معقوله حامل ؟!

[! Miss.Q8 !]

اخر دوره لي كانت 13-4 ما صار لي وايد يعني

بس امس واليوم احس صايره كسووله وفيني خموول مو طبيعي

واحس بألم بصدري فحبيت اسأل اذا سويت تست في مجال يبين الحمل اللحين خصوصا ان الدورة

باقي عليها وايد صراحه ودي اعرف بسرعه لاني ناويه اسوي ليزر واسجل بناااادي

واذا حامل اتوقع هالشي خطر على البيبي خصوصا اول الاسابيع

 

[بتبوتااا]

حيااتي نطري لا تستعيلين الحين مايبين شي تو الناس

ويمكن هالي فيج شي عادي تغيرات نفسيه او جسديه ياقلبي

 

[ReRez]

حتى لو حامل ماتوقع تطلع التغيرات بهالسرعه دوخه وتعب وهالاشياء بس ماتدرين يمكن حامل نطري شوي و سوي اختبار حمل منزلي حتى لو قبل دورتج بيومين انا جربته قبل يومين من دورتي وطلعت حامل ولله الحمد

 

[كلاسيكال]

يمكن ليش لآ بس نطري بعد اسبوعين وسوي تحليل المنزلي وعسى الله يرزق كل محرووومة

 

[ست 666]

الحين ما يبين نطري شوي بعدين سوي تحليل دم

 

[noo7a]

يمكن ليش لا
بس تو الناس
نطري لي موعدها و اعراض النساة ما تبين مبجر جذي
اتوقع انتي بفتره تبويض

 

[أبله كويتيه]

لا حبيبتي دورتج كانت نص الشهر نطري شوي

ولا سوي تحليل دم

انا اول حمالي سويت تست بالبيت قبل لا اسافر دبي ماكو شي ولمن رديت باسبوع سويت وله خط فاتح

رحت سويت تحليل دم قالو حامل وبالسونار قالت لي شهرين ... يعني سبحان الله سويت بالبيت مابين كلش

فموو زين مرات مايبين نطري شوي

 

[أبله كويتيه]

بعدي عن الليزر ونطري ترا اول شهور تكوين الياهل حرام يشوهه لا سمح الله

والنادي بيطيحه

 

[iLLuMinaTion]

الله يسلمج من الشر

 

[انجبر قلبي]

جنه تو الناس
اعراض الحمل ما تبين بسرعه اقل شي اسبوعين الى 40 يوم
شكثر صارلج غاسله من الدورة
نطري اسبوع عالاقل وسوي تحليل هرموني راح يبين اذا حامل​

 

[barosha]

لا حبيبتي تبين اعراض الحمال بسرعه وانتي الي تحسين فيها انا جذي
كنت كاله دايخه وفيني نومه وكسوله وبس ابلع ووايد حمام وكله غازات
وكنت احس بلوعه خفيفه ليمن اقول حق احد يقولولي يتهيألج توج
بس كنت حاسه انا قبل موعد الدوره اب 10 ايام
بعدين قمت احس بعوار الدوره نفسسسسسسسسسسسسسسسسسه بضبط الي قلت لا بس
مو حامل وقمت تجهزت ولبس تكرمين الكوتكس وزهبت روحي حق الدوره
فنصيحه نطري لا تسوين اي شي وانا كنت احس نفس اعراضج قبل موعدها اب 10 ايام
وانتي براحتج

ما على الرسول اله البلاغ ​

 

[نـعـومـه]

لااااااا توالناس مايبين

يبيلج يالله نهايه 5 لاتستعيلين

واذا عن الاعراض ترا موكل الناس نفس الشي

في ناس عادي مصحصحه وكلشي وتطلع حامل

 

[زين ودلال]

انا جذيه كان باقي على دورتي 12 يوم وكنت احس بأعراض الحمل حييييييييل وسويت 3 مرات تحليل حمل مابين شي بس انا توقعت اني حامل لان اللوعه والخمول والعوار مو صج
بس صممت وقلت لأ انا اكيد حامل وقبل الدوره بيومين سويت مره رابعه تحليل كنت مستعيله حدي ههههههههههههههههه وطلع لي خط فاتح حييييل ومن باجر سويت طلعلي خط فاتح بس اغمج من اليوم اللي قبله وهم من باجر سويت وطلع واضح بس شوويه خفيف وبس

ان شاءالله يااااااااارب بأذن الله حامل يارب

 

[ام عفاف الكويت]

سوي تحليل دم هرموني يبين قبل موعدها ب 10 ايام

 

[! Miss.Q8 !]

تسلموون بنات

انا ناويه اسوي ليزر علشان جذي خايفه اطلع حامل ومو زين على الجنين

بس شكلي بنطر مثل ما قلتوا لي بعد الدورة علشان اتأكد

 

[بدويه 88]

حبيبتي اذا كنتي مستعيله فحصي دم احسن لج​

 

[ملاك ^ الحب]

انشالله تكونين حامل انا جذي نفسج كله تعبانه ودوخه ولوعه خفيفه والغازات ذبحتني مادري هذا اذا له علاقه بالحمل ولا لا وسويت ارع مرات تحليل ماكو شي

ترى سويت تحليل هرمون بطيبه كلينك وما بين شي بس ياربي حاسه اني حامل عندي احساس كبير والحين متاخره علي 3 ايام ويارب اكون حامل وانشالله انتي بعد

 

[غالية22]

موفقه

 

[hanona]

تحليل دم الهرموني اهوة التحليل العادي للحمل صح؟؟؟؟؟؟ افيدوني

 

[hanona]

انا باقي على دورتي 4 ايام امس سويت تحليل الحمل ماطلع شي وصارلي اسبوع كله دوخة وراسي يفتر وكله بنام وعوار الام الدورة اذبحتني اليوم احس ان بطني مشدود وكله اتنفس بسرعه ومضايقه من البنطلون
امي حلمانه فيني اني حامل وانشالله اكون حامل