تعــآلوو يــآسنعات خلونا نشــِجَع بعـضْ ، شنــوٌ سويني اليوم !

[زبدة ككاو]

شــوق أول شي عشــآن يثبت البخــور لآزم تمسحين الأرض بديتــول ومعــآهـ غطـآ دآوني
ومسحـي الطـوفة بعــد ..
وخلي السنترآل طـآفي ، وبعــدين بخــري وكثــري من البخور عشــآن يثبت ، عقب مــآتخلصين إخذي فوطـة وحطي فيهــآ شــوية دهـن عــود أو تقدرين تحطين جدر ع ـالمــآي وتحطين فيه جم قطرة دهن عود ون يصير حــآر حطيه بــآلصــآلة
وعقب شغلي السنترآل الريحـة بتصييــر عجيبــة
وفي مثبتــآت بخور تنبـآع بمحــلآت البخــووور هـذي تنرش مع البخور روعــآ

 

[حظ من عنده انا]

الحمد لله علي سلامتج


ومبروك ماجبتي

 

[حبيبي ابو عيالي]

انا اول ماصحيت من النو غسلت الملابس ومسحت الارض ورتبت غرفت النوم ونظفت المطبخ من الاول للاخير
يسلمو وبكره بكمل الباقي البيت

 

[ضوى قطر]

مرحبا

صراحه خوووش موضوع

انا بديت من السبت اجهز للاجازه ورمضان

بديت جرد ملابس المدرسه وطلعتهم خلاص والاحذيه والشنط

وباقي ادوات المكتبه برفع منهم وبخلي المستعمله بدرج بغرفه الالعاب

وامس جردت المكيااج وقطيت كل القديم اما البودرات اللي باقي منها شوي رفعتها بشنطه مع اقلام الكحل والشدوات بشنطه للسفر علشان اقطهم مره وحده هناك

ووجهزت شنطه السفر السريعه هذي اختراعي من سنين معتمده

اني اجهز شنطه فيها احتيجات الشخصيه من شامبو وديودرنت وصابون وكيرفري وفرشاه ومعجون وقطن وخصوصا عينات الفنادق يعني لو عزمت ع سفره سريعه او مبيت بره البيت ماتعطل

ومقرره الحين راح اكمل جرد كبت ملابسي

وصراحه انا التيشيرتات اللي مليت منهم ارفعهم للسفر علشان البسهم واقطهم هناك وتخف الشنطه

وعندي فكره للي ماعندهم تهويه بشققهم او غرفهم


انهم يرشون شويه بيكربونات الصودا ع السجاد والكنب ويتركونه ليله وبعدها يكنسونه وتخف ريحه الكتمه بالبيت


وبس ولي رجعه للموضوع التحفه

 

[شوقني ياشوق]

خوش موضوع حده يشجع
اليوم ماسويت شي كنت مشغوله.. سويت الغدا ورتبت صالتي وكنست بس


الحين بقوم اغسل المطبخ والصحون وبغسل الملابس وبكوي جم تيشيرت لزوجي فديته
وبمسح الارض بديتول وبشغل مبخرتي..



بنات بليز ابي اعرف ليش داااااااااااااااااااايم امسح السيراميك وتطلع نظيفه بس ابيها تلممممممممممممع
شلوووووووووووووووووووووووووووووووووووون!!!!!!


عندي فلاش بس استخدمه حق شنو بالضبط؟؟؟<<؟؟

 

[Zen&7ala]

بنات شلون تمسحون ارضياتكم شنو تحطون ماي و ديتول و بس؟ انا ابي تطلع ريحه نظاافه الديتول ما ينفع بروحه

و شلون اخلي ريحته شقتي حلوه دوم؟ فيدوني بليز

 

[شوقني ياشوق]

زين وحلا
ياقلبي سطل الماي تكبين فيه طباقتين من الديتول تمسحين فيه
بهالوقت طفي التكييف او السنترال وشغلي مبخره وفواحه وراح تثبت الريحه
وطبعا لازم ترشين اكوا او اي نوع مرش ثاني على الغنفات والسجاده
وقبل كنت امسح بشوي كوفورت تطلع الريحه خياااااااال بس الارض شوي تبقــع



وارد لسؤالي بنات بليز ابي الارض تلمممممممممممممممممممممع؟؟!!

 

[noor الدنيا]

اليوم صحيت الصبح تعبانه شوي ( الدورة غاثتني ) كنست الصالة و مسحتها و مسحت الممرات . طبخت الغداء و غسلت الصحون , و نظفت المطبخ و المجلى , غسلت الملابس و نشرتهم , و لما خلصت شغل على المغرب تقريبا ما ادري ايش صار لي , نزلت مني قطع دم يالطيف , و الله خفت من كثرة الدم , و بعدين ارتحت , و خف الدم على الساعة عشرة الحمد لله .و بصراحة ماسويت عشاء !

