إللي عندها أي استفسار بخصوص الديكورات والبناء تتفضل ( للفائده فقط )

[سحر الشرق2008]

 

[الوهابيه]

أحلى كلام كلام الله

 

[سحر الشرق2008]

القياسات دورة حمام مجلس الرجال مترو80 في متر و20
مجلس الرجال 4 في 3
السالة الأستقبال 3في 2
المطبخ 3في 4
غرفة نوم الرئيسية 5 في 4
غرفة نوم الأولاد 5 في 4
غرفة الإلعاب 4في 3
حمام بين الغرفين 1متر في متر ونس
الممر الطويل طوله 6

 

[dreamy girl8]

اختي توته ابي تعطيني فكره لتنظيم غرفة الغسيل عندي الممر اللي عند دورة المياه تكرمين ابي اسويه خاص للغساله والمجفف وادوات الغسيل بس ابي افكااار ودي اسويه مغلق ادا بتفيديني اكون شاكره

 

[dreamy girl8]

والصاله عندي 6 في 5
وتفتح ع المطبخ شو الافضل اعملها كاونتر او شباك ع الصاله
ابي افكار جديده وهل هي عمليه ام لا؟
ونبي نعرف شو الجديد بالوان لصبغ غير ورق الجدران ؟

ابي رايك اختي فيها ؟

 

[tattoma]

القياسات دورة حمام مجلس الرجال مترو80 في متر و20
مجلس الرجال 4 في 3
السالة الأستقبال 3في 2
المطبخ 3في 4
غرفة نوم الرئيسية 5 في 4
غرفة نوم الأولاد 5 في 4
غرفة الإلعاب 4في 3
حمام بين الغرفين 1متر في متر ونس
الممر الطويل طوله 6

السلام عليكم اختي
ترا والله مو ناسيتج وكل مرة اقول برد عليج وعندي رسمة الشقة كاملة وسويت نصها بس حسبالي حطيتها لج.. سامحيني على القصور وان شاء الله راح احطها لج

 

[tattoma]

والصاله عندي 6 في 5
وتفتح ع المطبخ شو الافضل اعملها كاونتر او شباك ع الصاله
ابي افكار جديده وهل هي عمليه ام لا؟
ونبي نعرف شو الجديد بالوان لصبغ غير ورق الجدران ؟

ابي رايك اختي فيها ؟

السلام عليكم

اختي أنصحج تخلين الصالة مفتوحة على المطبخ وماله داعي الشباك إلا إذا كان حجم المطبخ كبير نسبياً بالنسبة للصالة

أما ورق الجدران شخصياً ما أنصح فيه لأن غير عملي إلا نوعية معينة من مواد تختلف عن الورق موجودة عند "الديــوان" و"الصــرّاف" في سن ستي

والألوان تعتمد على الغرفة، إذا كانت صالة خاصة للبيت أو صالة ضيوف واستقبال

 

[سحر الشرق2008]

هلا اختي تومه انا انتظرك عزيزتي وانتظر مساعدتك لي بافكارك وترسمين لي رسم توضيحي بالديكورات الداخلية وايضا بالضور واكون شاكره لك

 

[الشيخة b الصباح]

أختي الغالية الوهابية مافيه شك أن احلى كلام بالوجود كلام الله عز وجل
لاكن يالغالية أبي بالتحديد يعني حددي
وماأبي اغششكم أكثر من جذي
مع كل حبي وتقديري وأنا اهنيج صراحه علا النك مالج​

 

[tattoma]

القياسات دورة حمام مجلس الرجال مترو80 في متر و20
مجلس الرجال 4 في 3
السالة الأستقبال 3في 2
المطبخ 3في 4
غرفة نوم الرئيسية 5 في 4
غرفة نوم الأولاد 5 في 4
غرفة الإلعاب 4في 3
حمام بين الغرفين 1متر في متر ونس
الممر الطويل طوله 6

اختي هذي الرسمة بالقياسات بس يا ليت تأكديلي إذا صح أو لا القياسات عشان على أساسها أوزع الأثاث

