المطبخــ الامــريــكيــ / منــ a2z

[ام دونه]

بالعافيه شنول تسلم ايدج

 

[اختكم بالله]

ام دونه انا اطبخ اللحم واذا استوا احطه بالخبز والفه بقصدير وادخله الفرن شوي واطلعه
بس بجرب طريقتج

اللحم يستوي بالفرن بربع ساعه

 

[مجنونة حبه]

ام دونه بعد اذنج اجاوب على سؤال خوخه
خوخه
اي لحم ابسرعه يستوي ما ياخذ وقت وايد يبيله من ربع ساعه الى فوق شوي
لانه مفروم وحراره الفرن عاليه فبسرعه يستوي

 

[مجنونة حبه]

انا اسوي حشوه عندي بس احط الكمون وفلفل الاسود وملح وطماط وبصل ومرات البقدونس

 

[اختكم بالله]

شكرًا مج مج فديتج بجرب الطريقه

 

[ام كوشه منكووشه]

الله يعافيكم حبايبي


خوخه لا ماازيدها ماي أهي معجونه وخالصه بس علا طول اطلعها واكورها واقليها بس أنا احب ازيدها فلفل اسود


ام كوشه تامرين امرحبيبتي. تعبج راحه يالغاليه جم ام كوشه عندنا

شوفي ياطويله العمر

اول شي إحنا ناخذ لحم مفروم من عند البقاله العربيه ونقوله نصه يفرمه ساده ونصه يفرمه حق الكفته اهو يخلط معاه بقدونس وبهارات وبصل بس خلطته حلوه ويحط ملح بعد هذا افرزه حق العرايس بس

ثاني خطوه تجيبين خلطه اللحم مالت الكفته الكميه اللي تكفيج وتزيدينها طماط مقطع صغار حيل وتخلطينه وتشوفين اذا يبيلها ملح زياده وفلفل اسود خفيف لانه اصلا أهي معاها بهارات
بعدين يكون عندج صحن فيه زيت زيتون علا جنب
تاخذين رغيف الخبز وتقصينه نصين نفس أنا شلون قاصتها بالصوره وبعدها تمسحين القطعه من برا ومن داخل بزيت الزيتون بس مسحه خفيفه عشان لا يبس وقت الشوي
وتاخذين كميه من اللحم وتحشين قطعه الرغيف
لما تخلصين الكميه اللي عندج
يكون عندج قصدير تلفين كل رغيف بقطعه قصدير
وتخلين الفرن علا درجه٤٠٠ وتخبزينها مده ربع ساعه تقريبا ولا تحطينها بصحن الشوي لا قطيها علا شبك الفرن عشان تخلص اسرع وانتي شوفي طلعي وحده اذا لونها بلش يغمج نفس مالت المطاعم طلعيها بس
ليحطيتيها بالفرن خلي لفه القصدير ليفوق عشان اذا طلع. منها ماي او دهن ماينزل علا النار

وحطي معاها متبل أنا استخدم العلب بس ازيده قفشه روب يطلع احلا

واذا البقاله العربيه ما سوالج الخلطه انتي سويها( لحم مفروم/بقدونس مفروم حيل/بصل مفروم/بهارات كفته عند العربي) وكل مره بتسوين زيديها طماط مفروم عشان اللحم ماينشف

سوري ام كوشه الكلام مو مرتب لأني اكتب من التليفون عندنا ازمه لاب توبات

ترا سهله حيييييييل وبسرعه تخلص بس أنا طولتها بالشرح


اي استفسار أنا حاظره

فــــــــــــديـــــــــــت قـــــــلبج يـــالـــغالــــيه :eh_s(7):

بعد عمري والله ماقصرتي
خلطه الكفته راح اسويها بالبيت لان سويتها من قبل حق الكفته ومره سويتها وشكينا اللحم باسياخ نفس الكباب ...
ماشاءالله طريقتها سهله والله..
بأذن الله ان شاءالله بسويها الاربعا للغدا

 

[بطه فيها نطه]

شوربة الخضار






المقادير :


كوب جزر مبشور

كوب ذره

كوب مشروم مقطع صغار

1 كوسا مقطعه مفروم ( اذا موجوده عندكم )

1 كوب حليب سائل

نص كوب كريمه

1 مكعب ماجي

ربع م شبنت مجفف او طازج

فصين ثوم مفروم

ماي

البهارات ( فلفل اسود - ملح - بهار حلو او بهارات مخلوطه - دارسين - كركم - باربيكيا ) من كل شي شويه

نشا + ثلاث ارباع كوب ماي بارد



الطريقه :

نحمس البصل والثوم + ماجي .. وعقب نضيف المشروم والكوسا وباقي الخضار كلها + الشبنت + والبهارات

بعدين نغطي الجدر شوي بس تذبل الخضار .. نضيف الماي + الحليب + الكريمه

ونملح ... نقصر عليها ونخليها تطبخ شوي

عقب نضرب الخليط بالخلاط ... علشان تصير ناعمه ...