 

[noor الدنيا]

حبيبتي ( شوقني ياشوق ) الفلاش حلو حق الكبانيه ( مقعد الحمام ) يخليه نظيف ويزيل كل أنواع الترسبات , و بعد للبانيو , و أي سطح لونه أبيض ينفع معه الفلاش , بس مايصير تخلطين معه منظف ثاني , لأنه يطلق غاز أو بخار خانق , و بعد مايصير تغسلين الحمام يوميا بفلاش ,لأنه يسحب لمعة الخزف حق الحمام .

 

[شوقني ياشوق]

ياقلبي مشكووووووره
طيب الفلاش
ما اخلطه مع ماي نفس الديتول؟؟
يعني اصبه عالبانيو على طول وعالمرحاض تكرمين بدون خلط

 

[مطيريه ماركه]

حيآتـي من غير آلخدآمة حآليآ سسسسلطة
يومين وآغسل ملآبس وهكذآآآ
وآلشقة على حسب آلغبآر آمسح آلسيرآميك بس مرة بـ آلآسبوع آخم وآمسح
آلزبآيل يوميآ آفرغهم كلهم وآذآ آمتلآت مآلت آلمطبخ نزلتهآ

وآلحمآمآت كل يوم غسيل
آلبخور وآلخلطآت على طول دآيرة بـ آلشقة
ودآيمآ زيوت زهور آلريف شغآآآلة
بنآت آبي صآبون آو آي شي آغسل فيه آلسيرآميك بس معطر

 

[شوقني ياشوق]

مطيريه
جربت فتره امسح السيراميك بماي مع كومفورت المركز بالورد غطا واحد بس عشان لا تبقع الارض
ريحه الشقه روعه صارت نظافه + ورد

 

[زبدة ككاو]

فلااشش ترى ريحته حيل قوووية ويسبب الربوو وموزين ع الياهاال واهوا اساسا للمراحيضضض
بالنسبة لي الحين بقووم بعدل لأن توني قااعده قبل جم ساعه واذا خلصت بجررب خلطة تعطير واعطيكم خبررر
اي وعشان تطلع ريحة الديتوول حطي معاه كلوركسس الريحة بتصيررر جنه ريحة معقم

 

[وصٍيت قلبي عليك]

ويَ حلووو آلموضوووع لاتعلق بالنظاااااافه والترتيييب

انا طبعآ متزوجه ولآعندي خدآمه وعندي مطبخ بس آلحمدلله ماطبخ فيه الآ اشياء خفييفه لزووجي

وغرفه قعده وحمآميين وآنتو بكرآآممه وغرفه نووومي ومممر شطوووله

امس مارتبت شي لاني قبلها مرتبه بيتي وغاسله المطببخ بديتول ومآآي ي حلوو رييييييحته

وبالنسبه ل كومفورت مع الديتول للارضيه ترى الريييحه بتطلع روووووووووعه اذا اهو مع الملابس اتم ف الغسااله

ف شلون الارضيه ؟ جربووها بناات بتعجبكم الرييحه

زبده الحممممدلله على سلااااااامتج حياااتي

بناات انا عندي 3 دراايش ف بيتي

وحده بالقعده وثنتين بغرفه نومي مافتحهم الا نااادراا ادري غلط البيت لازم يتهوى

بس لان الدراايش تطل عالشااارع وكل ماجربت فتحتها احصل المكان كلله مغبرر اكرره هالشي

وانا بالنظاافه فيني وسوااااس ، تعبت

مع انهم مثل نظام الشركات فيها غطاا يعني لوافتحها محد يشوف اللي داخل < خوش تعبير هع هع


وايد تكلمت بس ابي مشوورتكم حباااايبي

 

[زبدة ككاو]

وصيت قلبي
تخيلي انا طلعت من الاررربعين لاتشوفين شقتي شي موطبيعي اهواا غباار اهواا ريحه مووصصصج اهواا نمل والمطبخ مكوود والملاابس منثورة بشكل خياالي
يعني اقعد فبيت اهلي شهرر ونصص كل هذا يصير !!!!!!!!!!!!!
المهم انتي نفس مشكلتي انا عندي دريشة وحدة بغررفة النووم وع الشاارع وحتى لو فتحتها الصااله ماتتهوى كلششششش
بس غرفة النووم لازم تتهوى فأشووف الجو اذا اوكي افتحها ع الاقل نص سااعه باليووم
بالنسبة للدريشة نفسها آخذ ديتول الرشااش اللي لونه اخضر روعاا هذا مال الحماام بس انا ارشرشه حولين الدريشة ، وارشرش واخليه هالنص ساعه عقب امسح يسحب الغباار كله والبرده ارش عليها قليد الازررق وايد حلوو ريحته جنه اثااث يديد
وعقب مااصك الدريشة اشغل المخمة الكهرربا واشيل راسهاا واشفط حوالين الدريشة وصوب الارضيه
المشكلة مرووحة الحماام مركبة عكسسسس فتخيلي ادخل الغباار وريحة طبخ الجيرااان كلهاا عندي بالحماام ما اقدر اهوي الحماام
فلاازم حمامي ابطل باابه واغسله عدل وابخرره وعقب ابطل بااب الشقه عشاان تتهوى الشقه كلهاا *

