تبين تصكين الحبة الحقيرة اللي تطلعلج بماسك يعلمها شغل الله !!

[وردة سلفر]

قوة حبيييباات قلبي :eh_s(7):​

اليوم يايتكم بموضوع حلو ومفيد جدااا​

بعلمكم طريقة ماسك خاص بالحبة اللي تطلع فجأة وتخرب علينا​

الاولي والتالي :rgewrg:​

هالماسك عجيييب انا جربته على نفسي فترة .. وعلى ويه​

اخوي بعد ​

انا كنت مكلمتكم قبل ومادحتلكم ماسك برواكتيف اللي ينحط ​

عالحبة ويطيرها :rerrerek: << حبيبي هالماسك .​

لكن طبعا لازم تاخذينه مع المجموعه الكامله لانه ما ايي بروحه​

وانا ماني بحاجة المجموعة بس ابيه للطوارئ .​

واخوي توه بالغ لووووول وويهه وععوووو ومناااشب امي على​

هالماسك .. وانا مابيه يخلص ، حددده نرفزنييي !! :eh_s(4):​

عاد قمت اسويله كل يوم شي والوص فيه ويهه .. لييين اكتشفت ماااسك​

عجيب بمعنى الكلمة , واهو استانس عليه وقام كل شوي ​

يخبص مخي قومي حطيلي من الماسك حدده زين وويهي قاعد يصفى :ggdw:​

وطبعا استانست وجربته لان طلعتلي حبة حقيرة كلبه والنتيجه من اول مرة​

فتااااكه .​

فقلت خل اسوي حق اخوي كمية صغيرة بعلبة واهو يحط حق عمره كل يوم ​

بما ان الخلطة ماتخترب ، لانه دوخني بحنته .. جااااان تطرون على بالي :eh_s(15):​

الحين بوريكم الطريقة بالصور مثل ماعودتكم بكل مواضيعي :eh_s(7): .. ​

اول شي هذي المكونات :​

طين طبيعي (مالي ماركة الشرفاء) من الحواي وتقدرون تستبدلونه بطين خاوه​

وايد زين الطين حق الحبوب ترى بناات يموتهم ويصفي اثارهم لانه يقشر البشرة.​

ثاني شغله نحتاج حبتين اسبرين (مضاد حيوي قوي وقاتل للبكتيريا ) ، ومرة مطحونه ​

عند الحواي (انتي طحنيها احسن).. هم " مضاد حيوي" المرة ومفتح للآثار .​

نحط هالكمية من الطين وفوقة حبتين الاسبرين بعد ماتدقونهم ، وهالكمية من المرة​

يعني مقدار ربع قفشة صغيره .​

ونعينهم بمقدار غطا او اكثر ماي ورد .. لين يصير قوامها ثقيل بس مو حييل خلوه​

رطب اكثر .

وبس حطيت الماسك على كل ويهي ، واللي بقا منه قسمته بعلبتين صغار حقي​

وحق اخوي وسكرتها عدل عشان ماتنشف الخلطة وخشيتها​

عندي بالغرفه .. لاتخترب ولا شي .​

​

وجربتها انا بناات على الحبة بروحها عقب صج صج من ثاني استخدام تحسين مافي بروز خلاااص ​

وبستمر مرتين باليوم لين يطير اثرها قبل لايعلم على ويههي .​

طبعا اخذ شوي بصبعي واحط عالمكان وكل شوي ابللها بصبعي ماي ورد عشان​

لاينشف الماسك او اخلي يمي بخاخي وكل مانشف ابخ . واخليه بو ساعه جذي​

وبعدين بس اغسله .​

ومرة بالاسبوع لاتنسون هالماسك اينن عالوي كلله :eh_s(15):​

هذي طريقة عجيبه وتعطي مفعول برواكتيف .. جربوها بنات ماراح تندمون :rerrerek:​

اسمحولي على هالكلمتين وانا عمرها ماطلعت مني
لكن بما اني اشوف بنات وايد اعلمهم عالخاص وافيدهم
ويروحون ينزلون مواضيع بخلطاتي ينسبونها لنفسهم
بدون ذكر اسمي لو بالغلط :bbbiu:​

مضطرة اقوول ..​

مااا احلل اي وحدة تنقل الموضوع او تذكر شي
من خلطاتي بدون ذكر اسمي مني ورايح طبعا اما اللي فات مات .​

لاتزعلون مني بنات بس حرام عليكم ترى
الدعوة حلوة ليش تحرموني منها ؟؟ خل نتقاسمها
عالأقل :eh_s(2):​

احبكم :eh_s(7):​

 

