لوكات Q8yat ( موضوع متجدد ) ...

[شـــهـــد]

عز وايد حلو اللوك ماشاء الله ياليت لوحاطه الخطوات

 

[روفه]

مااااااااااشاء الله عليكم يابنات فنانات

عاد انا من الصبح مسنترة عالموضوع شفته صفحه صفحه انحولت هع

وقبل شوي قمت متحمسه بسوي لوك مانورام الالوان الترابيه وخبص عليه وحولته لوك فوشيا اللي بالاخضر خخخخخخخ

وخبص عليه وحولته سموووك يلعن ام الحوسه ككككككك ضاق صدري ماضبط معاي ولا لوك

 

[_zahra]

عز شلونج ولوكج حلو للعروس بس الاسود و عامله فيه بوز مادري لو حاطته بالاطراف كان بيطلع ارقي وتسلم ايدج

 

[عز النفس يغنيني]

حلت دنيااااج:hjy5jewf:
لوووول ذكرتيني ثاني يوم بعد عرسي يت وحدة اتحطلي مكياج بالبيت الله لايوريج إمبيه لا مو صج جنيت مكياجها مو حلو مووول خلتني كأني جنية ههههه وفوق كل هذا حطتلي صمغ الرموش كله غلط ما قدرت أبطل عيوني!! لوووول سيييدة بس شفت شكلي مسكت مزيل المكياج ومسحته كله وذطريت أحط حق نفسي تصدقين :eh_s(2):؟؟وقبل ما كنت أعرف مثل الحين صج حزتها تذايقت :eh_s(11): بس الحمدلله الكل قال مكياجي مع إن كان خفيف وناعم بس طلع حلو
بس سالفت الصمغ صج ما أقدر أنساها لوووول ​

يو حيااااتي موقفج يقهر عروس وثاني يوم جذي يصير فيج

عاد تدرين حلاته ثاني يوم تطلعين بمكياج ايدج عشان شوي تغيرين عن اول يوم
والحمدالله ان طلع مكيااجج نعوم وحلووو انا عشان جذي اخاف اجرب رموش وما اضبطهم ويخربون مكياجي

 

[عز النفس يغنيني]

وافر - حليما- سكر قطر- شوشو العنزي : مشكورين كلكم ذوق والله .، استعلمت واجد شغلات يبيلهم تصوير وان شاءالله بشرح لكم


مملكه الرشاقه : هلا حبيبتي عيونج الحلوه .. مو حاطه ابيض حاطه كونسيلر عشان ارتب السحبه من تحت يمكن مبين بالتصوير خذ ابيض خفيف بس بالطبيعه ماله اي وجود
وان شاءالله من عيوني بشرح


زهرا : هلا ولله انا بخير بشريني عنج عساج بخير .. غلطانه البوز مو راقي .،؟ بالعكس هو االي يطلع العيون *وخاصه بمكياج عرس

وما تصير السحبه حلوه الا ببوز ايلاينر ،،،



ومشكورين حلت دنياكم كلكم
عموما الناس اذواق واللي يصلح لج ما يصلح لغيرج

 

[wesh jaah]

عز النفس يغنيني ماشاء الله

تسلم ايدج اللوك اكثر من رووعه ونظييف
ماشاء الله

 

[جوهرة البحرين]

جوهره البحرين .. اللوك حلو بس احس الالوان مو متناسقه مع بعض شوي ورسمه الحواجب ماشاءالله مضبوطه احسن من كل مره ​

​

حلت دنياج بس بالطبيعة اللونين حلوين و.. مادري ليش ماعجبج هععع
تسلمين ع التعليق الذرب

 

[جوهرة البحرين]

جوهره مشالله واااااااايد حلووو بس يبيله شوية دمج

عيونج الحلوة مشكورة وماتقصرين
كلمن قال يبيلة دمج بس بعوض باللوك اليدي هذا هععععع بصدمكم

 

[جوهرة البحرين]

عز النفس يغنيني:
ماشاء الله حلوة سحبتج بالكحل بس لو مغمجة الكحل بيصير روووعة
يعني لو كحل اسود اسود يطلع فضيييييييع

 

[ساره ال فيصل]

مرحبـــــــــــــــــــــــــــــــــــا صبايا....يعطيكم الف عافية انا سجلت بالمنتدى بس كرمال هالموضوع وان شاء الله بشارككم بـ لوك قريباااااااا

 

[zenxena]

ساره
شوقتيني والله أنا عن نفسي ناطرتج بحماس هههه موفقة حبي

 