 

[زبدة ككاو]

انا الحمدلله خلصت الصاله والممر والحمام
غرفتي النوم معدلتها من قبل بس فيهاا جم شغلة انشالله اسويهاا بعدين
المهم صالتي شلت الغنفات والزووليه والطااوله ومسحت الاررض بخلطتي السررريه لوول ما اقدر اكتبهاا ع العاام لان في نااسس اعررفهم ميتين عشاان يعرفونها واهماا النحاسه كلهاا فيهم
المهم ماعليناا خميت الصااله ومسحتهاا عدل بخلطتي السريه اللي تلمع السرااميك وتعطر بشكل مووطبيعي
وبنفس الخلطة مسحت الطاولات والطوووفه ، عقب رديت كل شي مكاانه
ونفس الشي سويت بالممر
الحمام وانتو بكراامه سالفته ساالفه ، مثل ماقلت ماكو تهويه ..
رشيت الرض بمااي وديتوول ومسحتهاا وعقب رشي الخلطة السررية وعقب ماخلصت غسلت المررحاض بهااربيك روعاا خليته نص ساعه وبعدين فرركته وغسلته
والمغسلة رشيت عليهاا ديتول الرشااش الاصفرر وخليته ١٠ دقايق يسحب الوصخ ومسحته
واخرر خطوتين خذيت كومفوورت بالغطا ماله ورشيته بكل البيت ع الزوايا لأن ريحته عججججججججيبه
وشبيت بخوور رااااقية صج رااقي وحلو ومميزززززز
وحطيت كلووونياا عندي موطبيعيه بررشاااش ورشرررشت هذا كله عشاان زوجي بعد شوي يرد من الدواام ينصدم لووول
لأن بيتي صج صج كان محتاج تنظيف زوجي قاالبه فووق تحت بهالفتررة
اي وولدي عند اهلي لأن مستحيل يتحمل هالررريحه القوويه ..
وبقى المطبخ شووي فوووووووضى بسويه اذا فضيت
هالتنظيف شهرري يعني مره او مرتين بالشهرر بسسس عاد انشالله احاافظ لأني صاايرة فوضوية شوووي خخخخخخخخخخخ
انا مشكلتي كلهاا بأمااكن التخزززين ، مو الكبت لأ الادررراج ..
عندي فوضى موطبيعيه بالادراج ودي اسوي لهم قفل عشاان لحد يشووف
خخخخخخ برووح اشتري لي منظم ادرراج
وبسسسس

 

[زبدة ككاو]

الحين استااهل عصيرر ليموون باااررررررررد
وودي اسوي سباا حق ريلي بسسسس الطشت خذيته حق الخلطة
شكلي بشترريلي جاكووزي للريووول

 

[ام حمد 85]

يعطيكم العافيه
وانا بعد نفسكم احب اسوي شغلي بنفسي ومااحب الخدم الخدامه بس تنظف وتحضر الاكل وانا علي الطباخ وغسيل الهدوم وغرفة النوم واليهال الله يقوينا يا رب ويحفظنا من العين قولو امين

 

[مــلائكيه]

قوااكم الله


بما ان اهلي مسافرين ومعاهم الخدامه
فالشغل علي انا واختي
الطبخ وغسل الملابس علي
تنظيف البيت اثنينا


امس كان الجو جمييل جداا
من حلاته ترك اثر على الملابس اللي بالحووش ,,
المهم بعد ماخلصت ريوق الساعه 2 الظهر هههه
رحت سيدا ع المطبخ غسلت مواعين امس
وعقب سويت الغدا ,, الغدا خلص الساعه 6 تقريبا
عقب فتره نظفت الغاز ووكشخته بقصديير :eh_s(3):
واختي استلمت المواعين وغرفه اخواني
باقي البيت نظييف
بس الممرات الحووش :eh_s(2): حالهم يبجي
الساعه 8 اشتغلنا عليهم انا واختييه
وبس يمكن بعد شوي اعيد غسل الملابس او اخليه لباجر


المهم سؤال ,,

الحين الغااز شنو اسهل طريقه تنظفونه فيها ؟
والقصدير جم يبقى عليه ويتغير ؟

 

[العز انا]

موضوع روعه وان شاء الله لي باك لكم