تجمع مواليد شهر يناير (1) + فبراير (2) +مارس (3)-2011 / تم دمج تجمعين من قبل الاشراف

[wa7a90]

بنااات تذكرت

انا كله اخاف اذا بنتي نامت واحط اللحاف نص جسمها اخاف تختنق


وكنت شاريه من قبل لااولد سليب باق اثنين

كنت اعدل من شوي ولااشوفهم لبست بنتي الحين اتطمن ان مافي شي يخنقها

 

[White-tulip]

صبااح الخير
شلونكم بنات

ابي مساعده منكم انا ارضع بنتي وهم اعطيها الممه بس وقت اللي ارضعها تستعسر شوي يمكن لان تعودت على الممه خصوصا هاليومين صايره اعطيها الممه اكثر ما اني ارضعها
مادري شسوي لا تقولون اقطع الممه


واحه شنو هذا السليب باق لان انا نفسج اللحف نص جسمها لان اخاف تختنق

 

[wa7a90]

وعليكم السلام يوعيها وبعدين تاخذ صدرج


والسليب باق الحين ادور صورته

 

[wa7a90]

هذا
http://images.asia.ru/img/alibaba/photo/51566486/Baby_Sleeping_Bag.jpg

يبعونه اب
مذركيير
برووي
ايكيا
ماركس اند سبنسر

 

[MissChoco]

السلام عليكم ,, صباح الخير

شلونكم بنات؟؟


شدعووه بنات يختنقون؟؟ لا توسوسون ماكو الا العافيه والبيبي مايختنق من كنبل ترا اذا صار الكنبل بويهه يضايق ويتحرك لين يبجي انا هذا الي لاحظته ابنتي مرات من كثر ما ارفع المهاد يكون بحلجها تحرك حيل وبعدين تبجي

 

[نحوله عسوله]

قوووه

صباااح الخيرر

بنات شدعوووا تختنق من اللحااف انتوالحفوهم بلحاااف خفيف مو ثقيل

وبنتي ماتشرب ماااي بالمره من جبته الحين عمرها اسم الله عليهااا 4 اشهور

وسويت هالطريقه وتشربه منهاا

اهي تاخذين المصاصه وقلاص ماي بارد يعني ابرودته عادي مو حااار او دافي

وتغطين المصاصه فيه وتحطينها بحلجهاا وتقعد تمص وكرري هالحركه الحين الحمدالله تستنانس ع هطريقه وانا قاعده اغطهاا بالماي واحطهاا بحلجهاا


وانشالله تنفع معاكم


بنات شريتوا حق اعيالكم. عربانه

انا شريت من سنتر بوينت وما طلعتهاا فيهااا لحين

ماخذتهاا عشااان الشاليه ابيهااا تشوووف الناااس والشمس اسم الله عليهاا ما تشوووف احد

بس اهلي او اهل ريلي

وشريتهاا قعاااده تهبل تخيلوا بعض المرات تنام فيهااا تريح والله انا بنتي نومتهااا عسرررره بالموووت تنام

والحبن بقعاااده تنام بروحهااا بس مو دااايم بس ع الاقل ريحتني اشوووي


وبنتي بعد باااديه تعضض وايدهاا كله بحلجها

وتصااارخ وكله اهلي اذا يشوووفون التلفزيوون وبنتي تصاارخ يقولوون قومي اطلعي برا انتي وبنتج المزعجه 

 

[Sugar cube]

انا اشربها ماي دافي اذا مسك بطنها

عجيب من تشرب ينزل كل شي و انتو بكرامه


صححححح

ما تحسو عيالكم لاعبين عليكم ، و الله نتيفتي قاصه علي و على ابوها

٢٤ ساعه تبينا نلعب وياها ، يا تلعبون وياي و نسولفون لي يا ابجي

و غرامها اغنيه تونكل تونكل لتل ستار ، و اغنيه فيروز طيري يا طياره طيري

و المدام عشتو ما تبيها الا بصوتنا ويا الويه لووول

ما يازولها يوم حطيتهم بيو تيوب :/

 

[جذابه بنت ذيابه]

