شوروا علي.. اتطلق والا؟؟

[عالمي المجنون]

انا لو شايفة ان الكلام منه فايدة جان سكت

بس بنات والله ما فاد معاه اقوله لي متى تسهر؟ يقولي كل يوم اسهر شنو اليديد

اقوله امل اخاف اقعد بروحي يقولي نامي شمقعدج؟؟

اقوله بالله صار فيني شي وانا حامل؟ يقولي لي صار فيج شي دقي علي

و اهو مرة يرد علي و10 مرات يحقر

وقبل لا يطلع يقولي لاتدقين كل ساعة مع اني والله ماادق الا ا\ا شفته تاخروتصير الساعة 2 واكثر

مااعرف انام بروحي مرة اقوله بجد ومرة ابجي ومرة بغشمرة بس مايهمه

 

[lolly]

ترا عادي اغلب الرياييل جذي بالديوانيات للصبح حامل .. مريضة .. تعبانه .. خايفة .. بروحج .. اي شي .. المهم ديوانيته .. وخصوصا اذا كان مدخن او شاي وقهوة و كوت بو6 او له هوايه مع ربعه

 

[اشتياق]

اكبر غلط تسويه المره مع زوجها المعاير
ياراضيه على وجه ابيض يا زعلانه وما اتكلمين.!

بررلج موقف ارقام البنات خلاص ماله داعي تكرهينه بعيشته
تحبينه مستعده تكملين معاه الحياة صبري عالحلوه والمره

نفسيه ومالج خلق من أولها بالله شيبي فيج؟حتى لو كله عيوب
محد يشوف عيوب نفسه وبيشوفج انتي الغلط

 

[عالمي المجنون]

واقولكم اخر موقف له يوم اليمعة كنت معزومة ع عرس

قتله ودني يقولي روحي مع اهلج>> معتمد واايد ع اهلي

قتله لا انت ودني وداني 10:30 ماادري ليش رايحة العرس بعد

وقتله ا\ا خلصت بدق عشان ترجعني جان يقولي ردي مع اهلج دامهم موجودين قتله لا انت تردني دربي غير دربهم

قالي انتي تعاندين قتله لا بس انت ملزوم توديني وتييبني عصب وراح معصب بالسيارة

ع الساعة 1 دقيت قتله وينك عشان تاخ\ني قالي بالديوانية قتله انا خلصت مرني قالي قتلج ردي مع اهلج

قتله اهلي راحوا قالي ليش مارحتي معاهم قتله اهم مومكلفين فيني جان يقولي عيل نطري متى مايت ييت ماني طالع من الديوانية الحين>> طبعا بصراخ

وقالي مو كل ساعة تدقين قتله وين دقيت؟؟ قال اي اقولج عشان لاتدقين بعد؟

نطرت الي الساعة2 درشتله مسج مارد ودقيت عليه 5 مرات ولا يرد علي حاقرني

اهلي اصلا ماراحوا بس قتله ج\ي عشان يمرني كلمت امي قتلها قطوني بيتي جان اختي تقول لا دربج غير دربنا

انحرجت والله بس امي قالت لها وديها خل تكوي ملابس ريلها لان عنده دوام ورحت معاهم ودزيتله مسج اني رحت مع تاكسي ولا رد علي

ع الساعة 3 الفير تخيلوا داق علي حقرته >> توه يستوعب

تخبلوا بنات مارجع الا 4:30 الفير ولا حتى سئلني متى رجعتي ولا مع منو؟؟

في اكثر من ج\ي عدم اهتمام واهمال من القهر ماكويت ملابسه

خليته الصبح اهو الي يكويهم

 

[عالمي المجنون]

اكبر غلط تسويه المره مع زوجها المعاير
ياراضيه على وجه ابيض يا زعلانه وما اتكلمين.!

بررلج موقف ارقام البنات خلاص ماله داعي تكرهينه بعيشته
تحبينه مستعده تكملين معاه الحياة صبري عالحلوه والمره

نفسيه ومالج خلق من أولها بالله شيبي فيج؟حتى لو كله عيوب
محد يشوف عيوب نفسه وبيشوفج انتي الغلط

انا ماني عوبه ولا نفسية

بس لي عشتي العيشة الزفت الي انا عايشتها ماتكلمتي

شنو اكثر من اني البيت الي قاعدين فيه مافيه ولا ليت

ابشرج حتى الحمام وانتوا بكرامه مافيه ليت ادخل الحمام بشمعة

قوليلي اشلون اتصرف مع واحد ج\ي؟؟

والبرادة عيزان يحط فيها ماي

تدرين شسوي عشان نشرب ماي اعبي البطولة ماي واحطه بالثلاجة

او احطه قلاصات بماي واحطهم بالثلاجة

 

