للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[قاهره عذالي]

بنات فراش العروس المعطر إضافة حلوة بعد ..... عروسنا قلتلها تييبه هني في تاجرة تبيعه ....



وبعد هم عندكم وحدة اسمها أم يوسف ... تبيع خلطات وتغلف العطورات بخامات على حسب طلبج وقالوا شغلها روعة ... طبعا للأمانة عروسنا ما جربته للحين .. بس آنا أخذت الرقم من رفيجتي ... امدحتها وقالت إن أم يوسف تنزل دايم بالمعارض ....


ذكروني احطلكم رقمها

هم في بعد ام جراح العامري عندها خلطات وفراش معطر ويمدحونها وهي اعلاناتها دايم بمجلات الاعلانات اللي توزع بالجهرا مثل بوابة الجهره

 

[مخاويه الزعامه]

عليج بالعافيه
هذا وين صاير؟:d

الله يعافيج بالسالميه ورا مجمع الثريا
بمجمع اسمه السلمانية 2

 

[قاهره عذالي]

مس شوشو عندج عطورات كثيره صراحه انا افضل ماركه شانيل واستي لودر لانها تجي فواحه ومميزه وتصلح حق عروس وعندج لوي من قزاز انا شريته حق بنتي حق اول يوم رهيب مع بخور العود شوفي عود من القرشي او المرشود اعتبرهم توب من ناحية العود القرشي فوق الشاهبندر والمرشود بالمنار مول وقاهره ماقصرت حطت لنا موقع كتالوج اكسبرس تلقين عندهم عطورات اصليه يمكن بعضها مو موجود بالسوق انا طلبت منهم لزوجي عطر بربريز ذابيت طلع خيال وصج صج اصلي مشكوره قاهره ماقصرتي

عليج بالعافيه يا قلبي وموقع كتالوج ترا ارخص من بيضون والمركز الفرنسي ووجوه ودبنهامز يمكن يفرق 4 الى 6 دك بالسعر هناك :eh_s(7):

 

[قاهره عذالي]

ياحياتي فرزاشيه ماقصرتي حبيبتي ان شاء الله تصيرين احلى عروس وتفرح فيج امج وتتهنين بحياتج مع زوجج والله حلوه افكارج خصوصا اكياس الدانتيل وين فصلتيهم ؟ ماعليج امر ابي صورتهم وشموع اللي على شكل ورده كم اسعارهم؟ انا شريت ستاند زجاجي زاويه راح احط فوقه سلال واحط فيه السنفرات والشامبو والغسول وحمام الزيت بسلال مزينه بدانتيل اوف وايت بذهبي وشريت الفوط اللي على شكل ايس كريم وجاتوه صغيره وشريت طقم الفوط الكامل اوف وايت وطقم نسائي ثاني لون بيج غامج فرزاشيه شنو اقدر احط عالتسريحه بدل الورد المجفف شرايج بتلات ورد طبيعي يطلع حلو ؟

http://www.q8yat.com/t325599.html

شوفي هالموضوع فيه واجد افكار وردود ممكن تفيدج :eh_s(7):

 

[قاهره عذالي]

عادت ذكرياتي مشكوره حبيبتي .... ...فراش العروس المعطر بكم شريتيه ؟ ومن وين

قيم واخلاق في ام جراح العامري
عندها شرشف العروس المعطر نوعين واحد عود وواحد عطر فرنسي ب17 دك
ولها محل بالجهرا ان شاء الله ان رديت البيت افتح مجلات الاعلانات واطلع لج الرقم حقها
بس ترا ما جربته هالفراش
اتوقع لو ترش فراشها بكلونيا اشرقت وتبخر غرفتها وهي تعطر وتعطر هدومها وتستخدم مجموعة جسم بريحه حلوه خلاص ماله لزوم
ان شاء الله بس ارد البيت اكتب الرقم والرد وارسله واحطه لج اهني وبرسالة خاصه:eh_s(7):

 

[قاهره عذالي]

حبج يايمه لاشكر على واجب حبيبتي اذا عرسج بعد رمضان استغلي الوقت وخلصي شغلج يعني الاساسيات الذهب والاجهزه الكهربائيه والبجايم وقمصان النوم والبخور والعطورات والخمريات والخلطات ومجموعات الجسم واذا شريتي او شاريه ستاند العطورات حطي صورته ومن وين شريتيه اذا في بالجهرا ؟

