اخت زوجي

[سـوار الياسمين]

السلام عليكم ..... انا توني عروس واخت زوجي بس تتصل علية تطلبة يجيب من المطعم لها يوديها لسوق مع العلم انها متزوجة و زوجها عندها مدري ليه ماتطلبه وهي توها والدة جابت ولد وطلعه الاربعين كل ماشافتني تقول لي شدي حيلك وحملي ابي ولدي ياخذ بنت خالة صرت اتضايق من كلامها :eh_s(16):

 

[Čut!e Quèéи]

انتي تقولين توكم متزوجين
يعني اهيا متعوده على اخوها مايقصر معاها
يمكن ماتحب تطلب زوجها او نفسيته مو زينه معاها او اي عذر ثاني
و متعوده تطلب اخوها واهو ماشاءالله مايقصر معاها
يعني يبيلها وقت عشان تخفف طلباتها يبيلها تتعود على الجو اليديد
وتستوعب ان اخوها تزوج وعيب انها كل اشوي تتصل وتطلب
راح تتعود مع الوقت تحملي اشوي وبيني حق زوجج ان هالشي يضايقج
اوكي اختك على عيني وراسي بس مو لي هالدرجه خلاص انت مو عزوبي

 

[عنودهـ ~]

لاعادي فديتج هذي اخته
يمكن زوجها مشغول اوشيئ
المفروض تستانسين ان زوجك مهتم بأهله
ونصيحة لاتفكرين هالتفكير اوتقولين يمه ليه تجيب لها وتودي لها لان بيشره عليك
هذول اهله
بعدين توك عروس لاتفكرين بالعيال
اذاقالت لك ابتسمي وقولي ان شاءالله
الله كريم
اناصارلي 6 شهور تقريبا ومابعد احمل ولاافكر مثلك
ترى بتتعبين نفسك صدقيني اشتري راحة بالك وطوفي
وبالتوفيق حبوووبة وربي يرزقك بالذرية الصالحة
ان شاءالله

 

[امل يائس]

شوفي انتي نفسج قلتي توها طالعه من الاربعين يمكن ما تبي ريلها يشوفها عشان جذي توصي اخوج
ترى عادي ما فيها شي اخوها و سندها بالحياة وعلى سالفه البيبي تتغشمر يا عمري تبي تشوف عيال اخوها
تبي الي عندها يصير عندج هذي امنيتها بالعكس من كلامج حسيتها طيبة

لا تروحين لذاك الراي الشين خليج عند حسن ظنهم انتي توج عروس
كوني لج مكانه و شخصية حلوة عندهم من البدايه

ترى انتي ما عندج اي مشكلة مع حماتج عيل شحال لو تشوفين بلاوي البيوت يكفيج الشر

عشان جذي قولي اعوذ بالله من الشيطان الرجيم و كل ما يابت طاري البيبي قولي لها
الله يسمع منك يا قلبي انشالله ربج كريم و من هالحجي

الله يرزقج بالذرية الصالحه

 

[LeeMa q8]

ياويل قلبي حالي من حالج ياعمري

آنا صاير سايق لحضره جنابهم ... لو الامر يرد لامه وخواته بالبيت اوك تهون

بس سايق لخواته المتزوجات وعيالهم ويوديهم جمعيه وطبيب وصالون وسوق ومطعم ومادري ايش وربي قهررر
ويوافق دايركت وانتي سنه ياله يقول اوكي


وفوق هذا خميس وجمعه وسبت يشتغل للمتزوجات وباجي الاسبوع طلبات بنات البيت والوالده وانا النفسيه علي ويالاه اروح !!


آآآآآآآآآآآآآآآآآآىه قهر



توني اقوله باجر ابي السوق ولا يقولي واعد امي اوديها باجر لوووووووووووووووووول


وربي مت قهر !!


الله يرحم حالي يارب

 

[ابدا يالغالي مانساك]

حبوووووووبه اضن هذا مايضيق
بقولج كلمه من لها خير بهلها
بتشووفين خيره ومنفعتها لزوجتها
والمفروض تستاانسين والاخو غير غير غير
عن الزوج
واكيد اخت زوجج حيل مع زوجج يعني شي مايضايق بالعكس يسعد

 

[honey lust]

شدعوه تتضايقين عشان قالت يبي بنت!!!

