...حيره

[قاهره عذالي]

طبعا قمصان النوم انتي محتاجه قمصان طويله
واهم قميص قميص ليلة العرس

هذا اللي اقصد فيه بجايم حراير للبيت

فستان قصير للبيت

 

[قاهره عذالي]

طبعا محتاجه دراريع فخمه 6 الى 7 دراعات للمناسبات
ابي احط لج جم موديل فخمين تاخذين فكره

 

[قاهره عذالي]

واهني ابي احط لج دراريع ناعمه وبسيطه لبيت الحموله
اذا انتي ساكنه معاهم

طبعا اذا عندكم محلات دراعات ساره ترا حيل حلوه وفيها دراريع لبيت الحموله بسيطه وانيقه
بس اهم شي
شوفي القياس
لان دايم يخيطونهم جاهز وتكون وسيعه يعني شوفي القياس عليج

 

[قاهره عذالي]

طبعا ما حطيت لج صور عن احلى مجموعات للجسم معطره
اولا من زهور الريف
احلى مجموعتين
زهرة الكاميليا الزرقا والورديه

ومنهم الشموع بعد حلوه
ومن بودي شوب
مجموعة جابانيز شيري

وهذي الصورة

مسك العروسه من القرشي

وعندج بعد من بودي شوب
مجموعة المسك

ومن نكتار عندج
مجموعة سويت نكتار

وهم عندهم مجموعة مس نكتار حلوه

وهم من نكتار شموعهم حلوه

وفواحات بودي شوب
حق الصاله وغرفة النوم
وهم تنحط بالحمام بعد

وهذا الزيت الدهني من يودي شوب
على المسك الابيض حلو تمسحينه على جسمج قبل النوم وعلى رقبتج ورجولج

وطبعا عندج العطور الفرنسيه بتشترينها مع مجموعاتها + العطور الشرقيه اللي كتبت لج مع مجموعتها

وموفقه ياعروس

 

[غلا التركي]

يحليلج ياقاهره العذال

ههههههههه وربي ماقصرتي الله يرزقج ....



( وانتي ياختي والله سهلااااااااااااااااااااااااات اذكري الله وعلي شوي شوي
هذا شعور طبيعي


بس ابدي احجزي الثوب الابيض . والمسسسسسسسسسسسسكه ...
والباقي سهلات



الله يسعدج يارب

 

[دنـــدونـــه]

هونيهاا وتهوون يااختي وربي يفرجهاا عنج
اولا قسمي مهرج حطية بظروووف كل
ظرف فية مبلغ مخصص للشي هذا
يعني
ظرف للفستان الابيض
ظرف للعطور والبخور ودهن العود والمكياج
ونصيحه لاتكثرين من العطور
لانه راح ينزل الجديد راح تروحين تاخذين
ظرف للبجايم والقمصان وملابس الشقة يعني تنانير
جينزات
ظرف لطقم الالماس والساعه
ظرف للجناط والجواتي
ظرف للدراريع والبددل

وعسى الله يوفقج حبيبتي​

 

[مون لايت الكويت]

حبيبتي بكلمج عن الصالون انا عرسي يوم اليمعه اللي فات و هاليمعه بسافر مع ريلي شهر العسل عن تجربة اشتركي في برنامج صالون مس ريجينا يهبل يهبل يهبل واااااااااااااي طلعت فعلا ملكه بيوم عرسي برنامجهم كان 2 حمام مغربي روووعه وايد فتح اماكن بجسمي و 2 تنظيف بشرة هم قوي و 2 حمام للشعر و شيرة و بديكير مانيكير مع استراس و برافين و شيرة كامله و ميك اب مع تسريحه العرس ب 190 دينار تصدقين و الشغل رااااااااقي وايد حلو و بنت خالي عرسها بعد شهرين من الحين بادية باشتراك الحمام المغربي مالهم لانه جسمها فيه اماكن سودا وايد عشان لي برنامج العرس تكون خلصت منهم
هذا رقمهم 99092040 و كذا بنت قالوا عنه بعد بالمنتدي غير اني انا حاطه يوميات برنامجي هنيه

و موفقه

 

[reema q8]

الله يوفقج ويسهل عليج البنات ما قصرو

 

[عروس 1988]

