ميونيخ زلمسي 2010 اهداء لكم

[ام مهاوش]

ام مهاوش كنتي تطبخين غدا ولا بس ريووق ؟؟؟؟

لاحبيبتي بس الريوق الغدا والعشا برا

 

[ام مهاوش]

ام مهاوش مشكوره على التقرير الحلوو شجعتيني اروح لها تتوقعين جم تكلفني انا وزوجي التذاكر والسكن والرحلات والمطاعم من غير التسوق لان انا ماحب اتسوق واجد اهم شي عندي الرحلات 

العفو ولو
والله حبيبتي يختلف من شخص لي شخص انا لما حجزت كانت التذاكر رخيصه هالسنه الاسعار شابه نار وسعر السكن هم كان رخيص انتي اول شي حسبي التذاكر والسكن اما المصروف مو وايد

 

[milkey way]

مشكوره ماقصرتي على التقرير وايد وايد حلو بس بطلب منج طلب أنا رايحه ان شاء الله على 29/6 إلى 15/7 احنا 4 أشخاص وحجزنا على الإماراتية كويت - ميونيخ - كويت ومن نوصل بنروح زلمسي ماراح نقعد بميونيخ اشرايج بعد قلبي تسوين لي جدول كامل للرحلة يعني كل منطقه جم أقعد فيها ؟؟؟؟ وودي أخر 3 أو 4 ايام ارد ميونيخ اتسوق ومنها نرجع الكويت .

واتوقعين جم تكلفني مصرف وسكن واشرايج اسكن بفندق ولا شقق فندقية ؟؟؟؟ لأني بصراحه أهم شي عندي النظافة وتكرمين الحمام .

وراح أكون شاكرتلج

 

[om_7sin]

Milky way انا عند نفسي مااحب الفنادق صج اكشخ واحلى بس احس تضايقين لازم شقة فيها مطبخ على الاقل تسوين بيض ولا خفايف وخصوصا اذا معاج يهال في وايد شقق حلوة ونظيفة وبالنسبة للحمام اخذي معاج هوز من لوازم العائلة وركبي بالمغسلة واشتري لج الابريج الي يتصفط حق الطلعات والمطار هاا شراييج بالافكاار والله كلت افكاار بالبنات بالمنتدى الله لايحرمني منهم

 

[ام مهاوش]

مشكوره ماقصرتي على التقرير وايد وايد حلو بس بطلب منج طلب أنا رايحه ان شاء الله على 29/6 إلى 15/7 احنا 4 أشخاص وحجزنا على الإماراتية كويت - ميونيخ - كويت ومن نوصل بنروح زلمسي ماراح نقعد بميونيخ اشرايج بعد قلبي تسوين لي جدول كامل للرحلة يعني كل منطقه جم أقعد فيها ؟؟؟؟ وودي أخر 3 أو 4 ايام ارد ميونيخ اتسوق ومنها نرجع الكويت .

واتوقعين جم تكلفني مصرف وسكن واشرايج اسكن بفندق ولا شقق فندقية ؟؟؟؟ لأني بصراحه أهم شي عندي النظافة وتكرمين الحمام .

وراح أكون شاكرتلج

حياج الله حبيبتي نورتي التقرير
نصيحه نامو ليله بميونيخ حق الراحه اول ماتوصلون ومن باجر روحو زلمسي ولا صعبه عليكم ترانزيت لي دبي وبعدين لي ميونيخ ولما توصلون على طول تروحون زلمسي ماراح تقدرون الطريج بالسياره من ميونيخ لي زلمسي من ساعتين ونص لي ثلاث ساعات
او تقدرون تروحون من ميونيخ لي سالزبورغ تقعدون فيها 3 ايام المنطقه وايد حلوه وصايره بالنص بين ميونيخ وزلمسي ساعه ونص من ميونيخ وارشحلج فندق ستين موقعه بالسنتر وعلى النهر والفندق فخم وسعره زين
السكن بزلمسي احسنلكم انتو انا بصراحه نفسج اهم شي عندي النظافه والحمام وانتو بكرامه بس الشقه اللي سكنت فيها يديده ونظيفه وهالشي شجعني اسكن فيها
اذا تبين شقه موقعها حلو ويديده ونظيفه عندج نفس المكان اللي سكنت فيه عندهم شقه فيها غرفتين تكفي اربع اشخاص وعندج شقق جدامنها اسمها ابارتمنت بوست انصحج فيهم بعد
واذا تبين فندق على حسب ميزانيتج طبعا التوب اهوا فندق قراند او انصحج بفندق موقعه حلو وموبالازعاج يم شقتنا اهوا هيتزمان
واذا تقدرون تروحون فيينا روحو بعد
امبي انا سويت موضوع هههههههههههههه
تقسيم الايام ليله بميونيخ حق الراحه واربع ليالي بسالزبورغ سبع او ثمان ليالي بزلمسي والباجي بميونيخ حق التسوق
الميزانيه على حسب من شخص لي شخص بس اختاري الفنادق وقوليلي واحسب انا وياج

 

[ام مهاوش]

milky way انا عند نفسي مااحب الفنادق صج اكشخ واحلى بس احس تضايقين لازم شقة فيها مطبخ على الاقل تسوين بيض ولا خفايف وخصوصا اذا معاج يهال في وايد شقق حلوة ونظيفة وبالنسبة للحمام اخذي معاج هوز من لوازم العائلة وركبي بالمغسلة واشتري لج الابريج الي يتصفط حق الطلعات والمطار هاا شراييج بالافكاار والله كلت افكاار بالبنات بالمنتدى الله لايحرمني منهم

