بنات حبيباتي أشكر كل من شارك في الموضوع سواء بلوك أو
بالرد على الموضوع أو حتى المرور فيه فالشكر للكل 
و اسمحولي تأخرت عليكم بالأغراض اللي استخدمتها باللوك
( الأزرق و الذهبي )
نبدي
بسم الله الرحمن الرحيم
أول شي هذي صور الفرش اللي استخدمتهم ماركة عادية بس ما شالله الفرش نااااااعمة :rerrerek:
1 - في البداية حطيت على كامل الجفن مثبت للشدو من diego
2 - استخدمت بهالخطوة الفرشة رقم (2) ووزعت على كامل الجفن الشدو رقم (1) لونه نحاسي على ذهبي و بنهاية الجفن الخارجي المتحرك حطيت (2) اللون الأسود
وزعت بنص الجفن المتحرك لمن نهاية الجفن المتحرك (يم اللون الأسود) حطيت رقم (3) اللون الأزرق .. وبديت أدمجه مع اللون السود .. للدمج استخدمت فرشة رقم (4)
هذا شكل علبة الشدو اللي استخدمتها رقمها (1)
وهذي صورة توضح الألوان اللي استخدمتها :
3 - بهالخطوة استخدمت الفرشة رقم (4) ضفت اللون اللي تحت بالصورة لونه أزرق على كحلي بالجفسة اللي بين الجفن المتحرك والثابت . وزعته على خفيف ما كثرت من اللون
4 - بهالخطوة رجعت واستخدمت الفرشة رقم (2) ووزعت الشدو الأزرق الفاقع ماركة sea ray بنص الجفن المتحرك ومن تحت العين كلها
ومن تحت الحاجب وزعت الاضاءة من serge louis
بهالخطوة استخدمت فرشة رقم (3) حطيت شدو ذهبي من diego حطيته عند مدمع العين كنت بصوره بس انكسر للأسف :eh_s(11):
5 - كحلت عيوني من الداخل بكحل لونه كحلي من burjois وركبت رموش وحطيت ماسكرا dior show
بعد ما خلصت من العين استخدمت فرشة رقم (1) انظف واشيل اي شدو انثر تحت العين
6 - استخدمت عدسات رمادية tri kolor لونها grey , حطيت معاها الحمرة الوردية وهذا شكلها
والعدسات العسلية من bella لونها cool hazel , حطيت معاها حمرة رقمها 49 من serge louis
وسلامتكم وتعيشون
:eh_s(7):
