شوروا علي.. اتطلق والا؟؟

[عالمي المجنون]

سوري كتبت الموضوع ومن الضيقة ماجابلت النت

الي تقول طريقتج غلط اتبعت مليون طريقة ولا فاد

اييله بالغشمرة والضحك بس ماكو فايدة

قلت ماكو الا اسلوب الزعل بس بعد مو هامة

والي تقول تناقشي معاه والله العظيم اني مااشوفه عشان اتفاهم معاه

يرجع من الدوام ينام مايقوم الا 1 او 2 بالليل انا اكون بحط راسي وبنام

وا\ا بيرجع يرجع 8 او6 واول امس راجع 10 ونص الصبح

تخيلوا يوم كامل برا البيت ولي دزيتله مسج ابيك ترجع مبجر اليوم ودي اكلمك بجم موضوع

يدق ويعصب ويصارخ قولي موضوعج بالفون مااهد الديوانية عشانج قولولي متى اناقشه متى اكلمه مااشوفه

انا حاليا كلمت خالتي قتلها امي الوحيد فيج لاني ان دخلت اهلي ادري راح يخلوني اتطلق محد يرضى ع بناته

وخالتي واقفه معاي ومستحية من افعاله تقول كنت ادري من الاول انه مو مال زواج

 

[حشمه]

الله يعينج وان شالله يتعدل

والحمدلله امه واقفه معاج وعارفه ولدها

بس يمكن البيبي يغيره يحس بالمسئولية

 

[classicyah]

و الله شو أقولج ،

اول شي حآولي اتصلين جدآمه عشآن هالشي يخليه يفكر انه فيه شي غلط في حيآته ،

في وقت صلآة الفجر ، دقي له اذآ كآن محد بالبيت و قوليله حبيبي ترى أذن ،

طرشيه مسجآت أدعيه و فضآئل و أهمية الصلآة ،

ان شآءالله ، يهتدي و يصلي . .

،

موضوع الطلعآت و الروحآت ،

حآولي اتشوفين شو هوآيآته ، شو يحب ، شو يتآبع ، شو الشي الي يعشقه ؟

شآركيه هوآيآته و اهتمآمآته ،

و الله بيحب اليلسه ويآج ، و بيخفف من روحآته للديوآنيه و بتخف طلعآته . .

طرشيله نكت و جي ، خلج فرفوشيه ، و دووم مبتسمه ،

حسسيه انه البيت هو المكآن الوحيد الي يرتآح فيه ، يشتآق له و مآ يقدر يفآرقه ،

مآ يحآتي يرجع البيت يلآقي وحده اتكشر بويهه ،

خلج ذكيه بالتعآمل ويـآه ،

اعرفي كيف تكسبيه ،

و ترى 6 شهور اشويه ، يبآلج وقت لين مآ تكسبيه و اتخلينه يميل صوبج . .

أهم شي اصبري ، و غيري من نفسيتج و أول مآ يدش البيت ، كوني مبتسمه ،

و الله الإبتسآمه و الكلآم الحلو و الإحترآم و الثقه أهم شي في الحيآه الزوجيه ،

امدحيه دوم ،

حسسيه انه هو يقدر على المسؤوليه ، و انه هو الريآل الوحيد الي تعتمدين عليه لو تبين شي ،

عقبهآ بيحب هالمسؤوليه و مآ بيحس انهآ كسرة ظهر ،

،

صح هو يخون ،

بس انتي خليه مآ يشوف غيرج . .

لآ اتفتشين فونآته و لآ شي ،

خليه يشوف فيج كل شي ،

انج الزوجه ، و الحبيبه ، و الصديقه و الأم و الأخت و البنت ، كل شي ،

عوضيه عن كل احسآس يدوره برع . .

و الله من عقبهآ ، مآ بيلتفت لغيرج . .

.

الله يكون في عونج و يسخره لج . .

