طفلي الكفيف والفراغ الفضيع

[شذا الياسمين]

تحية من كل قلبي لكل وحدة فيكم ..
انا عندي طفل كفيف عمره أربع سنوات ياربي حيل كاسر خاطري عايش في فراغ فظيع ماعندي غيره وما عندنا مركز يهتم فيه ويعلمه احس قلبي يتقطع عليه اروح الدوام وارد وهو على نفس الوضع وتطوراته حيل بطيئة والنطق عنده بسيط ومايحب الجمعات ولا الأماكن العامه حالتي النفسيه تعبانه لأني أحبه وأموت فيه لكن مو قادرة أساعده ..
اتمنى من أي أم عندها طفل كفبف انها ماتبخل علي من خبرتها وشلون تعلمه وتتعامل معاه في البيت وبرا البيت لأنه الله يحفظه عنيد وعصبي ودي أحس اني قدمت له شي مايحب الألعاب بس يبيني انا ألعب معاه طول الوقت لكن والله العظيم أحبه وأفديه بروحي ألف الحمد لله..
دعواااتكم أرجوكم ..
سامحوني اذا كان كلامي مو مرتب بس حبيت أفضفض وأستفيد من الأمهات اللي عندهم نفس اعاقة طفلي ..


هلا بالغاليات اللي قروا موضوعي واللي ردوا عليه حبيت أكتب لكم عن آخر تطورات ولدي الله يشفيه يارب ..
في البداية أشكر كل عضوة شاركت معاي بالموضوع سواء بالنصيحة أو بالدعاء أو بالكلمة الطيبة من جد تعلمت منكم الكثير وطبقت بعض النصايح وسويت كل اللي أقدر عليه عشان أطوره للأفضل وأخص بالشكر هيرت شوكليت والصابرة المحتسبة ..
من جات الاجازة استغليتها صرت أسولف معاه ليل ونهار ما اسكت ههه وشريت له بعض الألعاب التعليمية عن الأعداد والاشكال الهندسية والصلصال الصحي وكل يوم أعلمه شوي واخليه يلمس اللعبة ويردد وراي واذا حسيت انه مل اقول له خلصــــــــــــنا صار يحب هالكلمة فديته ههه وبعدين اعطيه شوكلاته مخصصتها بس حق التعليم يعني ما اعطيه اياها في غير وقت ..
النتيجة : زادت عدد كلماته وصار يكون جمل (أذكركم ان ولدي لسانه ثقيل وكلماته قليلة بس الحمد لله تحسن حيل في هالفترة) - وصار يحب اللعب أكثر ..
بس كنت احصل صعوبة كبيرة أثناء تعليمه لأنه يمون علي يعني لازم أحصل لي منه كم لطشة اذا تضايق (لأنه عصبي فديته) غير اذا صارت معلمة ثانية تعلمه يمكن يحترمها أكثر مني ههه
بس الحمد لله انا فرحانة بالانجاز اللي قدرت احققه وان شاء الله في الكم شهر الجايين راح أبدأ اعلمه لغة برايل وربي يعين دعواتكم ..
بس يبقى أكثر شي مضايقني انه ماعنده تواصل اجتماعي مع الأطفال الآخرين يمكن لأن ماعنده اخوان ..
آسفة على الاطالة بس حبيت اني اكتب لكم آخر التطورات لأنكم ماقصرتوا معاي ربي يخليكم لي ولا يحرمني منكم ويحقق لكم كل اللي تتمنونه يارب..

 

[رتو الكيوت]

ماعندي طفل كفيف بسس عندي خبره

ولدج بس كفيف يعني مو كفيف وصم يعني اهون من غيره شوفي فيلم هندي اسمه بلاك انتاج سنه الفين وخمسه بيفيدج !


شي ثاني ولدج ليش ماتعلنيه لغه برايل ؟

واذا تعلمهااااااااااااااا خلاص بيصير عنده شغل شكثر كمبيوتر العاااب قصصص !

