هااااي بنات
شلونكم شخباركم
اشتقت لكم واشتقت حق الكويت والله
بنوتات انا ببلش بالموضوع ع طول لان توني راده
اول شي الحمدلله سويت عمليتي قبل يومين وبما انها كانت يوم الثلاثا يعني*عندهم زحمه بس الحمدلله ع حظنا الطريج ماشي ووصلنا الساعه 10 الصبح عالموعد بالضبط وكان عنده بنات 4-5 اعتقد كويتيات وشفت خشوم 2 منهم حلو خشمهم ماشالله وهذا اللي شجعني زياده
ولمن دشيت عنده ارتحتله الحمدلله
وقال لي شنو بيسوي بخشمي وشنو ابي وانا قلتله ابي انف عربي اذيته بهالجمله لووول لان مابي يرفعه وايد
صغرلياه شوي من صوب العظم لي الارنبه يعني من فوق لي تحت ورفعه لي شويييه لان قالي عندي ارتخاء بالارنبه بس حافظ ع الشكل العربي
وسالته عن البنج قلتله سمعت ان البنج الموضعي بس اول 10 دقايق بعدين راح احس قالي لا راح نعطيج البنج بالوريد بس راح يكون بالتدريج خفيف لي اقوى شوي عشان ما تنامين بسرعه وتقومين بسرعه ومانعرف نشتغل وبس تنامين نبلش
ووراني صور من عنده واخترت من عنده لان نفس الصوره اللي ابيها (صورة خشم ملكة جمال المكسيك)
ورحت حق وحده عشان تجهزني طحت سوالف معاها وايد حبوبه عشان تنسيني الخوف والحمدلله الخوف راح
المهم كنت لابسه جينز وجاكيت وبدي
قالتلي اذا لابسه حزام قطيه بس ماكنت لابسه ف بس فتحت زرارات الجينز عشان مايكون شي ضيج علي وقطيت الحجاب ولبست اللي يغطي الشعر والجوتي تكرمون للي لونه يكون ازرق وغطيت جسمي بمثل روب وردي بس جنه مال ميانين لووول
واول شي خذت قطنتين ورشت عليهم شي لونه وردي فاتح قالتلي يخدر المنطقه بس خفيف وحطتهم بخشمي وحطت حبه تحت لساني وقطره بعيوني مادري حق شنو
والدكتور يا رسم ع خشمي وحدد كل شي وصور خشمي بالويه ومن الجنبين
وظليت شوي لان كانوا ناطرين دكتور البنج
المهم يا الدكتور ايلي غاريوس وبدل القطنتين بس هالمره رش عليهم الوردي غرقهم ف دش من خشمي لي بلاعيمي وحاشني حارج يععع
وكل شوي ايي يطل علي
ولمن وصل دكتور البنج عطانياه بالوريد وما حسيت والله متى نمت
بس ع اخر العمليه قعدت اهو ماكنت احس بشي بس سمعت صوت المطرقه وجنه احد ماسك عظمة الخشم من فوق حيل وسمعتهم يسولفون بس ما اقدر ارد يعني جني حلمانه
ووالله ما حسيت بالوقت اللي حسيته بالضبط ان جنه العمليه سووها لي ب5-10 دقايق بس اهما بلشوا من 10:45 لي 12 خلصوا وانا مو حاسه بكل هالوقت الحمدلله
بعدين ريحت تقريبا نص ساعه عطوني 3 حبات مادري شنو اعتقد مسكن
ووصفولي حبوب وبخاخ انشالله راح انزل صورهم لمن ارد لان ماعندي لاب
شابكه من فوني الحين
وبس قمت وعادي دوخه خفيفه بس اول ما ركبت السياره ريلي يقولي بعد ربع ساعه ما اسمع الا شخير ههههههه امبيه فشله لا والسايق كان معانا يعني من امه فشششله
واهما نزلوا الصيدليه ويابوا لي الادويه وسعرهم يمكن 6 دنانير وايد رخيص عندهم لو عندنا والله شي و20
وريحت بالفندق لي ال4 العصر
وقمت كليت كرواسون بس اخذ قطع صغيره واكلها لان ما اقدر ابطل حلجي
وبعدها الحمدلله صحيت بس في عوار خفيف حيل من الفتايل وفي ورم شكله خايس تحت عيني اليمين لان اكثر شي اشتغل بالمطرقه يمين لان العظم هالصوب اعرض
واللي مأذيني اني اتنفس من حلجي وخشمي مسكر جني منشوله
وثاني يوم رحت ونظف خشمي وشالولي الفتايل وترا ما يعور وعلمني ع اللزقات
وهذا كل شي والعمليه كلفتني 1800$
وسالته عن العدسات لان انا ألبس طبيه قالي عادي من اليوم الثاني وحتى المكياج اقدر احط من ثاني يوم بعد بس لاحقه لووول
والنظاره اقدر البسها بس لازم اكون حاطه الجبس
والكمادات ماي بارد يومين
وانام عادي اي جنب ابيه دام الجبس موجود
والجبس اسبوعين اقدر اشيله وبس احطه وقت النوم بالليل او اذا كنت بمكان فيه زحمه
وهذي قصتي هههههه
بس بنوتات قالي اشيل الغرز بعد 5 ايام
عادي اروح المستوصف ؟؟!
ووين احط المره تحت عيني ولا ع الجرح ؟!
