عشان يكون تحدي متكافي ابيها فوق الـ 90

[ღfatoshaღ]

السلام عليكم ورحمة الله وبركاته ....
حبيبتي فتوشة ما تشوفين شر ان شاء الله ايه والله ولهانين على البنات ..
الكتكوته حياج الله وهذي الساعة المباركة أوزانا كل يوم خميس ان شاء الله والله يخليلكم ابوكم .... لا ما انصحج بجهاز نزلي من اليوتيوب ستبس او اي تمارين بخاطرج .......سويها وشتري الوصلة بين لاب توب والتلفزيون وحطي التمارين .....وسوويها وريجيم .... وزن هين ان شاء الله تنزينه والحمد الله انه الحصار ما شمل النت .. وبنكون معاج

الشر ما اييج يا قلبي ؛***

 

[تفداج روحي]

المرتهش
مسموووووحه يالغاليه والله يبشرج بنتايجهم الطيبه والله لا يخسر التعب


ميخالف شدي حيلج بالميزان هالاسبوع وكل شي يتعوض الا الصحه

 

[ღfatoshaღ]

مرحبا بنات شخباركم وشلون الرحله السعيده معاكم اتمنى تكون رحله سهله ما فيها معوقات ومطباااااااااااااااات هوائيه

فتوشه ياحلوه ما تشوفين شر حياتي والله يعينج شيلي اللوز وارتاحي يأثر عليج بعدين والله يوفقج بدراستج ويسهل عليج امتحاناتج
فديت روحج شخبارج الغاليه وان شاء الله مستمره والاراده ميه ميه ترا ما بقالنا الا اسبوعين على نهايه الشهر عسى ربي يعيننا على هالزوائد ويخلصنا منها بصحه
سراب ياقلبي العصير 4 ليمونات + 8 برتقالات + 2 موز + 4 ملاعق شاي عسل ياعسل بالخلاط وتشربين منه طوووووووووووووووووول اليوم بس
يومين وبعدين تردين على نظامج
النظام انتى تقولين تملين اذا الريوق والعشا نفس الشي صاجه بس شنسوي نحتاج نكسر الوزن وهالنظام ان شاء الله يكسره ويكسر راسه بعد مو بكيفه لازم ينزل ويفكنا عاد مو غصب
جنى فصلت بس بااااااط جبدي وزني عالاقل اتخلص من التسعين
وعندي امل ان شاء الله
سمبل شلون الاراده ما اوصيج عاد
كتكوته حياج الله بيننا والله يفرج لج هالحصار بالزوج الصالح ان شاء الله

حياتي تسلمين لبى قلبج ان شاء الله بعد الامتحانات بسويها
تسلمين ع دعوتج الحلوه و ربي يعطيج ع قد نيتج يا روحي

 

[ღfatoshaღ]

مساء الخييييير يا صبايا :eh_s(17)::eh_s(17)::eh_s(17):

شلونكم شخباركم ؟؟؟ عسى مو مخربطين بالريجيم :eh_s(4):.....

فتوشة : ما تشوفين شر حبيبتي و ان شاء الله موفقة بامتحاناتج :yaaaaaarb:
كتكوتة : الله يعينج حبيبتي .... ترا ماكو احسن من المشي العادي امشي بالبيت او بالحوش والله احسن من تروحين ممشى او الجهاز المشي ... انا عندي جهاز مشي مليت منه .... عندي امشي بالحوش ابررك واحسن و تغييير جووو

والله فقدتكم يا بنات هالويكند احووس ويا اختي عندها اعروس واستقبالات واحوس وياها ادور لها بدل صج الحين السوق احسه مو منزل شي يديد بس الهدوم تشجعج انج تضعفين و تصكين حلج ... عاد كنت مخربتها يايتني الدورة و بالزوارة حيل اكل بهالحلووو خخخخخ ... على المغرب رحت ويا اختي السوووق من شفت السوق خلاص هونت مابي اخربط تعشيت بس شوربة خضار قلت خلاص خلاص ما ابي اخربط حسيت بالندم ليش خربطت :eh_s(2): .... قلت بعد شوي أمشي بالحوش اغير جووو



ان شاء الله يارب نكون كلنا نازل وزنا :yaaaaaarb:

