♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

[نهى الأحمد]

♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

السلام عليكم
شلونكم يا خواتي

أتمنى تكونوا بخير جميعاً

طبعا الأغلبية يعرفون وين أكثر تواجد لي بالمنتدى
في قسم المناقشات الجادة واكيد نورتوني في موضوع من مواضيعي

حبيت أخصص هذا الموضوع لقسم المشاكل الاجتماعية وأتمنى لكل أخت عزيزه واجهت مشكلة في حياتها او تعرضت لموقف انها تقرا هذا الموضوع واتمنى للجميع الافادة والمشاركة

رح أتكلم معاكم من منطلق تجاربي وخبرتي في الحياة
واجهت الكثير من المشاكل والظروف وقدرت الحمدالله أتخطى جزء منها بتوكلي على رب العالمين وتعلمي من كل تجربة ومتابعة كل شي يصير مع البشر ومساعدتي لبعض الخوات في حل بعض المشاكل

وصلت لمرحلة أقدر اقول فيها الحمدالله اني قادره أعطي وأساعد باللي الله قدرني عليه

استفدت من تجارب الناس وسجلت بعض النقاط المهمة

شكثر كتبت مواضيع بقسم المناقشات الجادة عن أهم الامور اللي تصير في حياتنا ​

أخواتي العزيزات

​

دوم أقول ان الحياة مستمرة بحلوها ومرها
بمواقفها الصعبة والسهلة
بظروفها القاسيه
بتعدد الأقنعة فيها

وطبعاً اكيد رح نواجه في حياتنا الكثير من المشاكل سواء كانت صغيره او كبيره عسى ربي يبعد عنا وعنكم المشاكل

والشاطر اللي يقدر يتخطى كل هذي الامور ان استخدم عقله وفكّر واستنتج

ما يفكر بعاطفته وقلبه

وكل مشكلة بهالدنيا ولها حــــــلّ:eh_s(15):

وان عرف السبب بطل العجب

ونحاول على الأقل نمسك طرف الخيط في المشكلة حتى نقدر نتوصل لحل ومعرفة وين الخلل

تفضلوا حبيباتي هذي بعض المهارات لحل المشاكل المنقولة وحبيت أقدمها لكم على شكل صفحات أفضل لقرائتها

نطروا حبيباتي لا تردون لاني بكمل موضوعي بصفحة يديدة

:eh_s(7):​

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

والحين نقول بسم الله وعليه توكلنا

في مثل يقول

​

الباب اللي يجيك منه الريح صكه واستريح :eh_s(15):​

في بحياتنا الكثير من الأبواب

أول باب

المشاكل اللي ممكن تصير في كل بيت

ما بين الأم والأب مع عيالهم

أو مابين الاخوة

الحين أمج وابوج لو حرصتي على رضاهم وقمتي بواجبج تجاههم مهما كانت معاملتهم معاج لانه هذا واجب عليج
والمفروض نتحملهم لأنهم تعبوا علينا من صغرنا لي كبرنا وشايلين همنا

واللي تقول انه: أمي وأبوي ما يحبوني ويميزون بيني و بين اخواني وخواتي

أنا أقولج انه ماكو أم أو أب يكرهون عيالهم

وحتى لو شفتي تمييز لواحد من اخوانج ،،حطي في بالج انه محبتج راسخه بقلوبهم

والاهم في الموضوع : انج تكوني حريصة على رضاهم دنيا واخره

باجر لي كبرتي وتزوجتي وصار عندج عيال رح تشوفين شلون كانت معاناة امج وابوج معاكم وشكثر تعبوا علينا وربونا احسن تربيه حتى نظهر بصورة حلوة جدام الكل ويفرحون فينا


المشاكل اللي تصير بين الخوان والخوات

أختج او اخوج سند لج بالدنيا

قال عليه الصلاة والسلام : ( خيركم خيركم لأهله وأنا خيركم لأهلي )

ان طحتي لا قدر الله على الأرض رح تقولين أأأأأأأخ

هل يا ترى يستاهل تزعلين من اختج مثلاً لانها تزوجت قبلج؟

أو لأنها مدللة من امج وابوج وانتي لأ؟؟
أو تغارين منها ؟؟
أو انه الغريب يفهم عليج واختج لأ؟؟

