ساعدوني :(

[نايس]

بسم الله الرحمن الرحيم

خواتي الكريمات، عندي مشكله اتمنى تساعدوني فيها ما عليكم امر..
انا متزوجه وعندي بنت عمرها سنه تقريبا، من بعد الولاده تغيرت واايد مع زوجي بس والله غصبن عني صرت ماحبه!! وكل شي يسويه ينرفزني! وما اتحمل ان يقرب مني!! صار معاي برود جنسي شديد!! صايره فلفل معاه، لمه اكون معاه كله معصبه ومتضايقه ومتنرفزه ومالي خلقه، ولمه ما اكون معاه حدي مرتاحه! لمه يسافر استانس!! :\
(مادري اذا هالشي له علاقه بان: احنا كنا متفقين ان ماييب عيال لي وقت معين بس اهو ما احترم هالاتفاق وحملني على غفله مني.... فهموها)

اهو للحين متحمل وصابر،، بس بين مده ومده يكلمني ان مو عاجبه الوضع، وانا ما الومه.. بس ماني عارفه شسوي!! شلون اعدل وضعي!
قمت افكر بالانفصال ما قررت بس قمت اتوقع ان هذا الي راح يصير بالاخر! لان اخرتها راح يمل وما يقدر يتحمل اكثر من جذي..

ساعدوني.. نصحوني.. فيدوني..
لا تقصرون معاي
والله يوفقكم ويعطيكم على قد نيتكم ان شاء الله

 

[Vaniela]

الله يعينج ويساعدج يارب ..
شيلي الافكار هذي و الوساوس و حاولي تحبينه من يديد و حبي طفلج .. عاد يبتي ياهل مب كفرتي
,, هدي اعصابج صرتي ام مب منهايه الدنيا بالعكس هاي نعمه ,,
استمتعي بلحضاتج وهدي مع ريلج حاولي تحبينه فكري فيه بافكار حلوه اجذبي الحب بالايحاء << ينفع
وصلي واقري وتعوذي من البليس يمكن محسوده ولا ياتج عين على السعاده الي انتي فيها ولا على الياهل ولا اي شي شغلي البقره ببيتج و ارقي نفسج وريلج و طفلج ...

 

[امل يائس]

الحل: صورة البقرة

 

[غرق بالماي]

استغفري وايد وقري صورة البقره كل يوم المدة 40 يوم بس لازم من قبل لاتقرينها تحطين فيه بالج انه تبين هالشغله تصير

 

[حلوه ولمآحه]

لآحول ولا قوه الا بالله
>>شنو حبيبتي حملني ع غفله مني هو ماغصبج والحمال بيد ربي مو بيده ولا ايدج
الله يعينه صراحه شلون متحمل الوضع سنه ،،
حبيبتي حاولي تتغيرين طلعي معاه تمشوا سافروآ
ضحكي
اقري قران اذكري ربج استغفري وكبري وهللي
لاتطيرين الريال من يدج
ولافات الفوت ماينفع الصوت
ترا الريايل مو مثلنا نجلس نعابل ونصبر ع امل انه بيتغير ،،
ترا بيحط ع راسج مرا ولا بيمشي طريق الخيانات ،،
اصحي
اصحي ،،
شكلج تبين الاعذار
واذا حملتي يعني
فيه ناس تتمنى الضنا آآ
ماقول الا الله يهديج ويسخرج له يارب ويهديكم لبعض،،
وسوره البقره لاتنسينها اقريها آآ

 

[om_dodo]

الله يهديكم لبعض

 

[ريـمـآأن..}]

الله يسخر بينكم ويوفقكم

 

[Tulips]

شفلي صورة البقره فبيتج

وشيلي عنج فكرة انه حملج بالغصب هذي ارادة ربج والله كتبلج الحمل لا تفسقين اول وتالي بتحملين ترا هذا مو سبب عشان تكرهينه جذي وتحسسينه انه مسوي ذنب

 

[noura ooo]

انتي نفس حالتي بعد ماولدت تغيرت على زوجي بس انا تطلقت ماقدرنا نتحمل الوضع .. روحي لدكتوره تشوف سبب هالبرود .. وشيلي فكرة الانفصال اذا زوجك صابر وموفقه

 

[Beauty is Me]

لا حبوبه ليش هالافكار حتى لو صج انه حملتي وانتي ما تبين ميخالف صار عندج احلا ضنا بالدنيااا هذا مو عذر حبوبه اذا صج ليحن متنرفزه من هالشي كلميه بهدوء وبينيله سبب الخلاف وبس عيشي حياتج ليش جذي تعوذي من ابليس والله يسخركم لبعض

