تعالوا سمعوا اخر مستجدات الحقير ابو الحقاره كلها شسوا !

[كلي هلآك]

انا اايد كلام اختي عيون مغليـها
او انج تصبرين او ان مرحله وتعدي

 

[نوووور الشمس]

اللة يهدية لج ويسخرة

 

[UNICORNA]

لا حول ولا قوه الا بالله

 

[مندوبة ام بندر]

الله يسهلها عليج وييسر لج كل ما تعسر عليج ويكتب لج الي فيه الخير لج ولعيالج .....
حبيبتي بنت المطر
المشاكل بكل بيت ومشكلتج اهون من مشكلة غيرج
طولي بالج واصبري
المره السنعه اللي تعرف لزوجها وتصبر عليه
والله انصحج وانا معتبرتج اختي
عيالج محتاجين ابوهم لاتخلين سوالف عاديه تكبر براسج
كل الرياجيل يفصلون على حريمهم ومايخلون عيالهم يروحون خوالهم
بس فتره وتعدي
ونصييييييييييييييييييييحه
لاتكرهين زوجج بأهلج ولا اهلج بزوجج
ولله يكتب لج ولعيالج اللي فيه الخير

 

[aṕriliå]

الله يكون بعونج

ويكتب لج الخير وين ماكان

 

[اسينات]

الله يعينج ويفرج عنج يارب

 

[ورده الكرستال]

حبيبتي رددي هاالدعاء دايما (اللهم اجرني في مصيبتي واخلف لي بخيرا منها)


الله يواجرج ويعينج

 

[خشف العذارى]

الله يكون بعونج << طموووووووشه

 

[ملح الدنيآ.]

يابعد قلبي والله

الله يعينج وييسر امورج

 

[ميشو المالكي]

الله يفرج همك
صدق مثل ماقالوالبنات روحي للمستشفى وخذي تقارير عن الضرب ألي بجسمك
وخشيه عند أحد تثقين فيه ووقت الحاجه طلعيه
وأسألي شيخ بخصوص عيالك أنه مانعهم من شوفت جدتهم
أكيد بتلاقين حل
الله يسهل أمرك ويعينك

 

[om-3bood]

هددي هددي وتعوذي من ابليس لاتصيرين خبله المره مالها الا بيتها وعيالها عصب اليوم

باجر يرضى


100%

bs jarbi osloob ench tr'6een tsween eli yabi
ya3ni ksrai 3ainah

 

[المبدعة]

الله يفرجها عليج

وييسر امرج

ويكون في عونج

بس نصيحة قبل اي خطوة تخطينها لجاء لرب العالمين و صلي صلاة الاستخارة

وربج يسهل عليج ان شالله

 

[اختكم بالله]

الله يعينج ويسهل امورج يارب

 

[هيبة ملك]

الله يهديه لج

 

[زوجة عزيز]

حسبنا الله عليه الله يفكج منه هالمتوحش

 

[OM-TURKY]

بالنسبه للعضوه الي فوقي الآيه فيها غلط.. اهيا " امساك بمعروف او تسريح باحسان " صدق الله العظيم.

الله يهدي الامووور يارب مالج الا ربج ادعيي واقري سورة البقره صدقيني بتشوفين شلون كل شي بيتغير انشاءالله او استغفري طوول يووومج

 

[Om eL'3aLe]

حبيبتي انتي تقولين بنتي متعلقه فيني حيل انزين ماخفتي على عيالج والعقده النفسيه اللي بتصيبهم لما يشوفون ابوهم يطقج؟؟؟؟؟؟؟ استهدي بالله وطيعيه مؤقتا لااااااااا تعارضينه بشي ودايما دايما الكلمه الحلوه سر نجاح العلاقه بينج وبين زووجج........ هدي اعصابج ومافيها شي طلي على امج بسرعه ورجعي البيت لاتطويلين لين يطخ ويسمح لج.......... حبيبتي الحياه يبيلها صبر صبر صبر.........ترى قرار الطلاق مو سهل........ وبعدين ليش مناديه خوانج الصغار شنو ماله قيمه وقدر عندج؟؟؟؟؟ وين ابوج واخوج الكبير....... التفاهم يصير مع الكبار مو مع شباب بطقون ويكفخون..... تخيلي لو متهورين وطاقينه جدام عياله عيب ولا لأ؟؟؟؟؟ حبيبتي الريال ماااااااااتعاندينه وتعالي بالمساحل والكلمه الطيبه جربيها والله وقعها على الزوج جنه سحر......

انا مع اختي كويتيه اصيلة صح لسانج

 

[* بنت المطر *]

اللة يكون بعونك حبيبتي
واللة ينصرك

الله يفرجها عليج ويخلصج من هالجحيم ...

حبيباتي والله جزاكم الله خير واجمعين ان شالله

بنت المطر
حبيبتي
حنا فرحنا انه الله هداه
ورد لج
بس بفهم شعنده
ليش شاد عليج
وليش مايبيج تروحين تزورين اهلج؟

حبيبتي قاهره عذالي انا بعد فرحت وارتحت نفسيا بس هالرجال من اخذني والله انه مايطوول

طيبه مسرع مايقلب احس انه مايعرف يصير زين يحاول بس مايقدر يغير طبعه طبعه اقشر

وبيظل جذي والله اني اقلمت نفسي على طريقته قمت اسكت عنه واتحاشاه واخليه على راحته

احس انه يناشبني بكل صغيره وجبيره واسكت بس مالقى الا هالشي يطفرني فيه واهوا ماطردني

اروح بالعكس صك الباب بيني وبينه وخلاني برا وقال روحي ولاتردين وانا فتحت الباب ودشيت