نسوي خليط النشا علشان نثقل الشوربه ونحرك .... وبجذي تكون جاهزه

نقدمها مع توست محمص

 

[بطه فيها نطه]

المعدس






المقادير :


عدس البرتقالي

عيش ( كمية العيش نفس كمية العدس )

2 بصل مفروم

3 فص ثوم مفروم

نص فلفل اخضر بارد

1 فلفل اخضر حار

ماي

1 مكعب ماجي

بهارات ( كركم - بهارات مخلوطه - دارسين - فلفل اسود - ملح )


للزينه :

بطاط شرايح متينه متبله بــ ( كركم - ملح - فلفل اسود - باربيكيا ) ونقليها بدهن

بصل ناعم ... نقليه بدهن البطاط بعد مانخلص منه + فص ثوم مع خليط البصل ... نقليه لما يتحمر

ونشيله مع شوية دهن ... نسقي فيها العيش تالي



طريقة التحضير :

نفوح العدس تقريبا 10 دقايق على نار عاليه او وسط ... لايستوي يدوب ربع سوا ...

ترى اذا استوى راح يعجن العيش

ديري بالك من هالخطوه ... احنا راح نكمل طبخه مع العيش

بعدين نشخله من الماي ونخليه على جنب ...

نغسل العيش ونقعه ... عقب نصفيه من الماي ...

نحمس البصله المفرومه مع الثوم + ماجي + البهارات بجدر العيش ...

ونضيف الفلفل الحار + الفلفل البارد

ونحرك ...

الحين نخلط العيش اللي بس مغسلينه + العدس اللي شخلناه

... نخلطهم عدل ونحطهم فوق الحمسه بالجدر

يدوب نحرك شوي ونضيف الملح ... ونغطي العيش بالماي ... نفس المجبوس

يدوب يغطيه لاتكثرون علشان يطلع نثري ... ننطر عليه شوي لين يتشرب مايه

نقلب شوي ... ونصف البطاط على جنب الجدر ونصب

شوي من دهن قلاي البصل على العيش يعطي نكهه + الحشو البصل

الحشو ( انا احطه بقصدير فوق العيش على جنب ) مو الكل يحب البصل واسهل

علشان التزين

بعدين نغطي الجدر بقصدير وفوقه الغطا ... ونقصر عليه ونخليه

ونقدمه بعد مايستوي مع المعبوج والمخلل وراس بصل ابيض ههههههه

 

[doode cool]

الله جوعتيــــــني دودي عليكم بالف عافيه
شكله لذيذ يمي يمي وشنو هذا الي يمه شوربه ولا ايدام ؟؟؟

وخوخه شنو الكاكاو هذا مااعرفه ؟؟

يسلمو شنول يخليك ربي
​

 

[doode cool]

ام دونه

مشاءالله عليكم بالعافيه اشتهيت العرايس عادي زي العجينه العاديه اهي

ام الكوش

يسلمو حبيبتي
​

 

[اختكم بالله]

شكرًا بطوط

 

[doode cool]

مندي اللحم

لحم يفضل لحمة الظهر

نص بصله مقطع مكعبات صغيره

نص ملعقه صغيرا فلفل اسود

ملح <<<علا حسب الرغبه

لون مصفر

الطريقه :

نخلطهم علا اللحم

ثم نغلف صينيه البايركس باقصدير ثم نضع اللحم ونغلفه بالقصدير تمام التمام مايقارب اربع طبقات لازم انو مايطلع منوه الهوا<<<<زوجي يقول سر الطبخه :ggdw:



ويوضع علا درجة حرار 350 لمدة ثلاث ساعات



ناخذموية اللحم ونسويه فيها الرز

ونحمر اللحمه <<< علا حسب شكل اللحم

الرز لما يستوي

نسوي فحم ونحط فنجال فيه زيت ونجيب الفحمه ونحطه بزيت ونسكر علا الرز لمده خمس دقايق

للزينه

بصل مقطع شرايح احطه بطحين قبل القلي

صنوبر مقلي

زبيب مقلي <<نحطه بالمقلى ةبسرعه نشيلوه

مكرونه << اللي يحب

ي رب يوفق زوجي باختبار الأيلز ادعو له ي رب :eh_s(7):


انشاءالله يعجبكم وبالعافيه مقدما للكل
​

 

[اختكم بالله]

يسلمو دودو الله يوفق زوجك بالاختبار ويجيب اعلي الدرجات
بسالج
١ - احط اللحم مع الفلفل والملح والبصل في بايركس واغطيه بالقصدير ٤ مرات صح ؟
٢ - لما اطلع البايركس يكون فيه ماي اللحم ؟
٣ - سالفة الفنجان والفحم مافهمتها يمكن لان توني قاعده ؟

