جيل السبعينات وينكم ؟؟؟

[_ظل الياسمين _]

سارونه اختى تقول لازم يكون عندج كود للفوتوشوب...
قلت لها من وين تييبه قالت تسوى بحث بقوقل وتحصله

 

[_ظل الياسمين _]

بنات وين المستغفره اليوم...!!
اها الاستقبال تذكرت الله يسهل عليها
برب صلاه المغرب

 

[النوري نور عيني]

باركولي بنتي نسبتها 87 ...والفال لعيالكم واخوانكم ...اسمحولي بنات مشغوله ..بالليل اشوفكم

 

[الرياش]

ألف ألف مبروك النوري نتيجة بنتج والله يفرحج فيها عروس يارب

 

[الرياش]

هلا والله الرياش نصيحة لا اتيبين ياهل مو حلوو وايد يهال يكون عندج يصيرون قطاوة بعدين
انا مثلج حدي 2 او 3 وبسسسسسس

ضحكتيني سارونه على قطاوه .. اذا يبتيهم ورا بعض ايصيرون قطاوه لووول ... لا أمبيه لا تقولين جذيه العيال رزق رزق ما يحس فيهم الا الي ما عنده .. الله يرزقج بالزوج السنع والعيال الحلوين

 

[الرياش]

هالشى راجع لرغبتك اذا انتى عندج الرغبه بياهل جيبى الحين احسن ماتكبرين صج وتتندمين
لكن ان مالج رغبه لاتظلمين نفسج والياهل....انا مثلج يوم تزوجت قلت قبل ال35 اكون يايبه
عيالى كلهم لكن انت تريد وانا اريد والله يفعل مايريد...اول ماتزوجت تاخرت بالحمل...وتالى يبت
2 الله يخليهم بس بعمليات وطلعت عينى قلت بريح شوى ريحت بس طالت الراحه وحاولت احمل
ماقدرت يعنى يبت البيبى الثالث من بعد 7 سنين من الثانى وعيالى كلوا قلبى يبون ياهل بالاخص
البنوته تبى اخت والحين الحمدلله عندى بنوته عمرها 7 شهور وانا عمرى 37 والحين ريلى يبى
ياهل بعد وشوفى عاد اهى كلها ارزاق وكتبه رب العالمين...
انا عندى لو ريلى يقتنع بهالعدد كافى بس ان كان فى طرف من الزوجين له رغبه بطفل ماتقدرين
تتحكمين بالامر..العمر احنا بعايلتنا عادى لل40 ويجيبون يهال وهذول الاجانب الاغلبيه مايجيبون عيال الا بعد ال35 لانه فى نظرهم انهم استانسوا بشبابهم واشتغلوا وبيقعدون فى البيت
وهذا وقت تربيه اليهال ...وربى يجعلج الخير من امرك حبيبتى.

مشكوره ظل الياسمين على وجهة نظرج .. صاجه اهي ارزاق من رب العالمين والواحد ما يدري شنو الله كاتبله .. الله يخليلج اعيالج وتفرحين فيهم يا رب :eh_s(7):

 

[المستغفرة 74]

يااقلبي هوو الله يشافيه ويعينج
عااد مرة شفت فيلم اجنبي عن بنت كان فيها التوحد وشلون كانت ذكيه وشلون تحدت المرض سبحان الله
الفيلم سيرة ذاتيه عن وحدة كان فيها التوحد
صج الفيلم روعه

والله يقويج ويطول باالج عليه

ياعمري الله يجزاج خير
واحنا بانتظارج ان شاءالله اليوم :eh_s(7):

 

[المستغفرة 74]

صباح الفل والياسمين على حبيباتى ....
سامحونى راحت على نومه للصبح هههه
قريت كل ردودكم واستانست احب لمتكم حتى لو ماكنت معاكم
عسى ربى يريح بالكم كلكم باللى يرضيكم قادر ياكريم...
وحياتى المستغفره يارب انتى اليوم احسن وعسى ربى
يفرحج بنتايج عمليتج ....ويشافى ضروى ويفرحج فيه معرس
ولج الجنه على صبرج والاجر العظيم باذن واحد احد..:eh_s(7):

يابعد قلبي والله لج وحشة ما نستغني
وابشرج الحمدلله اليوم احسن بوايد ما فية الم بس التعب شوي من الدوخة ما اقدر اوقف
وعسى ربي يوفقج ويبلغج بعيالج ويسعدج دنيا واخرة امين يارب العالمين :yaaaaaarb:

 

[المستغفرة 74]

