ديوانيــة المنتــدى .. سوالف و وناسه .. حياكم الله

[GAP^^الكبيرة]

الا مهاوي وينها ؟؟؟؟...وحتى زينه وينها سلمت ومشت..

 

[مهاوي البحرين]

هلا بجروحه

وفلونه اشلونج

شخبارج

الاميره طرشي لي طياره بي ايي معاكم الكوفي شوب

 

[مهاوي البحرين]

موجوده

بس كنت احش مع رفيجتي عن المسؤلين الخره

وانتي بكرامه

محتره عليهم

 

[CaRaMeLaH]

أنا بطلع أشوفكم على خير برووح أنام

 

[مهاوي البحرين]

بنات مو مشتهيه الشغل

متنسيه فيه

ابي اجازه بس رصيد ما عندي

 

[GAP^^الكبيرة]

حبيبتي مهاوي الله يعينج... تحملي يا قلبي كل الدوامات فيها الزين والشين

انتي قولي اللهم اكفي اياهم بما شئت كيفما شئت والله يكافيج شرهم

كرميلا.. نوم العوافي يا قلبي بامان الله

 

[مهاوي البحرين]

قاب محتره حدي

ما في انصاف


تعالي على فكره صرتي كويتيه جديده بالنك الجديد

 

[زيـنـه]

انا اقز بالمنتدى .. نشوف الحال و الاحوال

 

[جرح الليالي]

اهلا باللي ولكمني واللي ما ولكمني

غاب اخيرااا نلتي استقلالج خخخخخخخخخخخ

رحت حست ويا بنتي وجهزت حق الغدا

 

[GAP^^الكبيرة]

اي والله استقليت وافتيكيت وحده ما تحوس الا بالعرايس والثانيه ما تحوس الا بالالعاب وانا صاحبه اليوزر ضايعه بينهم ههههه

 

[GAP^^الكبيرة]

مهاوي حبيبتي لا تكدرين بالج هذي تصير باغلب الاماكن .. انتي سوي اللي يريح ضميرج وحللي معاشك وبس وثقي ان الله بييب لج حقج لي عندج ان طالت ولا قصرت

 

[al7reyaa]

السلام عليكم اشلونكم
امس واليوم صايمه علي دين 4 ايام باجي لي يومين انشالله لازم اصومهم قبل الحج

عندي معرض في نادي الفتاة امس واليوم وباجر
الحمد لله خلصت وانشالله بنمشي هالاسبوع

الله يتقبل منا يارب ومنكم صالح الاعمال ويهدي اعيالنا واعيالكم ورياييلنا ورياييلكم واخوانا واخوانكم يارب يا كريم








جني قاعده اطر

 

[جرح الليالي]

مبروووك وسنعين يوم 24/11 العيد الرسمي لغاب الكبيرة

بس مو جنج توج تدشين فيه؟

اكيد سوالف التفعيل << ما نخلص منها


عاد جم مرة يدزون يبون صور ولما اكلم وحدة تقول ما طلبت خخخخخخخخخخ

و انا اللي اضيع بالطوشة لوووووووووووووووووول

 

[زيـنـه]

الحريه .. الله يسمح دربج و يسهل عليج حجتج .. و تقبل الله طاعتج مقدما.

 

[GAP^^الكبيرة]

الحرية بعد جبدي.. حج مبروب وذنب مغفور يا رب.. بتمشون بعد يومين؟

جروحه .. ههههه وهذي سبب من الاسباب الله يقطع بليسهم لان ساعات يصير حتى رفيجاتهم يدشوزن فيه ..نكي وباسوردي صاير عمومي... تخيلي اخت رفيجتي الصغيره ذيك المره تقولي انها ناطره رساله خاصه ...ههههه

 

[al7reyaa]

زينه
منا ومنج يارب



جرح
شخباركم بشري عنج

 

[GAP^^الكبيرة]

بنات تونا ماكلين لقيمات مع قهوة عجيبه . هاللقيمات من جمعيه الروضه
وامس لقيمات من عواشه وباجر بيبون شوربه عدس ومسئولتنا ما تقصر بين يوم ويوم تسوي لنا شاي لومي بالزعفران

مو جنه الدوام صار كله بلعه ههههه

 

[زيـنـه]

غاب دوامكم شكله يونس

 

[جرح الليالي]

غاب لوووووووووووووووووووووووووووووووول صار ملطشة حق الكل

الكل لاطشة وداش فيه عطيني الباسوورد خل ادش فيه << راده علي انا بعد



حرية هلا حبيبتي شلونج من زمان عنج يالغلا

ها بشري متى المشية ان شالله

 

[LaSt WoMeN]

كراميله و غاب .. الله يعين
غاب شكلج يديدة بالمنتدى شلون عرفتيني عاد انا صار لي فترة وقفت نشاطي الفني عقب ما تزوجت عئبال العايزين
و الحين رادة لكم بشوق ..

زيوونة شخبارج و شلون النونو ...
جروح هاو ار يو و شلون يمعة الديوانية شكله الأول تحول !