كل وحده تدش وتقولنا متى سفرتها ووين بتروووح

[Buffy]

الله وناسه س عسى الله يكتبلي سفره واقولكموين اسافر
قولو آمييين

 

[دلـــع_الكويــت]

امين يارب وكل وحده بخاطرها تسافر عسى ان شاءالله الله يكتب لها سفره قريبة :**

 

[زوووووغه]

:ggdw:انا انشالله 13-6 يوم الاثنين الياي بروح امريكا اورلاندو ويمكن نروح ولايات ثانية مادري للحين زوغة هرشي شنو فيها وبتروحيلها بطيران داخلي او سيارة ؟

هلا كويتيه شوفي انا اول مره اروح هيرشي اهي فيها مدينه ملاهي ومصنع للكاو وفي رحله داخله وحلو امدحولي اياه البنات وكان في وحده حاطه تقرير عنه وعجبني حيييل فقلت ان شاءالله هالسنه اروحه طبعا بنروحلها بالسياره لان اهي تبعد عن نيويورك 3.30 ساعه وهي تعتبر بولاية بنسلفانيا واي استفسار انا حاضر​

 

[زوووووغه]

حبيبتي زووووغة اله يسلمج يارب ...والله انا حاليا باوهايو...

اي والله سياحة .. انا اقولج شنو كان جدولي

اول شي سافرت عالقطرية وطبيت بنيويورك قعدت يومين بنيويورك بفندق W Time sequare وعقبها رحت اوهايو على الطيران الداخلي Delta وقعدت باوهايو عند رفيجتي تدرس هناك قعدت 5 ايام بعدن رحنا لوس انجلس ومن وس انجلس خذينا سيارة لين لاس فيغاس ومدة الرحلة كانت اسبوع 4 ايم لوس انجلس بس بصراحة يبيلها اكثر و3 ايام ي لاس فيغاس وبعدها رجعنا اوهايو...

قعدت باوهايو 5 ايام مرة ثانية ((مسوية اوهايو ترانزيت)) لوول وعقبها رحنا واشنطن((تبون نصيحتي مو مال الواحد يتعنالها كلش )) مافيها شي بس شارع واحد اسمه M street وبسسس

ومن واشنطن رحنا ولاية فرجينيا ومن فرجينيا رحنا نيويورك ومن نيويورك رحنا نيوجيرسي مدة هالرحلة كانت 10 ايام بعد ..

وبعدها رجنا اوهايووو ..

وكنت مخططة على شيكاغو وفلوريدا بس ماصار وردتي 15-6 ان شاءالله

بس ان شاءالله اذا الله كتب وييت USA السنة الياية اروح باذن الله لا بسويلكم تقرير بعد ((حدي قوية))

وبس

زووغة ان شاءالله اكون كفيت ووفيت

بعد قلبي وفيتي وكفيتي صارلي الحين هذي رابع مره اكتب ويختفي الكلام ماادري وين يروح مليت من كثر ماكتبت
ماشاءالله رحلتج تهبل بس متعبه بس يمكن بالنسبه لج انتي ورفيجتج حلوة لان مامعاكم يهال
بسالج عن القطريه شلون الميديا مالتهم وصج يقولون ان في يهال وايد ومزعجين يريت ترديلي خبر
وعلى طاري فندق wاللي بنيويورك كنت بحجز فيه بس طلع غالي علي وحجزت فندق كراون بلازا عاد ان شءالله يكون مكانه زين
وان ِشاءالله ترديلنا بالسلامه:eh_s(7):​

 

[زوووووغه]

ويييييييييييييييييينكم بنات ماكو تشجييييع يعني مافي احد بسافر
ناطرتكم..........
..................
..........
.....
...
..
.