الشر ما اييج يا بعد قلبي تسلمين ع ألدعوه يا قلبي وربي يحقق الي ببالج

 

[ღfatoshaღ]

ياهلا باختنا اليديده
حياج الله بينا واحنا يوخيتي يدا واحده ضد الدهووون
ويوخيتي لا تلومين اهلج لا خافو عليج والله الدنيا تخررررع والوحده تفرح لاشافت اهلها خاشينهاعن غرابيل الدنيا الحمدلله في ناس ضايعين وماخذتهم الدنيا وبلاويها الله يعافينا مما ابتلاهم فيه


فتوشه
شلونج يا عسل وشلون الدراسه
الله يشافيج ويعافيج ويسخرلج احسن الاطبا
ميخالف قزريها هاليومين سوائل وبعدها شدي حيلج معانا وصدقيني خيره بدال التخربط وديري بالج من الرد بل



هلا بخواتي هلا وغلا

بقولكم شي
يوم اليمعه كان يوم ميلادي وريلي يابلي خاتم من داماس وانا اقول وين طار معاشه
المهم عطاني الخاتم ييت بلبسه والا ضيييج مسكين ما عرف قياس اصابعي الدرابيليه لان كل

مره ياخذ خالتي بس هالمره رايح مع ولد عمه
جان يقول ترا تقدرين تبدلينه عادي قلتله لاااا انا بضعف بس عشان البس هالخاتم ؛) شرايكم بالهدف اليديد

اول شي كل عام وانتي بالف خير وعقبال 1000000000000000000000000000000000000سنه ساري
تسلمين يا قلبي ويسخر لج ريلج ويرزقج بالذريه الصالحه يارب ويفرح قلبج وقلب ريلج
ما اقدر ابطل الرد بول إدمان وادري ان ايدج بتحلي الخاتم

 

[ღfatoshaღ]

تسلمين حبيبتي سروبه فديت قلبج الشر مااييج

 

[ღfatoshaღ]

دلوعه حمني

تسلمين يا قلبي وربي يوفقج بامتحاناتج

 

[ღfatoshaღ]

السلام عليكم ورحمه الله وبركاته
صباح الخير ياوجيه الخير
شلونكم بشروني عنكم
وشلون النزول
بنات انا ابي العذر منكم والسموحه
بناتي اختبارات وحدي حدي مااقدر اشبك الا وقت قصير
بالبدايه ابي ارحب بكل وحده جتنا حياها الله
وثانيا للاسف وزني زاد حيل لاني قلت موقفه رجيم لان الدوره تستوجب الاكل للمره
بس ان شاءالله الخميس اكون نازله عالاقل لو شوي
قريت ردودكم فديتكم
وفعلا ترى حافز ودافع لنا
بشروني عنكم

الله يوفق بنوتاتج وتشوفين نسبهم العاليه والي تسر الخاطر وتفرح القلب

 

[^ سراب ^]

ياااهلا وغلاااا فيكم شخبااااركم ان شاءالله بخير



تفداج روحي انا بخير الحمدالله انتي شخبارج وشلووون الرجيم


المرتهش عاااااذرينج ياحياتي والله يوووفق بناتج وباعلى الدرجااااات بس شدي حيلج بالرجيم


ام فهووود اي والله غير المكان يمكن عشان نفسيه وبغرفه النوم تصيرين ممله وتكااااسلين غيري المكان وبتغير نفسيتج



سمبل شخباااااارج وشلون الرجيم


وقانون شخبااااارج وان شاءالله ماخربتي





وحده زعلانه تبي تشترك بالنادي الصحي وزوجهاااا رافض قصد فيهاا. زوجهااا هالبيتين










خير وش عندج من هروج العرب مشتطه

الاهم من الحكي كله رضا محبوبج

ماعليج ان ضايقوج وعيروج يالبطه

قولي ان البطن بطنج والجنوب جنوبج

مادام اني راضي بج علامج معتفسه

فديت خدج وقلبج وكل دهونج





ههههههههههههههههههههههههههههههههههههههه

​

 

[milkey way]

