المطبخــ الامــريــكيــ / منــ a2z

[مجنونة حبه]

مثلجه مج مج

ايوا مثلجه
وحده اتسويها وتبيعها بالبقاله

 

[اختكم بالله]

زين والله عليكم بالعافيه

 

[اختكم بالله]

ام دونه شفتج

 

[بطه فيها نطه]

بالعافية بطوط شكل المعدس يشهي
ممكن الطريقه لو ماعليج امر احس مصخناها بالطلبات

الله يعافيك ... لا افا عليك

بحطها لكم من عيوني ... بس نزلت الصور على السريع

 

[مجنونة حبه]

مج مج حطيلي الماركه او صورته ماعليك امر .. لانه في كذا نوع بالبقاله

ومتردده اشتريه ..

بطوط هذي وحده مرا فلسطينيه
اتسوي بالبيت فلافل واتبيعه حق المطاعم والبقالات عربيه
جيسه شفاف ماله اسم

وعلى قوله ريلي هذا سان فرانسيسكو اسبشيليست :d

 

[Miss Chanel]

يعطيج الف عافيه بطوط خوووش طبخه :eh_s(7):

وشكرا على اللبن بجربه بس النعناع شلون عادي احط المجفف ..




بنات الله يخليكم اذا تعرفون طريقة كب كيك الشكولاته حطوها هني
تعبت وانا ادور بالنت كلهم مقادريهم فيهم بيكربونات الصودا مادري شنو لا وتقول منال العالم

مايصير تحطون بيكنغ بودر بداله كنت ناويه احطه بس سمعت كلامها

 

[بطه فيها نطه]

بطوط هذي وحده مرا فلسطينيه
اتسوي بالبيت فلافل واتبيعه حق المطاعم والبقالات عربيه
جيسه شفاف ماله اسم

وعلى قوله ريلي هذا سان فرانسيسكو اسبشيليست :d

في نوع عندنا ينباع بجيس شفاف .. اخاف اهو ؟؟ اذا شريته حطيت صورته

 

[بطه فيها نطه]

يعطيج الف عافيه بطوط خوووش طبخه :eh_s(7):

وشكرا على اللبن بجربه بس النعناع شلون عادي احط المجفف ..

العفو شوشو .. اي المجفف لاتكثرين يدوب ربع قفشه




بنات الله يخليكم اذا تعرفون طريقة كب كيك الشكولاته حطوها هني
تعبت وانا ادور بالنت كلهم مقادريهم فيهم بيكربونات الصودا مادري شنو لا وتقول منال العالم

مايصير تحطون بيكنغ بودر بداله كنت ناويه احطه بس سمعت كلامها

شفتي موضوعي اللي في قسم المطبخ فيه اكثر من نوع اغلبهم بدون بيكربونات الصودا

بس انتي ليش ما تبيها ؟؟

بالعكس عندي تضبط الكب كيك عدل ... بس ماتمشي مع اي نوع كيك

 

[Miss Chanel]

اها اجل شكلي بجربها
ليش ماابيها؟؟؟
قلت وين احصل بيكربونات الصودا لووول
بروح اشوف مواضيعج يسلمو حبيتي

 

[بطه فيها نطه]

هذا انا استعمله ... تحصلينه يم النشا وهالسوالف



وهذا نوع ثاني




واخذي هالمعلومه :


بالنسبة لسؤالك عن البيكنغ صودا والبيكنغ باودر


البيكنغ صودا في الحقيقة هو مركب كيميائي اسمه كما تعرفين بالتأكيد بيكربونات الصوديوم وهو مادة قلوية بحتة يكون وحدهُ خامل دون احداث اي تفاعل ولا بد من اضافة عنصر آخر حمضي لينشط ويحدث التفاعل وتنبعث غازات ثاني اكسيد الكربون.


البيكنغ باودر هو في الحقيقة عبارة عن مركب يتألف من : بيكنغ صودا ( المادة القلوية ) مضاف إليها المادة الحمضية (المهمة لإحداث التفاعل ) اما كريمة الترتار وهي مادة شديدة الحموضة او سلفات الألمينيوم وهي كذلك شديدة الحموضة..

هذا التركيبة عند ملامستها الماء تبدأ في التفاعل مباشرة وتصدر فقاعات هواء ( غاز ثاني اكسيد الكربون ) وتنشط اكثر وتكبر هذا الفقاعات مع الحرارة وهو ما يرفع العجينة عند الخبز ويحدث المسامات الاسفنجية في الكيك وفي بعض الـ الخبز السريع .


قد تقولين أن البيكنغ صودا يستخدم في بعض الوصفات لوحدة فكيف يحدث التفاعل .. هذا كلام صحيح ولكن لو دققتي جيداً في الوصفة لا بد لك ان تجدين في مكونات الوصفة شيء حامض مثل .. ليمون .. زبادي .. عسل .. سيرب .. كاكاو .. خل.... إلخ من المواد الحامضة

هذا المكونات التي ذكرت واخرى حمضية لم اذكرها كلها مكونات حمضية طبيعية وكفيلة باحداث التفاعل عند إضافة البيكنغ صودا ومزجه بالماء وتتزايد مع الحرارة .


في بعض الأحيان يستخدم الأثنين مع بعض .. ليش ؟! .. .. نرجع إلى مسألة الحموضة .. بعض الوصفات التي يدخل فيها عناصر حامضة كثيرة ويحشى أن يكون الحامض شديد التأثير على الوصفة يضاف البيكنغ صودا كمادة ( مـُحيّدة ) لتخفيف حدة الحموضة في الوصفة وليس لهدف نفش العجينة المخبوزة .