هو بهالسن يعتمد ع مجسمااات وانتي علميه مو تلعبين وياه وبسس لا علميه علشان يلعب بروحه لافضا

روحي جرير وووالتعليم المبكر وتلقين شغل شكثر له الصالصال والي تعبنه تراب وهو يشكل شغلي اناشيد خل يحفظ ويدندن وياااهم

اشتري له مراجيح !

اشتري له قطو اليفه يلعب معها





وحرام ليش ماتدخلينه مكان خاص فيه وتطورينه ؟

 

[bint_looda]

عووورتي قلبي حبيبتي عسا الله يشفعلج فيه ان شالله ويدخلكم انتي وابوه الجنه يارب
ماعندي خبره والله بس حاولي تشوفين لج انتي دوره اشلون تعلمينه عشان تطبقين عليه وباذن الله ان شالله يارب بتحصلين

 

[بحر الذكريات]

الله يخليه لج ويعينكم يارب وتلقين الي تفيدج

 

[أهداب]

انتي بالكويت ؟

 

[ذبحني صمتي]

عورتي قلبي ..

ماعليه اختي هذا ابتلاء يارب تكونون قده ...

والله يعوووووووووووضج انتي وهوو بالجنه ..

وتذكري ان امام السنه والجمااعه ابن باز كان اعمى ....

وماشالله طلع من فطاحله العلم الششششششرعي ...

وعماه ماعااااااااااااااقه ....


يارب ربي يبلغج فييه ويجعله من الصالحييييييين لج يارب ...

والله حبيته ووليدج هذااااا

 

[شذا الياسمين]

ماعندي طفل كفيف بسس عندي خبره

ولدج بس كفيف يعني مو كفيف وصم يعني اهون من غيره شوفي فيلم هندي اسمه بلاك انتاج سنه الفين وخمسه بيفيدج !


شي ثاني ولدج ليش ماتعلنيه لغه برايل ؟

واذا تعلمهااااااااااااااا خلاص بيصير عنده شغل شكثر كمبيوتر العاااب قصصص !

هو بهالسن يعتمد ع مجسمااات وانتي علميه مو تلعبين وياه وبسس لا علميه علشان يلعب بروحه لافضا

روحي جرير وووالتعليم المبكر وتلقين شغل شكثر له الصالصال والي تعبنه تراب وهو يشكل شغلي اناشيد خل يحفظ ويدندن وياااهم

اشتري له مراجيح !
اشتري له قطو اليفه يلعب معها






وحرام ليش ماتدخلينه مكان خاص فيه وتطورينه ؟

مشكورة حبيبتي
ولدي بس كفيف مافيه اعاقة ثانية الحمد لله لكنه متأخر في النطق ويتكلم كلمات بسيطه ودي اعلمه لغة برايل بس للأسف ماعندنا جهات تعطي دورات أو تعلم لغة برايل وبعدين هو للحين مايتكلم عشان يتعلمها وبالنسبة للألعاب والله اشتري له العاب كثيرة لكنه يرفضها لكن بجرب هالمرة اشتري من التعليم المبكر..
وبالنسبة للأناشيد يحبها كثير ويحب يسمعها ..
لكني ابيه يتعلم الكلام والاعتماد على النفس ودخول الحمام وانتو بكرامة وبعض الآداب لكن موعارفة اتعامل معاه لأنه عنيد وللأسف ماعندنا مركز يهتم فيه تعبت وانا أسأل وأترجى (انا مو من الكويت) ..

