مساج منى الجميع... صدمة حياتي !

[سيرةالحب]

قبل فترة قصيرة سوت خبيرة الاعشاب المشهورة \ منى الجميع
عروض مساج و علاجات بالاعشاب.
انا اخذت عرض المساج الاسترخائي اللي كان ب25 وصار ب17
مساج راس + جسم + قدم = ساعه.
---
لما اتصلت حجزت للفترة الصباحيه.. فقالت لي مسؤولة الاستقبال: حبيبتي ماكو الصبح لأن خبيرة المساج تداوم الظهر بس:eh_s(16):
قلت لها : بليز تأكدي؟.. فسمعتها تكلم وحده يمها وقالت لها : عادي خل تيي..
قولي اكو !!!
:bbbiu:
اوكي... حجزت الصبح (الضحى).. و رحت بالموعد
اول ما دخلت المركز ....هدوووووء تاااام ...
وريحة المكان ......برياني و اكل !!!!
اي والله برياني !
(ملاحظة:1)
:bbbiu:
والعاملات لابسين اي شي... يعني مو طقم يونيفورم او بدلات راقيه
تليق ب سمعه المركز والزوار
و وحده (احتمال سودانيه) رابطه عصبه على راسها !
(ملاحظة:2)
:bbbiu:​

مسؤوله الاستقبال مالقت قلم - ولو رصاص - عشان تسجل لي الفاتورة !!!​

10 دقايق بالضبط وانا ناطرة (اعاين المكان) وهي تدور لها على قلم !​

فطلعت قلم احمر من جنطتها و اكتبت لي الفاتورة !​

الفاتورة ماعليها اسم المركز او رمز او ختم !!!​

(ملاحظة:3)​

:bbbiu: ​

قالولي انتظري بغرفة الانتظار – مادري ليش! – مع ان ماكو غيري بالمركز​

غرفة الانتظار جميلة جدا للأمانه J​

وكانت وحدة قاعدة فيها.. متلحفه ب\بطانيه .. ​

ساندة ظهرها عالغنفه و ريولها عالطاوله !​

وتقلب القنوات ..​

عقب نادوها ......... اثاريها من العاملات في الصالون !!!​

قامت نطت من مكانها و رمت البطانيه عالغنفه و طلعت !​

(ملاحظة:4)​

:bbbiu:​

وانا ناطرة و اسجل الملاحظااااااات ​

حبيت اعيش التجربة مع انها باينه من عنوانها !​

:bbbiu:​

اذن الظهر.. سالتهم وين الحمام؟​

ابي اتوضأ واصلي قبل لايبدي المساج وتضيع صلاتي​

دلوني عليه .. داخل بالزاوية..​

متر في متر .. الباب خشب ومقشر قديم !​

ماكو لمبه ! ماكو مرايه !​

ماكو كلينكس ! (بس انا مجهزة نفسي)​

الارض كلها ماي !​

ماكو علاقة ملابس ولا حتى مسمار !​

ماكو نعال حمام ! (بس هم انا مجهزة نفسي)​

حتى الماي وقف......... لكن عقب ما توضيت !!​

(ملاحظة:5)​

:bbbiu:​

صليت.. ثم نادوني .. دوري الان​

خذتني خبيرة المساج (السودانيه !!) الى الصالون العام ,عند باب الاستقبال !!​

قالت: راح يكون المساج هني !​

قلت : شلون !!... واللي داش و اللي طالع يشوفني !​

قالت : لا.. راح نبدي بالراس (مساج شعر)​

قلت: مايصير !! المكان ازعاج لانه يطل عالشارع(فعلا شارع البلاجات ضوضاء) ... ​

وأي احد يدخل الصالون بيشوفني..​

والمكان نووووووور (لمبااات) ... أي استرخاء هذا !!​

قالت : ماعندنا غيره لحد ما تجهز الغرفه !!!!!!!!!!!!!!!​

(ملاحظه:6)​

:bbbiu:​

جلست على الكرسي. مثل اللي بالصالونات..​

صبت على راسي زيت... اعشاب و زيت لوز !!​

خلصت البطل على راسي.. ​

الريحه ..يعني.. مو كريهه !​

المساج استمر ربع ساعه..​

ثم لفت راسي ب\طاقيه خاصة عشان الزيت لايصب​

---​

رحنا لغرفة المساج​

ماعطوني لبس او روب (مثل باقي المراكز) ... مو لازم​

السرير كان عرضه صغير...​

يعني لو بتحرك بغفوة ممكن اطيح من فوقه ​

ايدي كانت تطلع منه يمين و يسار !​

الغرفه فيها ضوء من الشارع .... شمس..شمس !!!!​

ولا موسيقى ... ولا شموع.. ولا عطور !​

(ملاحظة:7)​

:bbbiu:​

الخبيرة السودانيه ........................​

كانت تمسجني بنفس رائحه زيت الشعر و احتمال يكون هو !​

ماحسيت منها الخبرة ابد !​

بس رايحه و رادة .... رايحه و رادة .. على نفس الجزء تدلكه.​

باين انها ماتعرف اسرار المساج​

(انا مجربة في مستشفيات ومراكز علاجيه خاصة و صرت خبرة و اعرف اللي يفهم )​

(ملاحظة:8)​

:bbbiu:​

خلصنا ... اثاري طافت ساعه و نص​

اكيد.. لأن ماكو أحد غيري !​

عقب... امسحت لي جسمي بماي لإزالة الزيت​

وطلعنا برا بالصالون العام .. غسلت شعري من الزيت​

وحطت لي سيروم و جففت شعري.​

---​

سألتها: انتي دارسة .. والا هوايه عندك ؟​