بالإمكان في حدود ضيقة استبدال البيكنغ صودا بالبيكنغ باودر ولكن لا يمكن استبدال البينكغ باودر بالبيكنغ صودا ..

استخدام بيكنغ صودا بنسب كثيرة دون وجود عنصر حامض يحيّده ستكون الوصفة (مرة )

ربع ملعقة بيكنغ صودا .. تعادل ملعقة كبيرة بيكينغ باودر ..

 

[doode cool]

مااااشاءالله بطووط تسلم ايدج عاللقمات شكلهم حده يمي يمي :rerrerek::rerrerek:
تسلم ايدج

دودوووو
حراااااام عليج انا امووووت بالمحشي
عساج عالقووه :eh_s(7)::eh_s(7):

على هالاكلات مفروووض تحطون لجنه تذوق وتحكم عالطعم لان مايصير بس نشووف صور
وانا ماعندي مشكله اضحى بوقتي مع عايلتي وشغلي واكون بهاللجنه:d:d

\

يقويك ام الكوش ليتيك جنبي جان ارسلت لك منه
​

 

[doode cool]

دودي / يعطيك العافيه ... وتسلم ايدك

مريامه / الحمدالله على السلامه ... بالنسبه للبن اذا ماتحبينه حامظ مثل النوع اللي ينباع

اشتري روب وسوي اللبن بالبيت ترى يضبط ... قبل اهل الكويت كله يسونه

روب + ماي + ملح + نعناع + ثلج = كلهم بالخلاط

يطلع لذيذ ... قبل لاتفتح عندنا البقاله العربيه ... كنت اسوي نفس الطريقه

حق بناتي ... يحبون اللبن

يسلمك بطوط عاد بطوط حمسيني اكثر قولي يجنن حلو خليني اتشقق اول مره اسويه بحياتي كلها
​

 

[doode cool]

احم احم اول مشاركه لى بالمطبخ :ggdw::ggdw:

:eh_s(17):حلا التووت البري:eh_s(17):

بسم الله نبتدي

* المكونات:

- علبه كيك سارا لي.
- علبة شرايح اناناس.
- علبة جلى اناناس.
- علبة كريم كراميل.
- 3 علب قيمر (قشطه).
- 1جيس دريم ويب.
- علبتين حشو الفطير بطعم التوت البري.

*طريقة التحضير :

- اول خطوه نصفي العصير اللى موجود بعلبة شرايح الاناناس بكوب(لان راح نحتاج للعصير) .

- ثاني خطوه نقطع الكيك لشرايح مستطيله ونصففها بالبريكس.

- ثالث خطوه ناخذ عصير الاناناس اللى صفيناه ونرش منه على سطح الكيك كميه بسيطه عشان يطريه شوي.

- الخطوه الرابعه ناخذ القيمر-الكرميل-الدريم ويب- شرايح الاناناس وجلي الاناناس (يفضل خلط جلي الاناناس مع كمية قليله من الماي الدافي) ونخلطهم بالخلاط.

- بعدها نضيف الخليط على سطح الكيكه ونحطه بالفريزر لمده نص ساعه .

- وبعد مانطلعه من الفريزر نضيف عليه اخر طبقه واهيا التوت البري.

وهذا الشكل النهائي له

وبالعاافيه علىكم :eh_s(7):

مشاءالله عوافي علا قلبك وبارد ولزيز انشاءالله اسويه عن قريب
​

 

[doode cool]

اليوم
غدانا مقالي وحمص بيروتي ( بالنخي ) وحمص العادي

والفتوش

مج مج عافيه علا قلبك اموت بالفلافل والحلو مشاءالله عرفتي تزبيطين اللقيمات
​

 

[doode cool]

عافيه بطوط شطل الشوربه لزيزه حدها
​

 

[doode cool]

:eh_s(15):وهذا المندي :ggdw:

انشاءالله يعجبكم

مج مج اذا عجبك اعطيك الطريقه دايم يصير شكله احلا بس الطعم نفسه لزيز
​

http://www13.0zz0.com/2011/05/31/03/743282237.jpg

 

[اختكم بالله]

ماشالله روعه عليكم بالعافيه حبيبتي

شنو الخيوط اللي فوق اللحم ؟

الله ككاوي المفضل الصغير المدور واو احبه

 

[اختكم بالله]

تسلم ايدج دودو

 

[مجنونة حبه]

تسلم ايدك ولا ايد زوجج اعترفي من صلح المندي

واكيد ابي الطريقه انا ناطرتك من اول ماقلتي رايحين انجيب اللحم


بلييييييييييييييز ابيها بالضبط ابي اسويها

ويعطيكم العافيه شكلها جنااااااااااااااااااااان ولزييييييييييييييز مرا

 

[doode cool]

ماشالله روعه عليكم بالعافيه حبيبتي

شنو الخيوط اللي فوق اللحم ؟

الله ككاوي المفضل الصغير المدور واو احبه

هههههههههههههههه خوخه زحكتني حدي خليتي المندي وتشوفين الكاكو هههههههههههههههه

الخيوط هاذي خيوط صوف اقطعه واحطها فوقها هههههههههه :ggdw:امزح خوختي هذا سبكيتي يسلمك البك خوخه
​