لا عيل طافتني شنول ماقريت عدل ظاهر الاخت لاعبه جمباز
عليكم بالف عافيه كوشه عاد لاتنسين خمطيلي معاكم كاكاو
عاد ذكرتوني بموقف صارلي بول مارت
تو تقريبا هالموقف صارلي كنت بالرابع وريلي وداني ومع عيالي الاثنين نشتري جم شغله محتاجينها
لما وصلنا اهناك قلنا يالله ننزل بس طلينا ورى شفنا اليهال نايمين الصراحه كسروا خاطري وريلي قال اذا قعدناهم اكيد راح يلعوزونا
قالي نزلي انتي قلتله لا اخاف يخطفوني
( لان ول مارت دايما يترددون فيه المكسيكان وخوال اكثر شي )
قالي لا تحاتين دقي علي ونزلت وانا اودعه لووووووول جني اخر مره راح اشوفهم
المهم دشيت داخل واتشرى بالاغراض
لما واحد وقفني واحد امريكي
ابتسم وسلم علي
وسالني انتي ايرانيه قلتله لا مو ايرانيه
قالي من وين قلتله من الكويت ( ماادري ليش خبله كنت اجاوب )
المهم قالي شنو اتسوين اهني اول مره اشوفج اهني انتي ساكنه بهالمنطقه قلتله لا
ساكنه منطقه فلانيه ( قتلكم خبله )
قالي شنو اتسوين اهني بامريكا قتله دراسه
الهم جان يقول انا شفتج وانعجبت فيج وماادري شنو يخربط
انا سمعت شذي قتله سوري انا متزوجه وعندي عيال وحامل بشهر رابع وريلي ناطرني بالسياره ( يعني اخرعه )
قالي سوري وماادري ومايبين عليج انج حامل قلتله لا عادي
جان يقولي شرايج اعزمج على يوم بار ( يعني كافيه مشروبات روحيه )
جان ابطل عيووووني اقول لا مشكور انا مااشرب ومتزوجه
( كنت بهالفتره قاعده احوس صوب الاغراض قاعده احط الي ابيه واهو واقف ويقرق يمي )
قالي لا عادي فريند يعني ربع ( حده بايعها )
جان اقول لا شكرا عندنا بالاسلام حرام ومايجوز اطلع مع غريب ( خوووش تعريف بس لا تلموني )
بعدها قالي سوري وسي يو وباي
انا بس قال شذي هووووبه اقرب كاشير حاسبت الي عندي وطلعت >>> حدي تدودهت
ولا اشوفه صوب الباب ويبتسم
عاد ركبت سياره ويهي مصوفر
قلت حق ريلي الموقف وان واحد تحرش فيني ويبي يرقمني ( قلت يمكن يغار يقول شي يعصب )
الاخ ضحك علي يقول اهم شي رجعتي سالمه ( بط جبدي على بروده )
قلتله لو شنو ماراح انزل لحاالي
اهم شي كنت حاسه ان بيصير فيني شي داخل وصج احساسي بمحله
صار فيكم شذي مواقف !!!
