بليز ابي ردودكم ضروري ساعدوني

[محبوبه الكل]

اعتبركم زي خواتي ابي تشورون علي زوجي العام الماضي سافر في الصيف ولا سفرني انا وعيالي وعدني انه يسفرني بعد مايجي مرت سنه واولادي صغار ماعندهم مدارس اقول خلنا نسافر ويتحجج لي لحد ماجت الاجازه الثانيه واحنا ماسافرنا المصيبه والطامه الكبري انه علمني انه يبي يسافر هذي الاجازه وبروحه مع اصدقائه ويتحجج انه شغل وانا عارفه انها ماهي شغل تهاوشت انا وياه لنا الآن ٣ اسابيع مانكلم بعض احس اني منهاره وبس جالسه ابكي وهو ولا هامه كمان يقول هذا الصيف ماقدر اسفركم ماعندي اجازه ولا اشوفه يرحمني انا وعيالي ولا هامه ضيقه صدري خوفته بالله وقلت خف من الله الي يظلم مايوفقه ربي واذا ما وفقك الله احنا اول من يبي يتضرر انا وعيالك وخف من حوبتي انا والعيال تروح وتنبسط وانا والعيال جالسين حتى اهلي يبي يسافرون ماعندنا احد نجلس بروحنا ما تخاف علينا ما عرف يرد مع ذلك حاول يقلب الطاوله علي ويقول مالك حق تزعلين انا رايح شغل وهو يكذب وعارف اني عارفه انه كذاب وجالس يجهز لسفرة مادري شسوي بعمري الآن تصدقون انه هو الي يسوي نفسه زعلان مايكلمني ولايطلب مني شي يطلب من الشغاله يقول ليش انتي دايما تنكدين شوفي زملائي مايسون فيهم زوجاتهم مثلك وليش تبكين انا ماقلت ماني مسفرك ابسفرك السنه الجايه تصدقون ٣ مرات يوعدني ونحجز ثم ماادري الا يدور مشكله علشان يكنسل السفره الآن انا ماني قابلته وماقدرت اسامحه احاول القى له عذر وماني قادره وش رايكم اكبر الموضوع واعلم ابوه اوابوي يشوف حل او اطلع من البيت لآني تعبت وحاسه اني مايشوفني شي يتعمد يسافر وانا ماهميته ابغى انه يحس ان زعلي صعب وما ارضى بسرعه ............... دلوني وشورو علي

 

[محبوبه الكل]

وينكم مافيه احد يرد علي ويساعدني

 

[مدام نفيخه]

حبوبه الموضوع ماايستااهل تزعلين عششان سفره الرجال ماايحب النكد ونسيه بالبيت لاتنحشينه من البيت
بس اذا تقعدين بروحج لا قوويه
اذكري ربج استغفري وكثر صلاه بالليل وادعي اهو بيده كل شي

 

[راضيه بالواقع]

لالالا ليش ابوه
الموضوع مايستاهل
اهو كل شي بالطريقه الحلوه يلين لاتقولين خاف من الله واللي يظلم مايوفقه ربي ومن هالكلام
اصلن انتي الحين حسستيه انه مقصر بكل شي
واخذ السالفه عناد
الله يكون بعونج

 

[الشهد كله]

حبيبتي دام إنه يحجز ويكنسل ويوعد ولا يوفي بوعده لأكثر من 3 مرات

طنشيه ولا تردين عليه حتى سلام لا تسلمين عليه

بصراحة مو كفو !!!!!!!!!!!​

 

[غلاتي غلا]

الحين اهوى مقابل بيته طول السنه وماتبينه يفج جم يوم ويريح باله ويسافر...؟

ترا ممكن تستانسين جم يوم بالسفره بس عاقبتها تكون نفسيته مو حلوه معاكم بالبيت طول السنه !!!
ايهو الاهون فيهم ! جم يوم وناسه وسنه تنكيد ! او اعطيه فرصه يصفي ذهنه بعيد عن البيت وازعاج الشغل واعيش مرتاحه باقي السنه !!

 

[الشهد كله]

الحين اهوى مقابل بيته طول السنه وماتبينه يفج جم يوم ويريح باله ويسافر...؟

ترا ممكن تستانسين جم يوم بالسفره بس عاقبتها تكون نفسيته مو حلوه معاكم بالبيت طول السنه !!!
ايهو الاهون فيهم ! جم يوم وناسه وسنه تنكيد ! او اعطيه فرصه يصفي ذهنه بعيد عن البيت وازعاج الشغل واعيش مرتاحه باقي السنه !!

حبيبتي ليش هالرد ؟؟؟؟؟؟؟؟

إهي بنت البطة السودة مثلاً اللي ما تحتاج تنفس عن نفسها ولا ترتاح ؟؟؟؟؟؟؟

أهو كل سنة يسافر مع ربعه ويخليها بالديرة ، ليش ما يقسم الحق ويسافر مرة مع

ربعه ومرة مع أهله ؟؟؟؟؟؟؟؟؟؟؟

آنا أستغرب من الردود اللي تقول الريال محتاج راحة ، مادري شمسوي خام حوش البقر

مثلاً ولا مشاوير مدارس ولا طابخ ونافخ ، يومه يا نايم يا ديوانية اشيبي أكثر من جذيه؟؟؟

بصراحة محد مدلع الريال الخليجي وموصله لهالمستوى إلا انتوا !!!!!!!!!!!!!!

