تعبانه وربي مليت من العنصرية والتميييييز :(

[اصيله بنت البدو]

شتسوين عيدي الامتحان وادعي ربك

 

[miss_math]

الله يفرج همج حبيبتي

ادعي هالدعاء

"اللهم رب السموات السبع، ورب العرش العظيم، كن لي جاراً من فلان بن فلان، وأحزابه من خلائقك، أن يفرط على أحد منهم أو يطغى، عز جارك، وجل ثناؤك، ولا إله إلا أنت"

"الله أكبر، الله أعز من خلقه جميعاً، الله أعز مما أخاف وأحذر، أعوذ بالله الذي لا إله إلا هو، الممسك السموات السبع أن يقعن على الأرض إلا بإذنه ،من شر عبدك فلان، وجنوده وأتباعه وأشياعه، من الجن والأنس، اللهم كن لي جاراً من شرهم، جل ثناؤك وعز جارك، وتبارك اسمك، ولا إله غيرك"
​

 

[••لـوسـي••]

حسبي الله عليه الله ياخذ حقج منه وانتي شوفي وين مصلحتج وسويه والله يوفقج وينصرج عليه​

 

[آتعــبني غـلآآك]

عيديه واذا سوا معاج نفس هالحركه مره ثانيه اشتكي عليه
ترا هم عندهم نظام وكل واحد ياخذ حقه مايقدر يسوي شئ

 

[emankuwaiti]

الله يبنصرج عليه ان شاء الله

 

[قطوة@@]

حبيبتي حاواي تكلمينه بسياسيه و اذا ما رضى عيديه و وكلي امرج لله

ولا تضيقين خلق امج كافي غربتج و انها تحاتيج لا تزيدين همها

 

[دلوعة الطائف]

استخيري فما خاب من استخار الله ياتعيدينه يا تشتكين


والله يكتب لك الي فيه الخير وفالك التوفيق والنجاح بامتياز يارب

 

[ورد الطايف]

يمكن يبي فلوس ترى دايما اسوين جذي باهل الخليج فهمتيني

 

[ReDLOve]

اول شي انتى اباي ديره ؟؟؟؟

اذا مصر اشكره يبي فلووووس

انا اقول عيديه ترا الدكتوووور يودر واهو مغمض حتى لو اشتكيتي بقووو اتجذب مو صج او بطلع 60 الف عذر و طبعا بصدقوونه مصيبه دايما الدكتور صح و الطلاب غلط!!!

 

[رو&الشقاوة&وح]

اولا استخيري وقومي الليل عشان ربي يقذف في قلبه هيبة منج وعلى فكره من فوائد قيام الليل الهيبه فحافظي عليها........

ثانيا من رايي عيدي الامتحان الباب اللي يجي منه ريح سده واستريح كلهم نفس التفكير عندهم الحجاب مذمة .......

والله يوفقج

 

[~ miss NERD ~]

واي حقير

ادعي ربج دايما بسجودج ان الله يهديه و يوخر العنصريه اللي فيه
الله يوفقج يا رب

 

[زهراء 24]

حسبي الله ونعم الوكيل ليش الظلم يعني
خلج واثقه من نفسج وماعليه عيدي الامتحان بس عشان تكسرين عينه هالحقير
اخاف اذا اشتكيتي يحقد زياده ويحط عليج
الله يوفقج​

 

[الوجه الرحوبـي]

لو انا منج ما اعيده

اشتكي عليه

واعيده عند دكتور ثاني عناد فيه :eh_s(15):

شيضمنج مايقول عيديه مره ثالثه :eh_s(11):​

 

[Tom ♥ Jerry]

.،

قولي حسبي الله عليه و نعم الوكيل
و عيدي الامتحان
آنتي بغربه .، مو زين تشتكين و يحقدون عليج على قولته
توكلي على الله و آدعي الله يحفظج و ايسر آمورج
ربج آقوى من كل شي (=

الله يوفقج يارب
شدي حيلج

 

[Tutti-Frutti]

امممممم عيدي الامتحان
او اذا حسيتي انه اذا الشكوى عليه بتكون من صالحج اشتكي

حسبي الله عليهم هالدكاتره محسسيني انه الدرجه بيدفعونها بفلوس

 

[! هُوْ وِينِه !]

حيآتي بدورة مآلت عليه إلي مضآيقج
آدعي عليه دعوة من قلب دعوة آلمظلوم نستجآبة إن شاءالله
آنآ آنصحج تستخيرين إنج يآ تعيدينه آو إنج تشتكين عليه
وربي بيسر لج آلآنفع إن شاءالله

 

[DooLy88]

فديتج
الله على الظالم

 

[عيش و مرق]

شحقه تشتكين كلهم من نفس الطينه والعجينه

عيدى لمتحان وخلاص مشاله عليج ماتخافين تقول حق الدكتور بوجه بشتكى عليك شخسران اهو انتى الى بتخسرين

 

[blue lady]

حسبي الله عليهم

 

[ورد]

من تجربة ،،

اذا كنتي في امريكا و لا تفكرين تعيييييديييينه !!!
روحي للعمادة وقولي السالفة كيت وكيت ،، اذا عندك اوراق امتحانات سابقة وريهم ،، قولي انا مو غريب علي هـ الشي فـ ليش اعيد الامتحان ،، وكذبي عليهم كذبة بيضا قولي انا الحين لاني مستعجلة جيت اشكي على طول بس وانا طالعة بكلم السفارة الكويتية ،، شنو اعيده يعني شاك فيني ما استحق الدرجة يعني قصده غاشة ؟؟

واصلا حتى بدون الفلم هذا كله لازم تشتكين ،، احنا مو زي بلدنا نخاف نشتكي والدكتور يحط عليها والدكاترة الباقي يشوشهم بعد ،، عمرها ما صارت ولا بتصير ،، وما اقول ان هـ الدكتور مو عنصري بس مو معناه الجامعة كلها عنصرية ..


الاجانب مو زي ما احنا متصورين انهم عنصرييين ويحقدون علينا كلنا ،، فيه منهم بس قلة ،، انا الحمدلله متحجبة ولا في يوم صادفني احد حط دوبه ودوبي ،،
واكبر دليل السعوديين المبتعثين في امريكا ،، وصول تقريبا ١٠٠ الف والحالات الي احد حط دوبه ودوبهم في الدراسة تنعد عـ الاصابع ،، مع انه فيه منهم متفووووقييييين ومخترعييين وصولو لـ جائزة نوبل ومحد وقف بطريقهم ،، بالعكس هم نفسهم الاجانب الي قاعدين يشجعونهم واكبر مثال هبة الدوسري الي مرشحة تاخذ جائزة نوبل هـ السنة وهي "منقبة" !!!