحس فيني عدل غير الي مجرب صعبه صعبه انتو لو شايفين الي شفته جان حسيتووو
والي يقهر انها مو وحده عاديه بالنسبه لي :eh_s(2):
ع العموووم صار الي صاار
والله يسامها ويهديها لنفسها مو لي،،

 

[nora2011]

يا سلام عليك و على مبادءك ,, كفو يا محترمة أنا أشهد إنك بنت أجودية و متربية أحسن تربية ^_^

و كبرتِ بعيني حيييييييييل مع إني ما أعرفك , لكني ما أقدر أخفي احترامي و إعجابي بالبنت المحترمة الخلوقة

آللي يقشعر بدنها من الأمور الإنحطاطية آللي تمس الدين و الأخلاق و تئد العفة و تقتل الحياء ,

ردة فعلك طبيعيّة جدًا و أنا شخصيًّا أتوقعها من كل بنت محترمة و خلوقة , و هذا المفروض أصلاً

أن يمتقع وجه المؤمن حين ورودهـ على حياض المعصية و أن ينأى بنفسه عنها و يلوذ بالفرار منها إلى الله

غضبك في محله ,

تضايقك في محله ,

شعورك بالتقزز تجاهـ المقطع شعور طبيعي جدًا ما نحاسبك عليه و لا يعطينا الحق في التعنيف عليك , :eh_s(9):

و لا تنسين إنّ الرّسول صلى الله عليه و سلّم كان يقاطع الصحابة مُقاطعة تأديبيّة ( من باب الردع و الزجر )

إذا ما فرّطوا في جانبٍ من جوانب الدين , لا لذات الهجر بل لذات التأديب المهذب الجميل الذي يفصح عن أسمى آيات الرقي و المنهجيّة الحميدة

فـ تصرفك في محله و ما أؤآخذك عليه , طيب وين الغلط ؟

( أسلوبك في النصيحة ) ^_^ ,, هذا الغلط , يعني كلمة ( خمة و طحتِ من عيني ) بالحيل قويّة

و الأفضل لو إنك نصحتيها بأسلوب هادئ و أكثر تعقّل و حكّمتِ الهدوء في حوارك حتى تكون عندك القدرة على استمالة قلبها

و دفعها بالتي هي أحسن و حتى تكون عندها قابليّة الإستجابة لنصيحتك ..

ذكريها بالله , أعطيها فتاوى و أحاديث و مقاطع فيديو تُبيّن حرمة المقاطع الإباحيّة

و الجرم آللي هي ارتكبته في حق نعمتين منحهما الله لها ( ألا و هما نعمة العينين و نعمة اليدين )

إذ قيّضتهما في معصية الخالق جلّ في علاهـ , فالعينان حين مشاهدتها للمقطع , و اليدان حين أرسالها للمقطع

أ ترضى أنّ ذلك يبقى بعد مماتها ؟ أ كان يرضيها أن تقف بين يدي رب العباد يوم تشهد الأشهاد

و في صحيفتها مقطعٌ إباحيّ مخل قبيح ( قذر ) و على ظهرها أوزار الناس الذين شاهدوا المقطع إزاء نشرهـا له بينهم ؟

يقول الله سبحانه و تعالى :

{ إنّ الذين فتنوا المؤمنين و المؤمنات ثمّ لم يتوبوا فلهم عذاب جهنّم و لهم عذاب الحريق } ,

أ ليس الله بقادرٍ على أن يسلب منها نعمة الإبصار , نعمة اليدان ؟ أ ليس ذلك بهيّنٍ على الله ؟

أهديها و الجميع هذا المقطع المهم للشيخ الدكتور عبد المحسن الأحمد :

http://sub3.rofof.com/03ckvxp10/YouTube_-.html

احترامي و تقديري

ترانيم القصيم

:ggdw::ggdw:

كلامك عين العقل

جزااك الله خير على هالرد

 

[زوجة ضابط طيار]

اقولج شغله انا لومكاانها على اسلوووب الزف اللى اتبعتيه


معاها رااح اعااندج ولا رااح اهتم بنصيحتج لان عمر النصيحه

ماتكون بهالطريقه تقوليلها رفيجاتج خمه وتطب فيها هذي مو

نصيحه هذا اعلان حرب لما صديقت عمري تغلط

بهدوءء وبدون ما احسسها اني اشرف منها واحسن منها واعقل منها
اقولها من صجج فلانه هذي سوالفج

حراام عليج لا مااهقيتها منج انتي اكبر من جذي

خليها تحس انها اجرمت بحق نفسها من غير لا اخسرها

ومن خسر رفيجه على زله خلاه الزماان بلى رفيج واذا اهي متاابعه

معانا اقولها هيه بعد هذا اللى ناقص انتي خرباان تخرب هالبنت معااج

شكو مو عييب تدرين انه عييب وحراام مره ثاانيه حبوبه لا تخربين

عضوه معانا بهالمنتدى عشان لاتخربنا الله يجزااج خير ويردج

لطريق الحق والصوااب

 

