شخباااااااااااار فلكس؟؟؟؟

[noty]

على راحتج .. مثلا سويتي الاشتراك اليوم بس تبين اتبلشين السبت اتسوينه .. المهم اكون اول يوم لج بالنادي

 

[GAP]

بناات جربتو كلاسات الرقص بفليكس؟؟؟
قولولي شرايكم فيها؟؟
انا بالرقص ميييح ابي اعرف اهي تعلم ولا ترقص واللي وراها يقلدها وبس

انا ذيك المره قريت بالجريده حتى فليكس العائله عندهم رقص... جربتوه؟؟

 

[noty]

ايي ممتاز الصراحه

خطوه بخطوه .. انا احب اللاتينو اونس ... الشرقي وايد حلو .. انا فلكس وومن .. فلكس العائلي فيه بس انا ماجربته يمدحونه اقولون اوكي عيب العائلي اليهال لويه

 

[GAP]

مشكوووره حياتي

شكلي بجرب ادش الرقص
الله يعيني على التفشل بروحي ما اعرف ولا شي

 

[بطاطا]

ممكن معلومات عن هالنادي ..؟


الموقع .. السعر .. المحتوى .. الاوقات .. التعامل .. المدربات .. ؟

 

[noty]

ممكن معلومات عن هالنادي ..؟


الموقع .. السعر .. المحتوى .. الاوقات .. التعامل .. المدربات .. ؟

الموقع : النسائي الشعب البحري
العائلي بنيد القار

الاوقات يوميا من 9 الى ال 10 ماعادا اليمعه من 12 الي 8

التعامل زينين

المدربات ممنازيين و من مختلف البقاع:eh_s(3):

بنات هذي الاسعار اليديده لنادي فلكس

يوم واحد 15 دينار
اسبوع 75 دينار
شهر 150 دينار
3 اشهر 300 و توقيف 30 يوم
6 اشهر 450 دينار و توقيف 60 يوم
سنه 600 دينار و توقيف 90 يوم

يفتح من السبت الى الخميس 8 ص الى 10 م
يفتح اليمعه من 12 م الى 8.30 م

Services Available
Free Valet Parking
Jacuzzi & Suna
Steam Room
Moroccan Bath
Swimming Pools 2
Aqua Aerobics
Swimming Lessons
Areobics Classes in 2 Studio
Spinning Studio
Complimentary Day Use Locker
Largest cardio Room with individual Satellite / DVD &TVs
Weights Room
Yoga/ Pilates/ Tai Chi/ Martial Arts & Karate Classes
Dancing Classes
Dietary Program/ Weight Loss Program

 

[Alia]

9 الصبح في كلاسات في فلكس ؟؟؟ ايروبكس وهالسوالف!

و سؤال ثاني انا بشترك بس سمعت انه اذا تركت النادي الجسم يرجع يمتن صج؟؟؟

وشلون العب على كيفي ولا اهما يحطون لي جدول؟؟ لانه سمعت انه في اخصائية عندهم تحددلي الرياضة اللي تضعف جسمي

 

[ظلال القرآن]

واااااااااااااااااااي شوقتوني

ودي اشترك بس حيل بعيد جنا شامبينز اقرب لي

 

[noty]

الصبح في كلاسات في فلكس ؟؟؟ ايروبكس وهالسوالف!

اي ديير فيه كل شي ,, كلاسات الرياضه ايروباكس و يوغا و شيب اند تون ة ستب و غيرهم و حمام السباحه ابلش الساعه 8 بس التدريب و الاكوا من ال 9 .. و عند الرسيشن تلقين 3 جداول تتغير بين فتره و فتره

و سؤال ثاني انا بشترك بس سمعت انه اذا تركت النادي الجسم يرجع يمتن صج؟؟؟

والله انا عن نفسي دشيت النادي وزني 55 لما وقفت وصلت 57 هذا اول مره بحياتي ادش نادي فيه .. بس بعدين لا يظل وزني مثل ما اهو بس اللي يفرق الجسم اتحسينه مو مشدود .. لازم اتواضبين عالاقل مشي..