[حلاتي غير]

يعطيج العافيه علي الخلطه

 

[حبوبة الجميع]

فديتج يااحلى ورده المااسك حده عجيب
ربي يعطيج العافيه ويسعدج ولايحرمنا منج قلب

 

[فلبينية عبدة]

مشكووورة

 

[بشوررة]

ربي يعطيج العافيه وتسلم هالايادي
جاري التطبيق

 

[كازاوية]

عنوانج موووو صج
يعطيج العافية بالفعل الطين فظييييع للبشرة ينظف و يشدها و يسكر المسامات و يوخر الحبوب الحقيرة
و فكرة الأسبرين و المرة إبداااااع :eh_s(15):​

 

[MisS.Wawa]

لفت نظري العنوان
حسسسسسسسسسسيت جني قاعده بالبيت واتحلطم على الحبوب اللي تطلع فجأه وبدون حواجز لوووووووووووووووووووووووووووووووووووووول
فديتج تسلم ايدج والله يحفظج
وبالنسبه حق الكلام اللي بالاخير
انا معاااااااااااااااااااج 100% وصج صج حركه تقهر ولا بعد عيني عينج البووق ولا يقولون اخترعت شغله ومادري شنو وبالنهايه كله يكون من تعبج الشخصي
يعطيج الف عافيه خيتووو وتسلم ايدج فديتج​

 

[sweet.sanfoora]

ثانكيوو حبيبتي

انزين عادي احط هالخلطة حتى لو مو طالعتلي حبه ؟ لانه احسها حلوة للتقشير

وبثث

 

[فدوووو]

مشكوره خيتو
وراح اجربها على اخوي عااد ياقلبي عليه الحبوب اللي فيه مي راضيه تروح رغم انه جرب غسول نيتروجينا للحبوب وخلص العلبه وماسوى له شي
وحركه البعض اللي يسوونها لك صدق تقهر لانهم بصراحه مايستاهلون منك شي والله يوفقك ويرزقك اللي تتمنينه

 

[ANGEL CAT]

يعطيكي العافيه حبوبه وتسلمين خوش وصفه ومن زمان اسمع الاسبرين ينشف الحبوب بس طبعا طار احلى واحلى بعد ما زدتي عليه اختراعاتك وياريت والله يكون فيه براءه اختراع للوصفات عشان ما تنباق لوووووووول فديتج انتي
وياريت والله الي تدخل وتقرا وما تشكر تستحي شوي​

 

[Hawaii]

الله يعطيج العااااافيه

 

[eldalla3]

لوووووووووووووووووول بدعتي العنوان اينن والزين ما ايب الا الزين يا قلبي وخلطاتج كلها اتينن خصوصا الصابونية وخلطة البودرات ما استغني عنهم والله يوفقج ينولج الي ابالج

 

[• JoJo •]

مشكوووورة حبيبتي

 

[اكسر الخاطر]

تسلم الايادي يالغلا مشكوووووووره والله يعطيج الف عافيه

انا مرات جذي تطلع لي حبوب صج تقهر هذا وانا ماخذه روأكتين

وحالتي حاله كورس 7 شهور:eh_s(2): شكل الماسك حلو ربي يسعدج عليه ,,

 

[ناعمة الملامح]

الله يجزاك الف خير يارب

 

[شذونه]

حياالله وردة سلفر وين الغييبه
الله يسعدك على الوصفه ياالغاليه بجربها بس بدون مره لان عندي تحسسس منها وتزيد الحبوب عندي وبطبقها على اخووي عمره 29 وطالع وجها كله حبوب مادري شسالفته مو وقت حبوب هههههههههههههههه
اي والله حرام يضيع جهدك لغيرك حتى بدون مايذكرون اسمك والله يعاافيك ولاتحرمينا من طلتك

 

[shy rose]

ههههههههه



يعطيك العافيه وردة



تبين تصكين الحبة الحقيرة اللي تطلعلج بماسك يعلمها شغل الله !!<< عجبني العنوااااااااان
لوووووووووووووووووووووووووووووووووووووووووووول

 

[ايام العمر]

مشكورة حبيبتي

 

[الؤلؤة السوداء]

شكله الماسك خطيييير

لكن بصراحة أخاف أستخدمه كل يوم لأن يقولون إن الطين والاسبرين كفاية مرتين في الأسبوع عشان ما ينشف البشرة

انزين يصير أستخدم طين مغربي؟

ويعطيج العافية حبيبتي
​

 

[أتمنى زوج كأبي]

شكراااااااااااا وتسلم ايدك يا احلى وردة موفقه دنيا واخره