السلام .. اشلونكم بنات
حبيت أشارك معاكم .. طبعا قريت الي فاتني كله .. شاركت ببداية الموضوع اشوي وتوني رديت له ودي أطق سوالف معاكم بس ما أضمن اني كل يوم أدش المنتدى
المهم الله يسلمكم انا مواليد 76 وعندي ثلاث اعيال الله يخليهم لي يارب طبعا اصغار لاني يبت ولدي العود بعد اربع اسنين من زواجي من بعد عدة اجهاضات وتزوجت بال 98 .. 99
بس ما ادري احسكم امكبرين روحكم وايد .. يعني سوالف بداية زواجكم و وين جهزتوا .. يعني انا جهازي من مجمع زهره و السالميه وبدلتي العرس كانت من محل معروف بالسالميه أمبييه نسيت اسمه :bbbiu:عااد والله كان كشخه بدلاته من ايطاليا وليش اني كنت عصله فالبدله كانت منفوشه بس حدها راقيه بس الي قاهرني وللحين منقهره منه اني لبست البدله وكانت كبيره علي صوب الصدر معني كنت امصلخه فيهم بس ما ضبطوها لي .. ايه ومكياجي بالملجه كان بصالون دنيا اذا اتعرفونها كانت التوب على ايامنا بس المكياج مادري اهو حلو بالصور بس يوم حطتلي حسيته وايد وما عجبني .. ومكياج العرس حطيته بصالون جي أف لازرتيك الي بالسالميه وللحين موجود كان ناعم وكنت أبي أحجز عند وحده كويتيه اسمها عهود مو متأكده أول ما هبوا الكويتيات ايحطون مكياج بس ما لقيت عندها حجز مادري اشصار نسيت بس هونت عنها
حدي قرقت عليكم وان شاء الله اتواصل معاكم... ايه وحبيت سالفه الفيس :eh_s(15):

ياهلا ومرحبا فيج تنورينا
وناطرينج
وانا مبدئي بالحياة اني اجيب عيالي كلهم مرة وحدة واتعب فيهم بتربيتهم مرة وحدة وبعدها عاد اوقف واشوف عمري وللحمد لله نجحت خطتي وصج كبرو مع بعض والتعب واحد
والحين الي يشوفني مع بناتي يحسبني اختهم لله الحمد

 

[_ظل الياسمين _]

باركولي بنتي نسبتها 87 ...والفال لعيالكم واخوانكم ...اسمحولي بنات مشغوله ..بالليل اشوفكم

اللهم لك الحمد والشكر........:yaaaaaarb:

 

[المستغفرة 74]

المستغفره التوحد

هل له علاج بالكويت

شنو اسوا مافي المصاب بالتوحد

وربي ياجرج على تعبج وصبرج

فوفو

هلا فوفو
والله استانست على مشاركتج معانا
تدرين انا احب افكارج تعجبني احس نفس افكاري بالضبط
التوحد للاسف مالة علاج بالكويت وصارلهم دهر يقولون بيسوون لة علاج بدل ما الناس تتعني للاردن
الاسوء ما في المصاب بالتوحد هو عدم قدرتة على التواصل مع الغير يعني لما يعورة شيء مثلا بس تشوفينة يبجي وما تدرين اشفية تسالين نفسج (هل اهو يوعان هل اهو عطشان هل هو يتالم من شي ) يعني لغز وانتي اكتشفية الله المستعان
بالغالب لما يبجي والله اقعد ابجي معاه ما ادري شيبي او شفية صج عذاب ولله الحمد على كل شيء
والله يجزاج خير على هالدعوه

 

[المستغفرة 74]

فوفو ...اول كان ما يهمني العمر ..بس الحين جني تغيرت ..وخاصه وانا اقرب من الاربعين ..مع انه السبعينات خلاص بيدشون الاربعين ...عاد انا شكلي مو مبين علي ...وصرت جنى الحريم الكبار ما يحبون طاري العمر ..(فيس يقول ما بقا شي على الاربعين ) هههههههههههه

سيم سيم

 

[_ظل الياسمين _]

مشكوره ظل الياسمين على وجهة نظرج .. صاجه اهي ارزاق من رب العالمين والواحد ما يدري شنو الله كاتبله .. الله يخليلج اعيالج وتفرحين فيهم يا رب :eh_s(7):

اللهم امين....ويجعلج الخير من امرج حيااتى وحياج معانا...:eh_s(17):

 

[الرياش]

بنات تتذكرون ويليام اللي تزوج اللي بلندن وانا انزل تحت شفت ولا اقول لاهلي شنو هالعرس ولا يقولولي تعاالي شوفي ووقعدوا يقولون لي عن وحدة نسيت اسمها ذبحوها جنة اسمها ديانا وانا موو فااهمة شساااااالفة ولا اعرفهااا واقول منو اهلي يقولون لي من صججج ماا تعرفيينها ويكمون علي ويقولون روحي خلج بغرفتج هههههههههههه وانا ما ادري شسالفة ولا ادري عن شي ولا اعرفهم