..[/URL]

 

[الشيخة b الصباح]

tattoma
ماشاءالله عليج يالغالية وايد تتعبين عسى الله يوفقج
تدرين عاد المفروض من عضوات المنتدى يصرفولج راتب شهري
صــج تستالين يالغالية ومشكورررررررة على جهودج الطيبة​

 

[سحر الشرق2008]

هلا اختي بالنسبة للغرف مضبوطة بس مقابل مجلس الرجال باب الى مغسلة اليد وبداخله الحمام والسالة تكون مقابل المطبخ وتكون السالة مفتوحة كما في الرسمه اللي رسمتها وشكرا لك وتعبتك معاي لأن محتاجه اني ارى كيف توزيع الديكورات لشقة

 

[RoWaIsHeDyA]

مساء الخير اختي انا غرفتي طويله يعني بالطول اكثر من العرض , ولون الارضيه رخام مشمشي كنت قبل صابغتها مشمشي والسقف ابيض بس الحين بغير بيسونها لي ماستر يعني بيضمون لي الحمام يفتحون له باب على غرفتي وانا احب اللون البنفسجي وحابه اسوي غرفتي بنفسجي فما ادري شنو اسوي اخترت رخام الحمام بنفسجي بس مو عارفه شنو اسوي بالغرفه يعني اصبغ طوفتين نفس الشئ وطوفتين غير عنهم ولا شنو بالظبط محتاره وايد لاني ملزومه بلون الرخام مااقدر اغيره وخاطري حيل بالبنفسجي هل اضم بنفسجي ومشمشي ولا يصير ادخل لون غير المشمشي ولا مجبوره فيه على لون الارضيه ولان عندي صاله كبيره بره الغرفه وبنسويه غرفه لاختي الصغيره وبصبغها وردي فحاسه بحوسه مو طبيعيه اتمني انج تفهمين شلون بيصير عندي يعني راح تكون غرفتين مبطلين على بعض وحده ورديه وغرفتي ابيها بنفسجي
شنو تنصحيني اسوي انا عندي قطو فمحتاجه انه الغرفه تكون فاضيه من الاثاث يعني بس الاساسيات الي السرير والكبت والتلفزيون الي حابه اعلقه بالطوفه ماابي في طاوله شنو تنصحيني عموما ادري حوسه حدي متظايقه مو عارفه شنو اسوي ولا ارقع وعندي صور لها اذا حابه تشوفينها

 

[هدوءءء]

السلام عليكم
كنت محتاجه مساعده منكم وياريت تفيدوني

انا عندي شقتي مأساتي فيها الصاله هي طولها 5متر بعرض3متر والله لو اقولكم اني صرت مصبغتها 3مرات بس عشان اخفي عيوب التكسير اللي اسويها كل ما اقرر اني اغير الديكوووور واليوم 3مره
انا بحط لكم رسم كريوكي انا راسمته للصاله






المهم خلوني اشرح لكم تفاصيل اكثر
اول شي عندي طقم غنفات طوله 3متر بزاويه يساار 2متر يعني على شكل حرف L
والتلفزيون بلازما كبير مو صغير تحته الرف ماله
وعندي كرسين بينهم طاوله صغيره
وعندي شمعدان يتركب عالطووله طوله متر تقريباا يتعلق عليه 4شموع
هذه الاشيااء اللي عندي بالصاله

بقولكم عيوب كل مره احط فيها اثاث وارجع اغيره لما حطيت الغنفات بالطوفه اللي طولها 4متر وركبت التلفزيون مقابله اللي هي موازيه للحمام ( انتم بكرامه ) اللي طولها 5متر
والكراسي بطوفة الباب اللي هي 2متر وفوقها الشمعدان
صار اذا فتحنا الباب يصير اللي قاعد عالغنفات مكشوف للي برا وحسيت كان البيت مجروح
يعني اذا طق الباب لازم اللي قاعد يا يتستر او يقوم من مكانه وهذا كان عيب صعب جداا