واذا تبون اي شي سئلوني
شلونكم شخباركم
اشتقت لكم واشتقت حق الكويت والله
بنوتات انا ببلش بالموضوع ع طول لان توني راده
اول شي الحمدلله سويت عمليتي قبل يومين وبما انها كانت يوم الثلاثا يعني*عندهم زحمه بس الحمدلله ع حظنا الطريج ماشي ووصلنا الساعه 10 الصبح عالموعد بالضبط وكان عنده بنات 4-5 اعتقد كويتيات وشفت خشوم 2 منهم حلو خشمهم ماشالله وهذا اللي شجعني زياده
ولمن دشيت عنده ارتحتله الحمدلله
وقال لي شنو بيسوي بخشمي وشنو ابي وانا قلتله ابي انف عربي اذيته بهالجمله لووول لان مابي يرفعه وايد
صغرلياه شوي من صوب العظم لي الارنبه يعني من فوق لي تحت ورفعه لي شويييه لان قالي عندي ارتخاء بالارنبه بس حافظ ع الشكل العربي
وسالته عن البنج قلتله سمعت ان البنج الموضعي بس اول 10 دقايق بعدين راح احس قالي لا راح نعطيج البنج بالوريد بس راح يكون بالتدريج خفيف لي اقوى شوي عشان ما تنامين بسرعه وتقومين بسرعه ومانعرف نشتغل وبس تنامين نبلش
ووراني صور من عنده واخترت من عنده لان نفس الصوره اللي ابيها (صورة خشم ملكة جمال المكسيك)
ورحت حق وحده عشان تجهزني طحت سوالف معاها وايد حبوبه عشان تنسيني الخوف والحمدلله الخوف راح
المهم كنت لابسه جينز وجاكيت وبدي
قالتلي اذا لابسه حزام قطيه بس ماكنت لابسه ف بس فتحت زرارات الجينز عشان مايكون شي ضيج علي وقطيت الحجاب ولبست اللي يغطي الشعر والجوتي تكرمون للي لونه يكون ازرق وغطيت جسمي بمثل روب وردي بس جنه مال ميانين لووول
واول شي خذت قطنتين ورشت عليهم شي لونه وردي فاتح قالتلي يخدر المنطقه بس خفيف وحطتهم بخشمي وحطت حبه تحت لساني وقطره بعيوني مادري حق شنو
والدكتور يا رسم ع خشمي وحدد كل شي وصور خشمي بالويه ومن الجنبين
وظليت شوي لان كانوا ناطرين دكتور البنج
المهم يا الدكتور ايلي غاريوس وبدل القطنتين بس هالمره رش عليهم الوردي غرقهم ف دش من خشمي لي بلاعيمي وحاشني حارج يععع
وكل شوي ايي يطل علي
ولمن وصل دكتور البنج عطانياه بالوريد وما حسيت والله متى نمت
بس ع اخر العمليه قعدت اهو ماكنت احس بشي بس سمعت صوت المطرقه وجنه احد ماسك عظمة الخشم من فوق حيل وسمعتهم يسولفون بس ما اقدر ارد يعني جني حلمانه
ووالله ما حسيت بالوقت اللي حسيته بالضبط ان جنه العمليه سووها لي ب5-10 دقايق بس اهما بلشوا من 10:45 لي 12 خلصوا وانا مو حاسه بكل هالوقت الحمدلله
بعدين ريحت تقريبا نص ساعه عطوني 3 حبات مادري شنو اعتقد مسكن
ووصفولي حبوب وبخاخ انشالله راح انزل صورهم لمن ارد لان ماعندي لاب
شابكه من فوني الحين
وبس قمت وعادي دوخه خفيفه بس اول ما ركبت السياره ريلي يقولي بعد ربع ساعه ما اسمع الا شخير ههههههه امبيه فشله لا والسايق كان معانا يعني من امه فشششله
واهما نزلوا الصيدليه ويابوا لي الادويه وسعرهم يمكن 6 دنانير وايد رخيص عندهم لو عندنا والله شي و20
وريحت بالفندق لي ال4 العصر
وقمت كليت كرواسون بس اخذ قطع صغيره واكلها لان ما اقدر ابطل حلجي
وبعدها الحمدلله صحيت بس في عوار خفيف حيل من الفتايل وفي ورم شكله خايس تحت عيني اليمين لان اكثر شي اشتغل بالمطرقه يمين لان العظم هالصوب اعرض
واللي مأذيني اني اتنفس من حلجي وخشمي مسكر جني منشوله
وثاني يوم رحت ونظف خشمي وشالولي الفتايل وترا ما يعور وعلمني ع اللزقات
وهذا كل شي والعمليه كلفتني 1800$
وسالته عن العدسات لان انا ألبس طبيه قالي عادي من اليوم الثاني وحتى المكياج اقدر احط من ثاني يوم بعد بس لاحقه لووول
والنظاره اقدر البسها بس لازم اكون حاطه الجبس
والكمادات ماي بارد يومين
وانام عادي اي جنب ابيه دام الجبس موجود
والجبس اسبوعين اقدر اشيله وبس احطه وقت النوم بالليل او اذا كنت بمكان فيه زحمه
وهذي قصتي هههههه
بس بنوتات قالي اشيل الغرز بعد 5 ايام
عادي اروح المستوصف ؟؟!
ووين احط المره تحت عيني ولا ع الجرح ؟!
واذا تبون اي شي سئلوني