 

[شذا الياسمين]

عووورتي قلبي حبيبتي عسا الله يشفعلج فيه ان شالله ويدخلكم انتي وابوه الجنه يارب
ماعندي خبره والله بس حاولي تشوفين لج انتي دوره اشلون تعلمينه عشان تطبقين عليه وباذن الله ان شالله يارب بتحصلين

تسلمين ياقلبي على المرور والدعوة الحلوة ..
من عمره سنه وانا ما خليت مركز تربية خاصة ما كلمته عن حالة ولدي واني احتاج دورات قالوا لي السنة الجاية ياربي شيصبرني للسنة الجاية الله يعين يعني انا مو محتاجة الدورة كثر ما انا محتاجة أشوف وأتعرف على أمهات مثلي أتبادل معاهم الخبرات وأتشارك معاهم ..

 

[شذا الياسمين]

الله يخليه لج ويعينكم يارب وتلقين الي تفيدج

تسلمين حبيبتي

 

[شذا الياسمين]

انتي بالكويت ؟

لاحبيبتي مو من الكويت ..

 

[شذا الياسمين]

عورتي قلبي ..

ماعليه اختي هذا ابتلاء يارب تكونون قده ...

والله يعوووووووووووضج انتي وهوو بالجنه ..

وتذكري ان امام السنه والجمااعه ابن باز كان اعمى ....

وماشالله طلع من فطاحله العلم الششششششرعي ...

وعماه ماعااااااااااااااقه ....


يارب ربي يبلغج فييه ويجعله من الصالحييييييين لج يارب ...

والله حبيته ووليدج هذااااا

ياربي لك الحمد والشكر ..
تسلمين حبيبتي ..
والله يسعدك على كلامك الطيب ..

 

[سنـــابل]

ما عندكم مدارس خاصه للمكفوفين ؟
هو الحين بسن الروضه حاولي تدخلينه مدرسه

 

[شذا الياسمين]

ما عندكم مدارس خاصه للمكفوفين ؟
هو الحين بسن الروضه حاولي تدخلينه مدرسه

في مدرسة لصار عمره ست سنوات لكن روضة ماكووووو ..وشكرا

 

[رتو الكيوت]

مشكورة حبيبتي
ولدي بس كفيف مافيه اعاقة ثانية الحمد لله لكنه متأخر في النطق ويتكلم كلمات بسيطه ودي اعلمه لغة برايل بس للأسف ماعندنا جهات تعطي دورات أو تعلم لغة برايل وبعدين هو للحين مايتكلم عشان يتعلمها وبالنسبة للألعاب والله اشتري له العاب كثيرة لكنه يرفضها لكن بجرب هالمرة اشتري من التعليم المبكر..
وبالنسبة للأناشيد يحبها كثير ويحب يسمعها ..
لكني ابيه يتعلم الكلام والاعتماد على النفس ودخول الحمام وانتو بكرامة وبعض الآداب لكن موعارفة اتعامل معاه لأنه عنيد وللأسف ماعندنا مركز يهتم فيه تعبت وانا أسأل وأترجى (انا مو من الكويت) ..

مالج الا تصيرين انتي ابله ولدج وعلميه برايل بنفسج بيستانس

كتب التعامل بجرير ويتويب مايقصررررررررررررر

وشوفي الموفي لاتنسين

 

[قلبي معاك]

الله يشافيه ويآجرج حبيبتي

 

[M!Ss English]

الله يشفيه ياااارررب

 

[M!Ss Smart]

الله يشفيه يارب انتي علميه مني ليما يدخل مدرسه دشي اليوتيوب وتعلمي شلون تعاملين مع ولدج اقري كتب اشتري له العاب مفيده عشان يتعلم علميه الثقه بنفس ولج الاجر

 

[HearT ChocolaTe]

دائما اقول لام المعاق انها هي الممرض الاول لولدها او بنتها
لاتنظرين بمنظار ضيق المدى حبيبتي

انتي امه ومعلمته وممرضته وكل العالم بالنسبه له ~ منت محتاجه لا مدرسه ولا اي طبيب
طالما انتي الجسر الاول بالنسبه للوصول الى الافضل

