ديوانية --<-@ {{ One Day We Will Be Slim}}

[BiiShOoO]

الله يسهل امووورج شووشوو و يفرج عليكم يا رب

عوافي يا ربما كلييتي


اللهم امين

 

[شوكولاته&فانيلا]

مبروك حبيبتي ميمي عالوظيفه الله يوفقج ​

 

[شوكولاته&فانيلا]

بعد عمري بيشو الله يعافيج حبيبتي ​

 

[Lady <3 A]

مرحبا :eh_s(7): شلونكم يا حلوات

أول شي ارحب بالرشيقات الي انضمو للتجمع :eh_s(7)::eh_s(7)::eh_s(7):

والي حطو يومياتهم .. بالعافيه عليكم :eh_s(7):

بزنز

حبيبتي انا الحمدلله بخير

والله من دخلت هالنادي احس وقتي ضايع

اروح الصبح وارد الظهر لازم اسوي غدا ريلي

وبعد الغدا اغسل المواعين وانام العصر

اقعد اكمل باجي شغل البيت ومرات اطلع

بس والله كثر ما اقدر احاول ادخل التجمع عشان ما اعفس الدنيا بالاكل

بحس اني مراقبه صج

مزمز الله يعطيج العافيه حبيبتي :eh_s(7): وإن شاء الله كل يوم تحصلين فرصه عشان تدخلين التجمع

.

ميمي ألف ألف ألف مبروووووووك ع الوظيفه :eh_s(7): وأنا أأيد لولو وإن شاء الله ناويه على هالشي لو توظفت :ggdw:

.

باقي البنات اسمحولي وقتي ضيّق قلت ادش اقرا الي فاتني واسلم عليكم

وماودي أكتب يومياتي اليوم عشاي كان وجبة عادية مو وجبة رجيم

إحساسي زايده كيلوين عن يوم الأربعاء من الخربطه ومابي اوزن

تصبحون على خير :eh_s(7):​

 

[BiiShOoO]

الله يعاافيج بزبز

الله يسلمج شوشو

و انتي من اهل الخير نوم العوافي

و عافيه ما كليتتي

 

[شوكولاته&فانيلا]

بالعافية بزبز ونوم العوافي حبيبتي​

 

[أميرة طفولتي]

يعني ليش ماتعزموووووووون هااااااااااااااااااع

خلاص انا عزمت نفسي ههههههههههه

خل اقوووولكم قصة حياتي
انا سلمكم الله كنت كره هههههه لالا صج كنت مدربحه ومتختخه وخدوووود وكل شي يحبه قلبكم
هالحجي ايام الثانويه تحديدا اولى ثانوي سنة 2001 طبعا وقتها ولا اعرف شي اسمه ميزان
ولا ادري اصلا انا جم وزني << العن ام الثقه لوووووووول
بيوم من الايام من بعد عرس احد من اهلنا تيمعنها فبيت يدي وقعدنا نطالع صور العرس مع
خالاتي < خوات امي قعدوا يسولفون عن الاوزان وكل وحده جم وزنها وعن الرجيمات ومن هالسوالف
طبعا كلهم حريم متزوجين ومعيلين اعمارهم كانت تقريبا اول الثلاثينات المهم كانوا ضعاف او الاصح رشيقات
وانا اطالع الصور شفت صوره لي واقفه يمهم @@
امبيتنحت دقايق بالصوره وفجأه حسيت جنه احد صاب علي تب ماي بارد
هذي انا !!!!!!
شكلي لوووووووووووووووووووووعه اييب اليهد استغفر الله العظيم ياربي
شمسويه انا بنفسي ليييييييييييييش !!!!
امبي امبي مأسااااااااة جنه وحده عمرها 40 ماجني 14 سنه
طول الدرب وانا افكر انا شكلي جذي !! يعني انا لمن اكون طالعه كاشخه ومستانسه على كشختي جذي شكلي ؟!!
والله يابنات ماتصدقون الصدمه الي انا كنت فيها
رديت البيت ركض اسال امي عندنا ميزان !!!
قالت اي بغرفتي
رحت اركض بس ابي اعرف انا جم وزني ؟!
وقفت وكانت الصدمه اني طايفه ال 70
توني عمري 14 ووزني جذي وخالاتي كلهم اضعف مني بوايد
عيوني وقتها @@
يومتها مااااااااااااااااااااااااانمت وخانقتني العبره واحس فيني غصه
رحت المدرسه قمت اتنح باجسام البنات الي عمري ماكان يلفت نظري جسم وحده
او اقول الله جسمها حلو ليش انا مو جذي جسمي ؟ اصلا ولا فبالي
قمت اطالعهم واركز واقارن
من بعد الصدمه والي شفته قلت رااااااااااااااااااااااح اضعف ماراح يظل جذي جسمي لازم يتغير
هالكلام كان نص الكورس الثاني