 

[عالمي المجنون]

احلف بالله اني كل شي سويته

الابتسامة ماتفارق ويهي حتى يسميني مصجومة بمعنى الخبلة

كل ه\ا لاني ابتسم لي فتحت له الباب

من كثر التعب مافيني حيل لا اضحك ولا اتكلم حتى مجابل الناس كرهته

والصلاةاصلي جدامة واقوله قبلها اني بقوم اصلي بس جني مااكلم احد

 

[عالمي المجنون]

والي تقولي ليش تقولين له مااصرف على عميان

انا ما قلتها عبث انا حتى \هبي وخاتمي الالماس بعته عشان اساعده

ولا عمري عايرته بشي مع ان شهادتي اعلى منه وكل شي فيني احسن منه بس مو طبعي اعاير احد

بالعكس اهو الي يعايرني ليش اني مااسوق واخاف من السواقة

 

[{سيد العذارى }]

حبيبتي كله ولا الطلاق لا تفكرررررررررررررررررررررين فيه كلش حبيبتي انتي حامل الحين فكري في هالبيبي بتخلينه يكون بين ابو وام متطلقين بالعقل بتحالين كل اموركم ..

الصلاه انتي تقدرين تعلمينه عليها تخوفينه من الله بالكلام العدل وصدقيني اذا اعتدل فالصلاه بتعتدل حياتكم بكبرها ,, المصرف قولي له انتي من معاشك لازم كل شهر تخلي مصرف للبيت انته انسان متزوج الحين وصدقيني حبيبتي الرجال بالكلام الحلو يصير مثل الطفل قدامج كل اللي تبينه بيسويه لج لكن بالنفسيه الخايسه والصراخ ماراح تشوفين الا وجه اخر انتي ماتحبينه


واخر شي ادعي ياقلبي الدعااااء لربج انه يسير حالج في كل صلاه وانتي ساجده الله يوفقج ويسر لج دربج انتي وزوجج ويرزقج بالبيبي المعافى يارب

 

[مــلاك]

الطلاق مو حل وشاللي يخليج ضامنه انه اذا تطلقتي بتزوجين احسن منه

حاولي تقعدين معاه وتفاهمين بهدوء وتعطينه فرصه

 

[NODA 2]

وتصرف الي تصرفتيه والنفسيه الي كنت فيها ما تحل ولا شي من الي قلتيه
وماتعطيج لو عذر واحد ان يكون الصح معاج

بالعكس كان حده غلط
يوم يتغشمر تنفسين وماتردين عدل
اكيد بروح حق غيرج

لن بالاساس انتي ما واجهتيه

والطامه الكبرى الصلاة
شنو ردك فعلج ؟!
ماكلمتيه ولا مره بالموضوع ؟
ما تفاهمتي بالموضوع ؟

عندج مواضيع وايد
كل موضوع يبيله تصرف غير
كل موضوع يبيله تفكير غير

انتي خلطتي المواضيع
واخترتي اسهل حل الي اهوا الطلاق

الخين بصير عندج بيبي ان شاءالله
ما ينفع الطلاق

توج ٦ شهور ما شفتي شي

سالي نفسج شنو سويتي عشان تحلين كشاكلج ؟
ولا شي لن اصلا ٦ شهور اكيد ما مداج تحلين مشكلتين
الي اهما الصلاة والخيانه

اذا ٦ شهور ولا قادره تتحملين شلون
بتتحملين بعدين بروح مسؤوليه بنت ولا صبي بروحج

حلي مسالة الصلاة بالاول
وخلي يكون عندج موقف صارم بالموضوع

بعدين فكري بالموضوع الثاني

الله يعينج

انا مع الاخت وترا لاحظة طريقه كلام ريلج شنو اشوتج وين قاعدين قوليله لا يحسبج وحده مع الربع حبي انتي لج احترامج وتقديرج احرجيه جدام امه فهميها قوليها ترضين هالكلمه تنقال وسالفة الصلاة هذا يبلها احد ريال كبير وواعي يكلمه او علشانلا تحرجينه قعدي مع امه قعده
بروحكم وقوليلها انج تبينه بس لازم يتغير والله يهديكم

 

[لولوه الحربي]

