ما احب بيتي

[برد ابو الذهب]

بنات مادري اشصاير ما احب شقتي كلش معني بروحي مأجره مو مع الحموله بس اكرهها اضيق لي دشيتها مادري اشفيني هالاحساس من شهرين حاولت اغير بالاثاث قلت يمكن ارد احبها ابد كلش ما تغير شي:rgewrg::rgewrg:
بنات كنت اموت علي شقتي ما احب اطلع منها خصوصا انها جتني بعد تعب ومشاكل
تخيلوا اقعد عند اهلي من الخميس لي السبت واخاف تمشي الايام مابي ارجع وشايله قشي وقش عيالي معن بيت اهلي ازعاج ويهال وماخذ راحتي بس همن اهون علي من بيتي :eh_s(2):
وهالاسبوع من الاربعا انا عندهم دق علي زوجي قال جهزي اغراضج بجيكم احس ببجي بختنق بمووووووت مابي اروح احاول معاه مو راضي معن ادري ان اهلي ودهم اروح عيالي ازعااااااج و3 اسم لله عليهم
ساعدوووووني

 

[M!ss soso]

يمكن عين

اقري سوره البقره ..

و الله يوفقج حبيبتي

 

[iLLuMinaTion]

حبيبتي واضح ان عين

عليج بقران والاذكار والادعيه

 

[نداااوي]

الله يعينك على هالحالة

حاولي تطلعي على شقة غير أو منطقة غير

 

[وردة الحياة]

شغلي سورة البقره فبيتج 24 ساعه

من ثالث يوم راح ترتاحين انشاءلله يارب

 

[حبيبي مالكني]

شغلي سور البقرة في البيت
وخليها لمدة 3 ايام
وتعوذي من ابليس

 

[x.Lina.x]

اقري سورة البقره كل يوم كل يوووم .. وشغليها فبيتج اذا راح زوجج .. وكثري استغفااار و لا تنسين اذكار الصباح والمساء

 

[zaina alotibi]

اول ماتدشينها اقري المعوذات واقرأي سورة البقرة كل ليلة حتي تزووول عنج الأعراض

والله يساعدج

 

[حلوه ولمآحه]

قبل لاتدشين اقري امعوذات وشغلي صوره البقره دايما بالشقه حتى لو تنزلين ع الصوت بس تكون شغاله

 

[اسراب الطيور]

ذكري الله واقري قران وشغلي قران باستمرار
اهم شي حاولي تظلين في الشقه فتره طويله وقللي الروحات بيت اهلك لمن تتاقلمين علشان من جهه زوجك مايطفش ومن جهه تتعودين وتروح الضيقه انشاءالله
متفهمه شعورك وحاسه فيك
الله يعينك

 

[وهج السعودية]

سبحان الله كأنك تتكلمين عني .. نفس الحاله

 

[غـرامـي أنـت]

مالك الا سووورة البقرررره المفرووض كل جمعه تشغلينهاا تحميك

من اشياء كثيييره

 

[الاميـرة]

اللة يزيل الهم من قلبج تحصني وشغلي سورة البقرة بشقتج وضروري توضحين حق زوجج هالشغلة وصدقيني ماراح ترتاحين لين تغيرينها ولاتحاولين تهربين منها قدماتوضحين شكثرمومتحملة القعدة فيها لزوجج

 

[كتكات احمر]

سورة البقرة ولله الحافظ

 

[ناتشوو]

تعوذي من ابليس
وذكري نفسج ان هالبيت وهالزوج مسؤوليتج
مو كافي الازعاج عند اهلج رايحة تزيدينهم ازعاج
ترى مو من البر فيهم
وبعدين تبين زوجج يقول
مو كفو بيت بروحها دام ماطلع لج الا عقب مشاكل
بيقول قبل مصورة لي
انها لو طلعت ف بيت بروحها بنكون اسعد
طلع مجرد كلام
ومودايما كلام المنتديات صج
وان الزوج يحب يلعب دور الصياد ويلحق مرته
ترى عنده كرامة
تحسسينه انه مغصوبة على القعدة ف بيته
الزوجة بيدها تحول بيتها جنة
يتمنى الزوج يخلص مشاويره ويرد لها بسرعة

 

[ألمسك]

يا جماعه في فتوى حبيت انهبكم عليها بخصوص تسجيل القران.سئل الشيخ محمد بن صالح العثيمين – رحمه الله - :


هناك حديث عن النبي صلى الله عليه وسلم أن الإنسان لو قرأ سورة " البقرة " لا يدخل الشيطان في بيته ، لكن لو كانت السورة مسجلة على شريط هل يحصل نفس الأمر ؟

فأجاب :

لا ، لا ، صوت الشريط ليس بشيء ، لا يفيد ؛ لأنه لا يقال " قرأ القرآن " ، يقال : " استمع إلى صوت قارئ سابق " ، ولهذا لو سجَّلنا أذان مؤذن فإذا جاء الوقت جعلناه في " الميكرفون " وتركناه يؤذن هل يُجزئ ؟ لا يجزئ ، ولو سجلنا خطبة مثيرة ، فلما جاء يوم الجمعة وضعنا هذا المسجل وفيه الشريط أمام " الميكرفون " فقال المسجل " السلام عليكم ورحمة الله وبركاته " ثم أذَّن المؤذن ، ثم قام فخطب ، هل تُجزئ ؟ لا تُجزئ ، لماذا ؟ لأن هذا تسجيل صوتٍ ماضٍ ، كما لو أنك كتبته في ورقة أو وضعتَ مصحفاً في البيت ، هل يُجزئ عن القراءة ؟ لا يُجزئ .

" أسئلة الباب المفتوح " ( السؤال رقم 986 ) .

 

[شقرديه كيوت]

الله يفرج عنج الضيق

 

[dreeams]

انا نفس حالتك والله من اول ما اشوفه قبل ادخله احس بضيييييقه ودي اجلس با الشارع ولا بيتي

 

[ҜęҜสђ]

حبيبتي خلي سوره البقره تشتغل ع طوول بالبيت..
وحاولي تحصنين نفسج دايما
وكل ماياج هالاحساس تعوذي من ابليس

 

[شموخي غير.]

غيري شقتج حاولي تجددين المكاااان


واقري على نفسج وعلى بيتج


عسى الله يعينج ويفرجها عليج