جيت اسالكم لاتردوني .. بخصوص غرفه بنتي .. بالصور

[سوسو حبيبتى]

حياكم الله بنات اول مرة ادخل القسم ...:eh_s(17)::eh_s(17):

دايما نااايمه بقسم الميكب والازياء :ch12::ch12:

ادش بالموضوع

بعمل غرفه لبنتي وشريت بعض الاغراض ومحتاره بالديكورات وباقي الاغراض من سجاد

وبراويز ولعب ع الارض وكذي ..بنتي عمرها سنه و9 شهور

وللاسف الغرفه مش كبيرة اوي تقدروا تقولوا عملاها تلعب فيها لانها مابتنام فيها

اترككم مع صور المشتريات للغرفه

دي صورة السرير بالعلبه لسه مافتحته ابو الشباب مكسل يفتحه :ch12:

ودي مخدة السرير دة ستايل السرير عامتاا

ودي اكسسوار بيتعلق ع الحيط مااادري عجبني احس مالوا :eh_s(16): علاقه بالغرفه

ودي الى بيتحط جواها اللعب بتكون زي الشوال :ggdw:

ان شاء الله تكون وصلت الفكرة والصور تكون واضحه

حاسه ان ناقص اغراض كتيرررررررر ومحتارة بالشراء ماعندي خبرة نهاائي

قولى رايكم بالسجاد بخصوص لونه وكيف يكون شكله؟ وستاره للغرفه تليق
وعلى فكرة دهان الغرفه بلون البيبي بينك
والمشتريات من الهوم سنتر والبيبي شوب قطر

وان شاء الله تشاركوني افكاركم

وما اسامح اى واحدة تتدخل وما ترد علي والله راح ازعل

 

[فطووومة]

الله يخليها لج حبيبتي

ماعندي فكرة بس تقدرين تركبين الاغراض واللون يطلع لج بروحه
يمكن وردي او قطع سجاد مشجرة مثلا

انا بعد محتارة اي لون احط حق بنتي اهي عمرها 7

 

[سوسو حبيبتى]

فطوومه مشكورة حبيبتى ع الدعوة والله يحفظ لك بنتك وتشوفيها عرووسه حلووة يارب

دام انك محتارة زي حالاتى تابعي الموضوع يمكن تلاقي افكار تعجبك

 

[krkooora]

اختاري لون بيبي بنك معه ابيض على الجدار يعني خليه وحده من الطوف ( الجدار ) مقلمه بالطول بيبي بنك و ابيض و باجي الغرفه بيضه او بيبي بنك
و اختاري سجاد بيبي بنك على ورد خفيف او ستايل انتي تحبينه و اشتري اضاءة من ايكيا اللي تصير طويله و حطيها بالزاويه و حطي براويز بلون ابيض و حطي صورها

 

[Om_Ksha]

انا شايفه ورق جدران عالاميرات اللي بالفراش وايد حلوووو

 

[زوجه اهم رجل]

يوه يوه كلش الا زعلك
زلا يهمك
السرير حلو الفرش يكون مموج مشجر لان الجدار ساده

 

[Queen of love]

حلو الستاره روحي حولي تلقين ستاير رول على رسومات تصلح لغرف الاطفال

 

[سوسو حبيبتى]

كركروة الله يجزيكي الجنه ويفتح ابواب السماء ياااااااارب ويرزقك من حيث لا تحتسبي اللهم امين

افكارك روووعه وانا بعد فكرت تكون السجاد لون غير عشان تكسر الالوان فكرت باللون الاخضر الفاتح ايه رايك؟؟ الى بيجي زي الشعر؟ عرفتى قصدي؟
Om_Ksha يارب اقدر احصل الورق انا بقطر ومااعرف ولا محل بيبيع ورق حائط وتسلمين الله يجزيكي كل خير ويخليكي لك الى تحبيهم
زوجه اهم رجل هيهيهيهي الله يحفظ لك اهم رجل ويجعلك قرة عينه مشكوورة اختى عيونك الحلويين ويحفظ لك البيبي وتقومين بالسلامه

Queen of love اخخخخخخخ بس يارتنى بالكوويت فديت الكويت واسواقها ماشاء الله ديرتكم عاامرة الله يحفظها دايما يارب

 

[سوسو حبيبتى]

بنات بغيت اسالكم الاغراض حلووة والا مو شي؟؟؟ بدون مجامله بليزز

 

[درة أهل الطولات]

ربي يهنيها وتجهزين لها عروس

 

[هاناا]

شكلهم حلو

تلاقين وايد اشاء تركب مع الاثاث



المهم البساطة


الله يخليها لج

 

[ملواكي]

اول شي اغراضج حلوه ماشالله
الجدار نفس ماقالت الاخت خليه مقلم ابيض وبيبي بنك ودرجات الوردي
السجاد اخذي لها شي وردي او مشجر مع الاخضر
حطي لها كومدينه جنب الفراش
ايكيا عندهم اكسسوارات منوعه لغرف الاطفال اخذي منهم افكار

كل شي ولا زعلج ياحلوه

 

[غروري بطيبتي]

اهلين
بالعلكس اغراضها كيوت وحلوين
وفادوج البنات
دخلي لون اخضر ولا اصفر فاتح عشان يكسر الوردي
ولو تحطين ابيض بتوسع الغرفه بس بتحاتين تنظيفها
امم وبالنسبه للاغراض اشوفهم كفايه على عمر سنتين

والرف اللي يتعلق بالطوفه ترا حلو له فوائد حطي عليه كراتين الالعاب الاشياء الكبيره هيك شي
اذا اهي من النوع اللي ترسم وتحب التلوين اشتريلها اللوحه اللي تكون بايكيا مثل الصبوره للرسم عشان تستانس فيها