وشلون العب على كيفي ولا اهما يحطون لي جدول؟؟ لانه سمعت انه في اخصائية عندهم تحددلي الرياضة اللي تضعف جسمي[/QUOTE]

تاخذ الوزن و الطول و القياسات ,, و اتحط جهاز اتقيس الدهن و الماي و العضل .. و اصير على شكل رسم بياني .. و يطلع شنو الوزن المثالي ,, وين متكدسه الدهوون .. وعلى هالاساس اتسويلج جدول فيه الكلاسات اللي لازم اتسوينها .. و كل شهر اعيدون نفس الموال عشان اقارنون و يعدلون الجدول اذا ما شافوا نتيجه

 

[noty]

وهذا شكل الجداول مثال




الستدو الكبير

[/IMG]



الستديو الصغير

حمام السباحه

Spinning Studio

 

[Alia]

noty حبيبتي كفيتي ووفيتي مشكورة

لكن متى الوقت اللي يكون النادي مو زحمة؟؟؟ لاني سمعت انه فلكس صاير زحمة نص الكويت مشتركين

واذا اشتركت يسولي خصم بعدين؟

يعني مثال دفعت 150 حق شهر الشهر اللي وراه يسولولي خصم؟؟ حتى لو اكثر من شهر

وشنو الاستديو الصغير والكبير؟:eh_s(22):

 

[noty]

noty حبيبتي كفيتي ووفيتي مشكورة

حبيبتي لا شكر على واجب

لكن متى الوقت اللي يكون النادي مو زحمة؟؟؟ لاني سمعت انه فلكس صاير زحمة نص الكويت مشتركين

وقت الذروه بعد الظهر الناس كلها تطلع من الدوام و اتروح انا ولا مره رحت الظهر .. كله اروح بعد ال 5 .. يعني اكون اوكي الوضع مو زحمه عادي و طبعا كل ما تاخر الوقت اتقل الزحمه و الويكاند اكون خفيف الناس طالعه او شاليهات

واذا اشتركت يسولي خصم بعدين؟
الخصم اظن حق السنوي بس .. الاشهر نو .. اخر مره قالوا 20% خصم

يعني مثال دفعت 150 حق شهر الشهر اللي وراه يسولولي خصم؟؟ حتى لو اكثر من شهر
هذا والله ما عندي فكره اذا اشهر .. انا اشتراكي سنه و قالت اذا بتجددين 15% حق التجديد
وشنو الاستديو الصغير والكبير؟:eh_s(22):

المكان اللي نلعب فيه .. كلاسين .. عشان ما اصير ضغط على كلاس واحد .. نفس الدور اهم ..

 

[janirek]

السلام عليكم,

بس حابة اسألكم عن أماكن الشاور صحيح قليلة مو متل الشامبينز؟؟

في عندهم مناشف مثل الشامبينز أو لا؟

في غرف وايد لتبديل الملابس ولا قليلة؟

وشكرا على الموضوع المفيد

 

[noty]

السلام عليكم,

بس حابة اسألكم عن أماكن الشاور صحيح قليلة مو متل الشامبينز؟؟

في عندهم مناشف مثل الشامبينز أو لا؟

في غرف وايد لتبديل الملابس ولا قليلة؟

وشكرا على الموضوع المفيد

عليكم السلام قلبي

في اماكن حق الشور في كل دور

اي فلبي في فوط صغيره و كبيره

غرف التبديل شويه مو وايد مادري اذا الحين زادوهم بعد التوسعه

 

[BaiTotia]

حبيباتي فلكس اللي ببنيد القار وين صاير بالضبط؟

و إذا بروح الصبح مأبي العصر و المغرب

ألاقي الكلاسات اللي أبيها ولا على حسب شنو أحتاج؟

 

[BaiTotia]

up up up

 

[دلوعة زوجي]

هااااااااي بنات صراحه قريت كل اسالتكم واجوبنكم فديتكم وحده تشوق الثانيه

طبعا انا من مشتركات فلكس صارلي الحمدالله من شهر 7 _ 2003 ومستمره ما احب اقطع اشتراكات سنويه صججججج فلست من ورى هالنادي بس عادي اهم شي الرشاقه

المهم ابي اعطيكم خبر ماشفت وحده منكم ذكرت هالشي ...... ترى اللي مشتركه بالنادي اللي بالشعب لها الحق انها تروح النادي اللي في بنيد القار بس تعطيهم رقم الاشتراك وتدخ يعني اذا بتنوع مره هني ومره هناك يعني لج الحق اذا ودج وسلامتكم .... واسفه عالاطاله

 

[عبير العبورة]

بنات الحين عندكة عرض

رقص شرقي وية حمام سباحة وية اجهزة وسويدي

بـــــــــ128 بالشهر

انا الصراحة بشترك ورة العيد

 

[شندوخه]

واي وناسه شوقتوني ان شاء الله بس ارد بشترك خلاص بأذن الله

 

[janirek]

عليكم السلام قلبي

في اماكن حق الشور في كل دور

اي فلبي في فوط صغيره و كبيره

غرف التبديل شويه مو وايد مادري اذا الحين زادوهم بعد التوسعه

تسلمي حبيبتي على ردك وأنا اشتركت في فلكس وكل شي تمام والحمدلله