يا قلبي هي شاريه ستاند العطور من ايكيا اللي بالافنيوز

قاااهر وقيم مشكورين ماقصرتو فديتكم الله لايحرمني منكم بس الحين مفضيه نفسب الصبح وبعد المغرب ابي استفيد من الوقت قبل رمضان
واللي عرسها بعد رمضان خل تسوي الدراريع من الحين
الله يسلكم قيم وقاهر بنات منطقتيامس رحت اكثر كن مشغل شوفهم
١- ام فهد الكشتي بيتها بالنسيم شارع ٥ بس مادري منزا جم بتأكد منه وبحطه لكم
٢- المها المحلات اللي ورا وارة
٣ جدام الوافي صوب صالون نوال بس مو نفس الدرج قبل ماتصعدين الدرج روحي يمين عندهم جم دراعه يهبلوووون بس غالي ع٢٥٠
واخر شي اللي شريت ونسيت اكتبه ستاند العطور من إيكيا اللي بالڤنيووو حيل حلو وبحط فيه كل العطور الفرنسي وجم واحد عربي وبخلي التسريحه حق ستاند المكياج

 

[قاهره عذالي]

قيم واخلاق
هذي مواضيع عن الفراش المعطر من عند ام جراح العامري
http://www.q8yat.com/t580799.html

وهذا هم موضوع ثاني
شوفي الردود
http://www.q8yat.com/t580790.html

 

[قيم واخلاق]

مشكور قاهره على الرابطين اللي حطيتيهم اروع من الروعه ماقصرتي ومثل ماقلتي اذا رشيت عالفراش كلونيا أشرقت وبخرت ببخور اصلي راح تثبت بالغرفه عدل ربي يبارك فيج ويرزقج الذريه الصالحه

 

[فرزاشيهـ]

قيم تسلمين فددديتج على هالدعوووه الحلووووووه منج و لج مثله يااارب الله يسعدج و يوفقج بنااتج .،،.اجيااس الدانتيل مثل هذي بالضبط

بس يكوون دانتيل سااده يطلع احلى انا مو شاابكه باللاب بس مابغيت اردج مثل هذي بالضبط بس دانتيل ساده تحطين في كل واحد طقم وترتبينهم بالدرج انا بالعاشره امي مفصلته عند خياط بالفحيحيل جنه بس ترا اي خياط يسويها لج انتي ييبي الخام و يبي من الكلف شريط ستان يعني اذا بتبطلينها تسحبين الخيط ترا وايد حلوه الحركه ^_^

 

[افكاري]

بنات

اللي تبي شغل ام جراح لها محل دائم في معرض افكاري

وهاذي صورة اعلاناتها
شغلها وااايد حلو ومرغوب

 

[قاهره عذالي]

مشكوره اختي افكاري
وام جراح يمدحون شغلها وخلطاتها

 

[قيم واخلاق]

مشكوره فرزاشيه ربي يهنيج راح اسوي فكرتج مادام في وقت قبل العرس موفقه

 

[el7oor el3in]

[/url][/IMG]

 

[الضــبي]

امممممممممممممم

اقووووولكم من تجربتي <<< صار لها 6 اشهر عروس احم احم :$

العطورات لاحد يقولي عطر ولا 5 ولا 6
لاااااااا
بنااااات انتو عرايس يعني تبين عطرج يمشي قبلج خخخخخخخخ

عن نفسي خذيت 18 عطر فرنسي<< تمووت بالعطووور
وخذيت العطورات العربيه من الخبر والدمام من اصغر علي ومن سيد جنيد ومن المصباح

وبالتوفيق يارب ويسهل عليييكم كل اموووركم
وحااااضرين يااا حريم المستقبل :**

 

[بشوررة]

الضبي شنو عطورج الي شريتيهم؟؟؟؟؟؟؟؟
ابي عطور قويه وابي الي يشم العطريدوووخ
بليز

 

[قيم واخلاق]

الضبي قولي لنا اسامي العطورات الفرنسيه واسامي عطورات اصغر علي ماعليج امر وموفقه يالغاليه

 

[ABEER FLOWER]

موضوع راااااااااااائـع

يعطيج ألف عاااااااافيه : )​

 

[قيم واخلاق]

بنات عفيه اللي تعرف اذا في محل العربيه للعود بالجهرا تقوللي وين بالضبط وشنو احلا عطر وبخور عندهم ومشكورين

 

[مذهــلــه]

يزاكم الله خير بنات

 

[قاهره عذالي]

بنات عفيه اللي تعرف اذا في محل العربيه للعود بالجهرا تقوللي وين بالضبط وشنو احلا عطر وبخور عندهم ومشكورين

موجود بلصحاري مول
انا جايته
احلى عطور عندهم عطر كلمات ماخذ جوائز عالميه ومن احلى عطور العالم

وعطر وودي woody
ريحته عود وصندل
الحين مسوين خصم 50% بمناسبة افتتاح المحل شكله جديد
وهم عندهم عطر الفراشه
ويمدحون معجون البخور الملكي حيل ماشي من عندهم
انا جيتهم لما رحت ماكس اللي فوق بالصحاري مول
ولقيت انه عطوراتهم مركزه هم عطر غروب عندهم يمدحونه البنات بس ما شميته