ترا على حسب الجسم ينزل ترا تقدرين تنزلين من 8 كيلو لي 16 كيلو ... اذا شديتي حيلج تنزلين بالشهر 8 كيلوو يعني بشهرين 16 كيلو بس ما افضل جذي لانه راح تردين هالوزن بسرعة .... احسن شي ترا 6 كيلو بشهر عشان ما يزيد وزنج بسرعة و لا يطيح شعرج بشهرين تكونين قاطة 12 كيلو هم حلوين :eh_s(15):

ماقدر اضعف 20 كيلو ودي انزين اذا مشيت كل يوم ولعبت بالغزال الطائر ؟؟؟؟ ​

 

[milkey way]

هلا والله ميلكي وي 15 كيلو

عفيه عفيه ابي تشجيع
:ggdw: :ggdw: :ggdw: :ggdw: :ggdw: :ggdw: :ggdw::ggdw: ​

 

[تفداج روحي]

سراب

الشعر حددده عجبني لووووول

 

[تفداج روحي]

والله احس كلش ما فيني طاقه ارهااااق وتعب من الامتحانات والبيت وولدي وماعندي خدامه احس بيييين والشقه يبيلها مساح وانا كل يوم باجر جد جد تعبانه وما يمدي اسوي شي كلش

 

[^ سراب ^]

تفداج روحي الله يعينج ميخالف خلصي جم شغله يعني اليوم خمي وباجر امسسحي انزين جيبي مؤقته تسسساعدج وانتي ادرسي



الله يعين






يالله اخليكم برووح الممشى زوجي ززززززهق يقووول زين جسسمج يتعاجز لايووودي. هههههههههههههه

​

 

[o$oOo$]

قوه بنات شخباركم
تو جايه من الممشى
احس بنشاط وحيويه
اليوم ثاني يوم لرجيم الشوربه الحارقه
بنات اكتشفت انه زوجي مايحبني وعادي مانصدمت الانه بن كلب بس الكلب وفي اوفى منه بس لاتخافون ماهبط معنوياتي بكمل الرجيم .

 

[o$oOo$]

بنات شسوي ابي انزل من وزني متى يعني اصير سعيده ومرتاحه والبس كل شي ابيه متى والله انشالله يابنات اذا ضعف ان شاء من غير شر انشالله راح اسوي كل اللي يقدرني عليه ربي عشان احافظ على جسمي ....

 

[Obtamistic]

السلام عليكم :eh_s(7):
أحي أبارك حق كل اللي ضعفو واللي ماضعفو ماعلية المهم إنكم بديتو بالتغيير ومع الوقت النتايج بتبين واللي متناه بسنين يبيله وقت وصبر وبإذن الله تلقون الي تبونه وأحسن إن شاء الله

تفداج روحي حبيبتي كل عام وإنتي بخير وإن شاء الله تعودينه بالصحة والعافية يارب :eh_s(7):

قانوون كيفك الحمدالله على سلامتج ياحلوة :eh_s(7):

ღfatoshaღ حبيبتي والله ماتشوفين شر :eh_s(7):

المرتهش ماعليه حبيبتي أهم شي صحتج والله يوفقج ويوفق بناتج ويبون علامات كامله

بنات أنا اعتذر من زمان ما دشيت ولا حطيت وزني تر مانزل إلا 800 غرام لاني تخفيف
بس هم صارت لي ضروف ما قدرت أشبك كلش لهيت مع الأهل والنومه معتفسة والغبار اللي يه تعبني فشوي خقيت ، هل يومين خربطت للأسف :eh_s(16): بس اليوم ضبطت نفسي وإن شالله أنزل اللي سمنته
بس الدورة متأخرة علي جم يوم وإذا تأخرت ينتفخ بطني وأزيد ما أدريي شسوي عشان تنزل ما أبي أخذ دوة أبي شي طبيعي يريت اللي عندها فكرة تقولي

وأبيكم تسامحوني لاني هل فترة مشغوله وايد وماني قادرة أشبك إدعولي الله يسهل كل أموري أبي يصير شهر 6 عشان يبدى الجد ويريت أكون ضاعفة عل أقل 10 كيلو عشان أبلش رياضة لان الحين مافيني لياقة نفس قبل وظهري يعورني بس الحمدالله على كل حال :eh_s(6):

أشوفكم على خير :eh_s(8):

 