[عالمي المجنون]

ريلي يبيني بس اخدمه

كل ماقتله طلعني او خل نطلع قالي اقول جابلي بيتج

المرة مالها الا بيتها بيتي نظيف شسوي فيه ياناس

بس يبي يحكرني واهو يبي يطلع وتدرون شقولي

مرة يقولي الياهل غيره ياهل والمرة غيرها مرة

اهو يبي يكسرني يبيني خدامة له مالي لا حقوق ولا واجبات

بنات ترى انا اخصائية اجتماعية يعني عارفة الي اسويه مو سفيه او اميه

جامعية وناجحة والله الحمد بحياتي بس ريلي متعب بشكل محد يتخيله

 

[نشيج الروح]

شوفي يا حلوة عالجي معاه مسألة الإيمان والتقوى الي أساسها الصلاة وإن شاء الله تنحل الأمور .... حاولي تحببينه بالصلاة وكسبي أجر وبيني له أهمية الصلاة وشنو فضل المصلي وعقوبة تاركها ... شكل ريلج يسمع للطرف الثاني ومتفهم ففتحي قلبج بطريقة حلوة وهو بيتقبل إن شاء الله ....

والطلاق لا تفكرين فيه حاليا ... فكري فيه لا شفتي أنه آخر شي تقدرين تسوينه ويكون من مصلحة الجميع ... مصلحة ولدج .... مصلحتج ... مصلحته

 

[lolly]

اهوا متعب وانتي تعاندينه !!
تبين نصيحه اخيرة!!
سويي اللي يبيه وبعدها زعلي عليه بدلع
الرياييل ما يفهمون مسؤولية الزواج الا لما يمرون بمواقف .. تصير مع ربعه او اهله او اهلج ويفهم شوي شوي متطلبات زوجته وحياتهم شلون المفروض تصير.

 

[عالمي المجنون]

استغفر الله واتوب اليه

ماادري والله بس حاليا قاعدة اكتبلي ورقة

اسجل فيه اغلاطي عشان اتفاداها في اشياء ادري غلطانة فيها

و اولها اني تساهلت وتعاطفت معاه من البداية وه\ا اكبر غلط

 

[كويتيه مذهله 87]

الله يسخره لج يارب

 

[عالمي المجنون]

اهوا متعب وانتي تعاندينه !!
تبين نصيحه اخيرة!!
سويي اللي يبيه وبعدها زعلي عليه بدلع
الرياييل ما يفهمون مسؤولية الزواج الا لما يمرون بمواقف .. تصير مع ربعه او اهله او اهلج ويفهم شوي شوي متطلبات زوجته وحياتهم شلون المفروض تصير.

والله اني موعنيدة

ماعاندته الا اخ\ يومين يوم كان يكرر كلمت انتي تعانديني

عرفت ان اهو حاط اباله اني اعانده

يا حبيبتي ريلي لي طلع من البيت لا يحطلي لا مصرف ولا يدق يطمن علي

يعني تخيلي يوم الخميس طلع من 10 بالليل ومارجع الا 10:30 الصبح ولا دق ولا طرش مسج

ولا حطلي مصروف والبيت مافيه حتى خبز قوليلي اشلون اتصرف:eh_s(11):

لو ماكنت زايرة اهلي العصر وحطولي غدا ومن الغدا خشيت شوي تعشيت فيه

بالله ه\ي عيشة؟؟

وامس والله العظيم والله علي شاهد اني ما كليت الا 10 بالليل يوم مرني اخوي ياخ\ني من الشقة

حاطني بالبيت ورايح الدوام ويوم قتله ودني بيت اهلي يقولي تبين اقوم قبل دوامي بساعتين عشان اوديج بيتكم؟؟ مع ان بيت اهلي مو بعيد

 

[ريمي اميري]

هلا حبووبه ... الله يقومك بالسلامه ولله العضيم حااااسه فيك ,,, ونتي معاااك كل الحق ,, بسسسس

