زوجي يشكيني ف المنتدى

[ღ مــي ღ]

السلام
خواتي حصلت لزوجي محادثات وصور تدل على انه يخوني وواجهته وصارت بينا مشكلة وزعلت
و هو رضا من نفسه وجاء يطلب مني على قولته حقه الشرعي :eh_s(14): << والله ضحكت عليه يو قال اطالب بحقي الشرعي ولا تغطي عني
الزبدة رفضت اخاف على نفسي من الامراض وابيه يعاهدني ماايخون وهو يعصب اذا تكلمت ب هالسالفه
وكم مرة يطلب مني وارفض
وامس طلع من البيت وقمت احوس باللاب اشوف وش جديده من الخيانات وحصلت بالمفضلة موضوع بمنتدى كاتب فيه زوجتي تحرمني من حقي الشرعي هل اتزوج مسيار <<<< لابوه ولاابو من حلل هالمسيار :eh_s(11)::eh_s(11):
مرة بنات احتريت يخون ويخون واذا زعلت بيتزوج يعني اذا زعلت تذكر الحلال ولا وش سالفته
المنتدى سجلت فيه وجلست انصحه وقلت اكيد خاينها واحس انه بيعرف انه انا صاحبة المعرف ههههههههههههههههههههههه لانه نفس اسلوبي ماتغير رغم اني حاولت اغيره وهزئت الي قاله اعقلها وتوكل :eh_s(11)::eh_s(11):
خواتي كيف اخلي زوجي يترك الخيانات وزواج هالمسيار بليز سبق وتزوج علي مسيار :eh_s(16)::eh_s(16): وسويت سالفه عشان يطلقها وطلقها

 

[أتراب]

زواج المسيار ماراح يتركه
الا اذا حصل حقه الشرعي
والخيانات مالج الا ربج
يعني اولا الدعاء
​

 

[miss mzyona]

حياتي قعدي معاه وتفاهموا على كل شي وقولي كل اللي بخاطرج الله يعينج ياقلبي

 

[قطعة كيك]

الله يهديه لج ,,,, حاسة فيج الله يسخره لج ويبعد عنه بنات الحرام وادعي له بسجودج وربج قريب يسمع دعاج موفقة انشاء الله

 

[انا لحبيبي .]

والله صعب انك تكتشفي خيانت زوجك ، ومن حقك تخافي على حالك من الامراض لانك ما بتعرفي مع مين كان ينام ، وقبل كل شي كيف قدر انه يغضب ربنا ، استغفر الله العلي العظيم ، وبعد فتره تكتشفي انه بدو يتزوج مسيار وعن طريق منتدى ،

وكل هاد وهو ولا هامه ، بس قاعد يدور على سعادته وانبساطه دون اي مسؤوليه اتجاه زوجته يلي غدر فيها ، ليش ماتحاولي تقعدي معه وتحكيلو انا قرئت كلامك بالمنتدى ، وتفهمي منه هو ليش بخونك من اساسه؟ ليش بعاملك بهالطريقه؟ انتي بشو مقصره ليتزوج عليكي مره ومرتين من وراكي؟؟

ازا مو حابه تهدمي بيتك ، بلا الاساليب هادي ، اقعدي معه بدون عصبيه وصراخ تكلمي معه احكيلو خلينا نوصل لحل خلينا نفهم ونحل المشكله ، فهميه انه مابدك تخسري بيتك بسبب نزوات بس ازا هالنزوات بضلها تتكرر ما الك حل غير بالانفصال ، فهميه انك اعطيته فرصه وفرصتين بس هو مو قد هالفرص وهلأ اجا الوقت يلي تفهمي منه هو ليش هيك بسوي ؟

الله يهدي بالك ويصلح الحال يارب

 

[منو انت]

على فكره اكبر غلط تربطين الزعل بحرمانه من حقه مو علشان شي وماالومج شي طبيعي شلون تكونين زعلانه ولج مزاج له بس ترى راح يكون له عذر والله يصلح الحال والله انهم مصيبه لو شنو تسوي المرا لهم صار المغازل والخيانه هوايه عندهم

 

[تعبت اداري...~]

آهلين حبيبتي
قعدي معآه جلسة مصارحه بس من نوع ثاني :eh_s(22):<
اخذي اوراق الصغار الملونين مثلاً10 اوراق اكتبي سلبياته و10 اوراق اكتبي الامور الي مضايقتج منه 10 و10 اوراق اذكري فيهم اجابياته وهم بعد نفس الشئ.........
وبعدين اخذي صناديق اي شي ينحط داخلهم الاوراق
واهو خل يختار وحده من اوراقج وقعدي علقي عليهم ووصلي له وجهة نظرج وانتي هم اختاري ورقه من اوراقه وخليه يعلق عليهم ويحاول يوصلج وجهة نظره....
لا تتخذين اسلوب القوه معآه ابدً باالين احسن
والله يهديه ويصلح حالكم
​

 

[جولينار]

لاحول ولاقوة الا بالله

شصاير بالدنيا كل المواضيع خيانات !!!



