- إنضم
- 27 أغسطس 2009
- المشاركات
- 32,479
- مستوى التفاعل
- 4
- النقاط
- 0
السلام عليكم ..
.
.
.
.
.
.
اول شي اتمنى الصحه و العافيه والخير لكل من يقرا موضوعي الحين .
و مثل ما وعدتكم ، كل فترة اكتبلكم موضوع يفيدكم و يهتم بجمالكم و بشرتكم وجسمكم ، وكالعاده اعلمكم على خلطات او كريمات او منتجات .
و انشالله موضوعي اليوم ..
عبارة عن خلطة من خلطاتي
اللي استعملها دايما و ما استغنى عنها
اللي استعملها دايما و ما استغنى عنها
و اهي خلطة طبيعية 100 %
( خلطة للأظافر )
وانا متأكده انه كلكم تحتاجونها
لانه احنا بنات ونحب نعتني بنفسنا و نحافظ على جمالنا دايماً
( خلطة للأظافر )
وانا متأكده انه كلكم تحتاجونها
لانه احنا بنات ونحب نعتني بنفسنا و نحافظ على جمالنا دايماً
و انا صراحه كنت بعرضها للبيع مع باجي خلطاتي ،
بس من بعد طلبكم لها قلت اعطيكم ياها ما تغلى عليكم ،
خاصة انه وايد بنات من بعد ماشافوا موضوعي اللي طاف اللي اهو
خلطة من خلطات الملاك اهداء لكم (للهالات السوداء)
سألوني من الصور عن عنايتي بأظافري ،
و غير زبايني لما يسألوني شنو جديدج الملاك ؟
اقولهم انشالله خلطة للأظافر ، فكانوا يقولون لما تسوينها ونطلب منج عطينا ياها تستر .
و فوق كل هذا الخلطة سهله وبسيطة وتقدرون تسوونها بالبيت ،
و حتى لو ببيعها بتكون بسعر رخيص ،
فـ تستاهلونها ، مثل ما عطيتكم خلطة (الهالات السوده) هديه ، بعطيكم خلطة (الاظافر) هديه
وانشالله اليايات اكثر =)بس من بعد طلبكم لها قلت اعطيكم ياها ما تغلى عليكم ،
خاصة انه وايد بنات من بعد ماشافوا موضوعي اللي طاف اللي اهو
خلطة من خلطات الملاك اهداء لكم (للهالات السوداء)
سألوني من الصور عن عنايتي بأظافري ،
و غير زبايني لما يسألوني شنو جديدج الملاك ؟
اقولهم انشالله خلطة للأظافر ، فكانوا يقولون لما تسوينها ونطلب منج عطينا ياها تستر .
و فوق كل هذا الخلطة سهله وبسيطة وتقدرون تسوونها بالبيت ،
و حتى لو ببيعها بتكون بسعر رخيص ،
فـ تستاهلونها ، مثل ما عطيتكم خلطة (الهالات السوده) هديه ، بعطيكم خلطة (الاظافر) هديه
.
.
.
يلا نبدي ..
( خلطة الأظافر )
للعناية بالأظافر و جمالها ، لصلابة الاظافر و تقويتها و لمعانها و اطالتها ونعومتها ، كذلك حمايتها من الجفاف و التقصف و التكسر ,
* الاحتياجات ومكان توافرها :
- زيت زيتون ( من الجمعية )
- خل التفاح ( من الجمعية )
- ماي ورد ( من الجمعية )
- لوشن فازلين الوردي الكبير للايد والاظافر ( من الجمعية )
- زيت الليمون ( من الحواي )
- زيت اللوز الحلو الصافي ( من الحواي )
- زيت الخروع الصافي ( من الحواي )
- خل التفاح ( من الجمعية )
- ماي ورد ( من الجمعية )
- لوشن فازلين الوردي الكبير للايد والاظافر ( من الجمعية )
- زيت الليمون ( من الحواي )
- زيت اللوز الحلو الصافي ( من الحواي )
- زيت الخروع الصافي ( من الحواي )
- كبسولات فيتامين E ( من الصيدلية )
- علبة عصار حجم وسط لتعبئة الخلطة بداخلها ( بو اميه )
- علبة عصار حجم وسط لتعبئة الخلطة بداخلها ( بو اميه )
و هذي صورة جماعية للأغراض اللي نبيها
والحين بحطلكم الأغراض بصورة مقربة عشان تكون أوضح و تعرفون النوع اللي استعملته
هذا زيت الزيتون و ماي الورد و خل التفاح
و هذي كبسولات فيتامين ( e )
و هذا اللوشن فازلين الوردي للايد والاظافر
و هذا زيت الليمون
و هذا زيت الخروع و زيت اللوز الحلو
و هذي العلبه اللي نبيها ، تكون عصار ، وحجمها متوسط
* مقادير الخلطة :
- ملعقة واحدة زيت زيتون
- ملعقة واحدة ماي الورد