مساكم ورد

شلونكم شخباركم ..؟


مس كوكو

بخير يا قلبي انتي .. شخبارج انتي وشخبار العوبه ..؟

ياحياتي اجرنا واجرج يا الغلا ::


اي والله بنوتي مادري شفيها بس الظاهر من اللثه والتسنن على 6 شهور





ياسمين
هلا وغلا بالزين كله

شلونج شخبارج ..؟ لج وحششه حبي
شلون اعيالج؟


ان شاء الله بخير

 

[جذابه بنت ذيابه]

ياحلو شاي مليوبا

انصح الكل فيه .. كنت اعطيه ولدي وامس شريته لبنوتي
بالجمعيات اهو ..

 

[wa7a90]

مس وعسوله

انا اعرف ناس وايد اختنقو عيالهن وماااتو الياهل مايقدر يحرك نفسها مرات وبعض البيبيات يصير فيه فضول اذا يه شي فوق ويهه فا يتنح مايتحرك

واايد بيبيات ماتو مخنوقين وقت الاربعين

واخوي واهو صغير امي لحفته صار الحاف بويهه قعدت امي ولاتشوفه مزورق طارت فيه المستشفي ولا يصير فيه ربو

من عمره سنتين لي اليوم الربو معاه بهالسبه

ديربالكم لاتسهينون يهالشي

 

[جذابه بنت ذيابه]

نحوله

هلا وغلا حبيبتي ..

الصراحه ما شريت لبنوتي لان احس ماراح تستفيد منها


حقت ولدي القديمه عطيتها بنت خالتي .. لان ولدي قبل ممنوع من الطلعه
بسبة حساسية الصدر لا طلع اي مكان واهو صغير يتحسس

عشان جذي ماشريت لبنوتي عربانه



وصج الماي من الاربعين كنت اخاف اعطيها
لين رفيجتي الله يجزاها الف خير .. قالت عطيها بالابره

وقمت اعطيها وما تشرق .. والحين اعطيها بالمميه تعودت اسمله عليها .. وكل اشربها ماي زمزم : )

 

[جذابه بنت ذيابه]

صاااجه واحه .. بكلامها


ديربالكم بنات

 

[wa7a90]

نحوله عسوله

حاولي تعطينها بقفشه البيبي ماي شوي شوي

مو بالمصاصه بعدين تتعود عليها لي كبرت

العربانه شريتها من وانا بالاربعين

من سنتربوينت ومليووون مره استخدمته

بروح اشتري غيرها

لان مرات تكون بسيارتي ونطلع بسيارة ابوها فاكل سياره فيها عربانه


والقعاديه عندي لها كذا كرسي

الخايسه ماتبيه تبي الحضن وبس

وتخاف لي شغلت الهزاز مع انها متعوده علي الهز بس تبي هزي




وصح جذابه جاي ميلوبا خوووش شي للبيبي

 

[جذابه بنت ذيابه]

اي واحه

الكرسي اللي يهز نف بنوتي تخاف منه لووول ..

واذا حطيتها بالكرسي تنام واذا حطيتها بسريرها ماتنام


معنه حرام ما كديت سريرها شاريته لها ب40
وما تنام فيه العوبه

 

[wa7a90]

لي كبرت تنام فيه انشالله

انا بنتي الحين قمت اعودها علي سريرها

 

[جذابه بنت ذيابه]

ان شاء الله ..


انا كل ما اعودها دقيقه وتقعد ماتنام فيه كلش


..

الله يهديها وتنام فيه لووول

 

[<<لمار>>]

مساء واااااا انتوا اهني وانا ادوركم

 

[<<لمار>>]

بنات نصيحة دايما استودعوا اعيالكم الرحمن وادعولهم انة الله يحفظهم

 

[<<لمار>>]

بنات انا ولدي صارلة جم يوم مستخف ماينام كل ساعة يقعد ويصيح طفرني ماادري شقصتة راسي ذابحني من قلة النوم

 

[<<لمار>>]

جذابة انا ولدي جذي طول النهار علي الكرسي مايبي الفراش ولي قعد شيلوني بس هذي حالتة