 

[سوسو حبيبتى]

درة أهل الطولات الله يرضي عليكي تسلمين ع الدعووة

هاناا الله يحلي ايامك ويخلى لك احبابك تسلمين

ملواكي حبيبتى قلبي فدييتتتج نورتى الموضوع يا الغاااليه .. تري عيووونك الى حلووين .. بس انا فكرت بالوول ستيكر الى بيتلزقوا عرفتيهم؟؟ اشكالهم حلوة وحاسه انهم موضه اكتر؟؟

ايه رايكم يابنات؟؟

غروري بطيبتي تسلمين حبيبتى الله يحلى ايامك .. اى صح كلامك ان الاغراض كفايه على عمر سنتين الاحسن انى اترك لها مكان تلعب ..وهى بتحب تلون بس تلون ع الحيط هههههه او على نفسها هههههه

شخبط شخابيط .. لخبط لخابيط... مسك الالوان ورسم ع الحيط لووووول

تسلمووون كلكم مشكورين ع الافكار الرائعه ومنتظره الباقيين يشاركوون

 

[eman12]

تتهني فيها ياقلبي
تقريبا نفس اغراض بنتي بس الفرق ان احنا السرير عادي وجميع الاكسسورات علي برنس
شوفي حبيبتى
تروحين سنتر بوينت
صوب العاب اليهال بالاوقاف مقابل اغراض البيبيات
تلاقين استاند كبير عليه قنفه او كرسي وعندج عدد 2 طرق تخزين العاب وخيمه وسله غسيل وعلاق ملابس وناموسيه كلها علي نفس الشخصيه
وروحي مركز سلطان تلاقين مثل رول حق الطوفه ومع ستيكر علي فلين يكون بارز ويتنظف علي الشخصيه تحطينه علي الكبت او جانب بالغرفه
وعندج بتروفاليو في فوط وكفر علي نفس الشخصيه
والزوليه تحصلينها بمجمع بيروت تحت صوب اللي يبيع كفرات وتلاقين دواسات على قلب الحب وداخله صور البرنسس
وروحي صوب الالعاب بنفس المجمع تلاقين اللعبه علي 3 شي فيها الشخصيه مع الاقزام وفي مع سريرها وفي بعربانه تاخذين الثلاث العاب منها بنتج بتستانس ومنها تحطينهم بركن بالزاويه
وانتي شوفي اللي يناسبج واختاري
انسالله \
اكون فدتج

 

[سوسو حبيبتى]

eman12 حبيبتى مشكورة تعبتي رووحك وكتبي كل دة وللاسف انا بقطر

جزاكي الله كل خير والله يحفظ لك بنتك وافادتيني بكام فكرة بحاول ادور عليهم هنا

 

[QuEeN MeMe]

سوسو
شوفي بالنسبه حق ورق الجدران
بتلاقين في شارع الاصمخ محلات ستاير وتنجيد عندهم ورق جدران

وفي محل في الشارع الي مقابل السنتر في صفة جراند كافيه
عندهم اشكال عجييييبه بس مااعرف الاسعار شلون


وبالنسبه حق باقي الاغراض
اذا تحتاجين مكان للالعاب فصلي دولاب بدون باب ويكون مقسم حطي فيه سلال حق العابها

و روحي محل اي دي ديزاين في المول فوق عنده افكار حلوه
وشوفي زارا هوم ونكست عندهم اغراض حلوه لغرف الاطفال


ان شاء الله اكون افدتج*

 

[F.L.O.N.A]

بصراحه الاغراض حلوة ونعوووووومة وااااااايد ..

حسافة انج مو بالكويت جان دليتج على اماكن شغل عددددددددل تكملين اغراضج ... تونا مخلصين غرفة اختي عمرها ( 7 سنوات ) .. وسويناها على برننس لانها تحبهم .. حتى الزل والستاير والطوف والتلفزيووون

بس دامج بقطر .. اول شي
روحي محلات الاطفال اللي عندكم بقطر مثل ( تويز ار اس) مثلا .. او (سنتر بوينت ) راح تلاقين عندهم وااااااااااايد شغلات على البرنسس .. مثل هذي

واذا ما لقيتي اثاث على البرنسس .. فصلي عند نجار اثاث ابيض مع وردي .. وخلي المسكات مالت الادراج او الابواب على قلووب وفووووق خليه يسويلج مثل التااااج باللون الفضي او الذهبي .. يطلع عجييييييييييييب ..


وبالنسبة للجدران انصحج تحطين اللون البيبي بنك .. مع ابيض وتاخذين استكرز على البرنسس (ينباع جااااهز ) وتحطينهم بشكل حلو على الطوفه .. وممكن على الاثاث بعد

او تخلين رسام يرسملج رسمة حلوة فيها كل البرنسيسات .. مثل هذي

 

[F.L.O.N.A]

 

[سوسو حبيبتى]

F.L.O.N.A اهيهيهيهيييييي مشاركتك دمااااااار شاااااااااااااامل

الله يساااامحك ابي اسافر الكووووووووووووووووووووووووووويت

تتهنون ياارب ويخلي لك اختك تري انا لقيت مثل هالاغراض بالامازون بس ريلي ما يبي نشتري من الانترنت


مشكورة حياااتى ع الافكار الروعه صراحه دمرتينييييييييييييي

موووووووووووووة والله مابعرف كيف اشكرك بس بيكفي ادعي لك بظاهر الغيب واليوم الجمعه