تجمع مواليد شهر يناير (1) + فبراير (2) +مارس (3)-2011 / تم دمج تجمعين من قبل الاشراف

[Dalal.al3tibi]

رد: تجمع مواليد شهر يناير (1) + فبراير (2) -2011

دلووول انتي معااي
انا اخر موعد 18-11 :eh_s(9):

الف مبروك لج
والله يعينا:eh_s(16):​

انا رحت راجعت طلع اخر موعد 12\12 هم تاريخ مميز مو اقولكم انا عيالي ماجيبهم اله بتواريخ مميزة
انت وين تراجعين الحين
انا والله صرت اراجع بالامومة معنة بعيد علي ودرب بس مادري ليش حابة هل المستشفى كافي انها مو زحمة وماعليها ضغط

 

[Dalal.al3tibi]

رد: تجمع مواليد شهر يناير (1) + فبراير (2) -2011

ساراتي عمرة مقبولة
ادعيلي ريلي ياخذني عمرة من خذيتة ماشفت مكة

 

[Om 3zo0oz_2011]

¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*~°¨¨

السلام عليكم


حملنا وتنسينا وضحكنا وبجينا ونحاتي بعض 9 شهووور مع بعض الله لايفرقنا يااارب:yaaaaaarb: وصرنا علي قلب واااحد وكلنا خوات تعودنا علي بعض

ولدنا وباركنا لبعض شفنا كتاكييتنا بصحه وعافيه وتنفسنا ورحنا بيت أزواجنا معاريس
والحين نحاتي أعيالنا
يبجون يضحكون يطلع لهم ضرس يمشون وان شالله نشوفهم معاريس:yaaaaaarb:


فتحت هالتجمع خصوصا حق البجريات الي مثلي مانعرف للبيبي عدل
اي استفسار ماراح نقصر ان شالله

يالله لكم الماايك

 

[فـراوله]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

مبـروووك التجمع الجديد

والله يحفظ عيالكم وعيالنا وعيال المسلمين

ياااااارب



​

 

[ارو وكندر]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

واي والله وناسه ولله الحمد كبرنا وصرنا امهات ياربي لك الحمدً كما ينبغي لجلال وجهك وعظيم سلطانك
ام زوز مشكوره ع المقدمه احس بجتني والله صجً انتم خوات واعز
واللي بجاني اكثر ام طلال سكرته وتقول خلص الغرض منه اهي اهي عفيا تعالوا لاتقاطعون. خلونا دايم مع بعض
وناسه اول وحده من بنات تجمعنا ترد اللي اهي انا ههههه

 

[سارووونه22]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

مبروك على تجمع خواتي انا اختكم من تجمع شهر نوفمبر 2010

 

[wa7a90]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

اي والله يا ام عزوز صدقتي حملنا وناقشنا بعض وخفنا على بعض ولحين قعدنا نجابل عيالنا الحمدالله على كل حال

يارب نفرح فيهم معاريس ونشوف احفاادهم:d

 

[Om 3zo0oz_2011]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

فديتكم والله خواتي
شلوونكم طمنوني عن بيبيااتكم

انا عزوزي اسملا عليه كبر وزادت حنته لووول بس عسل علي قلبي
وبديت احط له بسكوته بالمميه ربع بسكوته منو مثلي ؟

 

[Om 3zo0oz_2011]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

ارو وكندر

لووول اي والله الحمدالله صرنا أمهاااات وان شالله يدتاااات


وحه
حبيبتي طمنيني عن صحتج


والبنات الي مروا فديتكم مشكوورين الله يحفظ اعيالكم واعيال المسلمين يارب

 

[wa7a90]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

خل اعطيكم جم معلومه تعلمتها من خالتي (ام ريلي) الله يجزاها كل خير يااربي

اذا الطفل فيه....:

الامساك والغازات تكرمون:

عنزروت+زعفران شويه بس تنقيعهم بماي حار لين يبرد تشربين البيبي منه شوي بس مقاس 2 او اقل
يوم وترك لان حار على معدة الطفل(بنتي نفع معاها اعطيها اليوم باجر مسويتها)

ثاني شي تمر تنقعونه بماي حار خلوه يكون مركز وهالشي تشربون البيبي كل يوم بحجم المميه الي دايما يشرب فيها الحليب(نفع بنوتي حييل طلع الغازات الي ببطنها كله لي درجه بس تشربه تطلع الغازات بنفس الوقت)طبعا التمر يوميا

ثالث شي عند عطار اسواق القرين اعشاب اسم اعشاب للاطفال مع سكر نبات تاخذين قفشه كبيره من الاعشاب وتنقعينه بماي حار لين يبرد تعطيني للبيبي(امس جربته واليوم لبنتي حسيته ريح معدتها وبطنها وفوق هالشي يخليها تنام وترتاح الحمدالله)

المصصات:
ضروري حيييل تغيرين المصاصه من كل اسبوعين او شهر(انا اغيرها كل اسبوعين وللبيت مصاصه غير وللطلعه غير)
حرصي على نظافتها وانا اشوف وايد امهات لي طاحت المصاصه مايغسلونها تمصها بعدين تعطيها للياهل هذا اكبر غلط يكون عندج اسنان وغلط تحطينها بحلجج يمكن يكون عندج سوس او مشكله بلثتج او اسنانج وانتي ماتدرين وبجذي يمرض الطفل
واي طفل غير طفلج ياخذها على طول عقميها لمدة خمس دقايق بماي حار او بدليها بغيرها
ودايما جيكي حواليها يمكن يكون فيها شعر او قطن او شي ديربالكم شي مهم هذا

الي عندها بنت:
لاتستعيلين على الشباصات وحركات بالشعر ديربالج لان راس الطفل للحينه طري

