منو مثل حالة رفيجتي حرام كاسره خاطري لها سنه

[أسيرة قلبه]

سلام بنات. رفيجتي مو متزوجه صار لها فتره تييها ضييقه فجأه مع خوف. يخسبقها وهي الحمد لله ما عندها مشاكل بحياتها بس ما تدري ليش يصير فيها جذي. منو مثل حالتها و مشكورييين

 

[عنقود الامل]

كلنا نعاني من الضيقه والقلق فجاه وهالشي من التفكير



تقرا سورة الم نشرح > متكرر<

+ الرقيه الشرعيه مع الاستغفار



الله يشفيهاا ويشفينا ياارب

 

[طيش سكر]

الله يشفيهاا

خليها تقرا قران وسورة البقره بالذات

 

[أسيرة قلبه]

مشكووره حبيبتي بس رفيجتي تييها قويه كلنا نحس فيها و يضيق نفسها. و تتعب حبيبتي و ساعات تروح الطوارئ من كثر ما تتعب و قلبها يطق حييل

 

[أسيرة قلبه]

اباب اب اب اب

 

[الحلللوه]

يمكن عين ويمكن صديقتك مقصره بالعباادات والكل مقصر لكن خليها تبحث عن السبب وكذا واللا كذا امتحاان من الله بس داائما خليها تقوول الحمد لله والشكر على كل حاال وتحاافظ على الاذكاار

 

[دلوعة أبوهآ]

تقرآ سورة البقره دآيم
وتلزم الاستغفآر

 

[قنوت]

هذا جنه اكتئاب

خليها تختلط بالناس ولاتيلس بروحها غير وقت النوم اذا كانت خلاص نعسانه موووت تروح تنام

طلعيها ونسيها خليج حولها كثييير لاتخلينها بروحها يدقها الوسواس

ان شاء الله مرحلة وتعدي وترد احسن من قبل

 

[وردة الدوحه]

انا كانت فيني هالحاله ..هو اكتئاب بسبب ضغوطات أو حزن شديد أو قهر مكبوت
خليها تقرأ سورة البقره يوميا قبل النوم وأول ماتحس بالضيقه بعد تقرأ
مافيه مثل هالسوره سبحان الله مثل الدواء والبلسم الشافي وعن تجربه
وتبببببببببعد عن الأطبا والادويه النفسيه لانهم دمار على دمار

والله يشفيها يااارب

 

[نور مغليها]

يمكن فيها عين
أو مسس
اغلب الي فيهم مس يكونون جذي
خليها تقرآ ع حَآلها

 

[فرحه]

يمكن مو اكتئاب شلون عرفتم انه اكتئاب

الضيق او القلق ام عدم الراحه بسبب المشاكل اللى تكون مهمه عند الاشخاص يقعدون يفكرون فيها وتشغل وقت كبير في حياتهم اكيد بسبب قلق صداع ضيقه والاحساس بالاحباط

موكل شي بحياتنا نحطه على العين والمس والسحر
يمكن صديقتج عندها مشاكل صحيه يمكن ربوا او نوبات قلب الله يبعدها عن هالامراض او ضيق تنفس اذا كانت ماتشكو من اى مرض صحى

تقرأ قران كثير ربي يفرجها عليها

وانتى جزاج الله خير انج مهتمه بصديقتج

 

[الغلا كله لبوي]

اب اب اب لعيونج

 

[منو انت]

يمكن عندها مشاكل بس ماقالت لج يعني انا ساعات تصير فيني جذي احس بضيقه واحس قلبي راح ينشلع من مكانه وقبل فتره كنت متضايقه ونفس الشي حسيت بخوف واحس تعبت بشكل موطبيعي يعني حسيت اللي فيني حاله مرضيه مع ان الحمدالله مافيني شي بس الضيقه سبحان الله تهد حيل الانسان عسى الله يشفيها ويشفي الجميع ويبعد عنها وعن كل شر

 

[الاحمدية]

حبيبتى اسيرة تقريبا مريت بنفس الحالة وكنت اروح للطوارئ وضيقة وكل الاعراض هذه اتضح ان عندى نقص حديد كنت لا استطيع التنفس وكتب لى الدكتور على حبوب لمدة شهر مع حقن يوميا مع اكل كل الاطعمة المليئة بالحديد واهمهم البنجر والحمد لله علما قبل هذه الحالة مريت ب 3 ايام اسهال اخضر شديد اعزكى الله وهذا كان فقدى اكثر الحديد اللى فى جسمى اسفة حبيبتى على الوصف لكنى يعلم الله ابى المساعدة وشفها الله وايانا

 

[أسيرة قلبه]

مشكورين بنات انا رفيجتي حسب الظاهر ما عندها مشااكل كانت عايشه حياتها عادي بس كانت تحاتي سالفه الزواج و لازالت و الاعراض اللي تييها من ضييقه و خووف و ضيق تنفس تييها بدون سابق انذار و تروح الطبيب يقولون لها ما فيج شي حيييل كاسره خاطري ودي اساعدها علشان جذي قلت اسألكم يمكن في وحده موت بنفس الحاله و عرفت السبب

 

[ber00]

الله يشفيها ويشفى جميع مرضى المسلمين ومن منا ماتجيه ضيقه فجاءه وقلق

انتى بصراحه مو كاتبه تفاصيل ادق عشان نعرف ايش فيها

 

[وردة-الكويت]

الله يشفيها يارب

وقولي لها لاتحاتي موضوع الزواج لانه قسمه ونصيب ونصيب بيد الله سبحانه تعالى تشوفه الحين او بعد حين

عليها ان تقرء القرءان وتكثر من الاستغفار وانصحيها تروح للعمره

 

[RmRom]

الله يشفيها

 

[ام ميميتو]

احسن شي تكثر من قرأة القرآن و تصلي قيام الليل و الله يرزقها الزوج الصالح

 

[هيبة فتاه]

والله انا اعااااني من الشي هذا
الله يفرج عنا يااارب