- ملعقة واحدة زيت الليمون
- ملعقة واحدة زيت اللوز الحلو
- ملعقة واحدة زيت الخروع
- نصف ملعقة خل التفاح
- خمسة كبسولات فيتامين e
- سبعة ملاعق لوشن فازلين الوردي للايد والاظافر
( المقادير كلها بالملعقة ، والملعقة اللي اقصدها العاديه ماغيرها مالت الاكل )
- ملعقة واحدة ماي الورد
- ملعقة واحدة زيت الليمون
- ملعقة واحدة زيت اللوز الحلو
- ملعقة واحدة زيت الخروع
- نصف ملعقة خل التفاح
- خمسة كبسولات فيتامين e
- سبعة ملاعق لوشن فازلين الوردي للايد والاظافر
( المقادير كلها بالملعقة ، والملعقة اللي اقصدها العاديه ماغيرها مالت الاكل )
* طريقة عمل الخلطة :
اول شي تحطين الزيوت كلهم بالطاسة ، زيت الزيتون و زيت الليمون و زيت اللوز الحلو و زيت الخروع ، بعدين تحطين ماي الورد ،
بعدين تحطين الخل ، وبعدين تحطين الكبسولات ، طبعا جذي بيكون شكلهم
بعدين تحطين الخل ، وبعدين تحطين الكبسولات ، طبعا جذي بيكون شكلهم
* تفتحينهم بالدبوس ، بس تغزينه على الطرف بدبوس ، و تعصرينه لي داخل الطاسه ، وبس .
وعقبها نخلط المقادير اللي صارت عندنا بملعقة لمدة دقيقة بالضبط تقريباً لين تمتزج المكونات مع بعض
و يصير شكلها جذي
و يصير شكلها جذي
و بس نخلي هالطاسه الحين على صوب ، خلصنا منها
و ناخذ طاسه ثانيه ، و نحط فيها اللوشن الوردي فازلين ، مثل ما قلنا نحط 7 ملاعق بس .
نفس هالصورة
نفس هالصورة
وطبعا صار عندنا طاستين ، وحده خلطة السوائل الطبيعية والفيتامين ، و الثانيه اللوشن
والحين نبدي نخلط ، اول شي نصب مكونات الطاسه الاولى ( السوائل الطبيعية و الفيتامين ) على الطاسة الثانية ، بس شوي شوي ، مو مرة وحده كله ،
نفس هالصورة شوفوا شلون انا صابه بس شوية اول شي
فـ نصب اول شي كمية بسيطة حيل ، ونخلط بالقفشة ، ونكمل نصب شوية بعد ، ونرد نخلط ، ونصب شوية بعد ، ونرد نخلط ، لين نخلص ، والحين ناخذ 3 دقايق بالضبط بس نخلط الخلطة اللي صارت عندنا و نخلطهم عدل عشان يتجانسون صح ، و مايصير زيت طافح او شي فوق و شي تحت ، عشان جذي خلطوهم و دمجوهم عدل ، و جذي بيكون الشكل النهائي
والحين خلصنا ، بس نبي نعبي الخلطة بالعلبه ،
نجهز العلبه ، و نحتاج قمع صغير ، و نبدي نصب الخلطة بالعلبه ،
وهذي الصورة توضح الاغراض اللي استخدمتها
نجهز العلبه ، و نحتاج قمع صغير ، و نبدي نصب الخلطة بالعلبه ،
وهذي الصورة توضح الاغراض اللي استخدمتها
و هذي اهي الخلطة خلصت و جاهزه للاستخدام
و مثل ماهو باين بالصورة ، انه الاستخدام يكون اما بالقطن ، أو بفرشه المانيكير اذا عندج وحده نظيفة .
* عدد مرات الاستخدام :
مرتين باليوم
- المرة الاولى (براحتج ، الوقت اللي تكونين فاضيه وقاعده فيه بالبيت ، و يتم عليج 4 او 5 ساعاتاو اكثر يكون احسن ، المهم الوقت اللي تقدرين عليه )
- والمرة الثانيه ( بليل قبل النوم،حطي الخلطة ونامي )
- المرة الاولى (براحتج ، الوقت اللي تكونين فاضيه وقاعده فيه بالبيت ، و يتم عليج 4 او 5 ساعاتاو اكثر يكون احسن ، المهم الوقت اللي تقدرين عليه )
- والمرة الثانيه ( بليل قبل النوم،حطي الخلطة ونامي )
* طريقة و كمية الاستخدام :
عندج طريقتين و اختاري اللي تريحج
- اما بفرشة المانيكير ، اذا عندج فرشة نظيفة او كانت خاصه لمرطب الاظافر او المقوي و خلصت ، اخذيها و نظفيها و استعمليها ، و المهم حطيها بالخلطة و اخذي من الخلطة و مشيها على اظافرج بكمية بسيطة بحيث انج تخلين الخلطة توصل لاظافرج كلها و تكون طبقة بسيطة مثل المرطب و لازم تراعين انها راح تنشف فلا تحطين طبقة ثقيله بحيث انه ماينشف .