وقت التطعيم:
حطي للبيبي كمادات بمكان التطعيم

من يعدي البيبي 3شهور:
البيبي من يعدي3شهور راح تشوفين فرق حييل بيلاحظ اللالعاب والالوان والاشياء الي حوله حييل
اذا بسريره لعبه بيحس فيها وبيستانس



وهذا الي تعلمته الصراحه واذا تعلمت شي يديد ابلغكم


غزولتي عمرها3شهور و3ايام الله يخليها لي يارب ولابوها

 

[wa7a90]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

ام عزوز ولدج جم عده من 3شهور

الي اعرفه 4شهور بسكوت او اكل اطفال

انا ودي بس خالتي تقولي عودي معدتها على اعشاب شي غريب عن الحليب بعدين من تدش4شهور عطيها فواكه وخضره فرررش انا اسويهم بالبيت احسن

وصحتي الحمدالله خلصنا من المراره الحمدالله

 

[wa7a90]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

بنات ان شاء الله اول ماتصير بنتي 4شهور

بوكلها فواكه فرش
مثل فراوله..عنب..توت..برتقال...جوافه..ألخ

وخلطهم بخلاطه خاصه للاطفال واايد حلوه

وبعدين احطهم بعلب شريتهم من مذركير وايد حلوين واقدر اخذهم وقت الطلع حجمهم صغار ماياخذون مكان

لان اكل الاطفال صح حلو بس اذا انفتح لازم ينوكل بنفس الوقت

وان شاء الله بصور اكلها كل يوم:d

 

[wa7a90]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

اي بنات نسيت

الحفاظه كل ماغيرتوها حطو سودو كريم احسن او اي نوع من كريمات للحفاظات

احسن لاتنطرون لما يصير احمر بعدين تحطون لا غلط

في امهات يسون جذي لما خلالاص يحمر الجلد بعدين يحطون

انا كل مااغير بنتي احطلها ولله الحمد مافيها ولا خط احمر


والي مالها خلق تغير الحفاظه بليل واهي نايمه او ماتبي تخرع البيبي واهو نايم تغيرن له

لبسيه وقت النوم بليل حفاظه اكبر من الحجم الي دايما يلبسها

بس صكروها عدل

على شان ماتعبي لي الصبح

انا مو كل مره اسوي لها جذي لا مرات اذا حسيت نفسي بنااااااااااام واحس ببرد ودايخه حدي وشفتها نايمه ودايخه البسها حجم اكبر

 

[MissChoco]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

السلام عليكم امهات ،،، شخباري قبل نقول حوامل ياحلوووونا والله

شلونكم بنات شخبااركم وشلون عيالكم؟؟

سمالله علئ بنتي ماذيتني :/ كله تبجي شسوي!! ومسكينه ماكو حليب مشى معاها

 

[wa7a90]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

وعليكم السلام

كلنا يأذونا بهالعمر ياحلاتهم
انا بنتي لازم هززززز 24ساعه

شنو تستخدمين الحليب لها؟؟

وماطاح عليها من اي ناحيه ترجيع ولا تكرمين غازات وامساك؟

 

[MissChoco]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

هلا والله واحه شلونج وشلون بنوتج؟؟

انا مسكينه كله غازات وامساك كاسره خاطري ،،
وحليبها الحين اس٢٦ بس كله غازات

 

[wa7a90]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

بخير احنا الثنتين:d

شوفي حبيبتي نفس حليب بنتي بالضبط

حدي تضايقت منه بس وديتها عند دكتور بدار الشفا ماصرف لي ولاشي ولا بمكانه يربح المستشفى

قالي كلمه

تشربينها اعشاب قلتله لا

قالي خلاص هذا احسن حلييب واستخدمي معاه اعشاب الي العرب يستخدمونه

قلت لخالتي قالتلي عيل عطيها عنزروت من العطار مع شوية زعفران يوم وترك وشوفي نتيجته

وتمر كل يوم نقعي بماي خليه مركز كل يوم شربيها

وشوفي جربت اعشاب لها صارلي يومين
ماشاء الله حييل ارتاحت عليه يبين من امس لي اليوم نامت مرتاحه وتطول ونفس كل مره

باسواق القرين في عطار قوليله ابي جاي الاطفال او اعشاب الاطفال مع سكر نبات يوميا عطيها

 

[wa7a90]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

بنات اول ماتسوون الحليبه صح تخضونها حييل

بعدين فتحو الغطا خلو الغازات تطلع ويصير سطح الحليب ساده مافيه فقاعات وبعدين صكرو الغطا وعطو الياهل هذا يخفف من الغازات

 

[جذابه بنت ذيابه]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

مرحبااااااااا

اخباركم ام عزوز فديتج على هالتجمع

واحه يا حياتي الله يجزاج الف خير


مس كوكو وحشششتيني يا العوبه


نفسي والله بنوتي ما مشا معاها اي حليب


الله يعين الحين صار لها يومين ماخرجت

وحليبها الحين بيبلاك ..


الحليب الوحيد اللي نفعها ابتاميل كمفورت : )


بس اذا مانفعها بيبلاك بغيره لابتاميل كمفورت والله تاذت حيييييل فديتها
بس تبجي .. غيرت لها فوق الخمس انواع




وحششششششتوني بنات

 

[wa7a90]

رد: ¨¨¨°~*§¦§ أحلى تجمع مواليد شهر فبراير ومارس 2011 الله يبلغنا فيهم معاريس يارب§¦§*

ياهلاو الله جذابه

ياحياتي كلنا تأذينا مع الحليب انا غيرته 3مرات

جربي الي قلتله لمس جوكو

وان شاء الله ينفعها لان اعشاب مايضر