 

[om_7amny 85]

عاد انا كله اقول حق امي لا تزوجين اخوي باجر مرته تصك علينا و ما نقدر نطلب منه شي
انا متزوجه و وايد اوقات تمر علي احتاجه

 

[روان المطيري]

الحمدالله وشكر عادي شفيهاا واذا دقت ع اخوها مافيهاا شي
وحبيبتي حطي فبالج شي واحد ( زوجي اذا مافيه خير ل اهله ما فيه خير فيني )
والله يهديج

 

[كرستينآ]

عادي مافيها شي لاتصريين حساسه وبعدين الرجال مايحب وحده تتملكه يعني حب التملك مايدانيه فهمتي

 

[حزن الليل]

طوفي حبيبتي واذا قالت يبي بنت ترى تتغشمر معاج
واذا يوديها ان شاء الله ازمه وتعدي حبيبتي
عيشي يومج,,

 

[قصه طويله]

ياربي يالحريم تبين تقطعينه من اهله والله ان دل على حلاه وطيبته الله يهنيج فيه وحطيه بعيونج وحماتج حبووبه بالعكس تبي منكم بنووته معناته يحبوونج وزوجج اهله ان مانفعهم مافيه خيير

بنات اشفيكم على الحموله غصب تغلطوونهم حرام افهموا عدل او تغاضوا وكل شي عند رب العالمين

المهم اهديتي لحماتج هديه على سلامتهاا -قهويتيهااا ؟؟؟ لاتقصرين بالواجب تراها تستاهل ولاجل عين تكرم مدينه

 

[سعوديه واحب الك]

اب اب

 

[اشتياق]

ماتوصل للقطاعه عاد شددعوه عليكم؟؟؟؟
والله اني لي رفعت التلفون على اخوي وقلت له فلان تعال ودني
والله اني ما احسب لا حساب مرته ولا حساب شي غير انه اخوي.

وماراح ينقص منه شي بيرد لج على حطته

 

[جنون العاصفه]

ياربي دخيلك الاخو صار اجنبي من يتزوج ..هاذا اخوها موسايق ..اذاتزوج خلص ماتطلبه لاالام والاخت
اعوذ بالله من الوقت هذا الواحد مايطلب احد ...وش ينقال له اخ ؟
اقول مايصير الكلام هذا يعني ماتطلبين اخوك ...الحين حتى الكلام مايتكلام مع اهله
يكفينا الشر

 

[فالنتينو]

ياحليلك توك عروس مفروض تحاولين تكسبين اهله

 

[طيف ابها]

بيبتي بياجي يوم وتحتاجين اخوانك ربي لايحرمك منهم وتمونين عليهم وربي يرزقهم مثلك حبوبات ويقدرون معنى الاخوه
اشوف الامر عااااااااااااااااااااااااااااادي جدا الى ان كانت غيره مخفيه منك فهي من الشيطان لاتتركين له عليك سبيل
والله اني افرح اذا ودى خواته وخدمهم
بترجع له وتجيبله الخير خيركم لاهله واذا جاه الخير بيجيني معاه لاني زوجته
الله يحفظ لي اخواني ولايحرمني منهم
ويحفظ لي زوجي فوالله انه لنعم الولد لاهله الله يرحم امه وابوه ويسكنهم جناته ويشفيني ويشفيه ببره لوالديه ورعايته لاخواته انه القادر الكريم

 

[G!RLooNa]

ههه امبيه شفيكم جباريت ما تتحملون شي من الحموله ؟؟؟

و خل تقول ييبي بنت تصير مرت ولدي شفيها كل الناس تقول جذي و من هني لما 18-25 سنه جدام الله واعلم شبصير !!!!

 

[aṕriliå]

ترى تزوجتيه مو معناته ملكج بروحج ومال اهله حق عليه

 

[أسيرة بدران]

آنا أخوي لكبير عمره 26 ليلحين ماتزوج بس متعوده يوديني واهوا من بد اخواني كلهم مدلعني دايما اييب لي شي معاه قبل لايرد البيت يتصل يسألني شنو تبين من ماكدونالز وكان يوديني المدرسه والمعهد وحتى لما انروح العيد عند بيت يدي ما أروح مع امي وابوي أروح معاه ويعطيني بين فتره فلوس ماحب آخذ منه استحي بس يحلف علي ومايقصر بهدايا النجاح فديته الله يخليه لي ولاتزعلين من هالشي طبيعي اخوها ويحبها ليش الغيره من اخت زوجج وشنو الي يزعل عشان قالت لج ييبي بنت تضايقتي ليش يعني مو ناويه تحملين بالمره