حبيبي واجهي زوجك قولي بالفم المليان

الرسوول عليه الصلاة والسلام قال : ( من يزني يزنى به ولو بجداره )

مو خايف عليك ولا على بناتك ؟؟؟؟؟؟


ترى ربي ياخذ حق الشرف بالدنيا قبل الاخره

مثل مايلعب ببنات الناس راح ينلعب بشرفه ولو بالكلااااااااااااااام

وحديث الرسول واضح


قولي له هالكلام مره مرتين وعشر

لين يفهم

 

[نفهمها صح]

انا ماني عارفه من اي كوكب جايين الرجاجييل
غصب طيب تنسيين الي يسوويه ولا تخلينه بكيفه
عندي لج حل
لقالج مسيار قوليله لاتنسي تحلل بعد كل زواجه
تعرف مفتووح لك ولغيرك....اي عندها استعداد تتزوج الف مره
استغفرالله العظيم

 

[جولينار]

اسفه تحمست بالكلام بس عورني قلبي عليكـ


وصدقيني ابي مصلحتك ...

 

[<ام تركي>]

شصاير بالدنيا كل ما ادش موضوع يكون عن الخيانه
انجنوا الرياجيل واقعدوا ما يحمدون ربهم على النعمه الي عندهم والله احنا مساكين لنا الله
صلى وادعي ربج انه يهديه ويصلحه ترى مالج غير ربج والله يهديه

 

[A.E]

من جد زوجك يقهر

الله يهدي زوجك
والله يسخره لك

بس والله حرام الي يسويه هذا

 

[fatoomm]

لاحول ولا قوة الا بالله
الرياييل مايفكرون غير يالهسوالف,الله يهادهم
واللي اعرفه ان زواج المسيار ما يصير الا لمن يكون مسافر وبعيد عنج

 

[مـزآج ــــية]

قوليله انج عرفتي بالموضوع

و قوليله بعطيك فرصة اخيرة تتغير فيها

الله يهديه لج

 

[مهههها]

لا ترقبينة كفاية عليج عوار قلب

وهدي اللعب معاة وصيري لينة غيري طريقتج وياة

والا بذكر الله تطمئن القلوب
وكل يوم بعد صلاة الفجر استودعي زوجك
قولي اللهم استودعك زوجي وقلب زوجي
والله يسخر لج ياكريم

 

[نذرت الحب]

اشلون صاير زواج المسيار ؟؟

 

[PuPa^^SWeeT]

وااااااااااااااي شي يقهر

 

[Miss Cherry]

انا متزوجه وام عيال عشان ماتقولون قالت هالكلام لانها مو متزوجه


بس ترا مايجوز تقولين لابوه لابو من حلل زواج المسيار .. ترا حللوه شيوخنا بتسبين رجلج وتلعنين ابوه شي راجع لج بس حاسبي كلامج ياقلبي

وزواج المسيار زواج شرعي كامل فيه عقد ومهر وشهود ومايفرق عن الزواج العادي بشي الا انه الزوجه متنازله عن ( حق ) السكن والنفقة انا بس بقول هالكلام لانه موضوع شرعي مايجوز تتكلمون فيه جذي

زوجج مافكر يتزوج عليج الا فيه نقص قاعد يشوفه وانتي تقولين ماتعطينه حقه شرعي .. احمدي ربج زوجج يخاف الله فكر يتزوج ولا خانج

حبيبتي حتى شرعا مايجوز تمنعينه من حقوقه الشرعية .. فيه مشكلة بينج وبينه حليها وواجهيه والله يهدي سركم

 

[جذابه بنت ذيابه]

يا قلبي عليج يا مي


واجهيه وصارحيه ,, واذا عالخيانات لا تسكتين
وزواج مسيار .. لا تمنعين عنه حقه الشرررعي

 

[أم توتو]

يتزوج بالحلال احسن من الزنا بالحرام ويجيب لج الامراض استغفر الله