 

[ياليل مااطولك]

قد يكون بينكم حسد عليك يقرائه سوره البقره كامله ووضح سدر وملح با البانيوا والغطس به وشرب الماء المقري فيه وقيام اليل والتضرع الى الله -------وفيه خلطه قويه جدا تضايق الجن الذين اتوا من العين او العشق وهي كتالي شرب ماء مالح ثم الاستفراغ اي جلب الاستفراغ وكذلك استخدام الحله او السنا مكي وكذلك الحجامه في الكاهل وكثره الاستغفار --------وهنا خلطه قويه بس تحملي رئحتها توضعينها لمده 3 ايام وهي كتالي خل التفاح الاخضر مع طحين يعني دقيق وحبه سوداء مطحونه وحلتيته مطحونه ويكون الخلط بخل التفاح فقط مع وضح القسط الهندي والسدر المطحون ويوضع لمده ساعة كل يوم ملحوظه ديم خلي رئحتك مسك اسود تضعينه في الابطين وعلى الصدر وعند النوم تدهني بزيت الزيتون المقري فيه وهذا البرنامج يبي له صبر وعلى ايمان الوحده يذهب شيطين الجن اذا كانت عين او سحر او عشق ----هذا اذا كانت عندك ضيقه في الصدر ووجع باالراس ====وهام جدا اوجاع الارحام او اذا كانت العاده الشهريه غير منتضمه في الوقت الحالي واحلام بناس معينه او بكوابيس رويه قطط او ثعابين او كلااب فهاذا دليل عين والله اعلم

 

[*ريما*]

الله يهديكم

 

[القلعة الذهبية]

شوفي حبيبتي انا بنصحج انتي ساعدي نفسج محد يقدر يساعدج يمكن بيس نصايح عليج بسورة البقرة والدعاء والتقرب من الله بالاعمال انا كنت نفسج واكبر من مشكلتج ومع الالتزام الله فرجها والحمد الله على كل حال

 

[sosowaty]

حبيبتي قولي الحمدله غيرج يتمنى هالنعمه

وانتي اتقولين احنا متفقين ع وقت معين عشان احمل ..؟؟ استغفري ربج جنج ضامنه 100% انج بتحملين جنج تعلمين الغيب

الي كاتبه ربج يصير يعني يصير

و حاولي تقرين سورة البقرة كل يووووووووم و الله يهديكم و يصلح حالكم

 

[ورود خذلتها العاصفه]

عااادي الوحده تتغير نفسيتها بعد الولادة ب س لا زم تجامليين زوجج لو بالغصب


لحد ماتردين لطبيعتج

 

[الدااانــــه]

الله يهديكم ويصلح مابينكم

 

[الدلوعه2008]

الله يعينج حبوبه

والبنات ما قصروو

 

[دلوعة صلوح]

تعوذى من ابليس ترا هذا رزق من ربج مو منج ولا من ريلج شنو حملنى على غفلة؟؟ لا حول الله.

 

[نايس]

اول شي مشكورين ما قصرتوا..
بس انتوا فهمتوني غلط !
انا صج ان ما كنت مستعده بس لمه حملت ما تضايقت بالعكس قلت الف الحمدلله وكل شي بيد الله سبحانه، كل شي ايي بوقته.. وانا احب بنتي واااايد عندي بنتي بالدنيا كلها وما تمنيت لحظه وحده لو اني ما يبتها! وبالعكس اعتبر الامومه احلى شي صارلي بحياتي ..
لكن ان ربطت هالشي بالموضوع قلت (يمكن) يكون سبب لجزء من الموضوع..

وبالنسبه لسوره البقره، انا كل يوم تقريبا اشغلها عندي بالبيت، ودائما اطلع صدقات لدفع البلاء والتوفيق وادعي ربي ان يوفقنا..

لكن الوضع مثل ما شرحته لكم.. وانا ماني عارفه شسوي... قلت يمكن احد منكم عنده خبره ينصحني شنو اقدر اسوي !!

ومشكلتي ماااااقدر مااعرف اجامل وامثل اني مستانسه ومرتاحه، خصوصا ان زوجي مثل معظم الرياييل ما يساعدني ولا يشيل شي من الحمل عني فدايما اكون واااصله حدي من الضغط الي علي..

 

[فلنتينو]

ماقصروو البنااات