لاني ماقدر اروح واخلي عيالي الرجال خالص منتهي وماعاد منه فود

حبيبتي طمنينا عنج شمسويه
يارب يهديه ويسخره لج ويسر امورج

حبيبتي انا الحمدلله بس ايدي متعوره لان مسكها وثناها حيل واهو يدري من قبل ان ايدي

مكسوره ومااجبرت واليوم والله حيل مزرقه انا خليته بحاله وقعدت عند عيالي انطر اخوي

يفضى ويجي ياخذنا عشان مااتعرض للطق مره ثانيه

 

[* بنت المطر *]

ياعمري الله يصبر قلبج ويعينج ويهدي ريلج يارب

تسلمين يالغلا وجزاج الله خير

حسبي الله ونعم الوكيل
الله يسهل عليج وييسر لج ويكتب لج الي فيه الخير لج ولعيالج
انا اقول خلاص انفصلي عنه داخل البيت عيشي بغرفه عيالج
واتركيه وادعي له بالهدايه
اذا يوم من الايام طقج حيل ركضي المستشفى اخذي تقرير طبي
وبعدها لا تخافين منه اخذي عيالج من وراه روحي المخفر رفعي عليه قضيه
طلبي منهم تعهد انه ما يضربج مره ثانيه السالفه راح تبدأ وتنتهي بالمخفر وبكل هدوء ماراح توصل محاكم
وبعدين اذا فيه خير يمد ايده ساعتها تشتكين عليه ويسجنونه راح يخاف هدديه اذا مد ايده تشتكين
يومها روحي بيت اهلج غصباً عن اخوج الكبير دخلي غرفتج ولا اي مربع بالبيت بس ما تردين له نفس اليوم
يومين ولا 3 ردي بيتج ولا تكلمينه لو يسب او يصارخ خلج صمخه ماتسمعين قفلي على روحج الغرفه
وشغلي صوت عالي حق اليهال اناشيد ولا شغلي لهم باباي باليوتيوب عشان لا تسمعون صراخه

يختي ليش هذا كله حنا بحرب ليش اعيش واعيش عيالي هالاجواء انا ساكته عنه وماسلمت

هالدوب تبيني احارشه واخله مخارف واتفضح انا وياه لا والله يقلبي انتي هذا مو اللي ابيه

ولامستواي انا ماعمري دخلت مخفر ولاراح ادخل عشانه والله لايحدني ان شالله شاكرتلج حبيبتي

يكفي مشاركتج حبوبه وتسلمين

حبيبتي هو صحيح غلطان والغلط ركبه من راسه لكرياسه
لكن بعد شتسوين يالغلا عيالج مالهم الا بيتهم بكرة تتطلقين لاسمح الله تتلهين مع عيالج

ومثل ماتقولين امج كبيرة ومافيها حيل واخوج يبي راحة مرته
يعني مالج الا زوجج اخذيه بالمسايس ترى والله موكل الرجال تقولين لهم ولاالضالين يقولون امين
انا مرة زوجي عاند وقال ماني موديج بيت اهلج
ليه يافلان بس كذا
قلت له يسلم راسك ماني رايحه
شوي قال روحي بس خلي حد يجيج من اخوانج
قلت له ليه اخلي اخواني يجوني وتاج راسي موجود
قال قومي لبسي عباتج
يعني صدقيني صدقيني انهم كلهم عنيدين ربي يهديهم ويحبون يفرضون كلامهم
لكن عليج بالصبر والكلمة الحلوة
ربي يهديه ويسخره لج يارب وموزين تقولين عنه حقير مهما كان هذا زوجج
وصديني لويصير فيه شيئ تضيق الدنيا بعينج لومسوي بج شمسوي
لانه ابوعيالج ولولا ربي ثم هو ماشفتيهم
انا ماتفلسف عليج واسوي نفسي مثالية بزيادة بس صدقيني هذا الصدق
دلعيه تاخذين كل مافي جيبه وقبل جيبه قلبه
وري يوفقج ويهدي زوجج

هههههههههههه يحلوج ياعنوده قلتيله تاج راسي لووول الله يهنيج والله ماقلتيله تاج راسي

الا انه يستاهل هالكلمه عادي الانسان موعلى طول بيصير زين عادي لو كان زين وياي

ومنعني والله اقعد عنده وعادي لاحقه على المسيار بس شخص لايبيج تكلمينه ولالج شغل فيه

ولاتجيني ولاتقعدين عندي ولاتنامين عندي وبسافر واجي مالج شغل وماتحاسبيني على فلوسي

ولاعلي المصروف للعيال والبيت انا اصرف بكيفي واجيب اللي ابي وانتي حالج حال الكرسي

يقلبي استوعبي السالفه عدل تقوليلي دلعيه اهو فيه مكان عشان ادلعه لووول بس

 

[* بنت المطر *]

حنا ندري انه عذبج
عشان تخلعينه
وتردين له المهر
بس شوفي
ترا تقدرين تطلقين طلاق للضررر
وغصبن عنه
بس يبيلها محامي

اي يقلبي باجر رايحه لمحامي ادعيلي يالغلا

الله يكون في عونج

والله عيالج معورين قلبي الله يهدي النفوس يارب

عسى الله يهديه ويسخره لج

والله مالج إلا سجادتج بالثلث الأخير

لا محامي ولا اخوانج بيغيرون حالج إلا رب العالمين سبحانه

والنعم بالله الكريم متوكله عليه سبحانه لااله الا هو عليه توكلت واهوا رب العرش العظيم

وايماني بربي قوي ان شالله وثقتي فيه كبيره مثل مانصرني بالاول ينصرني تالي ان شالله

جزاكم الله خير جميعا حبيباتي