عندج صابون مغربي تعالي أعلمج شلون تحافظي عليه وما يسيح

[كازاوية]

السلام عليكم بنات شلونكم عساكم بخير كلكم ​

الصابون المغربي ضروري في كل بيت خصوصا البيت المغربي يعتبر شي أساسي لتنظيف الجسم قبل التفريك بحمام البخار
في بنات يستعملونه مع زيت زيتون لفرد الشعر
لتنظيف مواعين الألمنيوم يستعمل مع السلك يعطيهم نظافة و لمعان
لتظيف الأرضيات و الحوض و السيراميك و قعدة الحمام ( أعزكم الله) تضيفي منه شوية على ماي مع كلوريكس و شوفي شلون يخلي بيتج يبرق ​

بس المشكلة أنه بعد فترة يسيح و يصير جنه ماي و حتى مفعوله يقل​

الحل يا طويلات العمر سهل و ما يكلف شي ​

الحل يا بنات تحطونه بطاسة و تخلوه بالهواء الطلق بدون ما تسكرو عليه بالغطا وممكن تحطيه مقابل الشمس ما راح يسيح منج أبدا

​

شغلة ثانية لما تجي تاخذي منه استعملي ملعقة و من الأحسن تكون خشبية و لا تقربي منه إيدج أو ماي و إن شاء الله بيتم معاج فترة طويلة أو ليما تخلص الكمية لي عندج ​

اتمنى أفدتكم مثل ما استفدت منكم واااااااايد​

 

[Killer^Girl]

يعطيج العافيه

 

[جــــود]

مشكوره حبيبتي

 

[ركووزه]

مشكووووووووره

 

[الأميرة جوري]

يسلموووووووو

 

[أم عامر]

يسلمو حبيبتي

 

[كتكوته غنوجه]

خوووووووووووووووش فكره يسلمو

 

[كازاوية]

شكرا لكم على المرور الطيب نورتو الصفحة​

 

[ام الدرر]

اول مرة اسمع انه يستعمل لغير البشرة
مشكورة كازاوية​

 

[انثى الغموض]

؛؛؛؛
؛؛
الله يجزاج خيييير
انقذتيني عندي علبتين سايحين واحس صج مفعولهم مو مثل لما كان متمااسك والحين بجرب طريقتج
ومشكووووره ويعطيج الف عافيه...~



​

 

[*ريما*]

شكرا

 

[كازاوية]

اول مرة اسمع انه يستعمل لغير البشرة


مشكورة كازاوية​

حياج الله حبيبتي الصابون المغربي له وااايد استعمالات بس هذا لي عرفته أنا ​

 

[كازاوية]

؛؛؛؛

؛؛
الله يجزاج خيييير
انقذتيني عندي علبتين سايحين واحس صج مفعولهم مو مثل لما كان متمااسك والحين بجرب طريقتج
ومشكووووره ويعطيج الف عافيه...~​

الله يعافيج يا قلبي الحين عقب ما صار سايح ما راح تنفعح الطريقة بس المرة الياية سويها
الصابون لي سايح الحين ممكن تخليه لتنظيف مواعين الالمنيوم بالسلك أو تنظيف الأرضيات و خذي لج واحد يديد للجسم و خليه مفتوح من الأول و مشكورة على المرور الطيب​

 

[الأميرة جوري]

اختى اشلون نعرف الاصلي؟؟

 

[كازاوية]

شكرا

العفو أختي

 

[وزيره الخارجيه]

يعطيج العافيه

 

[دلوعة عمري]

تبارك الله عليك

 

[MoonDiamond]

مشكوره

 

[كازاوية]

اختى اشلون نعرف الاصلي؟؟

الأصلي لونه بني محروق و قوامة نفس قوام الفازلين و ريحته مميزة بس عموما ما تكون معطرة لو تبين توخري ريحته ممكن تضيفي عليه بودرة الورد واللافندر و الريحان و الروزماري ( إكليل الجبل ) او أي نوع من هالأعشاب تحطيهم بغرشة و حزة الاستعمال تخلطيهم مع الكمية المناسبة راح تخلي ريحة الصابون حلوة و تصفي بشرتج حييييييل​

 

[زعنوفه]

يعطيج العافيه حبيبتي .... انا اشتريه سايح وخالص !!!!
الي عندج ما شاء اله صاك انا الي اشتريه ذايب حييييل
(الزيتونه)​