- او بالقطن ، القطن العادي ماغيره ، عصري عليه من الخلطة و مشيها على اظافرج ، خلي القطن يمشي على اظافرج و يمسح عليهم ، جنج تمسحينهم باسيتون ، بس الفرق انج مو تمسحين حيل ، لا ، مسحي عالخفيف عشان تخلين الخلطة توصل لاظافرج ، مو كلش ما يحوشها شي ، و اذا محتاجه بعد مرة ، ردي كرري الخطوة واخذي قطن و مشيه على اظافرج كلها .
المهم اظافرج بتوصلها الخلطة جنها طبقة مرطب خفيفة ، ونطري عليها 10 دقايق أو أقل و راح تنشف وعادي.
و في ناس من النوع اللي توسوس و تحاتي ، فانا اقول لهالفئة لي نشفت الخلطة ، لبسي فوقها دس شفاف مال المطبخ ماغيره النايلون الخفيف .
- اما بفرشة المانيكير ، اذا عندج فرشة نظيفة او كانت خاصه لمرطب الاظافر او المقوي و خلصت ، اخذيها و نظفيها و استعمليها ، و المهم حطيها بالخلطة و اخذي من الخلطة و مشيها على اظافرج بكمية بسيطة بحيث انج تخلين الخلطة توصل لاظافرج كلها و تكون طبقة بسيطة مثل المرطب و لازم تراعين انها راح تنشف فلا تحطين طبقة ثقيله بحيث انه ماينشف .
- او بالقطن ، القطن العادي ماغيره ، عصري عليه من الخلطة و مشيها على اظافرج ، خلي القطن يمشي على اظافرج و يمسح عليهم ، جنج تمسحينهم باسيتون ، بس الفرق انج مو تمسحين حيل ، لا ، مسحي عالخفيف عشان تخلين الخلطة توصل لاظافرج ، مو كلش ما يحوشها شي ، و اذا محتاجه بعد مرة ، ردي كرري الخطوة واخذي قطن و مشيه على اظافرج كلها .
المهم اظافرج بتوصلها الخلطة جنها طبقة مرطب خفيفة ، ونطري عليها 10 دقايق أو أقل و راح تنشف وعادي.
و في ناس من النوع اللي توسوس و تحاتي ، فانا اقول لهالفئة لي نشفت الخلطة ، لبسي فوقها دس شفاف مال المطبخ ماغيره النايلون الخفيف .
* الكمية :
العلبة اللي سويناها ، بتكفيج استعمال شهر ونص تقريبا .
* السعر :
طبعا بما انه راح تشترون الاغراض يديدة راح يكلفكم شوي ، بس لا تحاتون ، لانه انتو محتاجين من كل شي كمية بسيطة ، يعني الاغراض اللي شريتوها بتخليكم تسوون من هالخلطة وايد ، يعني زيت الزيتون و ماي الورد و الخل و الكبسولات راح يتمون عندكم وايد ، اما زيت الخروع و زيت اللوز بيكفيج بس مرتين ، و اللوشن بتستعملينه علطول ، بس بعطيكم السعر التقريبي للمجموع اذا انتو تبون تشترون الاغراض كلها ،
زيت الزيتون بدينار ، و الخل بنص دينار ، و ماي الورد بنص دينار ، و لوشن فازلين بدينار ونص ، و زيت الليمون بدينار ، و زيت اللوز الحلو بدينار ، و زيت الخروع بدينار ، و كبسولات الفيتامين إي بـ 6 دنانير ونص يعني المجموع تقريبا بيطلع عليكم 13 دك تقريباً .
* والخلطة سهله و بسيطة و خفيفة ، و استعمالها سهل و سريع ، و طبعا اللي تبي تحافظ على اظافرها و تتم معتنية فيهم فـ تستعمل الخلطة دايماً ، طبيعية و ما منها مضار ، و تعطي كل العناية و الفوايد اللي محتاجتها الاظافر ، عني اول شهرين بما انه اول استعمال للخلطة فيكون الاستعمال دقيق و متواصل يوميا و مرتين باليوم ، وبس عاد عقبها يصير مرة باليوم ، و بعدين خلاص كل يوم وترك مرة ، لانه صار القصد عناية فقط و محافظة و خلصنا من مرحلة العلاج و العناية القصوى .