[o.m.f.a.h.a.d]

مساء الخير صبايا :eh_s(7):

المرتهش : الله يوفق بناتج ان شاء الله ... وان شاء الله بعد الدورة ردي على الرجيم بس الحين حاولي تخففين ... حتى انا يايتلي الدورة ورجيم معتفس انطر اخلص منها ارد الرجيم ورياضة

سراب : اي والله من غيرته شوي تشجعت ودي امشي فيه بس انطر اخلص من الدورة وارد العب رياضة

تفداج روحي : الله يعينج حبيبتي ... حاولي كل يوم شي تسوينه او يبي اللي يكونون مؤقت بس فترة صباحية او مسائية بس حق تنظيف .

ميلك واي : والله تقدرين تنزلين 10 بالشهر بس متعب وتزهقين من الرجيم بس يخلص الرجيم تردين تاكلين ... انا مرة نزلت 10 كيلو بشهر بعدين ابي اكمل شهر اللي وراه خلاص احس مليت من رجيم ابي اكل وبس وبعدين رديت متنت ... من جذي اقولج احسن شوي شوي عشان لا تردين على وزنج القديم ... شدي حيلج وان شاء الله تنزلين :yaaaaaarb:

سوسو : ان شاء الله تضعفين بصحة وعافية :yaaaaaarb:

 

[دلوعة حمني]

قوة بنات شخباركم؟؟
سوري ماقدر ادش وايد لان امتحاني الابواب و ولدي بعد عمري مريض.. ادعوله يصير زين فديت قلبه

ماشية على رجيم دشتي و غداي كان همبرجر و سلطة سيزر بالدجاج... العشاء شاورما و شيش طاووق و السناك خيار و طمام او جبن و تسلمون

سوسو...

حبيبتي ممكن زوجج زعلان منج مو ما يحبج مرة وحدة! الله يسخر بينكم ان شاءالله

 

[تفداج روحي]

صباحكم خيييير

بعد عمري خواتي ما قصرتو شكلي بييب وحده تشتغل وتروح بس كللللش ما احبهم ماني قادره اتقبلهم

الله يسهل علينا فتره الامتحانات وبنات حاولو انكم ما تضغطون وايد على نفسكم عشان نفسياتكم بس مو معنى هذا انكم تخربونها لالالا بس اذا ما قدرتي تسوين رياضه ماعليه واذا قدرتي خير وبركه


سمبل
اعرف شعورج ودج تقطين الهم الوزن بسرعه وتفتكين وودج يكون نزولج قوي بس انا اقولج كل جسم عن جسم يفرق عشان جذي لا تحطين ببالج رقم كبير عشان لا تتحبطين بس يكفي انج قاعده تنزلين نزول حلو
وحبيبتي احنا اجسامنا كبيره يبيلها فتره عشان يبين عليها الرجيم عرفتي يعني مو اقل من ١٠ كيلو عشان يبين انج خاااقه


سووسوو
ذكري الله وهدي اعصابج ليش ما يحبج واهو اختارج بين البنات وتزوجج هااا ما تردين
وبعدين ساعات الرياييل يسوون حركات مو ببالهم ان يضايقونه بس اهم طبعهم غيييير عنا


اوبتسامستك

اشرقت الانوار ياهلا شلونج؟
الواحد اذا بلويه ما يقدر يفكر عدل والا يفضى حق رجيم بس امشي مضبوط الحين دام ان الحمدلله صحتج صارت احسن :**


ام فهد

صاجه حياتي اللي يضغط على نفسه وايد تييله فتره ينهد بس الشاطر اللي يعرف يتعامل عدل مع نفسه وجسمه ونا يحرم نفسه من شي بس بوجبه فري مو كل الاسبوع فري

دلوعه

الله يشافي وليدج ويعافيه حبيبتي :*
وشدي حيلج بالامتحانات وربي يسهل


سراب

لووول الرياييل عبارتهم عياره ماعليج منه لما صارت السالفه فيها طلعه قال شحلات جسمج يمه منهم يمه


ميلكي حبيبتي
اذا اخترتي نظام صح ويناسب جسمج راح تنزلين انشالله بس بعد اقولج لا تستعيلين ولا تحطين رقم كبير ببالج