ماااقصرتوا بنات سجلت كل شي بورق ..يعني حلو اروح للفروع واقولهم عن المجموعات عندنا نكتار.واجمل .وجنيد.والشايع.والماجد.والقرشي يعني بروح هاليومين واخلصهم..وافتك
يبقى الدراريع وثوب العرس ...باخذهم من عندكم من الكويت جايه بعد اسبوعين ان شاءالله
والجمعه ماشيه للرياض ان شاءالله انا وامي حجزت بالطياره ..بخلص الجزم الله يكرمكم والشنط وبمر الرصاصي لان مو عندنا وباخذ القمصان والجايم ولبس الشقه ...مااقصرتوا وربي الله يسعدكم ويفرج عليكم ويرزقكم كل ماتتمنونه
شكر خااااااااااااااااااااااااااااااااااص لمعلمه شيسمونه وقاهره عذالي على التفصيل ...ومايهونون كل البنات ويلوووموني بحب الكويت واهله الله لا يحرمكم هالروح الحلوه وعساها دوووم

 

[نوال علي]

حياتي عورتي قلبي بس باقي شهرين لازم تخلصين بسرعه لانه بعد جايج امتحانات غلطتج انج قاعده وناطره احد يعبرج يبا لا تلومينهم كل لاهي بشغله انا نفسج بدايه اقول محد معبرني وما ادري شنو بعدين سويت طريقه اخذتها من بنت اهني بالنت الله يجزيها خير جيبي نوته وسجلي فيها كل اللي تبينه وحطي شنو ميزانيته وبلشي اشتري بس تحتاجين احد يوديج ولو احترتي بشي اسالي اللي يشتغلون بالمحل واهم يفيدونج بس اهم شي تلتزمين بالنوته وكل شي تشترينه لو اهي ابره سجلها خصوصا بالبس البيجايم الدراريع هل سوالف سجلي شنو الوانهم علشان لا تكررين اذا ما سجلتي راح تنسين والله هل طريقه حيل ريحتني انا قسم نوت لل بيجايم ودراريع وقمصان وملابس داخليه واكسسوارات وكل شي اتذكره ناقصني اسجله على طول بلسته اللي تناسبه وكل ماشريت شي اشطبه صج طريقه مريحه لين توصلين انج تحطين للسته بكبرها اوكي احسن شي كل يوم تمسكين لسته وتخلصينها والله ترتاحين ونصيحه لو بتنطرين احد ماراح تخلصين توكلي على الله وجهزي نفسج انا جهازي من الف لي ياء على ذوقي وموفقه حبيبتي اشتطيت كتبت واجد لاني حسيت بنفس معاناتج ههههههه قلبتي علي المواجع

 

[قاهره عذالي]

ماااقصرتوا بنات سجلت كل شي بورق ..يعني حلو اروح للفروع واقولهم عن المجموعات عندنا نكتار.واجمل .وجنيد.والشايع.والماجد.والقرشي يعني بروح هاليومين واخلصهم..وافتك
يبقى الدراريع وثوب العرس ...باخذهم من عندكم من الكويت جايه بعد اسبوعين ان شاءالله
والجمعه ماشيه للرياض ان شاءالله انا وامي حجزت بالطياره ..بخلص الجزم الله يكرمكم والشنط وبمر الرصاصي لان مو عندنا وباخذ القمصان والجايم ولبس الشقه ...مااقصرتوا وربي الله يسعدكم ويفرج عليكم ويرزقكم كل ماتتمنونه
شكر خااااااااااااااااااااااااااااااااااص لمعلمه شيسمونه وقاهره عذالي على التفصيل ...ومايهونون كل البنات ويلوووموني بحب الكويت واهله الله لا يحرمكم هالروح الحلوه وعساها دوووم

الف مبروك
فرحتيني والله
يارب انج تخلصين جهازج على خير
حبيبتي
ترا رفيجتي بالكويت بما انج بعد اسبوعين جايه للكويت
عندها فستان زفتها شاريته من الخبر
يجننننننن
قمه
احلى من ثوب عرسي اللي من الكويت وهي لبستها لبسه اولى وشاريته من الخبر
رقمها 55068301
وفتخ الخط 00965
بما انج جايه للكويت مريها شوفي الثوب والله يهبل وحلو
وبما انج جايه الكويت عشان الدراريع
اشتري الدراريع الفخمه وخيطيها يخلصونها لج الخياط باسبوع
من عند مجمع العربيد بالفروانيه
وشوفي محلات دراعات ساره تلقينها بالخيمه مول داخل سوق الوافي بالجهرا
دراعات ساره حلوه لبيت الحموله واختاري منهم الدراعات البسيطه
اما الدراريع الفخمه شوفي العربيد نقي واختااااااااري يهبل حيل