ليش ماتكونوا متفاهمين مع بعض وتقولون اسراركم حق بعض

يمكن الغريب لو قلتي له سر من اسرارج لي خلاف بينكم ممكن انه يقول هذا السرّ
عَنْ هِشَام بْن عُرْوَة عَنْ أَبِيهِ عَنْ عَائِشَة أَنَّهَا خَرَجَتْ فِيمَا كَانَتْ تَعْتَمِر فَنَزَلَتْ بِبَعْضِ الْأَعْرَاب فَسَمِعَتْ رَجُلًا يَقُول أَيّ أَخ كَانَ فِي الدُّنْيَا أَنْفَع لِأَخِيهِ ؟ قَالُوا لَا نَدْرِي قَالَ أَنَا وَاَللَّه أَدْرِي ؟ قالَتْ فَقُلْت فِي نَفْسِي فِي حَلِفه لَا يَسْتَثْنِي إِنَّهُ لَيَعْلَم أَيّ أَخ كَانَ فِي الدُّنْيَا أَنْفَع لِأَخِيهِ قَالَ مُوسَى حِين سَأَلَ لِأَخِيهِ النُّبُوَّة فَقُلْت صَدَقَ وَاَللَّه قُلْت وَمِنْ هَذَا قَالَ اللَّه تَعَالَى فِي الثَّنَاء عَلَى مُوسَى عَلَيْهِ السَّلَام " وَكَانَ عِنْد اللَّه وَجِيهًا " .

خواتي العزيزات

لو ساد الاحترام المتبادل بينكم وشاركتوا بعض في حل مشاكلكم والمحبة تواجدت
باذن الله مارح يكون فيه أي مشكلة في التعامل مع اخوانكم او خواتكم
حافظوا يا خواتي على صلة الرحم


سأل أحد السلف رحمهم الله تعالى : أيّهما أحبّ إليك صديقك أم أخوك؟ فأجاب: إنّما أحبّ أخي لأنّه صديقي!)


وهني حبيباتي قدمت لكم كل ما يتعلق بالباب الاول في موضوعي

وباذن الله الموضوع رح يكون متجدد ولي عودة مع ابواب ثانيه نبي نصكها لو يانا منها عوار راس
حتى نعيش حياة من دون مشاكل


وأي سؤال او استفسار انا حاضره


لاتنسوني من طيب دعواتكم بالصحة والعافيه وراحة البال

بقلمي الخاص
أختكم
نهى الأحمد

الموضوع من جهدي
​

 

[Čut!e Quèéи]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

بصراحه ارفع لج القبعه واصفق لج بحرااااااااره
احنآ ما نلآحظ طريقه ترتيب حل المشآكل
وانتي عرفتي تنسقينهآ وتطرحينهآ
مآشاءالله عليج نهى
تدرين وآيد نآس ماتعرف تتصرف وقت المشآكل
ولا تعرف تحلهآ وتبحث عن اشخآص يحلونهآ لها
طريقه وضع النقآط راااااائعه حبيتهآ دقيقه جداً ماشاءالله عليج
نهى لآيكون انتي مدرسه فلسفه وانا مآدري
كلمه وحده بقولهآ وبتطلع من خآفقي لج
افتخر فيج وافتخر بأـنسآنيتج الرائعه الصادقه
انتي محور اسآسي في المنتدى وخآص في القسم
كلي شرف اعرف انسآنه مثلج بهذآ المنطقع و العطآء
الله يجزاج خير كل الشكر والتقدير لج
افتخر فيج نهوي

 

[Tom ♥ Jerry]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

,

ماشالله موضوع كآمل و الكآمل الله (=
و الصراحه الموضوع وآيد يهم كل وحده و كل انسان على وجهه الآرض

مهم للغآيه ، خصوصا نقطه " آختر الحل الآنسب من بين الحلول " ؛)
اغلب البنات أو الناس يختارون الحل السريع و بس
لآكنهم مآ يفكرون بالحل المناسب للمشكله ؛* وآيد اقرا ردود لبعض البنات
أنه توآجهه مشكله مع زوجهآ و تقول حل المشكله " الطلاق "
آنزين في مليون حل و حل قبل الطلآق ؟! :/ ليش رحتي على طول حق أخر حل :|


الله الهآدي .، موضوع مميز وآيد يا نهى
يعطيج الف عافيه ، و لو شنو بقول عنج مآ آوفيج حقج ؛***
آنتي عضوة مكسب لـ قلوبنآ و مكسب للـ منتدى ؛)

؛***

 

