من تـــزوجت فــعز دراســـتها الجــــامعيه ... ؟؟

[Laidy n3ooma]

السلاااااااااااام :eh_s(7):

شخباركم ؟؟؟

بنـــات ابي اسالكم الحين .. من فيكم تزوجت فعز دراستها

يعني اول سنه او ثاني سنه جامعه !!

وقدرتوا تجمعوون بين الاثنين ؟؟ الزوج والدراسه ؟؟

مانزل معدلكم بالجامعه ؟؟

صارت مشاكل والسبه هذا الموضوع بينج وبين ريلج ؟؟


شنو السلبيات والايجابيات ؟؟

بليييز محتاجه ردودكم لانها تهمني وااااااااايد .. وردودكم ممكن تغير وايد اشياء بحياتي لان مستقبل دراستي وايد مهم بالنسبه لي



انطركـــم :eh_s(7):

 

[Laidy n3ooma]

 

[مولاي الفرج]

هلا حبيبتي اعرف بنات تزوجو ببدايه الجامعه

ماشفتهم اشتكو ولهم طموح بعد

يعني حسب الزوج اذا كان يشجع او لا عرفتي

وثاني شي مسأله اليهال لو تأجلينها شوية

يصير الوضع تمام

ربي يكتب لج اللي فيه الخير قولي آمين

اللهم صل على محمد وآل محمد

 

[iLLuMinaTion]

خوووووووش موضوع

 

[~{GooShTa}~]

انا تزوجت بثاني سنه بالجامعه و باخر سنه اللي اهي هالسنه حملت و ولدت ! و الصراحه اي وايد أثر علي و الدليل اني للحين مو قادره اتخرج و عندي ماده لازم اعيدها ! و المشكله الاكبر اني ادرس بره مو بالكويت !

يعني قبل الزواج كنت ماشيه عدل و ما عدت ولا ماده .. بس بعد الزواج الله لا يوريج ..

 

[~{GooShTa}~]

انا تزوجت بثاني سنه بالجامعه و باخر سنه اللي اهي هالسنه حملت و ولدت ! و الصراحه اي وايد أثر علي و الدليل اني للحين مو قادره اتخرج و عندي ماده لازم اعيدها ! و المشكله الاكبر اني ادرس بره مو بالكويت !

يعني قبل الزواج كنت ماشيه عدل و ما عدت ولا ماده .. بس بعد الزواج الله لا يوريج ..

 

[Laidy n3ooma]

هلا حبيبتي اعرف بنات تزوجو ببدايه الجامعه

ماشفتهم اشتكو ولهم طموح بعد

يعني حسب الزوج اذا كان يشجع او لا عرفتي

وثاني شي مسأله اليهال لو تأجلينها شوية

يصير الوضع تمام

ربي يكتب لج اللي فيه الخير قولي آمين

اللهم صل على محمد وآل محمد

امييييييين

تسلمين حياتي على ردج

 

[om MaRyooM]

كله يعتمد على ارادة الوحدة وتنظيمها لوقتها .. ويعتمد طبعا على الزوج


في ازواج يساعدون .. وانا زوجي كان منهم الف حمد وشكر ياارب .. وكنت شارطة عليه ماأحمل الا لما اتخرج وفعلا هذا اللي صار

بالعكس ساندني حيل وحزة الامتحانات كان يغصبني ادرس .. والحمدلله عدت الامور على خير وتخرجت لأني كنت مصممة ابي الشهادة مابي اقعد في البيت

ومن ناحية التقصير مممممم لابد يصير شوووووية تقصير بس هذا يعتمد عالزوج اذا يساعدج بهالشي ولا بيقفل ويقولج ماكو جامعة ويخرب الامور !


ومن ناحية المعدل .. نزل معدلي لأن اول شي كانت دراستي وايد صعبة .. وثانيا ماكان لي خلق ادرس لوول


وانشالله تخلصين وتاخذين شهادتج .. اهم شي تكون عزيمتج قووية

 

[G!RLooNa]

اهوا صعب اكيد بس هم على حسب انتي اي كليه وين تدرسين؟؟

كليات اللي يدرسون حق الامتحان بيوم الامتحان و ماشيه الحياه ماتوقع ياثر وايد لان اساسا ما عندهم دراسه بس كليات الطحاس و الكراف صج يبيلج قلب ما يتعب *

 

[كادى الحب]

اببببببببب

 

[*ريما*]

على حسب الزوج
بعضهم يساعد وبعضهم لا

 

[Om_Ksha]

وااااااااي انا عندي اصعب شي الوحده تدرس وتتزوج .. بس ترا على حسب كل بنت .. اذكر قبل ماشالله وحده متزوجه وعندها 5 وهم حامل ومتفوووقه واحسن من اللي ماتزوجوو .. كانت منظمه وقتها يعني بالكليه بالفراغ تقعد تدرس وبالبيت تتفرغ لعيالها ..

