ليش هم معاي جذي

[{ الـزيـن }]

ليش اغلب حريم الخوان جذي

السلام عليكم
بنات حريم اخواني غير معاي مع اني طيبه وحبوبه بس شايفات نفسهم زيادة عن اللزوم
لا سافرو يشترون لي اي شي هذا اذا مو شارين لي من سوق الجمعه قبل لا يسافرون وخشوه لين يرجعون
تخيلو في احد يشتري خام سوداني لونه اسود وباهته الخامه كانها مغسوله مليون مرة لاخت زوجج االلي مافي غيرها بالبيت
وشاريه لغيري عطور وبخور وملافع طبعا واضح انهم شارين لبعض اشياء حلوة لان انا اشوف كل مادخل يخشخشون اجياس خو انا جايه بسلم واطلع وطلعت متفشله والله كسرت خاطر نفسي
يعني عشاني بنظرهم مو متزوجه بيقولون مو كفوا نشتري لها اشياء حلوة لان ماعندها حموله تقولهم ان حريم خواني شرولي
بس اللي يضيق الخلق انهم يطلعون مع بعض ولا عزموني ترا ماهمني ولا ابي اروح معاهم بس بحسبتي بروحي بالبيت ماعتقد بيضر لو يعلموني لان مايبوني اصلا
حتى بنت اخوي تخش عني متعلمه من امها
ووحدة منهم تتفاخر عندي بخواتها اللي تزوجوا كلهم زين شسوي لهم شدعوة ميته عالزواج
بنات انا ماهموني اصلا لكن وصلت فيهم انهم مانزلوا تحت عند امي يشربون شاي او بس ينزلون ويقعدون لا يمكن من اربع سنين ماشافو البيت تحت
هم اصلا يعتبرون ماجرين عندنا وبلاش
مانشوف الا الخدم والعيال
زين بنات شلون اقهرهم يحاولون يقهروني بخواتهم ولما يسافرون مايشترون لي مع اني مابي بس المساله انهم لازم يعبروني لكن ولاكاني موجودة
بنات انا طيبه زيادعن اللزوم والحمدلله من ناحيه الجمال واللبس والكشخه اصك عليهم والله مو شايفه نفسي بس انا اعرف نفسي
بس تخيلو عقب ماتمر سنين يقولون لج وع مكياجج ماكان حلو بعرس فلانه واقول لهم شدعوة مر سنين توكم تتكلمون
ليش يفشلون شمعنه بعد مايطوف لعرس او الحفله تقول وحدة ماكان حلو مكياجج وشالفايدة ترا ماكان وقت عرس او شي عشان تجيب السيرة
اسفه لاني قرقت واجد بس والله ابي احد يفهمني انا وين غلطت وشلون اتصرف بهالمواقف وشلون اقهرهم او اخليهم يحسبون لي الف حساب
واللي ترد جزاها الله الجنه
​

 

[محد مرتاح]

عادي اخذي وخلي من حريم الاخوان
احقريهم والبسي واكشخي ونقدييييهم ع لبسهم ولا طروا لبسج ولامكياجج قولي وييه شعرفكم انتواا خليكم بدثرتكم الي انتوا عليهاا وصدي الصوب الثاني وانتي لاتعبرينهم بالهداياااا والطلعااات طلعي وياااامج

وعطيييييهم طااااااااااااااااااااااااااااااااااااااااف والله ان تميتي جذي بتمرضييييييين

 

[ام زهقانه]

الصراحه الحريم والناس ما ينفع فيه الطيب اشكثر جتيه الدقات
شوفي يا اختي الحريم كلهم اذا ردتي عليهاباهديه نفس قيمتها يعني قطعه مو حلوه بايخه او سوادني ونفس مستوا هديتها والله تحترمج واذا قطتي عليها نقزات تحترمج الحريم ما يجيون سوداني الا بالعين الحمرا واذا علي سالقت المكياج تلقينها محتره من حلته بس تبيج لصار عرس ثاني ما تحطينه اماالسوالف زواج خواتهم الا تهتمين فيهم قومي لتكلمم والا اصفيها

 

[دلوعة صلوح]

يبا طاااف انا كثر طيبى مع حمولتى انقلبو ضدى ههههههههه الطيب ما يعيش بالزمن هذا.

 

[الماسه حساسه777]

حبيبتي

مهما يقوولون لج لاتخلينهم يهزونج بكلامهم خليج سطحيه جدا جدا .. بالنسبه للهدايا عطيهم الخدامه خليهم يولون

ولا كانهم موجودين بالبيت لاتاخذين بخاطرج ابد ..

واللي ماينزل عليكم ولا يروح لامج تحت لاتعطينهم وجه ابدا ابدا ...

وخليج واثقه من نفسج ولاتاخدين رايهم.. بالعربي امسحي عليهم والشرهه مو عليهم على اخوانج عالاقل ينزلون لامج مرتين بالاسبوع ...

هذا رااي وشكرا

 

[المرتاحة]

ما عليج منهم و طنشيهم و انتي الحمد الله مو بعازتهم و عسى ربي يخلي لج اميمتج

و لا تسمحين لاي مخلوق كان انه يحاول ينتقص من قدرج او يعلق تعليقات تحطيميه قولي لهم مكياجي و عاجبني واذا مو عاجبكم غمضوا عيونكم

و عسى الله يرزقج بالزوج الصالح يا رب

 

[بدويـة للنخاع]

الله لا يحيجج لهم حريم الأخوان حدث ولا حرج بس طاااااااااااف عيشي حياتج طبيعي

 

[{ الـزيـن }]

الماسه حساسه و دلوعه ومحد مرتاح وام زهقانه اشكر ردودكم والله ريحتوني بس هم انا معطتهم طاف من سنه وشكله زادو طافهم عليهم ماهموني عادي الحياة حلوة

 

[{ الـزيـن }]

عاشقه المكياج و المرتاحه والله الطاف شغال عندي خخخخخ

 

[عالمي انا غير]

بصراحه هذول ما يستحون شلون يعاملونج هشكل وينهم من الله والله انا لو كنت منهم يشرفني عندي اخت لزوجي هشكل تجي تسلم علي ذربه كلها ذوق صج ناس مو كفو نعمه هذي عمه لو كنتي حال خواتهن صج مايستحن

 

[الماسه حساسه777]

وازيد اقولج عن حريم اخوانج اللي يتكلمون عن خواتهم المتزوجات وانتي لا

خير ياطير؟؟ يعني اللحين كلهم مرتاحين ؟؟ مستحيل محد مرتاح بهالدينا ولا كل زيجه تعتبر زيجه سنعه

صاروا الرجاجيل مع الاسف برستيج ومظهر اجتماعي ,,

اهم شء اهتمي بنفسج صدقيني ميتين من الغيره لانج مرتاحه فكه من الرجاجيل مامنهم الا التعب وعوار الراس

 

[اصيله بنت البدو]

عامليهم كم يعملونج من ناحية كل شي ولاتربطين سعدتج فيهم اهم شي نفسج وامج
ابسطي روحج وعيشي يومج ولاكنهم بالوجود اذا بتقعدين تفكرين ليش وليش وتراقبين ماراح تعيشين
طاف عليهم ولاهم اكبر همج لهم اللي بيزيدونج ولابينقصونج اكشخي والبسي واطلعي وخلي الضحكه اللي تحر عذالج

 

[الأمل باقي]

سبحان الله نفس حريم اخواااااني بالضبط .. لا واخواني مقوين شوكتهم اكثر
بس انا ساحبه عليهم سيـــــــــــــــــــــــــفوووون..اصلا لاطلعوا ولا انزلوا عندي ودايما اسوي فيهم مثل مايسوون فيني هذا اذا مو أكثر

 

[ام ميميتو]

لا تعورين قبلج حبيبتي اهم شي انتي ما غلطتي معاهم خلج جذي لان مبين ان هما الي مقهورين منج الله يعينج

 

[{ الـزيـن }]

عايشه باحلامي والماسه حساسه و اصيله بنت البدو والامل باقي وام ميميتو شاكرة لكم تفاعلكم
ماقصرتو حبايبي كنت متوقعه اني بروحي اعاني من هالمشكله

 

[شذى2007]

يالله ليش جذيه شفيهم الناس حبيبتي قابلي الاساءة بالاحسان حاولي تكسبينهم لانخلين احد يكرهج من طبعج اذا كلش مانفع طنشي لاتفكرين بطريقه تقهرهم ولا اي شي بالعكس عيشي شخصيتج الطبيعيه ولا تفكرين فيهم وعلى المكياج او اي يسبونج عادي قوليلهم بالعكس الكل يمدحني بالعرس ولا قولي هم انتي بعدمكياجج عادي ردي عليهم باسلوب مثلهم

 

[**ميووووش**]

ناس متخلفه صيري احسن منهم تبين تغثينهم كبري عقلج عنهم ولاتصيرين طيبه خلج عوبه شوي لان جذي ينفع معاهم وطيبه القلب انسيها لانهم موكفوا وكملي حياتج وفي نقطه بعد كل ماقالو لج شكلج موحلو او مكياجك موشي قولي ماطلبت رايج وكافي اني احلى من غيري

 

[هذا مزاجي]

حددددددددددددددددددهم محترات منج :krkrkr:
عطيهم طاف والله بيموتون قهر :ggdw:
وانتي اسم الله عليج مبين انج اخلاق وذوق :eh_s(15):
احسن شي تعطينهم طاف وبالطقاق عمرهم مانزلو لامج
اشترو راحتكم وافتكو من حنة الحريم :eh_s(7):

 

[3war glb]

حبيبتي لا تحطيين ابقلبج اهما مداام يسوون جذي ويقوولووون هالحجي معناااته محتريين منج وانتي حقري الحقران يقطع المصران

 

[{ الـزيـن }]

شذى معاج حق المفروض ماهتم لهم ولا اخذ من طبعهم واغضب ربي لكن مرات ودج تردين الصاع صاعين
ميوووش تركت شي اسمه طيبه قمت اكلمهم رسمي تخيلي لا شريت شي اوريهم واذا سالوني اعلمهم وانا مايقولون لي شي عنهم
هذا مزاجي معاج حق هذا اسلوب المحترة تخيلي لا سالتها عن وحدة من بنات خالاتها واقول لها شحلاتها تهبل واسال عن البنيه تدرين شنو ردها تقول شفيج تسالن عنها بتطلقينها بعد شنو انصدمت والله قصدي اني امدح في بنت خالاتها بس بلعت لساني من الصدمه صج على نياتي