وانطق البااااااااااااااااااااااااااااااااااااااااااااااا ااااااااااااااااااااااااااااب

[بعدالعسريسرين]

وانطق البااااااااااااااااااااااااااااااااااااااااااااااا ااااااااااااااااااااااااااااب

:eh_s(7):هلابالغاليات
استشاره لاعز ريفجاتي اتمنى تفيدونها بحجي على لسانها
اتمنى كل وحده تحط نفسها بموقفي بعدين ترد
بسم الله
عمري20
طالبه جامعيه
احب اهلي وااايد

تقدم لي ولدخالتي
عمره جريب من28
خذالثانويه بعدهاتوفى ابوه ومادش الجامعه تم يدور وظيفه حتى يصرف على اهله واشتغل جم شغله مره سكيورتي واظن كاشيربعد
حاليا دش دبلوم طب كم شهر ويتخرج يدرس الصباح ومن العصر يشتغل عندعمه ليمااخر الليل اهله يقولون انه احيانا يداوم24ساعه ومايتغدى من ظغط الشغل وانه مخلص بشغله على حساب صحته ونفسه ريال شغيل ومحافظ على الصلاه ومو راعي سهر وخمبقه

اهله وااااايديحبونه لان اهو اللي مسك الولايه على امه وخواته بعد وفاة ابوه مع ان له اخواكبرمنه بس رفض يتحمل مسؤليتهم (له اخواكبرمنه متزوج الحين وطالع ببيت لحاله واخوين اصغرمنه واحدمتزوج وساكن معهم بالبيت والثاني عمره 20مومتزوج ومع اهله خواته 4كلهم متزوجات الاوحده بالثانوي)
من جذي صار اهوريال البيت جنه ابوهم
حنون كريم مستحيل يرضى ياخذفلوس من احدمع انه محتاج
حتى لو من امه ولااخوانه مايحب المشاكل وده يدفع اللي عنده كله بس مايشوف احد متهاوش ولازعلان
خال الولد يقول خل يتخير اللي يبي من بناتي والمهرعلي للعلم بنات خاله كثار وكبار مابعدتزوجو
وهم رفيجت اخته بالدوام قايله لاخته اخوج ينشرى ولويتقدم لاختي مانرده بين قوسين خاطبته
طبعا الحجي اللي فوق كله حجي امه لما دقت تخطب رفيجتي وقالت ان الزواج بيكون بعدسنتين الا هنا انتهى حجي اهله

رفيجتي واهلها علاقتها وايدزينه بخالاتها وبنات خالاتهامن قبل لايتقدم اخوهم بس اهي تقول ان خالتي عصبيه شوي جذي طبعها ورفيجتي حساسه فتقول اخاف يكون تتش بينا وانامابي اخرب علاقتي فيهم

ام رفيجتي واخوانها كانو قبل لايتقدم الولدبجم سنه ان شخصيته حيل تشبه شخصيتج اكو كم شغله متفقين فيها

رفيجتي مالها اي علاقه فيه وماشافته الاكم مره لما كانت صغيره بعدها حتى سلام مابينهم ولو يشوفها مايعرفها طبعا اهي محجبه بس شافت صوره
وهي تعرف عنه انه خجول فما راح يطلب انه يشوفها
اهي شافته خلاص لكن هوماشافها وتقول ودي انه يشوفني رؤيه شرعيه احسن فما تعلرف شلون تصرف

للعلم اهي بتسكن بعيد عن اهلها6ساعات بينهم يمكن تشوفهم مره بالشهر او كل شهرين مره

اهي الحين تبي رايكم تحس انه اكبرمنها وااايد واهوطبعه مايحب يتحجى وايد واهي بعيد عن اهلها تقول بطق جبدي وبمل
وبما انه شغله بالمستشفى بعدمايتخرج فتخاف يأثر على حياتهم ويكون مشاكل عشان مكان شغله

وبتشرط بيت لحالها وتكمل دراسه وتوظف جذي زين
اهم خطبوها قبل10 شهور اهل رفيجتي يمدحونه ومبدئيا وافقت
بس الحين بعد مامر10شهورحست انهاتسرعت ودها تهون مادام للحين ماكوشي رسمي حتى الناس مايعرفون بالخطبه
اهي صغيره وحلوه ويتقدمون غيره
اهي الحين تقولب السالفه براسها ودها ترفض الولدبس ماتعرف هل قرارهاصح وكيف بتفاتح اهلهابالموضوع
اول ماتقدم استخارت ومرتاحه بس بعد10 شهور تغيررايها

مشورتكم يابنات اهي موعارفه تفكرعدل:bbbiu: ساعدوها ياحكيمات

المشرفات ولي يسلمكم لاتنقلون الموضوع ابي اخذراي المتزوجات لانهم جربووناضجين اكثر
و1000شكر للكل

 

[انا لحبيبي .]