بعدها قررت اني احط الغنفات بطوفة 5متر بحيث لو انفتح الباب مااكون مكشوفه والتلفزيون في طوفة ال2متر والكرسين بطوفة الحمام 4متر والشمعدان فوقهم لكن التفزيون مكانه ماريحني ابداااااا عشان تتابع شي لازم تلفيين راسج طول الوقت يمين وهذا متعب
امس قررت اني ادق عالصباغ وفعلااا من اليوم بدا يصبغ
ممكن تفيدوني شنو اسوي؟؟؟ اشلون اوزع ااثااثي بحيث اكون مرتاحه ؟؟

 

[ســتارز]

هدوء اذا المشكلة بفتح الباب تقدرين تعكسين فتحته

 

[هدوءءء]

لا والله يا اختي مو الباب
ماتوقع يرضى صاحب العماره نغير الباب ؟؟
ابي ارتب الاثاث حسب ما شرحتلكم
مشكوره حبيبتي على الرد والاقتراح

 

[lady N]

مساء الخير ...
ادري سؤالي ماله شغل بالموضوع بس قلت يمكن في احد عنده خلفيه بموضوعي انا متخرجه من كليه التربيه الاساسيه تخصصي تربيه فنيه مساندي تصميم داخلي ... وصارلي 5 سنوات متخرجه وامنيتي اني اكمل دراستي بالتصميم الداخلي واصير مهندسه ديكور لاني اعشق الديكور وشقتي انا مصممتها بنفسي وصلت مرحله صابغه دار عندي بايدي والكل سالني عنها ... منو عندها خبره شلون اكمل دراستي ؟؟
واكون شاكره

 

[الهـوى الغايـب]

صبااااااح الخير بناااااااااااات


انا بجدد غرفتي ان شاء الله
بدينا بالجبس والديكور وخلصناه الحمد لله

اخترت الاثاث اسود .. السرير والدولاب والتسريحه كل شي اسود ومررره حلووو ونااعم

الحين سوالي .. شنووو احط لون السيراميك ؟؟
وشنوو اصبغ الجدار ؟؟

انا طبعا فكرتي يكون الجداران لون الرمادي الفاتح وجدار واحد مطبع عليه بالاسود .
بس محتاره بلون السيراميك ؟؟

 

[zain-bh]

قوه تاتوما

ابي استشارتج بشرح لج جدران صالتي وعطيني اقتراحاتج

الجدار الأول في بابين باب مدخل الصاله بالنص وعلى اقصى اليسار باب الحمام عزكم الله وفي مسافه هالمسافه قاعده افكر اني احط فيها منظره طويله او فريمات صور

اما الجدار اللي مجابله في اقصى اليمي في دريشه

الجدار اللي عاليمين خالي واللي عاليسار فيه هم دريشه

طقم الجلوس اسود برمادي وطاولة التلفزيون سوده اما الطاوله اللي بالنص اوف وايت هالطاولتين مودرن ستايل مال ايكيا

اما بالنسبه لطقم الجلوس كرسي بو نفرين والكرسي الثاني بو 3 ومعاه اكستنشن سوفا يمينه
حاليا افكر اصبغ light gray

وابي اضيف اضاءه

الزوليه لونها مارون على وردي فما ادري بالنسبه للستاره اسويها نفس لون الزوليه بما اني بصبغ رمادي

 

[tattoma]

هلا اختي بالنسبة للغرف مضبوطة بس مقابل مجلس الرجال باب الى مغسلة اليد وبداخله الحمام والسالة تكون مقابل المطبخ وتكون السالة مفتوحة كما في الرسمه اللي رسمتها وشكرا لك وتعبتك معاي لأن محتاجه اني ارى كيف توزيع الديكورات لشقة

السلام عليكم أختي

طبعاً رسمت التصميم من داخل واكتشفت إن المساحات صغيرة فأنصحج تختارين ستايل المودرن وابتعدي تماما عن الكلاسك

انا بالدوام ان شالله اوصل البيت واحط الصور