انحرجت و ابتسمت ..​

كررت سؤالي...؟ فابتسمت و قالت دارسه.​

قلت لها : وين درستي؟ ... ابتسمت بإحراج و ماجاوبت!​

و قالت يالله حبيبتي انتي جذي خلصتي.​

(ملاحظة:9)​

:bbbiu:​

قلت لها وانا ماشيه : ريحه المركز –الاستقبال- برياني ؟​

قالت بإحراج : أي .. احنا نتغدا هون... اتفضلي حبيبتي معانا لقمه..​

قلت: لا مشكورة !​

ولاحظت ان الفراشات و العاملات و مسؤوله الاستقبال​

تجمعوا في غرفة الاستقبال يشاهدون التلفاز !!!​

(ملاحظة:10)​

:bbbiu:​

ملاحظة :20​

يا حسافة ال17 دينار​

لكن حبيت اعيش التجربة واتعلم​

واقيم الامور اعتمادا على المقارنه.​

---​

هذه تجربتي الخاصة .. والله على ما اقول شهيد​

وعندي صور كل شي​

لكن ماافضل اعرضهم.​

 

[تعبنا]

سبحان الله لما امر واشوف مركزها اقول في نفسي لازم اجربه وكنت اقرا عروضها شي تسحرج

مشكوره عيشتينا بتجربتج

 

[نوره95]

منى الجميييييع صدمة صراحه خلطات بياض ونعومه وصفاوه وتفخ خدود وماادري شنو راحت لها خالتي قبل سنه تقريبا او أقل لماشافتها على الطيبعه هونت خالتي وردت مثل ماراحت

تقول الخدوود استغفر الله متشوهه من التفخ كأنها حاطه لقمتها بين خدودها واسنانها وايدينها خشنه وسوده وتجاعيد ودار مدار اظافرها لوووون اسود فاحم والبشره من كثر الشد تحسين انها بتتشقق والخشم تجميل <<< وينها عن خلطاتها اطبقها على نفسها قبل ماتبيعها على الناس

وحسيت ان خالتي تبالغ لكن لما شفتها مرة بالتي في انصدمت من اللي شفته

 

[.،:"$الـعـوبــــة$":،.]

مالومك لا انصدمتي ،
انتي نفسي ،
اصدق الشي من الدعايات ولما اروح انصدم !!!:rgewrg:
يالله تعيشين وماتاكلين غيرها ان شاءالله !:eh_s(7):
بس كافي عليك هالصدمة !
الله يعوضك خير بال17 ،:eh_s(22):​

 

[كنوشة 2009]

ولا مرة سمعت احد يمدحها

 

[LuLiTa]

اساسا من دعاياتها مبين عليها شي بو طقه !

 

[ام يوسف الكويت]

مره ثانيه قبلما تروحين سألي اهني بالمنتدى البنات مايقصرون
معوضه خير

 

[جروح ودموع]

كل شي عندها خرطي نصبت علي انا وخواتي والقهر تقول انها تروح اليمن والهند تجيب اعشاب للشعر وكله خربووووطه جذب والله اختي خذت منها كريم للتخسيس ب 27 دينار والصصصصصصصصددددددددممممممه لقيناه عند احمد المغربي بالسوق الفلبيني بدينارين ونص

 

[روعة خيال]

انتي بس شوفي ويهها استغفر الله جنها خاشة لقيمات

 

[خوش بنيه]

مشكوووووره : )

 

[kuwait_queen82]

انتي بس شوفي ويهها استغفر الله جنها خاشة لقيمات

لوووووووووووووووووووووووووووووووووووووووووووووووووووووووول واي موتني ضحك

 

[sweet_janon]

اشوه قلتيلي كنت بروح شفت العروض امبيه حدهم موصج

 

[محاميه كويتيه]

وااااااي اتخيل موقفج يتني البجوه
حبيبتي كسرتي خاطرري والله
ولا مره سمعت احد يمدحها
الله يعوضج بال17

 

[أم سليمان دشتي]

لا حول ولا قوة الا بالله
الله يعوضج خير يارب

دامنج خبرة حبيبتي وين احسن مكان مساج
احس اني صج محتاجة استرخاء
ويريت مكان يكون حلو وكويس ورخيص

خخخخخخ لان اذا بروح مو بروحي لازم نروح انا وخواتي
ربطة المعلم كلنا وبما اني الكبيرة انا الي بدفع
رحما بميزانيتي الغالية

مشكورة لنقلج تجربتج يالغالية​

 

[جــــود]

سبحان الله انا رحت لمكانهم وماارتحت
وبعدين المساج لازم يكون على ايدي ناس دارسه ومتخصصه مو حجي فاضي

 

[طـير7]

الله يعينج

انا جربت مساج منتجع هيلتون شحلاااااااته ب٢٠

وامي مره هديناها بعيدالام مساج لافندر اللي بالمهلب ب١٥

وااااايد تمدحه

 

[حناينq8]

مو خوش موقف الصراحه

خلج على سبا تايم المهلب

اتيكيت ونظافه وذرابه وناس متخصصه
كفايه التفاح والشاي الاخضر رايح راد عليج

يعني كل شي صحي

 

[sweet-cheery]

هههههههههههه الحياه تجارب

 

[قطوة@@]

لووول اول مره اسمع فيها

نبين مساج روحي لصينيات يعرفون كل عظمه بجسمج و شغلهم اوكي و يسوون بذمه

 

[روح مغليهآ]

اهي مبطله معهد تخسيس وهي شمتنها ختضعف عمرها بالاول عشان نقتنع
حدها فاشله ونصابه وتاخذ دبلات عالطل