* و الخلطة مليانة فيتامينات و عناصر مغذية و فيها نسبة ترطيب عالية ، ومعادن تقوي من الاظافر و تصلبها ، و زيوت تمنع الجفاف و التكسر و تطولها و تنعمها، و فيتامين إي مركز يغذي و يحافظ عالظفر .
* النتايج :
هذا السؤال اللي كلكم تسألون عنه و قبل لا تستعملون الخلطة وحتى قبل لا تقرون مكوناتها ، وكالعاده جوابي واحد ما يتغير ، سواء للي تسأل عن خلطاتي أو عن الخلطات اللي كتبتها لكم أو عن هالخلطة ، انه الخلطات الطبيعية نتايجها تختلف من وحده لي وحده ، وكل وحده تقبلها للخلطة يختلف عن الثانية ، و كل وحدة فيكم جسمها وشعرها و ايدها و اظافرها وكل شي غير عن الثانية ، فماقدر اقولكم تشوفون نتيجه باسبوع ، يمكن فعلا جم وحده منكم تشوفها باسبوع بس الباجي يشوفون باسبوعين و اللي بيشوفونها بشهر لانه مثل ماقلت كلكم تختلفون والتقبل يختلف و نسبة المشكلة بعد تختلف .
فالزبدة عشان تشوفون النتايج ، استعملوا الخلطة استعمال يومي و صحيح و التزموا عدل ، و اقل شي مدة كورس كامل اللي اهو شهر ونص ، لين تنتهي العلبة ، وعقبها شوفوا النتايج النهائية , و اكيد بتشوفون نتايج مبدئية قبل هالمدة بس الوقت يختلف عندكم كلكم .
* ملاحظات :
- عقب ما تقومين من النوم تبين تغسلين اظافرج من الخلطة ، او بالمرة الاولى عقب ما تخلصين و تبين تغسلين اظافرج ، غسليها بماي دافي و صابون طبيعي مافيه عطور ولا كيماويات ويفضل صابون جونسن للأطفال ، وعقب ما تنشفين ايدج حطي المرطب ، و المرطب انتي شاريته اللي اهو فازلين الوردي ، عشان جذي خليتكم تشترون الحجم الكبير للخلطة عشان ترطبون فيه ايدكم واظافركم كل يوم
- يفضل تقصين اظافرج قبل لا تبلشين بالخلطة عشان لو اظافرج متكسرة او تعبانه او متقصفه تكونين شايله كل المشاكل و تبدين العلاج من أول و يديد على ظفر نظيف و يديد
* ارشادات هامة لناحية جمالية أكبر للاظافر :
- لا تنسون تهتمون بالتغذية الصحية الجيدة لأنه العناية الداخلية أهم من الخارجية وبالنسبة للاظافر والعناية فيها احنا محتاجين ناكل الاغذية اللي تحتوي على الفيتامينات و الكالسيوم و الحديد والمعادن .
- ابتعدي عن مشكلة قضم الاظافر
- دايما لبسي الدس وانتي تسوقين السيارة عشان اظافرج لا تحوشها الشمس و تجففها و بالتالي تكسرها
- دايما رطبي اظافرج بأي مرطب و خليه علطول بجنطتج ، يعني باليوم الواحد 3 مرات رطبيهم
- لما تطولين اظافرج خليهم بالمعقول لا تطولينهم حيل ترى كل ما زاد الطول يتكسر بسرعه و تتأذين بالعنايه
- لا تقرضين اظافرج و اهي مبللة ديري بالج ترى تكسرين اساس الظفر من داخل و بيطلع متقصف وجاف
- لا تكثرين من المانيكير اللي اهو صبغ الاظافر ترى ما وراه غير الجفاف و التقصف
- يفضل لما تحطين المانيكير حطي قبلها طبقة من مقوي الاظافر او مرطب الاظافر بعدين حطي الصبغ
واعتقد كفيت و وفيت بالشرح المفصل بالتفصييل الممل ، وهم بعد اذا عندكم أي سؤال او استفسار من عيوني .
.
و بالنهاية احب اقولكم .. جربوا و استفيدوا ..
وانا انشالله ماراحاقصر معاكم ..
و لنا لقاء جديد بإذن الله ..
انتظروا جديدي ..
اختكم /
( المـلاك )
و هذا موضوع خلطة الهالات السوداء ، للي تسأل عنه هذا الرابط
و حياكم على تويتر ، أقدم نصايح يومية للعناية بالبشرة والشعر والجسم
من حيث نصايح او معلومات جمالية أو وصفات أو خلطات طبيعية ، تلقونه بالتوقيع
ملاحظة :
لا احلل ولا اسمح لأي أحد نقل مواضيعي بدون ذكر اسمي و المنتدى ، كذلك لا احلل باستخدام مواضيعي للغرض التجاري .
.
التعديل الأخير:
