حاقرته صارلي اسبوع هل اللي اسويه صح

[شوق ومها]

متزوجات مالي غيركم:eh_s(11):
انا تعبت من خيانات ريلي لي وكل مره اسامح واقول ميخالف علشان عيالي كل شي يهون وادوس على نفسي وارجع له مثل الحماره واصير خوش مرا وانسى كل اللي صار مع انه جرح الخيانه مؤلم
المهم لاحضت انه ريلي متغير علي مو مهتم وكله هايت لي الصبح والله يرد 6 و7 الصبح ويحط راسه وينام ويقعد ياكل ويذلف برا وانا كالعاده تعبتث بتلفونه واقرا الرسايل :eh_s(2)::eh_s(2)::eh_s(2):
بنات قايل في حبيبته اشعار وكلام حلو واسلوب روعه
جنه فارس احلامي مو ريلي وانا معاي جاف جاف جاف والله الجاف الين منه يمكن مع اني على طول ادلعه وقايمه بواجباته الزوجيه ومعطيته حقوقه من ناحيه اللبس والشكل
حتى اخر مره زفني قالي استحي بنتج كبرت لا تلبسين يمها جذيه وانا كل اللي لابسته بدي وجينز ضيج


خل اختصر الموضوع الحين من طحت على المسجات وشفت فاتوره ساعه قيمتها 340 دينار بجيبه وطبعا نسائيه انا انهرت اول ماوصل قالي حطي الغدا قلت له غدا ماكو ولاتكلمني ولا تطلب مني شي مره ثانيه طبعا كالعاده نكر وتهرب وماعطيته مجال يتكلم الحين انا انام مع بناتي ولااطبخ له ولاكلمه كلش كلش اذا قعد بالصاله اروح الديوانيه واذا دخل المطبخ اطلع يعني مايشوفني كلش
واهو متسلف مني 1000 دينار المكرمه الاميريه قلت له يرجعهم مني خلال هاليومين وقالي انسي اعطيج اياهم :eh_s(2)::eh_s(2)::eh_s(2): حقير موو

الحين انا محتاجه الفلوس مفكره اسافر بغير جو
شنو تنصحوني اتم جذيه حاقرته ولايعه جبدي منه
ولاشنو تعبت من البجي الله والتفكير نصحوني

 

[شوق روحي-305-]

الله يكون بعوونج حبيبتي ,,, حسبي الله ونعم والوكيل ع بنات ابليس..,,,

اول شي اقعدي معاها تفاهمي
قولي يافلان انا بقولك شي انا مقصره معاك بشي اعيالي مقصره معاهم بشي
حرام عليك شالخرابيط اللي تسويها انت رجال تسوي هالشغلات تكلم بنات حسبالك انا مادري عن شي ,,, ماتخاف من الله ماتخاف على اهلك ع زوجتك ع خواتك
شرفـــــــــــــك ,,, كما تدين تودان

لو انا بسوي جذي وخنتك مع واحد اشراح اتسوي
اقل شي بسويه بتذبحني ...

حرااام عليك خاف الله خااف الله عشان اعيالك ...

وربي يكوون بعونج

 

[a_g88]

حبيبتي الله يعينج وعسى الله يهدي زوجج
انصحج بكثرة الاستغفار وتصلين ركعتين قبل النوم تدعين فيهم ربج ان يهدي زوجج
لان هذا بلاء من الله ويمكن يبيج تتقربين منه
ونصيحة لاتحقرينه وااايد لان انتي جذي قعد تعطين مجال حق بنات الحرام الي يعرفهم
بالعكس قعدي معاه حاولو تطلعون برا البيت وتناقشينه وتسألينه اول شي ماتخاف من الله
وان كما تدين تدان وتذكرينه بربه
وتبينيله انج واثقة ان يحبج ويموت فيج بس كل هذا من الشيطان(ادري بتقولين صعبه بس تذكري انج راح تفرحين بنت الحرام بصدج وهجرج حق ريلج)
وذكريه انج تحبينه وتعشقينه وانج ماراح تخونينه لو شنو يصير لان تخافين من ربج وشي ثاني لانج تموتين عليه
نصيييييييييييييييييييييييييييييييحة لااااااااااااااااااااااااااااا تتغلين واااااااااااااااااااااايد ولا تهجرييينه
رديله عشان تكسرين بالي يعرفهم ولا تخليلهم فرصة مع بعض
ولا تهدمين بيتج واسرتج عشان بنات حرام
ومع الوقت ان شاء الله يغير رقمه

 

[زهـــرة البنفسـ]

والله سالفتك من جد تضيق الصدر

شوفي حبيبتي الحقران وبهذي الطريقه مدام انو مو معبر مايصلح اللي بينكم
حاولي وتفاهمي معه ولاتخلينه اشغليه لهيه قد ماتقدرين

وذكريه بانه الدنيا دين
واللي يسويه مع بنات الناس حتى لو كانو راضيات يمكن يصير لبناته

ربي يكون بعونك ويفرجها عليك يارب
حبيبتي لاتياسين وخلك واثقه من ربي ومن نفسك
الا مايتغير

 

[الدلع عندي]

الله يهديه لج

 

[الدااانــــه]

نفس المعاانااات الله يعيـــناا

 

[حرم راشد الماجد]

اولا وقبل كل شي حطي هالجمله شعارج في الحياة ( لا تعطي كثيرا فتندم كثيرا )

وثاني شي حبي نفسج يحبج ريلج


الحين نرجع للمشكله الاساسيه تصرفج الاخير في شي من الصحه والحمدالله انج بديتي تاخذين موقف لان الصبر ما ينفع بكل الاحوال احيانا الموضوع يحتاج علاج صحيح مو جذري لان يزول جبل ولا يزول طبع للاسف لكن ممكن تسوين حق نفسج اعتبار وتخلينه يسويلج مليوووووووووووون حساب وهذا هو المهم اللي يصير من وراج ربج بيحاسبه عليه

يعني واجباته الزوجيه سويها بالكامل من غير نقصان ولا زياده ولكن .........


الحقرااااااااااااااان سوي كل واجباته وانتي ساكته حاولي تبينين له انج مستمتعه بوقتج وبنفس الوقت لا تكلمينه الا بثقل وخليه الفتره اللي تقدرين عليها وحطي ببالج شغله انج كل ما زدتي المده كل ما سويتيه على نار هاديه

اما موضوع الالف فانا اقول لج للاسف انتي عطيتيه بكامل ارادتج يعني اذا ما ردهم لج الغلط منج مو منه وتعودي ان ريلج يعطيج ما ياخذ منج الا اللي انتي تبين تعطينه اياه

والله يهديه ويصلحه لج ان شاء الله

 

[كويتية بروما]

واي انبطت جبدي
بس بعرف اشيبي؟ شنو ناقصه؟
صارح زوجتك بالامور اللي تبيها ناقشها ابي جدي وسوي لي جدي ليش الخيانه ليش؟؟؟؟
ماكو فايده من الحقران ان كلمج حاجيه وتفاهمي معاه
الله يهديه

 

[ماني من الناس]

شكله طبعه جذيه خوان

وبعدين اذا عاجبج الوضع وتبين تكملين معاه عشان عيالج

شكو تسلفينه ؟؟؟؟؟؟؟؟؟؟؟؟؟؟؟


جد مفروض تشيلين ايدج منه اذا مو ناوي يتغير مو تسلفينه

 

[A.E]

الله يكوون في عوونك اختي

 

[الفدنه]

الله يهديه يارب

 

[فوفو22]

الى هنا انتي ماشيه صح

زوج مستهتر

يتباهى بعلاقاته ولا يستتر (((واذا بليتوا فاستتروا)))

مهمل في حق ووقت زوجته

الحل

اتركيه يسرح ويمرح على كيفه لانه كله في سجل سيئاته

وحسابه عند الرب

ولكن الواجب منك

1- عدم تقديم خدمات ماليه له حتى لو محتاج<<<<ترى يروح لبطن غيرج

2- كوني واضحه معه ان لن تكوني زوجه طبيعية معه لانك تخافين على صحتك مو عليه !!!

3- اعتبري نفسك عايشة انتي وبناتك بشقه بروحكم وهو ضيف ثقيل عليكم

4- لا تيأسي من الدعاء له مع قيامك بكل واجباتك الزوجية من حيث الشكل والاعمال المنزلية

فوفو

 

[أم السنافر]

شوفي اذا تحبينه طوفي ولاتسمحين حق وحده ثانيه تاخذه منج حاولي تشغلينه تتقربين منه اكثر اهتمي بزينتج بالبيت خليه دايم يشوفج كشخه كأنج طالعه لعرس حاولي تطلعين معه لمطعم وهناك تناقشو بالفلوس قوليله خلنا نسافر ونغير جو ونتقرب لبعض اكثر وابي فلوسي عشان اجهز نفسي للسفر وبجذيه طقيتي عصفورين بحجر اول شي بيروح معج فترة وينساها وفلوسسج بترجع لج والله يوفقج

 

[saratee]

الله يعينج كلهم حقارا اطلبي من الله يبرد قلبج عيشي حياتج انا انصحج وانا الحزن مدمرني
يقولون قراءة سورة يوسف تذهب الحزن جربيها وحسبي الله ونعم الوكيل في اللي ماتخاف ربها
وتاخذ ريال من مرته بالحرام والا الحلال مانقدر نقول عنه شي

 

[عروس مطيريه]

الله يكون بعوونج حبيبتي ,,, حسبي الله ونعم والوكيل ع بنات ابليس..,,,




واللله مااااادي شنوووو اقوووول


غييييير حسبي الله و نعم و الوكيييل بسسس

 

[ترجمة احساس]

الله يهديه ويسخره لج يارب

 

[om_dodo]

والله كلام فوفو صح

 

[توتاتوتا]

من تزوجتيه يخون؟
ولا شي جديد؟
اعرفي السبب واذا كان قل دين الله يعينش

 

[جذابه بنت ذيابه]

حبيبتي .. حاسه فيج


نصيحه ادعيله بكل صلاااه بالهدايه واحقريه .. الذنب عليه مو عليج

 

[عجفاء]

احقريه كانك ماتشوفينه بالبيت وانتي تباهي خليك دائما مكشخه وكانك مبسوطه وعندك اسرار ماتبينه يعرفها بطي كبده مثل ماسوى فيك وادخلي بقوقل على ناعمه الهاشمي وطبقي كلامها وراح تدعين لي​