كل واحد وقدراته انا عن نفسي مستحيل اتزوج وانا ادرس احس ماقدر !!!!!!! اتشتت .. لازم اعطي كل شي حقه ,, فكنت شايله هالموضوع من بالي لييييييما اتخرج ويصير خير والحمدالله تزوجت وانا موظفه ,,,

بس مثل ماقتلج يعتمد عالشخص نفسه وهممممممممم عالزوج ذكرتيني بوحده ريلها بس يتسلط عليها بالامتحانات يبيها تطلع وتقعد بالبيت واهيا رافضه فتفننن اب ازعاجها ومسكينه كل سنه ساقطه طووووووووولت حييييييييييل .. مايندرا تخرجت الحين ولالا

استخييري قبل كل شي ,,

 

[BeNt PaRiS]

والله انا طالبه و متزوجه
بس توني ليلحين ما بين شي
بس لحقت على اخر الكورس احس عادي

 

[M!ss soso]

حي الله سميتي :$$$$$ ..
مم انا مالجه شهر 9 الي طاف و كنت توني سنه اولى حتى ما تخصصت كنت آدرس foundation و الحمدلله خلصت و السنه الجايه بتخصص ان شاء الله و بيكون عرسي شهر 1 يعني بدرس بس كورس واحد من تخصصي و بكمل ال 3 سنين و نص ببيت ريلي .. الله يعين بآجر شبسوي احس خآيفه من قلب .. و اخاف ايب بيبي و اتهاون بالدراسه و اطلع < الله لا يقول .. صج ودي اكمل جامعه و بحاول اوزع وقتي و جذي عشان ماهمل دراستي او ريلي و الله يعين ..

 

[noo7a]

والله يعتمد على الكليه الي انتي فيها
انا من قبل لا اتخصص كانو يقولون لي التخصص الي تبينه انسي فيه الزواج
وفعلا هذا الي صار تزوجت و ماقدرت اكمل فيه و حولت تخصص ثاني

 

[افراح كبيره]

موضوع حلووووووووووووو

اصعب شي الدراسة بالجامعة وووو الزواج والسهر ..

يكفي (نفسيتج تتعب ) قبل الفاينل باسبووووع _

 

[ام العسكري]

حبيبتي أنا طلعت من الثانويه وكنت توني باولى ثانوي من سنين طويله وكل ما ادخل مسائي اطلع مره 2 بس خلاص عزمت ابي الثانويه دشيت سنه 2000 وخلص اولى ونص ثانيه وتزوجت وقلت يله جات من رب العالمين بقول حق ريلي ابي اطلع عشان الزواج مسؤليه وتكيسلت عن الدراسه تتوقعين شنو رد على......................................................
لمن صارت الساعه 1.30 الفجر دق على بيت اهلى الباب وراح ابوي بطله قاله شنو في خير باجر الملجه بحيل الله قال ابي اكلم فلانه وانتوا قاعدين شرطه كان اني اكمل الثانويه والجامعه وفعلا كملت وانا بطي شكبره من الحمال و ولدت الحمدالله وحملت مره ثانيه وتخرجت من الثانويه والحين أنا بأولى جامعه فكله يعتمد على الزوج
عسى ربي يكتب لج اللي فيه الخير

 

[$ الـسـلـطـانـــــه $]

انا تزوجت باول سنه بالجامعه
والحمدلله على كل حال الامور سهالات وكل شي يعتمد على دراستج اذا كانت سهله او صعبه
وعلى الكليـه لان فيه تخصصات صعبه ومواد اصعب
واكيد الشي الثاني يعتمد على الزوج اذا يشجعج على الدراسه ومخليج على راحتج

اما اذا انتي بكليه وتخصصج صعب ويبيلج مجابل بالكتب وامتحانات وزوج ودج تخلصين بسرعه
فهني الزواج يكون صعب

وبالنسبه للحمل والولاده اذا كنتي باول سنه بالجامعه صعبه تأجلين الحمل لي اربع سنين جداام .؟!!
تجيبين واحد واقعدي عليه ولاتفكرين بالتعب والمسؤوليه ودراسه وامتحانات وتشيلين نفسج هم وافكاار
ربج يسـهل من حيث لاتعلمييين

والله يووفقج

 

[مناير ...!]

ابد مو سهله
وتعتمد على حياتج اشلون بتصير
ومهما كانت حياتج مرفهه وخدم وحشم
يظل بيت الحموله غير بيت اهلج
وبتصير عندج مسئوليات

 

[صحاري كويتيه]

الله يعيييييييين
الدراسه مسؤليه و الزواج مسؤليه
المهم إنج تعطين كل واحد حقه ومن ناحيه المعدل راح يتأثر بس المهم
إنج تتوكلين على الله وتحطين حلمج جدامج