اشتري مواد ملموسه الكفيف عنده قدرات رهيبه للحفظ خليه يسمع قران راح تلقينه
يحفظ بسرعه القران هو اللغه الاولى للغه العربيه ~ سبحان الله بيدنا نعمه ومعجزه الهيه
ربي منحنا اياها ~ قسمي وقته ولاتخلينه يفضى سوي له حصص بالساعات حتى ما يمل

ولا تعبتي انتي ~ اخذي لج راحه معاه وقولي له ولنفسج اليوم اجازة بنطلع نشتري كتب
بنشتري العاب وديه معاج كل مكان وكلميه قولي له احنا بالمكان الفلاني وخليه يتحسس
الصور واللعب اللي يشتريها وخلي يختار

الكفيف عنده قدرات حلوه بالخيال ~ لا تعتقدين ان هو كفيف وقفت الدنيا لا بالعكس عنده الحاسه
السادسه قويه جدا ~ لدرجة ان الغرب يستخدمون الكفيف في امور كثيره جدا باكتشاف الجريمه

اسفه اذا كان كلامي مباشر وقاسي نوعا ما ~ بس آلمتني كلماتك لما قلتي ( احبه ومو قادره اسوي شي )

انتي كل شي بالنسبه له ~ ومن الطبيعي ان يكون عنيد حبوبه لان وده يكون له شخصه وذاته
في ابسط الامور اللي هو محروم منها في النظر الى العالم برؤيه واضحه

لا صرتي الصبح بالدوام ~ حاولي تسوين له حصص بجرس
بحيث اذا رن الجرس افتح لك القصص مثلا واختاري له القصص الممتعه في القاء
في بعضهم مملين راح تلقينه يستمتع طالما ان يحب الاناشيد استغلي هالشي

الحصه الثانيه تكون حصة الاناشيد
واختاري اللي يكون فيها اطفال لان الطفل يتقبل اصوات الاطفال

الحصه الثالثه رسم اشتري له طين وخلي يتلمسه
وفي طين طبي ما ينشف ولا يلصق باليد

اشتري له التركيب اكثر من نوع الحجم الوسط مو الكبير ولا الصغير اللي يكون بالصوت
يتحدث مربع دائره .. الخ

ولما ترديين شوفي شنو انتج وشجعيه دايما وقولي له كلمات تحفز الابداع من داخله
وقولي له عجبني الشكل اللي سويته بالطين مثلا

العصر طلعي له لعبه المأكولات والتذوق : علميه المالح - المر - الحامض - الحلو
او لعبة الفواكه ذوقيه اليوم التفاح وقولي له تفاح تفاح تفاح لما يحفظها وجربي النوع الواحد شهر كامل

ولا تنسين تكافأينه بشي يحبه ~راح تلقينه مع الايام باذن الله تغير

اتمنى اني افدتج بالقليل وربي يقر عيونج فيه والحمد لله على نعمة الصحه اللي عنده
ولدي شلل دماغي على كرسي متحرك وثقتي بالله اكبر من اني تخليني اشوفه بياس

انظري له بحب وامل ~ وثقي بالله بانه معك دوما

دمتي بود

 

[عروووب99]

دائما اقول لام المعاق انها هي الممرض الاول لولدها او بنتها
لاتنظرين بمنظار ضيق المدى حبيبتي

انتي امه ومعلمته وممرضته وكل العالم بالنسبه له ~ منت محتاجه لا مدرسه ولا اي طبيب
طالما انتي الجسر الاول بالنسبه للوصول الى الافضل

اشتري مواد ملموسه الكفيف عنده قدرات رهيبه للحفظ خليه يسمع قران راح تلقينه
يحفظ بسرعه القران هو اللغه الاولى للغه العربيه ~ سبحان الله بيدنا نعمه ومعجزه الهيه
ربي منحنا اياها ~ قسمي وقته ولاتخلينه يفضى سوي له حصص بالساعات حتى ما يمل