[منوووووله]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

درر درر نهوووي ماشاءالله عليج صج صج ابدااع لي باك

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

بصراحه ارفع لج القبعه واصفق لج بحرااااااااره
احنآ ما نلآحظ طريقه ترتيب حل المشآكل
وانتي عرفتي تنسقينهآ وتطرحينهآ
مآشاءالله عليج نهى
تدرين وآيد نآس ماتعرف تتصرف وقت المشآكل
ولا تعرف تحلهآ وتبحث عن اشخآص يحلونهآ لها
طريقه وضع النقآط راااااائعه حبيتهآ دقيقه جداً ماشاءالله عليج
نهى لآيكون انتي مدرسه فلسفه وانا مآدري
كلمه وحده بقولهآ وبتطلع من خآفقي لج
افتخر فيج وافتخر بأـنسآنيتج الرائعه الصادقه
انتي محور اسآسي في المنتدى وخآص في القسم
كلي شرف اعرف انسآنه مثلج بهذآ المنطقع و العطآء
الله يجزاج خير كل الشكر والتقدير لج
افتخر فيج نهوي

يا الغاليه

والله خنقتني العبره

مدري شقول لج :eh_s(22):

والله انج اخت عزيزه وغاليه

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

,

ماشالله موضوع كآمل و الكآمل الله (=
و الصراحه الموضوع وآيد يهم كل وحده و كل انسان على وجهه الآرض :d

مهم للغآيه ، خصوصا نقطه " آختر الحل الآنسب من بين الحلول " ؛)
اغلب البنات أو الناس يختارون الحل السريع و بس
لآكنهم مآ يفكرون بالحل المناسب للمشكله ؛* وآيد اقرا ردود لبعض البنات
أنه توآجهه مشكله مع زوجهآ و تقول حل المشكله " الطلاق "
آنزين في مليون حل و حل قبل الطلآق ؟! :/ ليش رحتي على طول حق أخر حل :|


الله الهآدي .، موضوع مميز وآيد يا نهى
يعطيج الف عافيه ، و لو شنو بقول عنج مآ آوفيج حقج ؛***
آنتي عضوة مكسب لـ قلوبنآ و مكسب للـ منتدى ؛)

؛***

يا هلا والله بالغاليه تووم

مشكوره ياقلبي على كلامج الطيب ومشاركتج العطره

الله يعافيج يااارب

واسعدني جدا ردج الرائع اللي اضاف لمسة حلوة للموضوع

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

درر درر نهوووي ماشاءالله عليج صج صج ابدااع لي باك

مشكوره منووله ياقلبي

وبانتظار عودتج للموضوع:eh_s(22):

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

خواتي العزيزات

باذن الله هذا الموضوع رح يكون متجدد

ورح اتكلم عن ابواب ثانيه نبي نصكها حتى نعيش حياة من دون مشاكل باذن الله


وانا نذرت نفسي لخدمة الجميع


أختكم

نهى

 

[عبير العنزي]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

ان طحتي لا قدر الله على الأرض رح تقولين أأأأأأأخ


إيـــــــــــــــه والله اخ


يعطيج العافيه

وجزاج الله خير

 

[كويتيه و اافتخر]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

يعطيك الف عاافيه يااارب

 

[** مفاهيم الخجل **]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

مشكوره على الموضوع

تسلم لانامل

 

[.،:"$الـعـوبــــة$":،.]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

يعطيك الف عافيه موضوع ماشاءالله متكامل من كل النواحي،
والاهم انه وصل في وقته،
اسمحيلي اعطيك رايي بصراحه،
موكل الناس عندها القدرة بالتصرف بالطريقه الصح لما تواجههم مشكله،
هالامور يبيلها اهم شي ظبط بالنفس،
انا وبكل امانة انسانة مندفعه ونادرا مااهتم بنتايج اندفاعي،
يعني دايم اسمع (خلك احسن منهم-عاملي الناس باخلاقك-ترفعي عن هالامور)
بس ماتعجبني هالحلول،
عندي احسن حل المواجهه والعين بالعين والسن بالسن والبادي اظلم،
وهالشي خلا ناس كثيرة تاخذ عني فكرةاني عوبة،
مع اني قليل ويمكن لو بحلف اقول ناااادرا اكون انا البادية باي مشكلة،
بس لو حاول احد يظلمني او يغلط علي او يستفزني بالذات في بعض الامور
اللي اعتبرها مقدسه عندي وهي اهلي،
تلقين من قوة ردة فعلي على هالانسان انقلب من مظلومة لظالمة ،
اخذ حقي كامل اطلع من المواجهة وانا رااااضيه عن نفسي لو حتى تماديت بالظلم والغلط
ولاافكر بالندم لاني اذكر نفسي ( هم اللي بدوا خلاص يتحملون ماجاهم )
ماراح اقول انا صح وهذا الصح،
بس اقولك ان بهالطريقه انا مرتاحه من النفاق والكذب والخضوع والحقد،
وبس ،
قلت هالكلام عشان اعترف للكل ان مو كل شي ابدي فيه اعجابي معناته لازم اطبقه،
وارد اقول ، مجهود رائع وتشكرين عليه بكل امانة .:eh_s(7):
*​