عسى الله يصلح لج ويهديكم بدايتج معاه كلها غلط الرجال يحب يحس باالمسؤليه وانتي خليتي نفسج الرجال والمره وبكره الام

حاولي تطلبين ابدلع حسسي باالمسؤليه غيري نفسج من الداخل قبل الخارج وعليج ابصلاة الليل اكثري الدعاء له ولا تنسين لا هادي فيمن اضله الله ولا مضل فيمن هداه الله

اخذيها نصيحه من اختج تبين تجننينه لمن يجي يلمسج قوليله العقد الي بيني وبينك باطل يعني الفرق بينك وبين الكافر الصلاة

جذي تلوين اذراعه وحياة الفراغه الي عايشها تحسسينه ان رجال على الاقل يحس باالمسؤليه

اول ما يجي المعاش على طول روحي السوق واصرفي الفلوس على ملابس الجاهل وقوليله ابيك تزيدني لا تحسسينه ان طول ماانتي موجوده كلشي سهل هذا ما رح يتعدل غير لمن ينكسر ضهره يعني لا تكثرين طلبات ولا تسيرين لينه وما انتي محتاجه شي

فهمتي علي عاد انتي وشطارتج عسى الله يوفقج ويسهل ولادتج حبيبتي ويسخرلج زوجج باالخير

 

[dectora 7elwa]

واجهتي بالخيانه بالتوقيت الغلط
الكرت اللي عندج حرقتيه
رحتي بيت اهلج ورديتي بروحج
اقري كلام كتكات احمر
عين العقل

 

[kanoosha]

اولا توكم متزوجين ماتعود على المسئولية صبري شوي
وهذا الغلط تحملون قبل لاتتأكدون من استقرار حياتكم
واذا تطلقتي شتبين تستفيدين ؟؟؟؟؟ كل الرياييل جذيه ترى زوجج زين
غيره شذوذ ويبيج تنامين مع صديقه ومخدرات
قولي الحمد الله
والصلاة مو كل شي ياما يصلون وهم اخس الناس
انتي اسلوبج غلط معاه
مو كل كلمة والثانية تعايرينه لااا
ترى المرة هي اللي تسنع الريال
بالكلمة الحلوة تقدرين تكسبينه
واذا تطلقتي انتي الخسرانة هو بيتزوج غيرج لكن انتي من يبي مطلقة وعندها ولد ؟؟؟؟[/
quote]

انا معاها منو يبي وحده مطلقه الحين وبعد عندها عندها يبا خيولي خليه يكلم منو مايكلم انتي الاساس بيلعب بيلعب واخر شي بيردلج والله امي كل ماقالنا لها يما ريايلنا اتكلم اتقول عادي ابوككم وعمامكم كانوا جذيه حتي بالعيد يسافرون ويخلونا وطاقينا بالطوفه والحين مرده لي بيتي اشكبره وسيارتي عندي وحريتي لااسم مطلقه ولاشي ..الحين والله والله ياخيتي اقرب الناس واهو يعايرج

 

[لـــوزه]

حبيبتي انا رايي من راي البنات ماكو ريال كامل ... لازم كل انسان فيه عيوب ...

وتوكم متزوجين لازم تعلمينه ان فيه فرق بين رفيجتك ومرتك ..
مرتك تتحملك لكن رفيجتك لو يصير اي شي بسيط بتهدك وتخليك ...
ادري صعب انه المره تتحمل الخيانه بس ترا اغلب الريياييل جذي ...

واحمدي ربج ريلج ماعصب عليج على نفسيتج ترا شكله خوش ريال ... لكن يبيله شوي صبر ... وهالله هالله بالصلاه ...
هذي اكبر مشكله عنده ...
قربيه من ربه وخليه يصلي ... وشوفيه عقبها شلون راح يتغير ...