وفعلا بديت رجيم ورياضه
وطول عطلة الصيف كان فبالي هدف واحد اني ادش المدرسه محد يعرفني
وفعلا هذا الي صار دخلت السنه اليديده انا وزني 50
والكل انصدم والحمدلله قدرت احافظ
3 سنوات بالمدرسه
ودخلت الجامعه 5 سنين
وتزوجت وحملت على هالوزن يعني يدوبك ازيد كيلو بسسسسس وارده
بس مع الحمال زدت وولاده ولويه
بلشت رجيم من بعد النفاس
وبلشت مع تجمع فرووووحه كان وزني 58 الحين انا 54.3
فانشالله باقيلي بس 4 كيلو الله يسهل علي وعليكم وننزلهم بصحه وعافيه

وتوته توته خلصت الحتوته ههههههههههه

 

[brat]

هاي

اليوم قعدت متأخر وتريقت بران فليكس بالشوفان والعسل مع حليب قليل الدسم الساعة ٢
رحت تمشيت بالسوق

تغديت الساعة ٩، ما كنت يوعانه بس خفت أيوع بعدين وأخرب، كليت سلطة فيها (خس، خيار، شمندر، ليمون، قفشتين روب، رشة ملح) وتفاحة خضرا

قبل شوي يعت كنت مشتهية توست بس احترت شاكل معاه، جان آكل نفس الريوق بس + يوزة
ما أحب آكل كربوهيدرات بالليل بس شسوي يوعانه

لا وما رحت النادي، مشكلة السبت والأحد، يسكرون مبجر وإذا ما عندي موعد مع المدربة الصبح أنام

 

[{meme}]

لولو الله يبارك فيج حبيبتي
اييي شي اكيد لازم اعطي امي وابوي ماقصرو فيني طوول هالسنين

شوكولاته&فانيلا الله يبارك فيج ياقلبي

نووومي متخربط قمت الحين اصلي الفجر وطار النوم من عيني

 

[أميرة بذوقي]

احمم

اممم

السلام عليكم ..شلونكم ؟؟ شخبارركم ؟؟! ..أقدر أدخل معاكم :eh_s(7):<< يعني مؤدبه

أنا بقول قصتي مع المتن من طأطأ لي السلام عليكم ..أنا أول مره سويت فيهاا رجيم كان عمري 14 سنه و زني 85 و ضعفت حييييييييييييييييل و صار جسمي حلوو :rerrerek: مع اني كنت بالسبعين يمكن لأني طويله (أنا طولي 163) و للأسف ما كملت على هالوزن بعد سنه و نص تقريبا و صل وزني 90 :eh_s(11):و رديت سويت رجيم و نزلت عليه... و لما دشيت رابعه ثنوي على الخوف و المحاتاة و النفسيه :botetoo:وصل وزني 96:eh_s(16)::eh_s(16)::eh_s(16):
هني قلت خلاااااااااااااااااااااااااص:rgewrg: ما باقيلي على ال100 إلا 4 كيلوو و أنا توني صغيره عمري 18 سنه و أخذت موقف حاااازم و رحت عند د.عبدالله المطوع و نزلت عنده 13 كيلو في سنه ( طبعا مع التخربط وثبات الوزن ) و وصل وزني 83 و قبل شهر تقريباً رحت لريجيم سنتر و نزلت عندهم لحد ألحين 5كيلو مع مشي و تمارين بطن و ألحين وصل وزني 78بس المشكله أن مع المتن و الضعف صار عندي ترهل بجسمي ووواااايد :eh_s(2): و خاصة الزند و البطن ( انا طبعي متينه من فوق يعني زنود و كرش ) و قاععد ادور تمارين للزنووود:weight_lift: ((بليز بنات اللي عندهاا تفيدني:eh_s(22): :eh_s(17)) وبث :hjy5jewf::wqedqw:

انا ألحين بنام بس أقعد من النوم بقولكم يومياتي " و سوري على الإطاله ":eh_s(7):

:33_1185028183::33_1185028183::33_1185028183::33_1185028183:

 

[أوركيدااا]

الديوانيه تحمسسس خاصه سوالفكم

اعرفكم على شخصي الكريم

أوركيدااا

متزوجه>> يعني مافي امل

عندي بنوته ربي يحفظها

انا طويله بس مو عارفه كم بالضبط

وصلت للسمنه الى 89

وانا ارجع لصوابي شوي بس تخيف بدون رياضه

وصلت 85

ومع الرجيم والرياضه والحرمان

وصلت لـ 83 طبعا خلال 6 ايام

يعني انا مبتدئه للحين

وان شاء الله بوصل 75

وبالعيد بإذن الله 65 واذا هالوزن ناسب جسمي ثبتت

يعني باقي لي 19 كيلوو

يارب تسهلها

 

[توكلت على الله 22]

صبـــــــــــــــــــــاح الخيـــــــــــــــــــــــر


انا متابعة لكم وعجبني قروووووووووبكم وطرحج ياااا كوتن كاندي

ووبالتوفيييييييييييق للجميع ان شاء الله تنحفوووووون بصحة وعافية

 