[بنت ابوهااااا]

زوجه ضابط طيار >>>> اسلوبي مو لهالدرجه كان ع قولتج زفت
شقلت ترا الغلط الي قلته عن رفيجاتي وصراحه مصره ع الكلمه الي وراهم الخراب يستاهلون اكثر

ع العموم وريتها الصفحه >>> قالت لاتعليق وافترقنا
ومشكوورين ع الي ردو ماقصرتووو

 

[FeShinGoOo]

انا اشوفج انتي الغلطانه لانج هاجمتيها بدال لا تنصحينهااا وتاخذين فيها اجر ..

 

[Čut!e Quèéи]

انتي صح واهيا غلط
اولاً الله كشفها لج وارسلت فيديو وصخ
وهذا معناه انها تخزن فيديوات اباحيه عندها
ومافي بنت طبيعيه 100% تشوف هالافلام والصور الوصخه
ثانياً
لاحظي انها بسرعه سحبت نفسها من العلاقه وقالت اذا تبين نفترق براحتج !!
كأنها ناطره الكلمه تطلع منج مع انج ما قلتي طاري الفراق ؟ بس عصبتي وزعلتي
وبعدين الي تمشي مع ناس وصاخه اكيد خمه واهيا معاهم مع احترامي لج
ولا في بنت محترمه وتخاف الله تشوف افلام جنسيه ؟؟؟؟؟
مشكله اصدقاء السوء والنت بدون رقابه الاهل تسوي بلاوي البنت بغرفتها محد درا عنها
الله يستر عليها ويحفظها من عيال الحرام
خل تعرف الفيديو الي مستانسه فيه عقابها عند الله ان الملائكه تصب في عينها رصاص حااااااااار
وكل ما تحترق العين و تذوب الله يرد عينها طبيعيه وترد الملائكه تصب فيها << هذا حالها يوم الحساب

 

[Cander]

انتي ماغلطتي انا لو مكانج اسوي اكثر من اللي سويتية

واهي مثل ماتقولين رفيجة عمرج خلي العلاقة بينكم رسمية

اهي مردها بتتوب وتعرف ان اللي سوتة غلط وحرام استغفر الله العظيم

الله يسامحها ويهديها

 

[ملح الدنيآ.]

انا مع ترانيم القصيم كلامها عين العقل

عسى الله يصلح يرفيجتج ويردكم حق بعض

 

[ناعسة الهدب22]

مع كلام البنات معاج وضدهااااااااااااا

 

[ناعسة الهدب22]

الله يهديهااااااااااا

 

[! هُوْ وِينِه !]

لآ حول ولآ قوة إلآ بالله
مآ غلطتي هي آلغلطآنة
مشآءالله عليج مآ خسروآ آهلج يوم ربوج

 

[Q.8.h.2]

اهيا الغلطانه

وتصدقين عندي اقعد بروحي بالدنيا ولا ارافج وحده كلما شفتها اتذكر اللي اهيا تسويه

لاحطوج اهلج بحفره ضيقه وخلوج تحت التراب ماراح تييج وتونسج تركيها

الجنه غااااليه دوري من يذكرج بربج صادقي من اذا قعدتي معاها لابد تذكرون ربكم مع باقي سوالفكم

اشكثر عشنا واشكثر ليحن بنعيش الله اعلم
من اهلنا من راح الجمعيه وطاح مات هناك
لا اله الا الله
منو اغلا هالبنت اللي تشوف هالاشياء ولا رضى ربج وجنته اغلا ؟؟؟
ومثل م ا قال رسولنا الكريم فيما معناه ان صاحب الخير والصلاح اما تجد منه ريح طيبه او تبتاع منه وصاحب السوء اما ان يحرق ثيابك او تجد منه ريحا منتنه واعتقد شميتي منها ريحه منتنه فاشتبين بصداقه مثل هذي
خلي حبج لله وبغضج لله الناس بيتركونج بيوم من الايم ويدفنونج بيدينهم
كلش ولا دينج واخلاقج

 

[ســتارز]

اعتقد انها ما لما ارسلت لج الفيلم ماكانت راسلته بالغلط

يمكن تبي تروزج تعرف مايتج شني !! عادي والا لا

من رايي اللي مايخاف من الله خافي منه ديري بالج منها سويلها ديليت

 

[مارياq8]

انتي نصحتيها وهذا المطلوب منج كونج رفيجتها

واهي كبيره واتحاسب على اعمالها وتعرف تفرق بين الصح والغلط