تفاصيل تجربتي (شد وشفط البطن + تكبير الصدر ) د.اسماعيل ندا

[toota 22]

كويتية

رديتي على الكل .. الا انا .. ليش ؟؟

 

[KUWITia]

كويتييييية انقذيني ابي جواب دقيق بليييييز

انا راح أسوي عمليتي انشاءالله .. بسوي تكبير صدر بالسيليكون و وايد مقتنعة فيه و وايد خاطري

لكن

أنا مشكلتي ان امي مب راضية و لا تقولين لي اقنعها لأن ما كو فايدة .. فمحد راح يدري اني راح اسوي العملية .. انا رفيجتي راح تتكفل بتوصيلي لكن فالبيت محد راح يساعدني انا بجابل عمري و بنام و انا قاعدة على كرسي لمدة كم يوم عشان اقدر اقوم امشي ما أشير فمكاني

اللحين اسألتي بليييييز جاوبيني أو ما تشوفين تعليقي لأن وايد أبي الموضوع يصير بسرعة :

1) اول ما صحيتي من البنج كان في ألم أو كنتي مخدرة و مو حاسة بشي ؟؟ متى بديتي تحسين بالألم ؟؟

2) الألم لدرجة انج تبجييين و تصرخييين و تشيل الدنيا على راسج ؟؟ أو الألم اللي تبجين بينج و بين نفسج و حرقان و بالمسكنات تخف ؟؟

3 ) وايد اسمع ان حركة اليد تكون صعبة بس مو فاهمة لأي درجة صعبة !! يعني لدرجة انج ما تقدرين تعدلين شعرج ولا تتكلمين فالفون ؟؟

انتظر ردج حبيبتي

توتا حبيبتي .. انا ارد عالكل بالدور عشان ما انسى احد :eh_s(22):

1- لما صحيت من البنج ما كان فيه ألم كلش بس الدوخه وابي انام 24 ساعه
اخر يوم بالمستشفى ( 3 يوم من العمليه ) ما كانو حاطين لي منوم علشان من الصبح
راح اطلع من المستشفى ماحسيت وقتها بألم بس ما قدرت انام :ch12:
والم احس فيه لي كنت منسدحه وابي اقوم مثل فلفل مكان الجرح وهذا شي طبيعي لانه
شي غريب يكون داخل جسمج .. بس مع المسكن يروح ..

2- ألم ما يبجي لا بيني وبين نفسي ولا بصوت .. ومع المسكن يخف
ومايكون بشكل مستمر الالم .. كل 5 ساعات تقريباً ..
أول اسبوع بس


3- حركة الايد صعبه اول 10 ايام بس مو اي حركه .. بس اللي تشدين فيها ايدج لي فوق
أو ورى ( بلبس البلوزات وانتي تدخلين ايدج لازم ماتردينها وره .. احد يمد لج الجم :eh_s(15)

واي سؤال انا حاضره وعسى الله يوفقج

 

[toota 22]

مشكـــــــورة حبيبتي

ردج يبرد على القلـــب

خلاص انشاءالله بسويها، راح أخبركم شصير معاي أول بأول

ادعــــــــوا لي

 

[KUWITia]

حبيبتي توتا حياج الله وعسي الله يسهل عليج
بتسوينها وين بالبحرين؟
ومن وين بيكون الخياط؟؟

 

[أم مياسة]

فديتج والله بردتي على قلبي بردج وايد أحاتي العلامات أخاف الأثر ما يروح
رحت عند الدكتوره بس أتريا ينزل لي راتب التصفية يمكن بإذن الله على شهر 6 على طوووووووووووول بسويها وأبي أتأكد أكثر من ناحية الدكاتره أبا أعرف منو أحسن دكاترة الشد والشفط في الإمارات جاري البحث وإن شاءالله خير
بس خلاص مليت من كثر ما ااخر في السالفه وكرشتي قاهرتني وهي تمشي جدامي أبي أمحقها بأسرع وقت
أتمنى لج الصحه والعافية فديت روحج

 

[DaM3y]

السلام عليكم مبروك يا قلبي والله يتمم عليج الصدر مو مشوه كل ما اقرا يخرعوني

 

[وعد2006]

الف الحمدلله ع السلامه و مبروك على النيو لوك
حبيبتي انا مسويه تكميم و اكييييييد انشالله راح اشد و اشفط بس مشكلتي الكبيره اهي الزنوووووووووود حييييل كبيره وخايفه اشوها بدال ما اجملها
انتي سويتي زنودج ولا لا؟؟؟؟

 

[@ هناي @]

Upup

 

[KUWITia]

فديتج والله بردتي على قلبي بردج وايد أحاتي العلامات أخاف الأثر ما يروح
رحت عند الدكتوره بس أتريا ينزل لي راتب التصفية يمكن بإذن الله على شهر 6 على طوووووووووووول بسويها وأبي أتأكد أكثر من ناحية الدكاتره أبا أعرف منو أحسن دكاترة الشد والشفط في الإمارات جاري البحث وإن شاءالله خير
بس خلاص مليت من كثر ما ااخر في السالفه وكرشتي قاهرتني وهي تمشي جدامي أبي أمحقها بأسرع وقت
أتمنى لج الصحه والعافية فديت روحج