فيه شغلات انتي غلطي فيهاااا ,,, الرجال ياااحبوبه ماينسى قلبه قلب بعييير يحقد عليك مهما كاننننن يموووت على الارض الي تمشين عليهاااا بس ماينسى فيووووم انك عايرتيه ,,,,,
صح هو غلط احسه عايش مثل اول يعني كانه عااازب ,, وهذا غلط وراه بيت وراه مره وسؤلية بيبي جاي ابلطريق ,, والصلااااااااااااة اهم
شيء ,,,,,,,,,,,,,, طيب تعرفين الطريقه ايش مو بالعناااد والسب والمعاااير لا ابد ماله فايده
الصبرررر + الحب+ التحمل + المسؤليه ... باذن الله راااااااااااااح تفوزين حبوووووبه وتبنين بيتك صححححححح بدل ماتهدمينه ,, صح عليك فكري بالي بطنك ,, بعدين انك لقيتي ااااسامي بنااات بجواله وش يعني قليلااات ادب مو مربيااات .. ويمكن كلمهم عشان يقلد اصدقاااء السوووء ,, انتي حبيييييييهههههه واعطيه حريته عشاااااان يحس بالامااااان ويرجع لك يحب القعده معك ,,,, الله يعينك وينور عقلك ويهدي ازواااجنا جميعاااااااا يارب ,

 

[ام زهقانه]

لا تهدمين بيتج بيدج بار تتحسفين انتي معصبه الان حامل وتعبانه من الدوام هونيها استخيري باجر صدقني يحس بمسؤليه

 

[عالمي المجنون]

الله يسمع منكم

الله يهدينا اثنينا

انا تعبت ومافيني اتحمل اكثر

امسح دزيتله مسج واهو بالدوام وانا بيت اهلي: احبك بس تعبت معاك

رده كان : .................................>> ولا شي حتى احساسه معدوم

 

[اسبــانيــة]

اول شي قولي حق اهلج عن سوالفه

لا تسكتين

ولا تفضلين ام زوجج على اهلج

شوفي شنو يقولونلج اهلج

ثاني شي حتى لو معاشه 100 دينااار خل يقط عالبيت انتي شكو بالبيت؟؟

منو الريال فيكم ؟؟ وشككووو تريحيينه؟؟؟

خل يصرف عالاقل عالبيت مو على بنات خلق الله؟؟

الريال كثر ما خذيتي منه كثر ما عزج

فسفسييييه خليه عالحديده خلي يصير شغل بو رنه عادي

ومعاشج تهني انتي فيه

واذا قالج وينه قوليله عطيت امي ابوي رفيجتي تزوجت

وماله شغل بالمعاش

وقوليله وراج ولاده تكاليف المستشفى ماتقدرين عليها خل يخش

وبتاخذين اموومه يعني ماكو معاش

خليه ياكلهااا صح

 

[عالمي المجنون]

اسبانية

ه\ا الي راح اسويه الحين

انا غلطت بالاول وماراح اكرر غلطتي كلش

الريال لو معاشه 50 اهو الي يصرف ةه\ا كلام امه

قلت حق امي ومن يومها صاكة فيها الدنيا ساعات اتحسف ليش قتلها اخاف تكره مابيها تكرهه لان بصير ابو ولدي

واخواني لو دروا بلي يسويه فيني جان خلوني اتطلق من ج\ي ماحبيت ادخلهم بالموضوع الا ا\ا فقدت الامل

قلت اكلم اهله بالاول تعدل تعدل ماتعدل ماكو الا اهلي

 

[احساس السعوديه]

الله يعينكم
لاتفكرين بالطلاق ودوووم تررى بداية الزواج كذا مافي تفاهم في اغلب الامور
وان شا الله تنحل مستقبلا
احيانا تطول فترة التفاهم سنة وزياده
تفاهمي معه باسلوب وحااولي تقرين كتب وبعض الامور
عشان تمشين حياتك وتعرفين امور بيتك

والله يسخر لك زوجك ياااارب ويبعد عنه بنات الحرااام

 

[NODA 2]

ريمي اميري ترا ردج يضحك هههههههههههههه بس والله كلامج واقعي صدقتي لما قلتي الريال قبله قلب بعيررر خخخخخخخ
ما ينسا حق المره اي زله لو تافهه و سبحان الله احنا شلون ننسا ما ادري

 

[عالمي المجنون]

استغفر الله و اتوب عليه

 

[احساس السعوديه]

الله يعييييييييينك
والله شكل زوجك متعبببب
الحمدالله ربي قاعد يختبرك عليك بالصبر وحاولي تغيرين امور مانفع
روحي بيت اهلك وشوفي شنو بيسوي

>>>>>>>>>> مع انه يقولون مو حل انك تروحين بيت اهلك ماراح يتغير شي
بس شالحل

وانتي على كلامك اخصائية اجتماعية مارة عليك مواقف اكثر من كذا اكيييد
ولا ؟؟؟؟

وموضوع الصلاة شسويتي فيها

( ان الصلاة تنهى عن الفحشاء والمنكر )
غصب يصير قاسي ومايهتم وهو مايصلي الله يهديه يااارب
والله يهون عليك بالسلامة عاد انتي حامل اهم شي نفسيتك