والله يهديه امين .. ويعطيج الصبر حبيبتي
​

 

[سوسن1980]

لاتتخذين قرار وانتي حامل بعد ماتولدين بالسلامه قرري لان الحمل ياثر عالنفسيه

 

[غير كل الناس]

الحامل نفسيتها تتعب

وكل شي بالتفاهم

 

[عالمي المجنون]

بنات في ردود تبط الجبد لما تقولون انتي الغلطانة

انا ما نفست عليه الا لاني تعبت من الصبر واني اكلمه ماكو فايدة

ريلي اصلا مايعرف يتغشمر انا الي علمته الغشمرة والا اهو عصبي حيل

حتى اهله بعد ماملنا كانوا كله يقولون لي الله يعينج ع عصبيته بس بطريقتي كسبته

اقولهم بالعكس عمره ما عصب علي بس اسلوبه تغير بالفترة الاخيرة

والي تقولي ماالومه لما يخونج وانا شنو ناقصني عشان يخوني؟؟

حتى لما واجهته اول مرة وشفته ضايف بنات بالبيبي قالي والله مااسولف معاج ولا يسوونج

والي قلته شي من واايد اشياء مو قادرة ا\كرهم لاني عاهدت نفسي مااتعب نفسي بهالامور

 

[عالمي المجنون]

وعموما كلمت خالتي وخالتي انصدمت من الكلام

قالتلي ه\ا شي ماينسكت عنه مثل ماقال يبي يتزوج يتحمل مسؤولية زواج وبيت ومرة

واليوم ابوه دق عليه وبيقعد معاه ويكلمه لان الي قلته صدم خالتي

قتلها انتي كلامي لج يابلج الصداع لو تعيشين الي عشته وشقته

قالتلي الي يسويه شي موطبيعي مايسويه الريال لو بعد 7 سنين

اهم يدرون ان ولهم راكبة الغلط من راسه لي كرياسه حتى علاقته باهله موزينة

ودايم امه تشتكيلي منه

 

[عالمي المجنون]

والي تقولي ليش حملتي

اولا كنت مكلمته فترة الخطبة وقايلتله مابي اعيال الا بعد سنة بس اهو قالي لا انا ابي اعيال بسرعة بربيهم قبل لا اكبر

وثانيا ه\ي حكمة الله انا حملت من اول ليلة شنو \نبي؟؟ اقول حق الله ليش بليتني فيه؟؟

مت وبجيت يوم دريت اني حامل بس بعدها حمدت ربي خصوصا لما اشوف غيري متشفق ع البيبي

وانا الله رازقني واتمنن ع نعمته؟؟

بنات بليز الي بتقول شي معقول ومفيد خل تقوله اما غيره ما اتمنى اني اقراه

 

[عالمي المجنون]

http://arb3.maktoob.com/vb/arb344427/

دشي هاالرابط ياقلبي حاولي تستفيدين ابقدر الامكان من هاالقصه الواقعيه وتراني احس انها مشابهه لقصتج اشوي ان شاء الله تستفيدين

بعد عمري الله يوفقج دنيا واخرة يارب:yaaaaaarb:

والله العظيم اني استفدت واااايد من القصة

ومن يوم قريتها وانا متغيرة+ مرتاحة ولله الحمد

ماتدرين اشكثر استفدت منها الله يكثر امثالج:eh_s(15):

 

[كويتية نايس]

تناقشي معاه في هدوء ولاتقولين مشكلتج حق احد لانها بينج وبينه شكوو امج وامه انا اقول تناقشي معاه في هدوء

 

[lolly]

يعني ماعنده خرابيط؟! ترا صح الربع يوزعون تلفونات البنات اللي يغازلون على بعض ..
انا عن نفسي اللي يأذيني اسجل رقمه عندي باسم يوصف سالفته وابلغ ريلي عنه عشان اذا تكرر اعرف منو صاحب الرقم

وموضوع الديوانية للصبح او المصرف خلي احد من بيتكم يكلمه .. واختاري شخص يعرف يكلمه وريلج يحترمه ويثق فيه.
واذا تبين السالفه بينكم بس .. تقدرين تدلعين عليه وتاخذين اللي تبيه .. او تعصبين عليه وبالاخير انتي اللي تراضينه بدل ما يراضيج!!