[أسوار77]

صباح الخير للجميع ( اعذروني على التقصير بس عن جد كثير مشغوله)
يومياتي 18/6/2011
الفطور : 1 صمولي بر + شريحة جبن قليل الدسم + نسكافيه

الضحى : مكسرات + ماء دافي

الغداء : 2 كباب + 2 ورق عنب + سلطه +2 ملعقه صلصة الثوم + لبن

العشا : روب اكتيفيا + تبوله اكلت بس ملعقه + 1 صمولي مع بيض مسلوق

الرياضه : مافي

 

[أسوار77]

يومياتي بتاريخ 19/6/2011
الفطور : ثابت مثل امس
الغداء : 2 كباب + 2 ورق عنب + 2 ملعقه متبل + 2 ملعقه صلصة ثوم + 1 صمولي بر

العصر : 2 قطع اناناس + كاسترد بالفانيلا

العشا : 2 توست بر + بيض مقلي + روب اكتيفيا + عصير شمندر

رياضه : مافي

 

[أنستاسيا]

السلام عليكم

يومياتي لمبارح الأحد

الفطور نسكافيه و بعدو بساعة معلقتين كبار كورن فلكس فتنس من غير حليب بس نقرشة

الغدا 7 معالئ رز مشخول ابيض مع مرقة بطاطا و البطاطا اربع مكعبات بس

السناك 4 حبات تمر مع قهوة عربية

العشا خيارة قطعتها و غمستها بزعتر و اشتهيت مكسرات من جوزي اكلت معلقتين كبار تقريباً

و لعبت عالأوربتراك 20 دقيقة و معدة 120 مرة

كان بدي اطول عالأوربتراك بس الوقت ما ساعدني نهائياً
​

 

[أنستاسيا]

أوركيدا..

ما شالله كيف وصلتي لهالوزن بست أيام بس ؟.

أسوار ممتاز اكلك بس لو تلعبي رياضة افضل

و شهيتيني عاليلنجي
​

 

[{meme}]

مرحباااا

يومياتي اليوم

الفجر كلت اقل من نص خبز ايراني مع قفشه جبن اللي قليل الكوليسترول + كوب حليب مع قفشه نسكافيه
ومن شوي كلت سندويش من صب وي فاهيتا مع جبن ابيض وسلطه وماسترد + بيبسي دايت

والحين دايخه وبرقد

 

[BiiShOoO]

مساااءكم الله بالخير حبايبي

اليوم ما داومت

قعدت على 12

تريقت

ماي دافي مع عصرة ليمون و قفشة عسل

تغديت

توستين مع جبن سلايس و خس و 3 كيويات

و 3 بسكوت دايجستف مع جاي حليب

 

[BiiShOoO]

عوافي ميمي انستازيا و اسوار

 

[LadY BuG 80]

صباح الخيييييييييييييييييييييييييير و يسعدلي مساكون :eh_s(17):

عندي خبر فرقيعت الموسم :ggdw: من امس و انا اناقز و ايبب

طبعا و بما انو هلاسبوع اخر السبوع مدارس , انا مشتهيا اسافر اي حته بس اطلع اغير جو ,, و بذات الاخت مستانسه على الخفه و ارشاقه

امس حبيبي اقلييي ,,, قلك ايه ,, قالي و قالي ,, ,, اقلك ايه

قالي احجزي على اول شهر 7 و تعالي ادوحه

:eh_s(9): بسافررررررررررر بطلعععععععععععععععععععع من البيت ,, الــلـــــــــــــــــــــــه وناسه بنام برى البيت

المهم بما انو منعوهم ياخذون اجازه هسنه عشان اظروف قالي تعالي كم

اسبوع ولا شهر ,,, ,, انصدمت لاني في البدايه توقعت اني بروح هناك و

نرجع هنا سوا ,, لاكن قالي تعالي و يصير خير و بعدين بحاول معاهم اني اخذ اجازه حتى لو 3 السابيع

مستااااااااااااااااااااانسه الله يتمم اسفره على خير :rerrerek:

الحين نجي للأكشنات

في زياره لي لدوحه قبل سنتين وحده من اهل زوجي بعمري و بطه تحدتني

نضعف انا وياها و القاء بعد سنه و رحت بعد سنه الصيف الي طاف

و بطه ضعفت 5 كيلو بس هي صراحه ما تشمتت و كانت ضعفانه شوي بعد

لاكن خواتها تشمتوا فيني هههههه و الحييين انا ودي اوصل ال 55

ما زلت ثابته على ال 57 من اليوم راح اخفف ثاني و التزم نادي يوم ايه و يوم لا ,,

انا خلاص راضيه بس ودي اصير ارشق عشان افوز اتحدي و بجداره و ارود اعتباري ههههههههه

,,, هم ما يدرون اني جايه بخليها مفاجئه عاد هم يموتون علي ياحليلي ما كنت ناويه هسنه اروح بس هييك جت و انا مصدقت خبر
​

:ggdw: