** تجمع الي مسوين جراحة الفك**

[دموع منسيه]

​

​

دموع منسيه ... ​

طمنينا عنك .

اهلين غلاااه كيف انتي اخبار ك سامحين عن عدم السؤال عنك ان شالله مبسوطه بعد عمليتك وامراك ماشيه كويس ​

والله ما في شي يطمن الا بكره دعواتك لي ان الله بكر المغرب اطمنك يا عمليتي اتاجلت يا يقيت مثل ما هي :eh_s(2)::eh_s(2)::eh_s(2)::eh_s(2)::eh_s(2):

​

 

[دموع منسيه]

السلام عليكم ورحمة الله وبركاته


كيفكم بنات اشتقتالكم كثير كثير وسامحوني ما بشارك معكم كثير مع ان موعد عملية قرب كثير بس ايش اقول ليكم انا يابنت من اسبوعين في هم لايعلمه الا الله
ارجوكم ارجوكم ارجوكم دعواتكم لي بتفريج همي وتتيسر اورق المستشفى بسرعه لان بكره الظهر اخر موعد لرد المستشفى اذا ما جاني الرد العمليه راح تتاجل والله اني خايف وقلقنه كثير والله يا بنات اليوم اتصال علي الدكتور قال لازم اجيب موافقة المستشفى والا كل شي يتاجل

يارب يارب تتيسر اموري


امانه الي بتشوف مشاركتي تدعيلي

 

[دموع منسيه]

ان شالله بكره المغرب ادخل واقوالكم شو صار معي:eh_s(2)::eh_s(2)::eh_s(2)::eh_s(2):

يارب خير يارب

 

[غلاااه]

احساااااااااااااس

مبرررروك الف مبررررروك .. :eh_s(7):

فرحت لك والله .







دموع منسيه ..

الله ييسر لك الخير... ولا تزعلين حطي في بالك ان ربي ان شاء الله يحبك

وبيسر لك الخير والمناسب لك .


لا تنسين تطمنينا .


.​

 

[Esraa.a]

دموووع منسيه حبيبتي .. ان شااااااااء الله يارب تسوين العمليه في الموقت المحدد لج ومااااا تتأجل



الله يفرج همج ويسهل أمووووورج:yaaaaaarb:

 

[دلوعة شيخها]

دموووووووووووع الله يسهلك عمليتك ياااارب

 

[دلوعة شيخها]

جاااااااري تحميل ملفكم غلاه واسراااء عااارفه اني مغبره بس من زماان عن المنتدى
الله يسعدكم يااااااااااااارب

 

[دلوعة شيخها]

اسرااااااااء وغلاه
مجهووود تشكرون عليه من جد شيء يفرح الصدر
ستااااااااااااايلك
الحمدلله وان شاء الله من احسن لاحسن ياااااااارب

 

[روان المؤدبه]

دمووووووووع منسيه الله يسهل عليكـ بكره الإجراءت وتجي الموافقه ويطمن قلبك يآآرب وتفرحين بالعمليه وتقومين بالسلامه وتجين تبشرينآآ..
يآآآآآآآآآآآآآآآآرب آآآآمين

 

[Esraa.a]

اسرااااااااء وغلاه
مجهووود تشكرون عليه من جد شيء يفرح الصدر

لأني شايفه نتايج العمليه رهيييييييييبه .. قلت أفرح البنات وأشجعهم عالعمليه


بس للأسف مازال هناك بنات خايفين ومترددين :eh_s(4):





ولاااااااااااااا تغيبين عنا هالغيبه الطويله .. اشتقنالج

 

[ريـــهـــام]

:eh_s(2):
:eh_s(16):
:eh_s(11):

و انا بعد وياكم :eh_s(11):

امي مو مقتنعة يا نااااس حتى مع الصور مو عاجبها بعد ليما الحين :eh_s(16):

:eh_s(11)::eh_s(11)::eh_s(11):

الله يعيناا يارب

والله تعببت من كثر التفكير بهالموضوع ومحد يرد علي ويعطيني وجه :eh_s(2):

النفسيه لاعبه دورها بروحي ضعيفه والحين ضعفت زياده من كثر التفكير :eh_s(11):

امي لانت شوي والحين ردت رفضت :eh_s(16):

تقولي مافيج شي .. شلون مافيني شي واللثه واضحه وضوح الشمس لوووول والتطابق و .. و.. الخ

وترى امي بعد نفس امج عبالها تجميل

قلتلها انا عندي العضه مفتوحه يعني ماقدر اعض > تقولي مولازم منو تبين تعضين :eh_s(11):

عسى الله يوفقنا جميعا ويسهل امورنا ياااااارب

اي ريهام مس يو :$

حيااتي والله انا بعد اشتقتلكم :eh_s(7):

 

[ريـــهـــام]

اهلين

ممم اول يومين كانوا صعبين :eh_s(2):
اكثر شي امضايقني ان حيل اسناني ضاغطينهم ابعض يتعب
الرقبه اتعورني لانه وقت العمليه امثبتينها

ويهي منتفخ حييييل >>جنه عرموطه لوول:krkrkr:


تعبت من ناحيه الاكل اوو الكحه اوو الشرقه :bbbiu:

بنااااااااااات لازم احد ينام وياج بالمستشفى >>انا امي نايمه معاي كانت

بعد شهر يشيلون السيور >>الله يصبرني :yaaaaaarb:


المشكله الوحييده الي مضايقتني انه الدوره الزفت يتني اوو انا كنت اممضبطتها انا غاسله منها 29-5 تخيلو يتني ياااربي مو قته :rgewrg:


من ناحيه الفك ضاااابط اسنااني امجدم الفك السفلي عدل اوو شفه نزل شويه مايبين ليلحين عقب ما يخف الورم ابين:eh_s(15):

شنوو بعد؟

اييي من اللحين فكرو شتاكلون انا بس صارلي 4 ايام اوو لاعد جبدي من الي قاعده اشربه :eh_s(16):

قاعد اشرب اب ابره

قالي سبوع الياي يبده ويهي يفش

حنجي اوو شفايفي ماحس فيهم قالي يبيله وقت:eh_s(4):

دكتور نائل بيسافر اليوم راح اراجع عند دكتور عادل

الدوخه الحمدالله تقريبا راحت

الله يعدي هل شهر على خير

انا مقتنعه وايد بالعمليه انشالله يعدي الوقت :yaaaaaarb:

هلاا نيناا

الحمدالله على سلامتج ياقلبي :eh_s(7):

ان شاءالله تفرحين باالنتيجه النهائيه يارب ويعدي الوقت بسرعه :yaaaaaarb:

بس مووقته الدوره تنزل :rgewrg:

انتي قلتي خلصتي منها 29-5 وعمليتج 1-6 شلون نزلت يمكن من الخوف !! انتي ماكله حبوب او شي ؟

 

[ريـــهـــام]

روان المؤدبه

مبرووك تغيير النك >> عاد والله تعودنا على مشاعل
الله يسهل وييسر امورج يارب


غلاااه

لازم تكلمين الدكتور وتقولين له عن الريحه اللي تحسين فيها
وان شاءالله مافيج إلا كل خير
طمنينا عنج :eh_s(7):


e7sas.majro07

الف الف مبروووووك :ggdw:
الله يتمم زواجج على خير ويوفقج :yaaaaaarb:


دلوعه شيخها

وحشتينا .. شخبارج ان شاءالله تمام وراضيه عن النتيجه :eh_s(7):


دموع منسيه

اشتقناالج :eh_s(17):

وان شاءالله تسوين العمليه بالوقت اللي تبينه وتقومين بالسلامه يارب
عسى الله يفرج همج وييسر امرج

 

[ريـــهـــام]

بس للأسف مازال هناك بنات خايفين ومترددين :eh_s(4):

إسرااء

انا منهم :eh_s(2)::eh_s(2):

 

[عز الاسلام]

اهلييين اسرااء مشكورة على ردج و بحاول اروحله باقرب فرصة
انا اراجع بالاميري

 

[e7sas.majro07]

مششكورين حبايبي ع دعوواتكم وربي اسستانست من شفت ردودكم الحلوه ^^


الله يسسهل عليكم ^^ ويحقق امنياتكم والي امها مب موافقه ع العمليه توافق ان شاء الله ^^

 

[Esraa.a]

اهلييين اسرااء مشكورة على ردج و بحاول اروحله باقرب فرصة
انا اراجع بالاميري

روحي حق د.عادل العصفور .. لأنه دكتور نائل حاليا مسافر


صدقيني واااااااااااااااايد راح ترتاحين عقب هالاستشاره .. كافي إنج راح تفضفضين اللي بقلبج كله والشخص اللي جدامج فاهم معاناتج كاااامله ويعطيج أفضل الحلول

حتى لو ما تبين تسوين العمليه عنده .. عالأقل روحي بس استشاره >> لاااازم يكون عندج خلفيه عن مشكلتج وشنو خطة علاجج بالضبط
وغيييييييير لما تسمعين الكلام من دكتور كويتي أو خليجي عكس لما يكون هندي
تحسييين إنه يفهمج وتفهمينه بسررررعه

أنا جربت هندي، سوري، جنسيات متنوعه >> بس ماااكو عالكويتي .. مادري شنو الشعور بالضبط ترتاحين واااااايد

خصوصا بهالعمليه >> لأنه احنا معاناتنا صارلها سنين


و ما شاء الله جداااا ممتاز وعنده خبره :eh_s(15):



إذا تبين رقم المستشفى علشان تحجزين موعد قوليلي أدزلج إياه عالخاص :eh_s(6):


وإذا تبين أي شي ثاني أو أي استفسار .. حاااااااااضر انا موجوده

 

[سمنه ع عسل]

هاااي بنات



مين صغر وجهها بعد العمليه؟
‏ انا متعقده من وجهي الطويل امس كنت جالسه مع صحباتي قالت زميلتي قفلي فمك ليه فاتحتيه

انحرجت مره
انتم اكيد عارفين بسبب القمي السمايل اللي عندي

 

[Esraa.a]

إسرااء

انا منهم :eh_s(2)::eh_s(2):

ريهام انتي مو متردده بكثر ما انتي لاقيه معارضه من أهلج



يعني لو أهلج يوافقون .. أتوقع راح تسوين العمليه وما بذنج ماي



وان شاء الله ياااااااااارب يوافقون :yaaaaaarb:

 

[Esraa.a]

هاااي بنات



مين صغر وجهها بعد العمليه؟
‏ انا متعقده من وجهي الطويل امس كنت جالسه مع صحباتي قالت زميلتي قفلي فمك ليه فاتحتيه

انحرجت مره
انتم اكيد عارفين بسبب القمي السمايل اللي عندي

على فكره صحباتج واااايد ينتقدون :rgewrg:


أكييد انجرحتي وضاق خلقج :eh_s(2):


بس ميخالف صبري وتحملي .. ما بقى شي على عمليتج


بعد العمليه ان شاء الله كل شي يتعدل:eh_s(15):