[zenxena]

بعوض باللوك اليدي هذا هععععع بصدمكم

أحب اللوكات إلي فيها مغامرة :ggdw:هههه ناطرينج :eh_s(7):

 

[..~Goolz]

اهلين حبيبتي [/CENTER]

انسب لوك حق التان انج تعتمدين على الالوان الهاديه مثل البرونزيات وتدرجات البني
وهم حلو التان مع خطة الكات آآيز
والحمر انصحج بالنيود اللي تميل للبنك مو البيج عشان لا تبهت اللوك

وانصحج بألوان البنكيات ​

:eh_s(7):

شكرا ع الرد

 

[..~Goolz]

روعه تسلم اناملج بنت عمو

 

[sweet-angela]

ماشاءالله وااايد حلو المكياج و رسمة عينج وايد بعد
بغيت اسألج اخت فوشيا عن ماركة اوربن ديكاي عيزت و انا ادورها خصوصا البرايمر مالهم.. فا ابي اعرف من وين خذيتيه؟!
اذا ممكن

 

[Mrs_Orchidia]

عزووووزة ماشاءالله لوكج عجيييييييب! صج مال عرس
و حده بروفشنال

و حمدي ربج انج ما تعرفين تركبين رمووش .. لانهم حرام
و ثاني شي الاحظ اللي يركبون رموش يدمنوونهم
يصيرون حتى حق الطلعة يركبون .. أشكالهم تصير لوعة


بس صج اللوك اينن و طبعًا عيونج اللي محلييييته

تسلم ايدج اخيتي .. و لااا يوقف
:ggdw:

 

[عز النفس يغنيني]

بعد عمري بنوتات كلكم ذوووق والله ..

اعذروني قلت بحط لكم لوك للطلعات للزوارات مع الادوات لان لوك العرس اغراضه واجد فـ هذه تصبيره مني لكم


ماشاء الله ولا حول ولا قوه الا بالله ..











الحمره



الادوات .. :

اول شي حطيت بينت بوت من ماك اسمه بير ستدي طبيعي نفس لون الجفن بس بلمعه خفيف ..

حطيت الشدو البني المخملي من علبه لوريال

والاضاءه من نفس العلبه تحت الحاجب

وحطيت الكحل الازرق من قولدن ليدي عجييييييب ودايم يسالوني عنه لانه يولع بالعيون

الايلاينر من محمود سعيد حبيب القلب

وتحت العين حطيت لمسه خفيفه من الشدو الكحلي بنفس العلبه


والحواجب شدو بدي شوب اللي ماكلته اكال لون الاسود




بيس الحمره من بسام فتوح اللون عجييييب بس يتشقق ف لازم احط فوقه حمره
وان شاء الله جاري البحث عن حمره نفس لون البيس لان لونه يهبل يهبل

والحمره من ريميل اسمها كارباش او شيء جذي ومو دايم تطلع حلوه ترا على حسب كريمج ومكياجج بعض المرات تطلع لوووعه




وسلاااااااااااااااااامـتكم بنوتات

 

[عز النفس يغنيني]

وش جاه : بعد عمري والله عيونج الحلوه تسلمين

جوهره البحرين :،انا مو حلو علي الكحل الاسود داخل العين ويضيق عيوني عشان جذي احب استخدم الالوان اكثر شي

وتسلمين يا قلبي

تكفيني الذكرى : الله يسلمج بنت عمووووووو انتي الاروع

 

[عز النفس يغنيني]

عزووووزة ماشاءالله لوكج عجيييييييب! صج مال عرس
و حده بروفشنال

و حمدي ربج انج ما تعرفين تركبين رمووش .. لانهم حرام
و ثاني شي الاحظ اللي يركبون رموش يدمنوونهم
يصيرون حتى حق الطلعة يركبون .. أشكالهم تصير لوعة


بس صج اللوك اينن و طبعًا عيونج اللي محلييييته

تسلم ايدج اخيتي .. و لااا يوقف
:ggdw:

يا هلا بالغلاااااااا لج وحشه اد الدنياااااا

ههههههههههه الحمدالله في احد مايدني ما احط رموش

عاد رفيجاتي يحطون بس كلش ما يركبونها بالطلعات اظاهر اللي نشوفهم بالاماكن العامه حالات استثنائيه


وكلج ذوق يا قلبي عاد حيل استانس واحب رايج لا تحرمينا من وجودج

 

[ميار مطير]

نااااااااااااااااايس بس لوكك الثقيل موب حلو احسه اوووفر
وتقبلي وجهت نظري