لأ سارونه من صجج ما تعرفين لا القذافي ولا ديانا ما يصير جذيه لازم تقريييين وتتثقفين ترى الدراسه مو كل شي و لازم اكونين اجتماعيه حاولي اشوي اشوي اشلون باجر راح تتزوجين وتفتحين بيت أحسج على نياتج والله ترى مو شي الواحد يصير جذيه ترى باجر ينقص عليج بسرعه سواء من ريلج والا اهله .. بخرعج اشوي علشان تتلحلحين

 

[المستغفرة 74]

بنات وين المستغفره اليوم...!!
اها الاستقبال تذكرت الله يسهل عليها
برب صلاه المغرب

توني رادة
وسويت الخطة وما شربت شيء رحت قبل الاذان بساعة اول وحدة وقعدت عندهم لي قبل الاذان بخمس دقايق وقلتهم انا صايمة وعطيتها هديتها واول ما رديت ولهت عليكم
والحين بناتي ناطريني بيوني اطلعهم وبعد شوي باذن الرحمن راح ندردش عاد هااااااااااااا اليوم نبيج تكملين السهرة
امس استانسنا بس كنتي ناقصتنا وكل شوي نتذكرج والنا غنى عنج وعن سوالفج الحلوة :eh_s(15):

 

[_ظل الياسمين _]

يابعد قلبي والله لج وحشة ما نستغني
وابشرج الحمدلله اليوم احسن بوايد ما فية الم بس التعب شوي من الدوخة ما اقدر اوقف
وعسى ربي يوفقج ويبلغج بعيالج ويسعدج دنيا واخرة امين يارب العالمين :yaaaaaarb:

اللهم امين ولج بالمثل يالغاليه....:eh_s(17):

وحبيبى ضروى اهو بيكون لك سبب لدخول الجنه من اوسع الابواب
واعلى الدرجات باذن الله....مره سمعت الشيخ الكبيسى يقول ...
وطبعا انا حيل حيل احب اسلوبه وطريقته حيل يعجبنى هالشيخ ومن اكون
مكتابه واسمعه احس الدنيا ماتسوى جناح ذبابه لانه اسلوب سهل وممتع
المهم يقول انه يوم القياامه الانسان يصير يبحث باقل اقل الاعمال عشان
ترفع موازينه ويبحث عن ذنوب اقرب المقربين لو كان اب او ام او حتى ولد
فمالج انتى اللى عندك هالولد وعايشه معاه دقيقه بدقيقه هذا عداد حسنات
مايتوقف وربى ان حب عبد ابتلاه وانتى من احباء الله باذن الله.........:eh_s(17):

 

[_ظل الياسمين _]

توني رادة
وسويت الخطة وما شربت شيء رحت قبل الاذان بساعة اول وحدة وقعدت عندهم لي قبل الاذان بخمس دقايق وقلتهم انا صايمة وعطيتها هديتها واول ما رديت ولهت عليكم
والحين بناتي ناطريني بيوني اطلعهم وبعد شوي باذن الرحمن راح ندردش عاد هااااااااااااا اليوم نبيج تكملين السهرة
امس استانسنا بس كنتي ناقصتنا وكل شوي نتذكرج والنا غنى عنج وعن سوالفج الحلوة :eh_s(15):

الحمدلله دامها ضبطت الخطه....:eh_s(15):

ياحياتى طلعوا واستانسوا ونتلاقى ان شاء الله نتجمع كلنا ...
استودعتج الله انتى وبنياتج ومن معاج...:eh_s(17):

 

[الرياش]

المستغفره .. الله يخليلج بناتج وتفرحين فيهم يارب .. والله يحفظلج ولدج ويشافيه قادر يا كريم وكله بميزان اعمالج ان شاء الله

 

[المستغفرة 74]

باركولي بنتي نسبتها 87 ...والفال لعيالكم واخوانكم ...اسمحولي بنات مشغوله ..بالليل اشوفكم

كللللللللللللللللللوووووووووووووووووووووشششششششششششششششش
الف الف مبروك وعسى الله يوفقها
:nbvppw::nbvppw::nbvppw::nbvppw:
:eh_s(9)::eh_s(9)::eh_s(9)::eh_s(9)::eh_s(9)::eh_s(9)::eh_s(9):

عسى ربي يفرح قلبج فيها اكثر واكثر :yaaaaaarb:

 

[ṦάЯỢηά ĚŁђĻώạ]

سارونه اختى تقول لازم يكون عندج كود للفوتوشوب...
قلت لها من وين تييبه قالت تسوى بحث بقوقل وتحصله

ما فهمت للاسف

المستغفرة شلون الاستقبال ؟؟