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

ان طحتي لا قدر الله على الأرض رح تقولين أأأأأأأخ


إيـــــــــــــــه والله اخ


يعطيج العافيه

وجزاج الله خير

الله يعافيج ياقلبي
مشكوره

يعطيك الف عاافيه يااارب

الله يعافيج حبيبتي
نورتي

مشكوره على الموضوع

تسلم لانامل

العفو ياقلبي
الله يسلمج يارب

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

يعطيك الف عافيه موضوع ماشاءالله متكامل من كل النواحي،

والاهم انه وصل في وقته،
اسمحيلي اعطيك رايي بصراحه،
موكل الناس عندها القدرة بالتصرف بالطريقه الصح لما تواجههم مشكله،
هالامور يبيلها اهم شي ظبط بالنفس،
انا وبكل امانة انسانة مندفعه ونادرا مااهتم بنتايج اندفاعي،
يعني دايم اسمع (خلك احسن منهم-عاملي الناس باخلاقك-ترفعي عن هالامور)
بس ماتعجبني هالحلول،
عندي احسن حل المواجهه والعين بالعين والسن بالسن والبادي اظلم،
وهالشي خلا ناس كثيرة تاخذ عني فكرةاني عوبة،
مع اني قليل ويمكن لو بحلف اقول ناااادرا اكون انا البادية باي مشكلة،
بس لو حاول احد يظلمني او يغلط علي او يستفزني بالذات في بعض الامور
اللي اعتبرها مقدسه عندي وهي اهلي،
تلقين من قوة ردة فعلي على هالانسان انقلب من مظلومة لظالمة ،
اخذ حقي كامل اطلع من المواجهة وانا رااااضيه عن نفسي لو حتى تماديت بالظلم والغلط
ولاافكر بالندم لاني اذكر نفسي ( هم اللي بدوا خلاص يتحملون ماجاهم )
ماراح اقول انا صح وهذا الصح،
بس اقولك ان بهالطريقه انا مرتاحه من النفاق والكذب والخضوع والحقد،
وبس ،
قلت هالكلام عشان اعترف للكل ان مو كل شي ابدي فيه اعجابي معناته لازم اطبقه،
وارد اقول ، مجهود رائع وتشكرين عليه بكل امانة .:eh_s(7):

*​

هلا حبيبتي العوبة

الله يعافيج ياقلبي وأسعدني جدا مشاركتج العطره

اكيد ياقلبي مو كل الناس تعرف شلون تتصرف لي صار معاها مشكلة وشلون تقدر الامور
وتعطي حل مناسب

ديننا الحنيف امرنا بكظم الغيط وهي صفة من صفات المؤمن وديننا دين التسامح والعفو

قال تعالى (الَّذِينَ يُنْفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنْ النَّاسِ وَاللَّهُ يُحِبُّ الْمُحْسِنِينَ) و قال تعالى : ( وإذا ما غضبوا هم يغفرون )

بامكانج تسوين كنترول على نفسج وتسيطرين على غضبج وقت حدوث مشكلة

قبل لا تتسرعين في اي تصرف

لازم تضبطين نفسج اللي بداخلج

ناقشي المشكلة اللي صارت مع الطرف الثاني واعرفي شنو اسباب الخلاف او الكلام اللي صار


اكيد ماكو انسان يرضى بالظلم او الغلط
وحلو انه الانسان يدافع عن نفسه ويشيل الظلم او الغلط اللي صار عليه ويتصرف بكل حكمة

لكن ودي تحطين في بالج

انه مو كل الناس تتحمل نتيجة غضبنا اذا مشينا على المبدأ العين بالعين


روي أن رجلا قال للنبي صلى الله عليه وسلم أوصني قال ( لا تغضب ) فردد مرارا قال ( لا تغضب ) رواه البخاري


اتمنى لج الخير من كل قلبي

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

للتذكير حبيباتي

الموضوع له تكملة باذن الله


:eh_s(7):

 

[$ بنت علمي $]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

 

[$ بنت علمي $]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

 

[نهى الأحمد]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

مشكوره ياقلبي

كلج ذوق :eh_s(7):

 

[PO PO22]

رد: ♂♂l|][Ξ¯▪ـ‗_ لمــــــن يهمهــــا الأمـــــــر _‗ـ▪¯Ξ][|l♂♂

يعطيج العاافيه نهووي خووش موضوع الموضوع متكااامل ماقصرتي


.،،،،​