انا احس كل مكان واللي يصلحله احب الفنادق وخصوصا اذا كانت 5نجوم وبالسنتر وهم الشقه حلوه على الاقل تحسين انج مرتاحه مكان وسيع تاخذين راحتج وتشجعت لانه سعرها زين وقريبه من السنتر وشكلها نظيفه ويديده
انا معاج الصراحه اللي معاها يهال لاتاخذ الا شقه
انا كنت ماخذه معاي ابريج عادي القديم هههههههه وشريت الابريج اللي يتصفط بس كلش مو مريح
انا بالطلعات اشتري بطل ماي ويؤدي الغرض ههههههههههههه

 

[milkey way]

شوفي حبي ننزل بميونيخ ونروح على طول زلمسي اتهقين نحجز سيارة تودينا ولا نروح بالقطار ؟؟؟؟؟؟ ونقعد فيها 4 ليالي بالنسبه لفندق قراند فل على الآخر مافيه ولا غرفه ورشحولي فندق :
- tirolerhof
- gruner baum

اشرايج فيهم ؟؟؟؟؟

وبعدين نروح سالزبورغ وبنقعد فيها 3 ليالي وحجزنا في فندق الشيراتون وبعدين بنروح لمنطقه اسمها سيفلد انتريول وبنقعد فيها 6 ليالي وحجزنا بفندق eden hotel seefeld وبالأخير بنرد ميونيخ بنقعد بالميريديان 3 ليالي.

ها حلو البرنامج ولا لا ؟؟؟؟؟ اتهقين اغير البدايه اخليها من ميونيخ لي سالزبورغ بدل زلمسي ؟؟؟

وهمتج معاي ابي تكتبين لي كل الأماكن السياحية والمطاعم والقهاوي والأسواق وبعد لو تكتبين لي برنامج حق ميونيخ وزلمسي وسالزبورغ .

 

[milkey way]

ناطرتج​

 

[q.u.e.e.n]

التقرير روووووووعه عليكم بالعافيه

 

[أم هنونه]

حمدلله على سلامتج حبوبه
حيل فادني موضوعج وريته ريلي لانه ناوي نسافر زلمسي وان شاء الله بكتب تقرير عن رحلتنا هالسنه

 

[*kim*]

يعطيج العافيه

 

[milkey way]

حبي ناطرتج
:eh_s(9): :eh_s(9): :eh_s(9): :eh_s(9):​

 

[milkey way]

اب اب اب ​

 

[milkey way]

أين انتم ؟؟؟؟؟؟؟؟؟؟​

 

[dlo3a81]

حبيبتي ياليت تفيديني بالاسواق والماركات المجودةواذا عندهم اوت لت لان سمعت انه اكبر اوت لت عندهم..
بالنسبة للسفر من ميونخ لي زلمسي..
شلون السفر كان صعب وهل تاخذون اغراضكم الجناط كلها وتردون فيها مره ثانية للفندق؟؟
مو تعب تتوقعين؟؟
وهل كان مخطط الرحلة ميونخ زلمسي حاجزته من الكويت ولا من هناك؟؟
وتنصحين اروح ميونخ انه احب الشوبنق وااايد وودي بسوق وطبيعة ومكان سكن نظيف ..
وشكراا)

 

[milkey way]

انا بعد ابي رد على استفساراتي ​

 

[wujud]

زلمسي رووووعه
عليكم بالف عافيه

 

[milkey way]

صباحووووو​

 

[ام مهاوش]

شوفي حبي ننزل بميونيخ ونروح على طول زلمسي اتهقين نحجز سيارة تودينا ولا نروح بالقطار ؟؟؟؟؟؟ ونقعد فيها 4 ليالي بالنسبه لفندق قراند فل على الآخر مافيه ولا غرفه ورشحولي فندق :
- tirolerhof
- gruner baum

اشرايج فيهم ؟؟؟؟؟

وبعدين نروح سالزبورغ وبنقعد فيها 3 ليالي وحجزنا في فندق الشيراتون وبعدين بنروح لمنطقه اسمها سيفلد انتريول وبنقعد فيها 6 ليالي وحجزنا بفندق eden hotel seefeld وبالأخير بنرد ميونيخ بنقعد بالميريديان 3 ليالي.

ها حلو البرنامج ولا لا ؟؟؟؟؟ اتهقين اغير البدايه اخليها من ميونيخ لي سالزبورغ بدل زلمسي ؟؟؟

وهمتج معاي ابي تكتبين لي كل الأماكن السياحية والمطاعم والقهاوي والأسواق وبعد لو تكتبين لي برنامج حق ميونيخ وزلمسي وسالزبورغ .

سوري سوري عذريني توني اشوف استفسارج
تبين الصراحه تعب عليكم اول ماتوصلون ميونيخ تروحون زلمسي الطريج ثلاث ساعات بالسياره
واذا بالقطار اربع ساعات لانكم راح تبدلون القطار وراح تقعدون بالمحطه ساعه الا ربع على مايوصل القطار الثاني انا نصيحتي نامو ليله بميونيخ ومن باجر روحو زلمسي
هالفندقين اللي رشحولج بزلمسي حلوين وعندج الاحلى هيتزمان غرفه احلى واكبر ومكانه هادي مافي ازعاج وبنفس الوقت بالسنتر
المنطقه اللي بتروحون لها ولامره سمعت عنها اول مره اسمع فيها شوفي شنو اللي يصلحلكم شنو الاقرب لها يعني لوزلمسي اقرب خلو اول شي سالزبورغ بعدين زلمسي او العكس
ونصيحه اذا بتستانسون اشترو قارمن واجرو سياره

 

[ام مهاوش]

التقرير روووووووعه عليكم بالعافيه

مشكوره حبيبتي الله يعافيج وان شاءالله تروحين وتستانسين