ولا تعبتي انتي ~ اخذي لج راحه معاه وقولي له ولنفسج اليوم اجازة بنطلع نشتري كتب
بنشتري العاب وديه معاج كل مكان وكلميه قولي له احنا بالمكان الفلاني وخليه يتحسس
الصور واللعب اللي يشتريها وخلي يختار

الكفيف عنده قدرات حلوه بالخيال ~ لا تعتقدين ان هو كفيف وقفت الدنيا لا بالعكس عنده الحاسه
السادسه قويه جدا ~ لدرجة ان الغرب يستخدمون الكفيف في امور كثيره جدا باكتشاف الجريمه

اسفه اذا كان كلامي مباشر وقاسي نوعا ما ~ بس آلمتني كلماتك لما قلتي ( احبه ومو قادره اسوي شي )

انتي كل شي بالنسبه له ~ ومن الطبيعي ان يكون عنيد حبوبه لان وده يكون له شخصه وذاته
في ابسط الامور اللي هو محروم منها في النظر الى العالم برؤيه واضحه

لا صرتي الصبح بالدوام ~ حاولي تسوين له حصص بجرس
بحيث اذا رن الجرس افتح لك القصص مثلا واختاري له القصص الممتعه في القاء
في بعضهم مملين راح تلقينه يستمتع طالما ان يحب الاناشيد استغلي هالشي

الحصه الثانيه تكون حصة الاناشيد
واختاري اللي يكون فيها اطفال لان الطفل يتقبل اصوات الاطفال

الحصه الثالثه رسم اشتري له طين وخلي يتلمسه
وفي طين طبي ما ينشف ولا يلصق باليد

اشتري له التركيب اكثر من نوع الحجم الوسط مو الكبير ولا الصغير اللي يكون بالصوت
يتحدث مربع دائره .. الخ

ولما ترديين شوفي شنو انتج وشجعيه دايما وقولي له كلمات تحفز الابداع من داخله
وقولي له عجبني الشكل اللي سويته بالطين مثلا

العصر طلعي له لعبه المأكولات والتذوق : علميه المالح - المر - الحامض - الحلو
او لعبة الفواكه ذوقيه اليوم التفاح وقولي له تفاح تفاح تفاح لما يحفظها وجربي النوع الواحد شهر كامل

ولا تنسين تكافأينه بشي يحبه ~راح تلقينه مع الايام باذن الله تغير

اتمنى اني افدتج بالقليل وربي يقر عيونج فيه والحمد لله على نعمة الصحه اللي عنده
ولدي شلل دماغي على كرسي متحرك وثقتي بالله اكبر من اني تخليني اشوفه بياس

انظري له بحب وامل ~ وثقي بالله بانه معك دوما

دمتي بود

كلامج حلو وفعلا اذا طبقتى هالكلام بتسوين تجديد بحياته وحبيت اضيفلج شى انه فى مواقع تعلم لغة برايل اذا حابه تعلمينه او انضمى لجمعيات لرعايه المعاقين احتمال تلاقين دورات وانا حاضر اذا تبين شى لان عندى حاله مشابه لولدج والله يخليه لج

 

[للحين خجوله]

حبيبيتي الله ياجرج صج صديعورج قلبج انة مايشوف قولي الحمد للة اختي عندها بنت وولد بس ماشاء الله الولد تعلم طريقة بريل والبنت كانت تشوف وبعدين سبحان الله قل النظر والحين ماتشوف درستها بمدرسة عادية والحين تخرجت من الجامعة من كم شهر الفال لولدج نصيحة علمية بريل وخلية اشوي اشوي يندمج مع اليهال اللة يشفية ويشفيج الجميع ويبرد قلبج ومن ابتلى اعرف حسرة الام على ولدها وبعد ولد خالي كفيف من جاء وراح ابوة ودخلة معهد المكفوفين والحين معيد يارب اكون فدتج بشي