والله ام مياسه سويها مراح اتحسفين ان شاء الله
عسي الله يوفقج ويسهل عليج يارب
باشرينا بالاخبار اول باول 

 

[اشطر وحده]

ماشاءالله تبارك الرحمن الف مبروك النيو لوك تتهنين فيه يارب
حبيبتي انا حامل وولادتي باذن الله على شهر ١٢ اذا ربي يسر
انا عندي كرشه من حملي الاول
وكرشتي مو هينه لا كبيره
وهم كنت اعالج حق الحمل بالفتره الاخيره وزاد وزني خصوصا من تحت صوب البطن والجنوب والافخوذ
مفكره مع الولاده اسوي عملية شفط وشد
انا قايلي الدكتور ولادتي راح تكون عمليه
اذا لج موعد مع الدكتور ماعليج امر ساليه عادي تكون ولاده عمليه ومعاها شد وشفط
وبالنسبه لمراجعة الدكتور انا بسوي سيرج واحتمال عند نفس دكتورج لان يمكن اولد بالشفا
متى اروح للدكتور الحين عشان يشوف وضعي الحين او بعدين لما تقرب ولادتي
وهل ينصحني اسويها مع الولاده او بعدين
انا مو مفكره احمل مني لخمس سنوات بس عادي بعد خمس سنين احمل
انا بخاطري اسوي بطني وافخوذي ويمكن معاهم بطة الرجل
من تحت الركبه

هم في اساله اشكثر بس اخاف اكثر عليج
عادي تحفين جسمج بشيره او مو زين
وبعد جم تقدرين تشيلين بالشيره
عادي تسوين حمامات مغربيه او موزين لج
لازم اكون مسويه رجيم وضعفانه قبل العمليه او لا
انا مع ولادتي ان شاءالله مثل ماقلت لج
ابي يشيل الدهون مع شد يشيل الجلد
وهم انتي بنت وادرى بالوضع انتي تقيسين بينج وبين نفسج عادي اكون نفاس وهم اسوي العمليه مالت الشفط والشد
يعني بالنسبه لتبديل الاندر وير والكوتكس راح تكون سهله علي او صعبه
ويسلموووووو كثرت الاسئله
*

 

[اشطر وحده]

امبيه كثرت الاسئله حدي منحرجه منج بس ابي تكون عندي فكره كامله عن الموضوع قبل ما اخطي هالخطوه
اذا سويت صدري عادي ارضع طبيعي او ماقدر
وانتي للحين تحسين بالعوار او خلاص ماتحسين بشي
وهم انتي عمليتج شفط وشد او بس شد لان وزنج نزل والشحوم راحت ودس بقى الجلد الزايد


واذا بقى اسئله هم برد اسئلج لان انا حنااااااانه واحب اعرف كل التفاصيل قبل مااغامر*

 

[xxx]

مشكورة على ذكر تجربتج

والف مبروك النيولوك

 

[Dalal 31]

حبيبتي كويتيه
ان شاءالله عمليتي 18/5 شد بطن و زنود وفخوذ و عقبها ب 10 ايام بسافر
من خلال تجربتج اتهقين اقدر اسافر ولا صعبه اتحمل ؟؟

 

[اشطر وحده]

dalal31
حبيت اسألج عند منو بتسوين العمليه وباي مستشفى

 

[dectora 7elwa]

dalal31
بانتظار اجوبتج
كويتيه
حطيت موعد استشاره عند شيرين ابو الفتوح بعد 3اسابيع
شيشتينا

 

[روعه 99k]

الله يقومج بالسلامه
وتحصلين نتيجة تفرحج
زين سويتى
كلللش والا الكرش لااا تطاااق
سؤااال

عوارها قوى اقصد البطن والا يحتمل
لانى مجربه القيصرية تذبح
بس عملية شد البطن اظن سطحية ع الجلد مو طبقات البطن من داخل

 

[Dalal 31]

ان شاء الله عمليتي عند دكتور سامح صادق عيادته بالمنار كلينك و العمليه بمستشفى السيف

 

[اشطر وحده]

dalal 31
يارب الله يسهل عليج وتسوين عمليتج وتقومين بالسلامه ان شاءالله توصلين للنتيجه اللي ترضيج

انتي بتسوين شد بس بدون شفط والا الاثنين مع بعض شد وشفط
وجم كلفتج العمليه كل جزء جم تكلفته وجم ياخذ الدكتور والمستشفى

 

[ميموووورااا]

الحمدلله على سلامتج

 

[Dalal 31]

ان شاءالله شفط وشد البطن والفخوذ والزنود
مستشفى السيف ياخذ 1100 دينار حق غرفه ليله وحده مع استخدام غرفة العمليات والاجهزه والدكتور شغل ايده 2200 من غير الكورسيهات والتحاليل والادويه