قوة بنات عدت والعود احمد شلونكم شمسوين ؟ كنت مشغولة اليومين اللي فاتوا اشتري ملابس للسفر لي ولعيالي وريلي وكنا كله بالسوق وشرينا كل شي تقريبا باقي طرارطيش ابي اخلصهم بسرعه تكرمون حتى الاباريج شريتهم وشريت النايلون اللي يتركب بالعربانة من مذكير عن المطر حق ولدي بما انه اورلاندو كلها مطر واي احس هالسفرة لوية ووايد اغراض حتى المروحة اللي تتركب عالعربانة بشتري وحدة قلت تهوي على ولدي من الحر والله احس مخي واقف وايد اغراض وكله خايفة انسى شي انتوا بديتوا تزهبون ولا بعد؟
هلا والله كويتية
زين تسوين .. تخلصين اغراضج مبجر عشان ما يضايقج الوقت بعدين .
انا متعودة قبل كل سفره بفترة اجهز الجناط واحط فيها الاغراض و كل ما تذكرت
شي ضفته عشان ما انسى !!
اتقريبا ما يبيلي اشتري شي الا نفانيف و هدوم لي انا .
عيالي خلصت ملابسهم مع تجهيز لبس الصيف و طلبته كله من مواقع امريكية بالنت ..
ومستلزمات السفر موجودة عندي من سفرة السنة الماضية ،،
بس المشكلة في لبسي انا :bbbiu:
انا ابي الفساتين الواسعة اللي تكون سادة .. جنها مانتو بس على نفنوف ..
لان ماودي البس عباة هناك .. ابي نفانيف واسعة ومن غير بنطرون لان زوجي مايحبه
عفيا بنات اللي تعرف وين احصلهم او حتى افصلهم تقول لي *:eh_s(7):