بنات انا حالتي صعبه أخذ المقادير ولا اطبخ شوفولي حل هههههههه

 

[doode cool]

يسلمو دودو الله يوفق زوجك بالاختبار ويجيب اعلي الدرجات
بسالج
١ - احط اللحم مع الفلفل والملح والبصل في بايركس واغطيه بالقصدير ٤ مرات صح ؟
٢ - لما اطلع البايركس يكون فيه ماي اللحم ؟
٣ - سالفة الفنجان والفحم مافهمتها يمكن لان توني قاعده ؟

بنات انا حالتي صعبه أخذ المقادير ولا اطبخ شوفولي حل هههههههه

ج1 اي قبل تخلطينهم مع بعض تبيلنه يعني بعدين تحطينه بايركس البايركس قبل تحطين اللحم غلفي البايركس



بعدين تلفينه بالقدير تحكمين اغلاقه



جذي من شان الهوا مايطلع

ج2 لما طلعين اللحم بعد ثلاث ساعات نزلت مويه منه تسوين به الرز عادي تقدرين تزين المويه اذا ماكفتت للرز

ج3 الفنجال<<<سحر ههههههههههههه

الي هو تسوين فحمه الين تستوي وتحطين حواة القدر حق الرز فنجال تحطين في زيت بعدين تجيبن الفحمه المستويه وتحطينه جواة الفنجال الي فيه زيت وتسكرين القدر عليه
​

 

[مجنونة حبه]

نسوي فحم ونحط فنجال فيه زيت ونجيب الفحمه ونحطه بزيت ونسكر علا الرز لمده خمس دقايق


دودي يعطيج الف الف الف مليون عافيه صور واضحه والطريقه سهله ماتوقعتها الصراحه وتسلم الايادي والله يوفقه بالامتحان بس عندي سؤال هالخطوه

نسوي فحم ونحط فنجال فيه زيت ونجيب الفحمه ونحطه بزيت ونسكر علا الرز لمده خمس دقايق
شنو فايدتها
ليش احط الفحم بالزيت ماراح احترق
وليش احطه داخل جدر العيش

 

[مجنونة حبه]

مشكوووره بطوط عالوصفات الحلوه

 

[ام دونه]

نسوي فحم ونحط فنجال فيه زيت ونجيب الفحمه ونحطه بزيت ونسكر علا الرز لمده خمس دقايق


دودي يعطيج الف الف الف مليون عافيه صور واضحه والطريقه سهله ماتوقعتها الصراحه وتسلم الايادي والله يوفقه بالامتحان بس عندي سؤال هالخطوه

نسوي فحم ونحط فنجال فيه زيت ونجيب الفحمه ونحطه بزيت ونسكر علا الرز لمده خمس دقايق
شنو فايدتها
ليش احط الفحم بالزيت ماراح احترق
وليش احطه داخل جدر العيش

اسمحيلي دودي اجاوب(لقافه مااقدر اصبر)

مج مج لا ماتحترقين لانه يدوب يحترق الزيت من الفحمه ويطلع الدخان سكري الغطا علا طول عشان العيش يتشرب دخان اللي طالع من الزيت( السر بهالحركه انه العيش يصير فيه نكهه المندي ويصير جنه مطبوخ علا الفحم )
اسفه دودي رديت بدالج

 

[ام دونه]

ام دونه

مشاءالله عليكم بالعافيه اشتهيت العرايس عادي زي العجينه العاديه اهي

ام الكوش

يسلمو حبيبتي
​

الله يعافيك دودي
لا دودي مو عجينه خبز جاهز من البقاله العربيه احشيه بخلطه الكفته وتشوينه بالفرن

 

[ام دونه]

شكرًا بطوط علا الوصفه

 

[ام دونه]

ام دونه انا اطبخ اللحم واذا استوا احطه بالخبز والفه بقصدير وادخله الفرن شوي واطلعه
بس بجرب طريقتج

اللحم يستوي بالفرن بربع ساعه

ايه خوخه يستوي
انا اقولج بعد ربع ساعه ابدي جيكي عليها اذا صارت نفس لون اللي انا حاطتها مشقره طلعيها
جربيها خوخه ترى حلوه
اخ يا خوخه لو انج جارتي جان صرتي ماتطلعين من الباب ههههههههههههههههههههههه على فكره احب اطبخ واتنقص لاحد فيني طبع من زمان فيني
هالدور جارتي خوخه وحامل لاااااا هذا كلام ثاني :bbbiu: والله كلكم ودي بجمعتكم وشوفتكم بس ان شاءالله نجتمع بالافراح يارب