بس والله نصيحه من اخت
شوفي ثوب رفيجتي حق زفتها والله حلو
والله العظيم لو عندي اخت عروس كان خليتها تلبسه بعرسها لانه قمه فخم على نعومه:eh_s(7):

 

[قاهره عذالي]

حبيبتي بس حبيت اضيف
بالنسبه للعطور الفرنسيه اللي كتبتها لج
ترا في بسوق الوافي بالجهرا الدور الارضي
محلات بيضون والمركز الفرنسي هناك يبيعون ماركات العطور الفرنسيه واهم شي انها اصليه عشان الريحه ماتغير من عندهم

 

[عروس 1988]

نوال علي ...مشكورع ي قلبي ماقصرتي
قاهره عذالي ...فدييييييييييييييييييييييييييييييييييييييييييييييييييييييييييييييييييييييييييييتج انتي شنو قلبج هااااااااا :*ـ^
حفظت رقم رفيجتج وبرسلها مسج ان شاءالله حلو يكون الفستان جامع نعومه وراااقي بنفس الوقت وهذا ستايلي ماحب االدفاشه اصلا تضيع ملامحج وشكلج يتغير خخخخخخخخخخخخخخخ اذا عندج اوعنندرفيجتج بيبي يشرفني اضيفكم ....روحي الله يريح قلبج ويحققلج ماتتمنين يااااااااا رب

 

[قاهره عذالي]

بعد عمري والله
انا وياها تلفوناتنا نوكيا
هو فعلا الثوب ناااعم وبنفس الوقت فخم وراااااقي حيل
بس حبيبتي حبيت اذكرج بالنسبه للعطور الفرنسيه مثلل ما قلت لج ع الاقل اشتري 6 الى 7 عطور مع مجموعاتهم اهم شي
كوليستار + ايلي من سان لوران + الور +فلور +سينما + لاليك اللي ربطه حمره
واذا تحبين تزودين من اللي ذكرتهم لج وحطيت صورهم عادي بس بيضون والمركز الفرنسي العطور هناك اصليه
وترا ثوب رفيجتي مو فخم على ناعم
اشترت له مسكه فوشيه ناعمه وصغيره ولاق عليه لانه فخم بس على نعومه لونه اوف وايت ومن الخبر
ع الاقل كنتي بتروحين الخبر لفستان الزفه
وربي خلق الصدف اللي لقيتج عشان اقولج عن ثوب رفيجتي بما انج جايه للكويت
وربي يوفقج يآآآآآآآآرب

انا تقسيمتي لج ونصايحي من خبره وحتى تعلمت من اخطائي ان العطور والبخور والمكياج الماركه محتاجته العروس ودراريع الحموله البسيطه اللي حطيت لج صورهم عشان تاخذين فكره عن الموديلات مهمه وهم لاتنسين البدل والقمصان والتنانير للزوارات

 

[بعدك طيب !]

قاهرة عذالها

 

[بعدك طيب !]

ماقصرت قاهرة عذالها ...


الله يعطيها العآفيهـ ..


~]

 

[عروس 1988]

اي قاعده اراسلها اللحين بخصوص الفستان فديييييييتها ^ـ*

 

[عروس 1988]

اي والله صدقتي الدراعات والعطور مستهلكه للعروس حييييييل طبعا غير اللي باخذهم من الكويت طبعت صور موديلات ناعمه وباخذ خامات واحطها عند الخياطه ان شاءالله غير الجاهز اللي بشتريه

 

[قاهره عذالي]

موفقه يآآآآآآرب يا عروس1988
وياربي ان شاء الله تطلعين احلى عروس
ويكون جهازج ان سمعتي نصايحي وخبراتي اللي حطيتها
احلى جهاز بالدنيا
هم نسيت اقولج لازم تشترين طقم فوط حمام لج وله يجون طقمين بكرتون واحد
فيهم مجموعة فوط + روب لج و ولزوجج

 

[عروس 1988]

ماااابي ماااااابي اشتريله خخخخخخخخخخخخخخخخخخخخخخخخخ بشتري لنفسي بس ههههههههههههههههههه