 

[q8tiaa81]

معاج ياقلبي

 

[سارونه العوبه]

احنا ماحددنا ومشكوره قلبووووو

 

[زوووووغه]

معاج ياقلبي

يابعد قلبي:hjy5jewf:​

 

[زوووووغه]

:eh_s(7):

احنا ماحددنا ومشكوره قلبووووو

ان شاءالله تحددون وتسافرووون وتستانسون
:eh_s(7)::eh_s(7)::eh_s(7):​

 

[فله]

النيه ان شالله سويسرا 10 انترلاكن ولوقانو وهايدي لاند وجنيف وايطاليا زيارة ميلانو وفرنسا 3 ايام ديفون وشامونيه وكنت بخاطري يوروبارك بالمانيا بس خايفه من سالفه الفايروس
والسفر 20 /6 باذن الله
ابي اللي سافروا هالاماكن يفيدوني

 

[rawona]

الهولندية KLM

تاريخ: 14 يونيو


الدولة: أمريكا ( نيويورك - فلوريدا وضواحيها)


:eh_s(15):​

 

[دلـــع_الكويــت]

هلا زووووغة حبي.. شوفي مابي اضيق خلقج بس القطرية كطيران وااااايد ممتاز وحلو بس مشكلته شغله وحدة ...

الهـــنــــــود :"(

انا مادري بالنسبة لي رحلتي كانت بالضبط جني رايحة مومبي مو نيوورك والريحة بالطيارة كانت ابدااااااع :/ لدرجة اني 17 ساعة ماكليت ولا شربت ولااااااااشي من كثر ما لاعت جبدي من الريحة وبعد علشان لا اضطر ادخل الحمام(مكرم السامع) من بعدهم

بس يمكن كان حزتها موسم سفرهم حق نيويورك لان وايد هنود بنيويورك يمكن كان جذي والله اعلم..

 

[ملاك الشوق]

اهلين زوووغه

انا بالتسع طيارتي وانتي

 

[أم أنور]

ان شاءالله حجزنا تاريخ 7-7- حق ويلز بنقعد في كاردف على الاماراتيه
طبعا ويلز منطقه في جنوب لندن بنقعد فيها اسبوعين واجرنا شقه اهم شي عندي الجووو والهدوووووء ما ابي زحمة لندن

 

[دام العز]

اهلين انا ان شالله بروح للبوسنه والهرسك وتركيا علي الخطوط التركيه

 

[~ M!sS D!oR ~]

هالصيف منثبرة بالديرة زوجي بيروح مع ابووه علاج بلندن
الله يكتبلناا الصيف الجاااي جده ضاااايق خلقي

 

[q8tiaa81]

مس ديور الله كريم تتعوض صدقيني

 

[زوووووغه]

النيه ان شالله سويسرا 10 انترلاكن ولوقانو وهايدي لاند وجنيف وايطاليا زيارة ميلانو وفرنسا 3 ايام ديفون وشامونيه وكنت بخاطري يوروبارك بالمانيا بس خايفه من سالفه الفايروس
والسفر 20 /6 باذن الله
ابي اللي سافروا هالاماكن يفيدوني

ان شاالله تروحين وتردين باللامه وتييبلنا تقرير حلو
يالله مبقى شي على سفرتج ها زهبتي اغراضج والا بعد

​

 

[زوووووغه]

الهولندية klm

تاريخ: 14 يونيو


الدولة: أمريكا ( نيويورك - فلوريدا وضواحيها)


:eh_s(15):​

وأنا اقووووول ليش الصفحه منوره اثاري رووووووووونه مشاركه فيها
انتي تقريبا نفس رحلتي بس انا زياده علي شلالات نياغرا وهيرشي
وان شالله تروحين وتردين بالسلامه
مابقى شي على سفرتج يالله هالله هالله بالخبار اول ماتوصلين ان شاالله​

 

[أمانيQ8]

سفرتي بإذن الله كالتالي
كويت امستردام عقبها اسبانيا وبالتجديد برشلونه وبعده ايطاليا وفرنسا وبعدها العوده الي امستردام
سفرتنا ياطويلات العمر تاريخ30-6-2011بإذن واحد احد
والطيران على الklm
والله يستر ماعمري جربت هالطيران ناس تمدح وناس تذم عموما اللي بالجدر بيطلعه الملاس