اول شي تستخير ، تاني شي هاد رجال لانه معتمد على نفسه اعتماد كلي وهاد انسان بالفعل الوحده بتقدر تعتمد عليه وما بتخاف من اي شي وهي معها هيك رجال ، ​

تالت شي ، مش كبير السن بينهم كتير منييح ومناسب ، رابع شي مدام الشب بعرف الله تحمد الله لانه في ناس غيرها بتمنو ازواجهم يصلو بس ولو صلاه ،​

هاد بخاف الله وبحترم قيمت نفسه وشاري راحة باله ، تتوكل على الله وترضى بعد المواصفات يلي حكيتيها

يمكن تاخد واحد معو فلوس الدنيا وبعيد عن ربه ، ويعذبها وما يريحها ولا بااي شي ​

 

[بعدالعسريسرين]

شرفني مروج تسلمين

 

[بعدالعسريسرين]

24مشاهده ورد واحد بس

 

[طبعي كذه]

انا احسه مره كويس وزين في الزمن ذا اذا لقيتي رجال طيب ومسؤول والله كانك فزتي كنوز الدنيا كلها والله الموفق

 

[LADY~O$CAR]

ما ادري والله
اتصلي صلاة استخاره
الله يوفقهم ان شاء الله

 

[o0سارآo0]

ماشاءالله اذا كل هالمواصفات فيه وانا مع لآختى انا الحبيبي في الي قالته واهم شي تستخير في الموضوع وان شاءالله ربي يوفقها

 

[أحلى عروس 2012]

10 شهور ومافي شي رسمي للحين ليش
برغم ان اشوفه خوش صبي
خلها تسال

 

[Tom ♥ Jerry]

.


سوات الله ابرك على قولتهم !
خل تستخير و اذا ارتاحت تتوكل على الله و ترضى !

آلله يختار الي فيه الخير لها آن شاء الله :*

 

[*peace*]

مادري بس قوليلها من الحين تتحمل انه ممكن ٢٤ ساعه بالدوام ويشوف احتياجات اهله

خاصه انها تقول خالتها عصبيه يعني صراحه لو اني منها مااوافق

اصلا مبين شنو بيصير بالمستقبل والقصه المعروفه

٢٤ ساعه اهله مكدشينه ممكن نص الليل يطلع ويخليها طبيب شي سفر

انا ماقول انه هالشي غلط بالعكس بار باهله بس قولي لرفيجتج تتوقع شبيصير بعدين

بعدين ليش مستعجله توها صغيره وليش تبعد ٦ ساعات عن اهلها

وانا اساسا ضد ضد ضد زواج الاقارب عشان نبعد عن المشاكل

 

[Tutti-Frutti]

خل تستخير
وانا اشوف انه الريال وايد زين بس خوفج لا يكون اعتماد اهله عليه حتى بعد الزواج وما يخلونه بحاله

 

[قاهره عذالي]

مبروك
والله يكتب لج اللي فيه الخير
الرجال اذا سلم من السكر والعربده والتمرد
يمشي حاله
وانا اقول اللي نعرفه
احسن من اللي مانعرفه

 

[صخب السكون]

انا بصراحه اشوف مواصفاته حلوه بس انا ما احب الزواج من الاقارب ابعد عن الشر وغنيله هذا رائي ويمكن يكون خطأ ويسعدها الله يوفقهم ...والشئ الي اشوفه بيسبب مشاكل وياهم ان اهله معتمدين عليه اعتماد كلي بعد الله الا اذا كانت رفيجتج عاقله ومتفهمه بتعرف كيف تتصرف لان الي مافيه خير لاهله مافيه خير لنفسه وبث...

 

[((shoOoshoOo))]

تستخير اول شي

والريال من كلامج عنه وايد زين فحرام يتطوف ^_^

ومبروووك مقدمااا

 

[فوق الثريا محلي]

الريال ما يطوف بس المشكلة اهله

 

[florense]

اب اب

 

[صمــت_ALsHfaaH]

من كلامج الي قلتيه عنه اشوفه رجال والنعم فيه وينشرى بصراااحه

بس احنا مانعلم الغيب

خليها كل يوم تسستخيرر وتدعي لان الخير والعلم بايد الله

والله يوفقها ويسخره لها يارب

 

[TIC TOK]

مايتطوف

وين تلاقين واحد جدي وماسك عقله ؟؟؟؟؟؟؟؟؟؟؟؟؟

 

[ام شووووق]

خلها تستخير ابرك

 

[بعدالعسريسرين]

1000شكر للبنوتات اللي ردو يزاكم الله خير 524مشاهده والردودماكملو20شدعوى