بعدين لا تنسين إنه يوعدها ويطنشها ويحجز ويكنسل ، ليش ؟؟؟؟؟؟؟؟؟؟؟

ليش ما يوعد ربعه ويطنشهم ، ويحجز وياهم ويكنسل حجزه ؟؟؟؟؟؟؟؟؟

تبين الصج آنا عمري ما شيشت واحدة على ريلها أو شحنتها بس أمثال ريلها لازم توقف

وياه وقفة صارمة ، خصوصاً إن أهلها مو موجودين ولا حضرته موجود تقعد تجابل 4 طوف

لي متى :rgewrg::rgewrg::rgewrg:​

 

[ورده الكرستال]

حبيبتي اقري سورة البقره وكثري الاستغفار وبأذن الله بتنحل مشكلتج

 

[q8 83]

الله يعينج النوع هذا من الريايل متعب بالتعامل

انا مع الاخت الي قالت شغلي سورة البقرة

 

[~*~الملكة~*~]

مايسوى تكبيرين الموضوع اكيد ماراح يطول كلها جم يوم وراد

قوليله سافر مع ربعك ورد سفرنا

اويمكن ماعنده ميزانيه يسفرج انتي وعيالج

فهمي منه ليش مايوفي بوعده ويسفركم

اما تقعدون طول هالوقت ماتكلمون بعض ترا موزين والريال لاتعاندينه بيعاند اكثر

 

[الشيخة@]

لا موضوع جدي شدعو ليش مالها حق اهي وعياله
شدعوبنات لهدرج مالها حق تزعل لا طنشيه لمه يعرف اناالله حق
اقولش سافري مع اهلش ونسي عيالش وطنشيه فديتش

 

[واصله]

بصراحه انا مستغربه من البنات اللي يقولون موضوع تافه وماله داعي وخليه يريح عشان مايطفش ومن هالحجي لييييييش يعني ترا مو لي هالدرجه احنا جاريات لهم ومثل ما اهم لهم حق يريحون حتى احنا ونبي نرتاح من حنه اليهال وضغط الدوام وكل شي على روسنا
حبيبتي اذا كلش لاتكبرين الموضوع سافري مع اهلج واستانسي اهو لما يشوفج مو متضايقه ومو هامتج سفرته بس المهم بتسافرين بيسفرج صدقيني

 

[الوردة المكنونة]

حبيبتي هالنوعيه ما منها فايده

عندي وعندج خير

انا من تزوجت ريلي ما سفرني ولا مره واهلي طول السنه مسافرين وشايف هالشي بعينه ولا بالبال عيزت وانا احاجيه ماكو فايده الزعل ما ياب نتيجه معاه عاد قعدت بيني وبين نفسي وقررت كل ما يقول بسافر اقوله بالسلامه بس خلي لنا مبلغ عشان اونس اليهال واستانس وياهم تدري كل شي ارتفع سعره وساعات اخليه يحجز لنا شاليه يعني اطلع سفرته من عينه ههههههه وأشوفه قلت سفراته وصار يفكر مليون مره قبل لا يسافر

 

[أم توتو]

الرياييل طبعهم اناني الله يهديهم بس مايحسون الحرمه زهقانه تبي تغير حو اسفرها اوديها اونسها ماكو كل لا كل لا الله يصلح الحال بس

 

[غلاتي غلا]

آنا أستغرب من الردود اللي تقول الريال محتاج راحة ، مادري شمسوي خام حوش البقر

مثلاً ولا مشاوير مدارس ولا طابخ ونافخ ، يومه يا نايم يا ديوانية اشيبي أكثر من جذيه؟؟؟

وانتي شدراج ...........؟

 

[نونو العصله]

الله يهديكم
خليه يسافر
ارتاحي منه شوي وعيشي حياتج
تسوقي
تمشي
طلبي منه مبلغ كبير و ردي قلبج
ومنها تشتاقون لبعض
لا تخلين امور بسيطه تعكر مزاجج
سافري مع اهلج

لا تزعلين روحج على شي بسيط

 

[قطرة من سحاب]

اقري موضوع البنت اللي عنوانه (معاناة 6 سنين ,,,,, لخ)

والله اعجبتني سالفتها

تخيلي بسبب صلواتها آخر الليل ودعاءها لربي فجأه جاء زوجها وقال خلاص كنسلت سفرتي مع ربعي وبأسافر معاج..

لايرد القضاء الا الدعاااااااااء

الله فووق لاتنسين لاتلجأين للناس وربج معاج

 

[zarax]

انا مع الاخت الوردة المكنونة اذا ما فادت جميع الطرق قبل لا يسافر انزلي السوق وطلعي حق السفرة من عيونه لا توفري على نفسك وعيالك ووناستك شي عسى ينفع ومن رايي انا ما احب الح بشي لا سفر ولا غيره وفي الاخر يصير اللي ابغى.

 

[al-musk]

من حقج تتضايقين وتزعلين.. خلاص قوليله بسافر مع اهلي .. والشكوى لله واذا ماصار بعد شتسوين وكلي امرج لربج

 

[رق رق]

ليش اتسافرين اليهال معاكم الريال يبي هدوء مو حنه اليهال
اليهال خو حطيهم عند امج وحطي ابايدها فلوس عشان يطلعون اليهال ويونسونهم
وانتي سافري مع ريلج سويله مفاجأه قصي تذاكر حقج وحقه وسافرو بدون اليهال
وحاولي انج اتكونين ريلاكس بالبيت ولبسي وكشخي عشان يهون ويسافر معاج
وكثري من الاستغفار ولاصلاه
والله يوفقج